Møte i Radøy eldreråd den 18.11.2014

Vedtak

Innkalling og saksliste vert godkjend.

Behandling

Eldrerådet godkjende innkalling og saksliste.

Vedtak

Møtebok vert godkjend.

Behandling

Eldrerådet godkjende møtebok for førre møte.

Vedtak

Meldingar og referatsaker vert tekne til orientering.

Behandling

Universell utforming: Kommunalsjef Lisbeth T. Alvær orienterte om arbeidet med universell utforming. Kommunen har brukt 150.000 kroner til ulike tiltak i 2014, og kommunalsjefen er glad for at det er lagt inn same sum i framlegg til 2015-budsjettet.
Det er gjennomført fleire tiltak som vil gjera det lettare for rørslehemma å ta seg fram. Mellom anna er installert automatisert døropnarar ved legesenteret og ved rådhuset, og parkeringsplassar for funksjonshemma både ved Radøyhallen, rådhuset og ved Austebygd skule. Inngangspartiet ved biblioteket er også blitt utbetra for funksjonshemma.
Blindeforbundet har kome med innspel om å ha fokus på skader i trapper når kommunale bygg skal utbetrast.
Det er også kome innspel om å tilretteleggja badeplass som gjer det tilgjengeleg for rullestolbrukarar. Rådet vurderer at det kan vera eit tiltak som kan koma med i plan for idrett, nærmiljø og friluftsliv.

PLANAR: Arealplanleggjar Kjersti Flatråker orienterte om aktuelle planar i Radøy kommune, og gav ei god innføring i korleis den enkelte kan finna fram planar på nettet.

STØTTEKONTAKT: Utvalsleiar i Råd for menneske med nedsett funksjonsevne, Liv Berith Rath, tok opp spørsmålet om ei styrking av støttekontakt-ordninga. Ho peika på at støttekontaktar i Radøy får seg tilsvarande jobb i t.d. Austrheim, som gjev høgare løn.

Rådet tek meldingar og referatsaker til orientering.

Vedtak

Radøy kommune varslar med dette om oppstart av planarbeid og legg samstundes ut framlegg til planprogram for kulturminneplan for Radøy kommune ut på høyring.

Planarbeidet er i tråd med planstrategien for Radøy kommune 2012-2016.

Vedtaket har heimel i plan- og bygningslova § 11-12.

Behandling

Rådet drøfta kulturminneplan.

Rådet vedtok samrøystes rådmannen sitt framlegg til vedtak.

Vedtak

Rådet tar sak om budsjett 2015 og økonomiplan til orientering. med dei innspel som kom fram i møtet.

Behandling

Økonomisjef Sveinung Kvamme orienterte om framlegg til budsjett for 2015 og økonomiplan. Han sa at det er svært krevjande å få i hop eit budsjett i balanse, og varsla nødvendige kutt for å koma i hamn.

Økonomsjefen informerte om at følgjande tiltak vert sett i verk eller vidareført:

• Betinga stillingsstopp vert vidareført i heile 2015

• Alle stillingar vert vurdert ved vakanse

• Innkjøp må avgrensast så langt det let seg

• E-handel kan gje gevinst på innkjøpssida, men førebels uvisst
  

Auka kostnader skuldast mellom anna:

• Auka kostnader til born i private barnehagar i andre kommunar

• Auka kostnader til skuleelevar i fosterheim i andre kommunar

• Auka kostnader til norskopplæring m.v. for framandspråklege

• Auka pensjonskostnad

• Ny ressurskrevjande teneste frå 2014

• Kraftig auke i sosialutbetalingar i 2014

Økonomisjefen svara på spørsmål frå medlemane i rådet.

Rådet er uroa over signal om betydelege kutt i kommunale tenester i 2015-budsjettet. Liv Berith Rath, utvalsleiar i RMNF, meiner rådet bør vurdera å koma med eit innspel om å auka eigedomsskatt for å unngånedskjeringar i viktige tilbod.Fleire representantar tok til ordet for å avventa formannskapet si handsaming av budsjettet før det er aktuelt å uttala seg om eigedomsskatt. Dersom det er mogleg å finna innsparingar på budsjettet utan å kutta i gode tiltak og tenester, ønskjer ein ikkje åuttala seg omeigedomsskatt.

Rådet konkluderte med at ein avventar formannskapet si handsaming før ein eventuelt kjem med innspel om eigedomsskatt.

Leiar i råfor menneske med nedsett funksjonsevne, Liv Berith Rath, har kome med eit innspel om å styrka lønsnivået til støttekontaktar for å behalda dei. Ho er bekymra for rekrutteringa. Rath ønskte å øyremerka ein sum i budsjettet til denne oppgåva, for åsikra eit godt tilbod som gjer kvardagen betre for den enkelte brukar.
Det vart i rådet peika på at støttekontaktane gjer ein viktig jobb og ei god investering i det kommunale hjelpeapparatet. Difor er det også viktig at dei får gode vilkår, både for åog for å rekruttera nye. Signal tyder på at det i dag ikkje er så lett å få nye støttekontaktar. Det vart også framheva behov for å vera fleksible ordningar, og at det må vera mogleg for enkeltpersonar å søørre fleksibilitet i deltaking påulike aktivitetar.0

Rådet kjem med ei oppmoding om å styrka lønsnivået for støttekontaktar.

Rådet drøfta også bruk av startlån. Rådet meiner dette er ei god ordning som dei meiner måoppretthaldast og om mogleg utvidast.