Utvalg: | Kommunestyret i Radøy |
---|---|
Dato: | 20.06.2019 18:00 |
Møtested: | Kommunestyresalen |
Status: | Vedtak er påført møtet |
Sakskart: | |
Møteprotokoll: |
Meldingar og referatsaker vert tekne til orientering
Status Alver kommune v /programansvarleg/rådmann Ørjan Forthus Raknes: Programansvarleg gav ei grundig orientering om status og framdrift i bygginga av Alver kommune. Han konkluderte med at prosessane er i rute. Programansvarleg svara på fleire spørsmål.
Samanslåing av revisjonsselskap: Revisjonssjef Janne Eraker i Nordhordland Revisjon IKS, orienterte om samanslåinga av Nordhordland Revisjon IKS og Indre Hordaland Revisjonsdistrikt. Det er gjort framlegg om Vestlandsrevisjon IKS som namn på det nye selskapet. Eraker sa at det nye selskapet tar mål av seg å vera eit attraktivt revisjonsselskap i marknaden, med eit større fagmiljø og fleire tilsette - og dermed mindre sårbare, enn utan samanslåing. Selskapet skal etter plane ha kontor både i Knarvik og på Voss.
Radøy kommune går ut av Nordhordland Revisjon IKS frå 31. desember 2019, i samband med at Alver kommune då er etablert som ny kommune.
Kommunalt vassverk/drikkevatn - orientering v/rådmann Jarle Landås:
Forureina drikkevatn er på agendaen i alle norske kommunar etter hendinga på Askøy. Rådmann Jarle Landås orienterte om situasjonen for kommunalt vassverk og drikkevatn i Radøy. Han konkluderte med at kommunen har eit godt system for å kvalitetssikra drikkevatnet, utfrå prøvetaking og metodar som er godkjend av Mattilsynet. Kommunen leverer godt vatn i Radøy etter dei kvalitetskrav som er sett. Rådmannen peika på at oppfølging og kvalitetssikring av drikkevassforsyninga er ein kontinuerleg jobb. Kommunen har hatt ein relativt høg utskiftingstakt på gamle røyr, men framleis er det ein del gamalt røyrsystem i bruk. Rådmannen viste til at det no er i ferd med å bli utarbeidd ein risiko- og beredskapsanalyse for Alver kommune, der vatn er eit viktig element. Han sa at ingen av Alver-kommunane har uteståande krav frå Mattilsynet.
Kommunestyret tok meldingar og referatsaker til orientering, med dei tillegg som vart sett fram i møtet.
Kommunestyret sluttar seg til revisjonen sine konklusjonar og tilrådingar.
Kommunestyret ber rådmannen følgja opp forvaltningsrapporten i samarbeid med dei andre kommunane som skal inn i Alver kommune.
Kommunestyret ønskjer at ein tverrfagleg fokus, som konseptet La linea byggjer på, vert vektlagt i arbeidet med utvikling og utøving av tenester innan barnehage, skule og helse for barn og unge i Alver kommune.
Innan 1. oktober 2019 vert rådmannen beden om å koma med ei tilbakemelding til kommunestyret / fellesnemnda om korleis tilrådingane i rapporten vert planlagt følgd opp.
Tonje Husum Aarland i Nordhordland Revisjon IKS orienterte om forvaltningsrevisjonen. Revisjonen si vurdering er at Radøy har eit solid fundament å byggja på i arbeidet med tidleg innsats. Det vert i rapporten konkludert med at Radøy har vore ein nasjonal føregangskommune i tilnærminga til tidleg innsats (La linea), og det heilskaplege tankesettet ligg til grunn for for arbeidet med tidleg innsats i dag.
Revisjonen har ikkje funne noko avvik i forvaltningsrevisjon om tidleg innsats i oppvekstsektoren, men kjem med følgjande tilrådingar:
-
vurderer tiltak for i større grad forankra overordna styringsdokument i organisasjonen
arbeider med å utvikla einsarta praksis i barnehagar og skular
arbeider med erfaringsutveksling innad i organisasjonen og synleggjering og formidling av «dei gode historiene»
gjennomgår overgangsplanar for barnehage-barneskule og barneskule-ungdomsskule for å sikra at desse er fullstendige og i samsvar med praksis i einingane
gjennomgår kommunale malar for sakkunnig vurdering og vedtak om spesialpedagogisk hjelp og spesialundervisning for å sikra intern konsistens og sakshandsaming i samsvar med gjeldande lovverk.
Ordførar Jon Askeland sa i si oppsummering at forvaltningsrapporten er ei god tillitserklæring til kommunen, og at den på ein fin måte kvitterer ut bådekommunestyret og tilsette sitt langsiktige arbeid innan skulen, lenge under særs tronge økonomiske rammer. Rapporten gjev ingen avvik, noko som er sjeldan. Forbetringspunkta som er peika på, vert tatt i arbeidet med Alver.
Kommunestyret vedtok kontrollutvalet si tilråding.
Rekneskap og årsmelding for 2018 vert godkjent slik dei ligg føre.
Ordføraren takka rådmannen og det politiske miljøet både for resultatet i 2018, og ikkje minst samarbeidet og viljen over tid til å trygga økonomien i kommunen. Han viste til at det har vore breie politiske forlik bak hovudlinjene i økonomien over tid, som har ført oss dit me er i dag.
Til budsjettregulering: (handsaming, nytt siste pkt): rådmannen kommenterte at det er bruk for mindre midlar enn 1 mill kr for å oppfylle lista over asfaltering. Ordførar presiserte at tilleggsramma er ei maksramme for dei områda som er lagt fram for formannskapet, og fekk medhald i dette.
Kommunestyret vedtok formannskapet si tilråding.
Radøy kommune opprettar ei ekstraordinær søkbar tilskotsordning til lag og organisasjonar. Økonomisk ramme vert fastsett i sak om "disponering om mindreforbruk 2018".
Vilkår for ordninga:
· Ikkje-kommersielle lag og organisasjonar heimehøyrande i Radøy kommune eller organisasjonar med anlegg i Radøy kommune kan søkja om eingongstilskot til investeringar i bygg, anlegg og utstyr som er allment tilgjengeleg.
· Det vert sett av 1 500 000 kr til investeringar i bygg og infrastruktur på bygg, anlegg, turstiar m.m. som er allment tilgjengeleg. Av desse vert 1 000 000 sett av til større tiltak med 200 000 kr som maksimum løyving pr tiltak og kr 500 000 kr til mindre tiltak med 50 000 kr i maksimal løyving pr tiltak.
· Det vert sett av 500 000 kr til song/musikk med øvre løyving på 75 000 kr pr lag.
· Dersom det ikkje er søknader på begge ordningar, kan det løyvast til den andre ordninga innan totalramma.
· Søknaden skal innehalda ein omtale av tiltak, og budsjett for tiltaket.
· Alle fire skulekrinsane skal verta tilgodesett (føresett at det kjem søknader).
· Rådmannen administrerer og lyser ut ordninga. Søknadsfristen vert sett til 1. september. Formannskapet gjer endeleg vedtak i saka.
· Tiltaka skal vera gjennomførte og midlane skal nyttast innan 2020. Etter at tiltaket er gjennomført skal det leverast ein kortfatta sluttrapport og rekneskap for tiltaket. · Unytta midlar eller midlar nytta i strid med ordninga, skal betalast tilbake til Alver kommune innan 1. mars 2021.
Leif Taule (SP) reknar med at det vil koma veldig mange søknader til denne ekstraordinære tilskotsordninga. På vegne av Senterpartiet gav han signal om at formannskapet kan koma tilbake til kommunestyret med innstilling om meir midlar til ordninga, dersom ramma på to millionar kroner skulle visa seg å vera for knapp sett i høve til gode prosjekt.
Ordførar Jon Askeland sette fram følgjande endringsframlegg:
Første setning i nest siste kulepunkt blir stroke.
Kommunestyret vedtok formannskapet si tilråding, med endringsframlegg sett fram i møtet.
Bokført mindreforbruk frå 2018, kr 21.431.337 vert sett av til fritt disposisjonsfond.
Frå disposisjonsfondet skal det øyremerkast kr 2.000.000,- til søkbar ekstraordinær tilskotsordning til lag og organisasjonar.
Kommunestyret vedtok formannskapet si tilråding.
Tertialmelding for perioden januar – april 2019 vert godkjent slik den ligg føre.
Leif Taule (SP) reiste spørsmål ved status for det planlagde høgdebassenget i Haukåsen.
Rådmannen svara også på spørsmål frå Silje Namtvedt (SP) og Kirsti Gjetle Floen (AP) om høgt sjukefråver. Rådmannen sa at dette er ei kompleks utfordring. Det har vore sett inn ulike tiltak, og rådmannen har håp om at det no vil skje ei utvikling i positiv retning.
Kommunestyret vedtok formannskapet si tilråding.
Budsjett 2019 vert endra i samsvar med følgjande forenkla skjema 1A, 1B, 2A og 2B
Drift skjema 1A og 1B | |
Skjema 1A | |
Redusert eigedomsskatt | 400 000 |
Auka utbytte BKK | (1 738 000) |
Redusert rammetilskot | 1 669 000 |
Kompensasjon borfall verk og bruk | (40 000) |
Auka skatteinngang | (282 000) |
Bruk av disposisjonsfond | (2 075 000) |
Sum endring skjema 1A | (2 066 000) |
Skjema 1B | |
Sum stab og fellestenester | - |
Sum oppvekst | 853 000 |
Sum helse og omsorg | 91 000 |
Sum drift og forvaltning | 1 122 000 |
Sum 1B | 2 066 000 |
Investering skjema 2A og 2B | |
Skjema 2A | |
Bruk av lån, unytta lånemidlar | (5 360 000) |
Sum skjema 2A | (5 360 000) |
Skjema 2B | |
Overføring kyrkja | 4 700 000 |
Trafikksikringstiltak | 2 750 000 |
Bø barnehage | (6 850 000) |
Sæbø skule uteområde, meirkostnad | 300 000 |
Radøy ungdomsskule oppgradering | 1 100 000 |
Turveg/lysløype Manger | 2 400 000 |
Straum til Klesvika | 150 000 |
Inventar og utstyr Solhall | 660 000 |
Prestegarden/Tingstova | 150 000 |
Sum skjema 2B | 5 360 000 |
Kommunestyret har gjort følgjande tillegg:Asfaltering - pluss kr 1.000.000,-
dekning over disposisjonsfondet
Mindre investeringar - pluss kr 1.000.000,-
Midlane skal prioriterast til:
- Ferdigstilling av uteområde Sæbø skule
- Oppgradering ballbinge Sæbø skule
- Oppgradering uteområdet Hordabø skule
Inndekking ved redusert løyving til Bø barnehage
Radøy kommunestyre set av kr 200.000,- til gjennomføring av forprosjekt for planlegging og finansiering av ei allmennsoge for Radøy. Kostnaden skal dekkast over disposisjonsfondet.
Prosjektet har følgjande mandat:
- Innhald og omfang for allmennsoga
- Organisering, tidsplan og framlegg til bygdebokskrivar
- Kostnadsoverslag
- Finansiering
- Samarbeidspartar
Tidsfrist: 1. mars 2020
Formannskapet får fullmakt til å setja ned eit utval til å gjennomføra prosjektet.
Økonomisjef Sveinung Kvamme orienterte om drift og investeringar i 2019. Han viste til ein reduksjon i inntektsutjamning på 1,669.000 kroner, som eit resultat av at folketalsutviklinga i Radøy er svakare enn landsgjennomsnittet.
Skatteinngangen viser så langt ein auke, og økonomisjefen registrerer ei positiv utvikling.
Økonomisjefen la fram tal som viser at netto auke i drift er på 2.075.000 kroner, som det er gjort framlegg om å dekka inn frå disposisjonsfondet. Samla bruk av disposisjonsfond i 2019 vil dermed auka frå 13,5 mill. til 15.5 mill.
Økonomisjefen peika på at fleire av tiltaka som ligg inne i reguleringa vil medføra permanent auka driftsnivå.
Budsjettreguleringa omfattar følgjande investeringar:
Sæbø skule uteområde, rebudsjettering 0,3 mill
Radøy ungdomsskule, naturfagsal 1,1 mill
Turveg/lysløype Manger, vidare utbygging 2,4 mill
Inventar og utstyr Solhall 0,66 mill
Prestegarden/Tingstova 0,15 mill
Finansierert ved tilsvarande reduksjon i løyving Bø barnehage 2019, men dette kjem att i 2020
Trafikksikringstiltak, m.a. veglys, 2,7 mill
Det er lagt asfalt på kommunale vegar for ca 9 mill. sidan 2014. På årets budsjett er det løyvd 2 mill. til asfaltering - og brukt 500.000 kroner - meirforbruket er dekka inn i framlegg til budsjettregulering.
Leif Taule (SP) sa at han ønskjer å fullføra lista over planlagt asfaltering av kommunale vegar.
Taule ba om gruppemøte.
På vegne av SP, AP KrF sette Leif Taule fram følgjande tilleggsframlegg:
a. Asfaltering - pluss kr 1.000.000,- (i tillegg til formannskapet si tilråding på kr 500.000,-)
Dekning over disposisjonsfondet.
b. Mindre investeringar - pluss kr 1.000.000,-. Inndekking ved redusert løyving til Bø barnehage
Midlane skal prioriterast til:
- Ferdigstilling av uteområde Sæbø skule
- Oppgradering ballbinge Sæbø skule
- Oppgradering uteområdet Hordabø skule
Rådmannen svara på spørsmål at det er bruk for mindre midlar enn 1 mill kr for å oppfylla lista over asfaltering. Ordførar presiserte at tilleggsramma vil vera maksramme for dei strekningane som er lagt fram for formannskapet, og fekk medhald i dette.
Leif Taule (SP) sette fram følgjande tilleggsframlegg på vegne av SP:
Radøy kommunestyre set av kr 200.000,- til gjennomføring av forprosjekt for planlegging og finansiering av ei allmennsoge for Radøy. Kostnaden skal dekkast over disposisjonsfondet.
Prosjektet har følgjande mandat:
- Innhald og omfang for allmennsoga
- Organisering, tidsplan og framlegg til bygdebokskrivar
- Kostnadsoverslag
- Finansiering
- Samarbeidspartar
Tidsfrist: 1. mars 2020
Formannskapet får fullmakt til å setja ned eit utval til å gjennomføra prosjektet.
Roy Bø (FrP) meiner det er behov for å styrka psykologtenesta i Radøy. Han peika på at det manglar tilbod til dei som er over 25 år.
I samsvar med Bø konkluderte ordførar med at dette innspelet vert teke opp i formannskapet for drøfting.
Else Marie Skartveit (KRF) etterlyste kva som vert gjort for å betra heisforholda for rørslehemma i terapibassenget.
Kenneth Taule Murberg (H) signalerte klar motstand mot allmennsoge-prosjektet.
Normann Sæbø (H) stilte spørsmål om framdrift for Bø barnehage. Rådmannen svara at det ikkje vert full oppstart av riving og bygging av ny barnehage på Bø før borna er flytta til Solhall. Det vil skje etter sommarferien, men det blir vurdert om det er mogleg med delvis oppstart av arbeidet tidlegare.
Avrøysting:
Kommunestyret vedtok samrøystes formannskapet si tilråding.
Fellesframlegg SP/AP/KRF - a): Samrøystes
Fellesframlegg SP/AP/KRF - b): Samrøystes
Framlegg frå Leif Taule (SP) - forprosjekt allmennsoge - vedteke med 17 røyster mot 7 (Høgre, FrP, 1 AP)
Etter dette har kommunestyret vedteke formannskapet si tilråding med følgjande tillegg:
Asfaltering - pluss kr 1.000.000,-
ekning over disposisjonsfondet
Mindre investeringar - pluss kr 1.000.000,-Midlane skal prioriterast til:
- Ferdigstilling av uteområde Sæbø skule
- Oppgradering ballbinge Sæbø skule
- Oppgradering uteområdet Hordabø skule
Inndekking ved redusert løyving til Bø barnehage
Radøy kommunestyre set av kr 200.000,- til gjennomføring av forprosjekt for planlegging og finansiering av ei allmennsoge for Radøy. Kostnaden skal dekkast over disposisjonsfondet.Prosjektet har følgjande mandat:- Innhald og omfang for allmennsoga
- Organisering, tidsplan og framlegg til bygdebokskrivar
- Kostnadsoverslag
- Finansiering
- Samarbeidspartar
Tidsfrist: 1. mars 2020
Formannskapet får fullmakt til å setja ned eit utval til å gjennomføra prosjektet.
David Pletten Aasgard (KrF) får fritak frå sine politiske verv for resten av valperioden.
Det vart gjort følgjande val:
Medlemmar i kontrollutvalet
Astrid Nordanger (AP)
Siv Beate Marøy (H)
Finn Frantzen (KrF)
Nils Bård Nødtvedt (FrP)
Kjersti Haugland (SP)
Varamedlemmar
1. Karolina Vaktskjold (H)
2. Ludvig Grindheim (SP)
3. Sven Olav Saltnes (AP)
4. Rune Mellingen (KrF)
5. Elin Morken (SP)
Leiar: Astrid Nordanger (AP)
Nestleiar: Finn Frantzen (KrF)
Arvid K. Aasgard erstattar Finn Frantzen som 2. varamedlem i hovudutvalet for plan, landbruk og teknisk
Arvid K. Aasgard erstattar David Pletten Aasgard som medlem i samarbeidsutvalet ved Radøy ungdomssskule.
Kommunestyret vedtok å gje David Pletten Aasgard (KrF) fritak frå sine politiske verv i Radø
Kommunestyet gjorde suppleringsval i samsvar med valnemnda (formannskapet) si innstilling.
Det vert innført bompengeavgift for nullutsleppskøyretøy i Nordhordlandspakken.
Nullutsleppskøyretøy til og med 3500 kg skal betala 50 prosent av taksten til takstgruppe 1 etter brikkerabatt.
Nullutsleppskøyretøy i takstgruppe 2 skal betale 0 pst. av taksten til takstgruppe 2.
Agnes Hoshovde Bernes (V) peika på at det er behov for å redusera biltrafikken betydeleg for å nå vedtekne klimamål.
Hoshovden Bernes sette fram følgjande endringsframlegg:
Det vert innført bompengeavgift for nullutsleppskøyretøy i Nordhordlndspakken. Nullutsleppskøyretøy til og med 3500 kg skal betala 30 prosent av taksten til takstgruppe 1 etter brikkerabatt.
Nullutsleppskøyretøy i takstgruppe 2 skal betala 0 prosent av taksten til takstgruppe 2.
Endringsframlegget sett fram i møtet fekk 10 røyster og fall (V, KrF, 1 AP (Morgan Taule), 3 H (Christel Villanger Håland, Henning Haugland, Normann Sæbø), 1 SP (Johnny Ystebø).
Kommunestyret vedtok formannskapet si tilråding med 14 røyster mot 10.
Radøy kommune garanterer med sjølvskuldnargaranti for lån i Kommunalbanken som Aufera AS tek opp til kjøp av seksjon I gnr 45, bnr 264 I Radøy kommune.
Garantien gjeld for hovudstolen på lånet, maksimalt NOK 12.500.000, med tillegg på 10% av til ei kvar tid gjeldande hovudstol, til dekking av mogelege påkomne renter og kostnader. Kommunen sitt maksimale garantiansvar kan ikkje overstiga NOK 13.750.000.
Garantiansvaret vert redusert i takt med nedbetalinga av lånet, og opphøyrer etter 30 år, med tillegg av inntil 2 år, jf garantiforskrifta §3.
Garantivedtaket skal godkjennast av Fylkesmannen i Vestland.
Det er ein føresetnad for å gje garanti at det vert etablert avtale med Austrheim og Fedje om høvesvis fordeling av mogelege utbetalingar under garantien.
Kommunestyret tok stilling til inhabilitet hjå fleire av medlemmane i denne saka.
Vidar Grindheim (H) og Kirsti Gjetle Floen (AP) sit i styret i Aufera AS. Kommunestyret erklærte Grindheim og Floen inhabile, og dei deltok difor ikkje i handsaminga av saka.
Else Marie Skartveit Dale (KRF) og Josten Borlaug (AP) er medlemmar i representantskapet i Aufera AS. Kommunestyret kjende dei inhabile, og dei deltok ikkje i handsaminga av saka.
Morgan Taule (AP) er dagleg leiar i konkurrerande selskap, og ba kommunestyret vurdera habiliteten sin.
Kommunestyret kjende Taule inhabil, og han deltok ikkje i handsaminga av saka.
Med 19 røyster (samrøystes) vedtok kommunestyret formannskapet si tilråding.
Kostnadsramme for investering i inventar og utstyr til ny barnehageavdeling på Solhall, prosjekt nr 27135, vert sett til kr 660.000. Finansiering ved bruk av unytta lånemidlar.
Kommunestyret vedtok formannskapet si tilråding.
Kostnadsramme for bygging av ny barnehage på Bø vert fastsett til kr 69.200.000,- inkludert meirverdiavgift.
Kommunestyret vedtok formannskapet si tilråding.
Kommunestyret godkjende framlegg til revidert kommuneplan, med heimel i plan- og bygningslova § 11-15, slik den ligg føre.
Grunngjevinga går fram av saksframlegget.
Leiar teknisk forvaltning, Silje Haukedal, og arealplanleggar Rolf Raknes orienterte og svara på spørsmål.
Dei viste til kva som har vore ramme for temarevisjonen. Føresegnene er blitt samordna og kommunedekkande. Strandsone og havområda er omfatta av revisjonen - men ikkje arealendring, noko som ville utløyst konsekvensutgreiing (KU). Endringar for bustader i LNF medfører no at det er svært mange som vil få gjera tiltak utan å søkja dispensasjon.
Det er utarbeidd funksjonell strandanalyse, analyse i LNF spreidd, gjennomgang av byggegrense mot sjø, og samanslåing av plankart og førsesegner.
Administrasjonen har hatt hovudfokus på løysing av motsegner frå regionale styresmakter. "LNF spreidd eksisterande" er justert i samsvar med Fylkesmannen i Vestand sine krav til avgrensing. Kulturminner er lagt inn i samsvar med fylkeskommunen sine krav.
Mange av dei generelle merknadene som er kome inn, er i hovudsak knytt til tema som ikkje fell inn under denne delrevisjonen av kommuneplanen. Mange av desse merknadane er knytt til arealendring som igjen ville utløyst full konsekvensutgreiing (KU). Det vart peika på at slike endringar eventuelt må venta til det vert gjort full rullering av kommuneplanen (i Alver kommune).
Oppsummert vart det vist til at Radøy kommune no får ein - samla plan med inn i Alver kommune. Administrasjonen konkluderte med at det er oppnådd mykje forbetring i kommuneplanen innanfor ramme i temarevisjonen, som vil gjera det lettare for innbyggarane. Det vil ikkje vera dispensasjonar for tiltak på dei fleste bustader som i dag ligg på frådelt tomt i LNF. Det er samsvar mellom kulturminneplan og kommuneplan. Det er eit tydeleg regelverk for byggegrense mot sjø og vassdrag.
Kommunestyret godkjende framlegg til revidert kommuneplan, med heimel i plan- og bygningslova § 11-15, slik den ligg føre.
1. Radøy kommune vedtar at IKT Nordhordland kommunalt oppgåvefellesskap vert utvida med kommunane Austevoll, Gulen og Samnanger.
2. Radøy kommune vedtar samarbeidsavtalen for IKT Nordhordland kommunalt oppgåvefellesskap slik den ligg føre.
Kommunestyret vedtok formannskapet si innstilling.
Politiker | Parti | Medlemstype | E-Post |
---|---|---|---|
Morgan Taule | Radøy Arbeidarparti | Medlem | morgan.taule@gmail.com |
Kirsti Gjetle Floen | Radøy Arbeidarparti | Medlem | k-floen@bkkfiber.no |
Torill Helland | Radøy Arbeidarparti | Medlem | torill_helland@yahoo.no |
Jostein Borlaug | Radøy Arbeidarparti | Medlem | jostein.borlaug@bkkfiber.no |
Ann Christin Hoen | Radøy Arbeidarparti | Medlem | hoenannc@gmail.com |
Roy Bø | Radøy Fremskrittsparti | Medlem | royboe53@gmail.com |
Normann Sæbø | Radøy Høgre | Medlem | normann@morenot.no |
Vidar Grindheim | Radøy Høgre | Medlem | VG@uiv.no |
Kenneth Taule Murberg | Radøy Høgre | Medlem | kenneth.taule.murberg@no.issworld.com |
Henning Haugland | Radøy Høgre | Medlem | Henninghaugland@me.com |
Christel Villanger Håland | Radøy Høgre | Medlem | christel@villanger.net |
Else Marie Skartveit Dale | Radøy Kristeleg folkeparti | Medlem | emsdale@online.no |
Leif Gunnar Taule | Radøy Senterparti | Medlem | leif.taule@gmail.com |
Laila Seilfaldet Pletten | Radøy Senterparti | Medlem | plettenlaila@gmail.com |
May Britt Vågenes Gjerde | Radøy Senterparti | Medlem | maybritt@gjer.de |
Anne Berit Bø Palmesen | Radøy Senterparti | Medlem | anneberitpalmesen@outlook.com |
Silje Namtvedt | Radøy Senterparti | Medlem | Siljenamtvedt@hotmail.com |
Jon Askeland | Radøy Senterparti | Medlem | jon.askeland@radoy.kommune.no |
Martin Soltveit | Radøy Senterparti | Medlem | msoltveit@hotmail.no |
Ingunn Færø Valdersnes | Radøy Kristeleg folkeparti | Varamedlem | |
Johnny Ystebø | Radøy Senterparti | Varamedlem | |
Olav Steinar Namtvedt | Radøy Senterparti | Varamedlem | |
Agnes Hoshovde Bernes | Radøy Venstre | Varamedlem | bernesagnes@gmail.com |
Jan Tore Hvidsten | Radøy Venstre | Varamedlem | jan.tore.hvidsten@tine.no |
Wenche Linda Kalnes Tveranger (Ikke møtt) | Radøy Fremskrittsparti | Medlem | kalnes@hotmail.com |
David Pletten Aasgard (Ikke møtt) | Radøy Kristeleg folkeparti | Medlem | davidpaa@outlook.com |
Dag Sætre (Ikke møtt) | Radøy Senterparti | Medlem | dag.setre@radoy.kommune.no |
Sara Hamre Sekkingstad (Ikke møtt) | Radøy Senterparti | Medlem | sara.sekkingstad@gmail.com |
Frode Hervik (Ikke møtt) | Radøy Venstre | Medlem | frode.hervik@gmail.com |
Ståle Villanger (Ikke møtt) | Radøy Venstre | Medlem | svillanger45@hotmail.com |