Møte i Hovudutval for plan, landbruk og teknisk den 23.11.2015

Vedtak

Med heimel i plan- og bygningslova § 19-2, jf. § 19-3 vert det gjeve dispensasjon frå arealføremålOffentleg i reguleringsplan for Nordbø på følgjande vilkår:

1. Dispensasjonen er mellombels og gjeld for 6 år.

2. Det skal setjast opp gjerde for å skilje næringseigedomen sitt uteområde frå skulen sitt uteområde.

Med heimel i plan- og bygningslova § 19-2, jf. § 19-3 vert det gjeve dispensasjon frå krav til parkeringsdekning etter Kommuneplan for Radøy kommune pkt. 2.7.7 på følgjande vilkår:

1. Dispensasjonen er mellombels og gjeld for 6 år.

2. Det skal etablerast minimum 10 parkeringsplassar på eigen grunn eller i umiddelbar nærleik.

Grunngjevinga går fram av saksutgreiinga.

Vedtaket vert sendt Fylkesmannen i Hordaland og naboar som har hatt merknad i saka for klagevurdering.

Hovudutvalet gjorde følgjande felles protokollmerknad:
- Byggesak gbnr 24/86 - Bø/Hordabøheimen - asylmottak - mellombels dispensasjon frå arealføremål og parkeringskrav, går til handsaming i kommunestyret. Det vert vist til felles skriv frå partia Høgre, Frp og Venstre av 22. november.
- Referat frå førehandskonferanse og oversendingsbrev for uttale skal leggast ved sakspapira.

Behandling

Hovudutvalet var på synfaring på Hordabøheimen før møtet vart sett.

Leiar teknisk forvaltning, Tonje N. Epland orienterte om saka og svara på spørsmål.
Hovudutvalet drøfta trafikktryggleiken og er uroa over situasjonen for mjuke trafikantar. Utvalet framhevar at det er viktig at trafikksikringstiltak som følgjer av trafikksikingsplan for Radøy kommune og reguleringsplanen for Nordbø snarleg vert følgd opp. I trafikksikringsplan ligg fortau og veglys i Nordbøvegen som 1. prioitet for mindre tiltak.

Hovudutvalet innstiller saka til kommunestyret i samsvar med rådmannen sitt framlegg til vedtak, men ynskjer at kommunestyret vurderer om det skal setjast vilkår knytt til trafikksikringstiltak.

Innstillinga vart vedteke mot Henning Haugland (H) si stemme. Haugland meinar at omsynet til trafikktryggleik må vektast tungt, og at trafikksikringtiltak må vera gjennomført før vedtak om dispensasjon.

Hovudutvalet sitt framlegg til innstilling til kommunestyret:

Med heimel i plan- og bygningslova § 19-2, jf. § 19-3 vert det gjeve dispensasjon frå arealføremål Offentleg i reguleringsplan for Nordbø på følgjande vilkår:

1. Dispensasjonen er mellombels og gjeld for 6 år.

2. Det skal setjast opp gjerde for å skilja næringseigedomen sitt uteområde frå skulen sitt uteområde.

Med heimel i plan- og bygningslova § 19-2, jf. § 19-3 vert det gjeve dispensasjon frå krav til parkeringsdekning etter Kommuneplan for Radøy kommune pkt. 2.7.7 på følgjande vilkår:

1. Dispensasjonen er mellombels og gjeld for 6 år.

2. Det skal etablerast minimum 10 parkeringsplassar på eigen grunn eller i umiddelbar nærleik.

Grunngjevinga går fram av saksutgreiinga.

Vedtaket vert sendt Fylkesmannen i Hordaland og naboar som har hatt merknad i saka for klagevurdering.

Hovudutvalet gjorde følgjande felles framlegg til protokollmerknad:
-Byggesak gbnr 24/86 - Bø/Hordabøheimen - asylmottak - mellombels dispensasjon frå arealføremål og parkeringskrav, går til handsaming i kommunestyret. Det vert vist til felles skriv frå partia Høgre, Frp og Venstre av 22. november.
- Referat frå førehandskonferanse og oversendingsbrev for uttale skal leggast ved sakspapira.