Utvalg: | Kommunestyret i Radøy |
---|---|
Dato: | 10.06.2015 18:00 |
Møtested: | Kommunestyresalen |
Status: | Møtet er ferdig protokollert |
Sakskart: | ![]() |
Møteprotokoll: | ![]() |
Meldingar og referatsaker vert tekne til orientering
Kommunestyret tok meldingar og referatsaker til orientering.
Reguleringsplan for Manger torg med PlanID 12602010000200 vert godkjent. Det vert sett som vilkår at:
byggjegrense mot fylkesveg o_KV01 vert lagt inn i kartet
heile siktsona frå o_KV02 mot o_KV01 vert lagt inn med arealføremål o_AVG 04.
Grunngjeving av vedtaket er at plankartet og tilhøyrande plandokument er i tråd med overordna plan for området og føl opp planarbeidet for reguleringsplan Manger torg.
Vedtaket har heimel i plan- og bygningslova § 12-12.
Plankonsulent Kjersti Flatråker orienterte om planarbeidet.
Kommunestyret vedtok samrøystes rådmannen sitt framlegg til vedtak.
Radøy kommune sluttar seg til at arealramma for Region Nordhordland Helsehus vert auka til 12 000 m2. Regionen vil då få eit best mogeleg framtidsretta bygg når det står ferdig i 2018 og vera med å sikra nødvendig areal for framtidsretta tenester for innbyggjarane.
Radøy kommune sluttar seg til at selskapsavtalen §7-4 vert endra og at høgste ramme for selskapet sitt samla låneopptak vert sett til 450 millionar kroner.
Radøy kommune sluttar seg til at selskapsavtalen §5-1 vert endra til «Styret består av 5 medlemmer» og § 5-4 til «Kvart styremedlem har ei røyst. Styret kan ta avgjerder når minst tre av medlemene er til stades».
Styreleiar Håkon Matre i Region Nordhordland Helsehus IKS orienterte om status og framdrift i arbeidet med regionalt helsehus i Knarvik. Representantskapet ber styret i RNHI fremja sak for kommunane om å auka ramma for storleiken på bygget til 12 000 m. Regionen vil då få eit best mogeleg framtidsretta bygg når det står ferdig i 2018 og vera med å sikra nødvendig areal for framtidsretta tenester for innbyggjarane.
Matre sa at endeleg arealbehov for eksisterande leigetakarar vil bli klart når arkitekten kjem igang med arbeidet sitt, og vil koma fram i skisse- og forprosjekt (1. oktober 2015). For ikkje å rokka med vedtatt framdriftsplan, og for ikkje å gjera skisse og forprosjektfasen dyrare enn nødvendig, ser styret det som ein stor fordel at ein alt i startfasen planlegg for inntil 12000 m.Dersom det i skisse- og forprosjekt skulle visa seg at det er ledig areal i bygget, ser styret ingen problem med å fylla dette opp med andre leigetakarar ein periode. Matre viste til at innmeldt arealbehov viser etter oppdaterte berekningar at det er behov for eit bygg på om lag 12 000 m med dei leigetakarane som er planlagt inn i helsehuset. Ved å nytta tomta fullt ut og byggja 12000 mvil ein få det mest optimale bygget til ein lågast kostnad pr. m.
Styreleiaren i Region Nordhordland Helsehus IKS peika på fleire faktorar som vil føra til auka etterspørsel etter tenestene i framtida. Dette er til dømes auka folketal, stor auke i tal eldre, endring i kommunestrukturen og oppgåvefordeling mellom stat, fylke og kommune.Totalt sett er det difor liten risiko for at arealet som vert bygd ikkje får leigetakarar.
Han svara på spørsmål frå kommunestyret.
Kommunestyret vedtok samrøystes formannskapet si tilråding.
Rekneskap og årsmelding vert godkjent slik dei ligg føre.
Rådmannen la fram eit rekneskap 2o14 med eit netto negativt driftsresultat på kr 3.779.774. Etter bruk og avsetjing til fond, er meirforbruket kr 4.649.951. Underskotet skuldast i hovudsak svikt i inntektsutjamninga - ca 1,7 millionar, netta meirkostnad Omsutca 1,4 millionar, som følgje av utvida tenesteomfang, auka kostnad for gjesteelevar ca 0,5 million, og sterk auke i utbetalingar til sosialhjelp.
Kommunestyret drøfta ulike sider ved årsmelding og rekneskap.
Revisjonssjef Reidar Bjørsvik peika på at det er eit avvik mellom vedteke budsjett og det som blir presentert i rekneskapet. Han gav økonomikontoret ros for å ha gjort ein god jobb med økonomistyring og kontroll i ei svært krevande tid med endring av rekneskapssystem. Revisjonsjefen formana kommunestyret om å vedta budsjett som er realistisk, og at budsjettet blir følgt opp. Han konstaterte at kommunen har brukt opp økonomiske reservane, og at kommunestyret no må ta stilling til kva som skal gjerast for å få drifta i balanse.
Kommunestyret vedtok samrøyste formannskapet si tilråding.
Tertialmelding for perioden januar – april 2015 vert vedteken slik den ligg føre.
Rådmannen orienterte om månadsvis rapportering frå tenesteområda, noko som gir betre driftskontroll og endå sterkare budsjettdisiplin. Rådmannen har særleg merksemd på område som ligg med eit overforbruk i forhold til budsjett.
Rådmannen er godt igang med å gjera grep for å få den kommunale drifta i balanse, og han informerte om nedtrekk på ulike budsjettområde. Ordninga med betinga stillingsstopp er vidareført, og det er sett ned ei stillingsgruppe som skal vurdera alle ledige stillingar med meir enn 14 dagars funksjonstid. Ved at stillingar blir vakante eller utlysing utsett, er det forventa betydeleg innsparing i løpet av året.
Han viste også tiltak som blir sett i verk for å få det relativt høge sjukefråveret ned. Det er legemeldt langtidsfråver som er særleg høgt i Radøy. Tenesteleiarane skal no rapportera om situasjonen på sine område, peika på årsaker til sjukefråveret og kva som kan gjerast av tiltak for å få det ned. Rådmannen har også sett ned ei arbeidsgruppe som skal utarbeida aktuelle tiltak for å redusera sjukefråveret. Eitt aktuelt tiltak er å få eit sterkare samarbeid med legane. I dette arbeidet blir kommuneoverlegen, AMU og hovudtillitsvalde viktige medspelarar.
For å få ei betre oppfølging av investeringsprosjekta har rådmannen innført ei ordning med prosjektorganisering av dei ulike tiltaka. På spørsmål frå John Bauge (H) svara rådmannen at det vil bli sett fullt trykk på arbeidet med reinseanlegget i Mangersområdet i år. Rådmannen sin klare intensjon er å få gjennomført investeringane som ligg i vedteke budsjett.
Kommunestyret vedtok samrøystes rådmannen sitt framlegg til vedtak.
Driftsbudsjettet for 2015 vert justert i samsvar med oppstillinga i saksutgreiinga knytt til skjema 1A og 1B.
Oversendingsframlegg til formannskapet (Frode Hervik (V)
1. Organisasjonsstruktur med kommunalsjefar vert gjenstand for evaluering. Evalueringa må vera uavhengig av rådmannsgruppa. Dei tilsette må inkluderast i evalueringsprosessen. Evalueringa må føreliggja før endeleg handsaming av budsjett for 2016.2. Det vert vurdert å gjera Austebygd skule til ein filial under Hordabø skule med felles rektor. Rådmannen kjem tilbake til politisk nivå med sak om barnehage- og skulestruktur hausten 2015, med sikte på slutthandsaming før endeleg handsaming av budsjett for 2016.
3. Det vert vurdert nærare moglege innsparingar på Radøy Interkommunale Busenter (RIB) i samband med budsjett for 2016. Rådmannen kjem tilbake med politisk sak, der ein strategi for institusjonen vert drøfta.
Oversendingsframlegg til formannskapet (Kenneth Murberg)
- Radøy Høgre legg til grunn råmannen sitt nedtrekk.- Radøy Høgre legg også til grunn at det vert innført budsjettdisiplin i kommunen, og at kvar sektor korrigerer drifta i samsvar med budsjett.
Økonomisjefen orienterte om arbeidet med å justera 2015-budsjettet ned, og infomerte om at det blir lagt fram tiltak på detaljnivå til formannskapet 18. juni.
Frode Hervik (V) med følgjande tekstframlegg til budsjettregulering:
1. Organisasjonsstruktur med kommunalsjefar vert gjenstand for evaluering. Evalueringa må vera uavhengig av rådmannsgruppa. Dei tilsette må inkluderast i evalueringsprosessen. Evalueringa må føreliggja før endeleg handsaming av budsjett for 2016.
2. Det vert vurdert å gjera Austebygd skule til ein filial under Hordabø skule med felles rektor. Rådmannen kjem tilbake til politisk nivå med sak om barnehage- og skulestruktur hausten 2015, med sikte på slutthandsaming før endeleg handsaming av budsjett for 2016.
3. Det vert vurdert nærare moglege innsparingar på Radøy Interkommunale Busenter (RIB) i samband med budsjett for 2016. Rådmannen kjem tilbake med politisk sak, der ein strategi for institusjonen vert drøfta.
Kenneth Murberg (H) kom med følgjande framlegg:
Radøy Høgre legg til grunn råmannen sitt nedtrekk.
Radøy Høgre legg også til grunn at det vert innført budsjettdisiplin i kommunen, og at kvar sektor korrigerer drifta i samsvar med budsjett.'
Etter drøftingar og gruppemøte kom det framlegg om å oversenda framlegga frå Hervik og Murberg til vidare handsaming i formannskapet.
Kommunestyret vedtok samrøystes formannskapet si tilråding, med framlegg sett fram i møte.
Radøy kommune gjev si tilslutning til Strategisk næringsplan for bergensregionen 2015-2020, inklusivt Tiltak 2015-2016. Kommunen vil søkja å innarbeida planelementa i eigne kommunale planar der dette er relevant.
Kommunestyret vedtok samrøystes formannskapet si tilråding.
Sak om busetjing av flyktningar vart drøfta, og det blir arbeidd vidare med saka.
Rådmannen orienterte om arbeidet som kommunen gjer med busetjing og integrering av flyktningar. Kommunen tar i mot flyktningar på ein god og systematisk måte, i samsvar med ein vedteken prosedyre for busetjing. Kommunestyret har vedteke at Radøy skal ta i mot seks flyktningar årleg i tre år. I tillegg kjem familiegjenforening. Fleire tilsette i kommunen er engasjert i arbeidet med flyktningar, og i tillegg har NAV fått ein liten ressursauke til dette arbeidet. Rådmannen peika på at busetjing av fleire flyktningar enn det er vedteke, vil krevja meir ressursar til dette arbeidet.
I drøftinga i kommunestyret gav representantar frå ulike parti uttrykk for at dei meiner Radøy kommune skal ta i mot fleire flyktningar, på vilkår av at staten følgjer opp med ei god tilskotsordning. Det vart samtidig gitt uttrykk for usikkerheit knytt til å skaffa nok bustader. For mellom anna få å få utløyst statleg tilskot til sosial bustadbygging, meiner Frode Hervik (V) det hastar med å få utarbeidd ein bustadsosial handlingsplan.
Ordføraren oppsummerte drøftinga med at det er vilje til å arbeida vidare med busetjing av fleire flyktningar i Radøy. Han konkluderte med at det er eit fleirtal for å ta i mot ein flyktning per 1000 innbyggarar i tillegg til tal flyktningar det tidlegare er gjort vedtak om å busetja, føresett at dei økonomiske rammene frå staten strekk til.
På bakgrunn av drøftinga i kommunestyret konkluderte ordføraren med at det blir arbeidd vidare med sak om busetjing av flyktningar.
Bunnpris Austmarka AS, med Christian Næss som styrar og May Sissel Hopsdal som stadfortredar, får
salsløyve for alkoholhaldig drikk med høgst 4,7 volumprosent alkohol, for perioden 01.08.15 til
30.06.16.
Styrar og stadfortredar vert godkjent under føresetnad av godkjent avlagt kunnskapsprøve etter
alkohollova.
Salsløyvet er gjeve med heimel i alkohollova §1-7.
Finn Frantzen (KrF) signaliserte at KrF ikkje ville røysta i mot søknaden, ettersom dei andre butikkane i kommunen har fått salsløyve.
Kommunestyret vedtok rådmannen sitt framlegg til vedtak mot 1 røyst (Oddmund Skjelvik, Sp)
Politiker | Parti | Medlemstype | E-Post |
---|---|---|---|
Jon Askeland | Radøy Senterparti | Ordførar | jon.askeland@radoy.kommune.no |
Ann Christin Hoen | Radøy Arbeidarparti | Varaordførar | hoenannc@gmail.com |
Morgan Taule | Radøy Arbeidarparti | Medlem | morgan.taule@gmail.com |
Kirsti Gjetle Floen | Radøy Arbeidarparti | Medlem | k-floen@bkkfiber.no |
Wenche Linda Kalnes Tveranger | Radøy Fremskrittsparti | Medlem | kalnes@hotmail.com |
Roy Bø | Radøy Fremskrittsparti | Medlem | royboe53@gmail.com |
Trond Morten Marøy | Radøy Fremskrittsparti | Medlem | trond.morten.maroy@radoy.kommune.no |
Christel Villanger Håland | Radøy Høgre | Medlem | christel@villanger.net |
Kenneth Taule Murberg | Radøy Høgre | Medlem | kenneth.taule.murberg@no.issworld.com |
John Magne Bauge | Radøy Høgre | Medlem | john.Magne.Bauge@radoy.kommune.no |
Henning Haugland | Radøy Høgre | Medlem | Henninghaugland@me.com |
David Pletten Aasgard | Radøy Kristeleg folkeparti | Medlem | davidpaa@outlook.com |
Finn Frantzen | Radøy Kristeleg folkeparti | Medlem | Finn.Frantzen@radoy.kommune.no |
Ingvill Taule | Radøy Senterparti | Medlem | Ingvill.Taule@radoy.kommune.no |
Anne Berit Bø Palmesen | Radøy Senterparti | Medlem | anneberitpalmesen@outlook.com |
Mai-Liss Sylta Møn | Radøy Senterparti | Medlem | lissmai@icloud.com |
Sara Hamre Sekkingstad | Radøy Senterparti | Medlem | sara.sekkingstad@gmail.com |
Vigdis Villanger | Radøy Senterparti | Medlem | Vigdis.Villanger@radoy.kommune.no |
Oddmund Skjelvik | Radøy Senterparti | Medlem | |
Frode Hervik | Radøy Venstre | Medlem | frode.hervik@gmail.com |
Birthe Haugland Frotaule | Radøy Venstre | Medlem | bfrotaule@gmail.com |
Edgar Grindheim | Radøy Arbeidarparti | Varamedlem | edgar.grindheim@hfk.no |
Eva Karin Klausen | Radøy Høgre | Varamedlem | Eva.Karin.Klausen@radoy.kommune.no |
Martin Soltveit | Radøy Senterparti | Varamedlem | msoltveit@hotmail.no |
Elin Morken | Radøy Senterparti | Varamedlem | elinmorken@yahoo.no |
Vidar Grindheim (Ikke møtt) | Partiuavhengig | Medlem | VG@uiv.no |
Audun Sylta (Ikke møtt) | Radøy Høgre | Medlem | daglegleiar@radoysokn.no |
Dag Sætre (Ikke møtt) | Radøy Senterparti | Medlem | dag.setre@radoy.kommune.no |
Silje Namtvedt (Ikke møtt) | Radøy Senterparti | Medlem | Siljenamtvedt@hotmail.com |