Utval: | Radøy eldreråd |
---|---|
Dato: | 14.11.2016 12:00 - 15:30 |
Møtestad: | Kommunestyresalen |
Status: | Møtet er ferdig protokollert |
Sakskart: | ![]() |
Møtebok frå forrige møte finn de som vedlegg.
Budsjett 2017 - orientering
Økonomisjef Sveinung Kvamme peika på at kommuneøkonomien framleis er svært stram i Radøy og at det er nødvendig med tett kostnadskontroll for å koma i hamn med 2017-budsjettet. Det positive er at det ikkje er eit budsjett som legg opp til kutt i kommunale tenester.
Økonomisjefen gav ein grundig presentasjon av viktige punkt i budsjettframlegget for neste år. Han konstaterte at netto driftsresultat er svakt, berre 0,32% av samla driftsinntekter. Bruk av fond gjer at mindreforbruket blir 3,5 mill, eller 0,92%. Utan ekstra tilskot knytt til samanslåinga, hadde mindreforbruket vore tilnærma null, og netto driftsresultat hadde vore negativt med ca 2 millionar kroner.
Drifta i 2017 skal i utgangspunktet vera ei vidareføring av drifta hausten 2016.
Økonomisjefen peika på at det er lagt inn ein betydeleg vekst i ramma til oppvekstsektoren. I helse og omsorg er det også den økonomiske ramma auka noko. Mellom anna er det større behov for støtte til livsopphald, det skal tilsetjast ruskoordinator knytt til Psykisk helse, og det blir løyvd 500.000 kroner til utvikling og investering i omsorgsteknologi. Jordmorstillinga blir auka frå 30 til 40 prosent.
Til kulturvern er det gjort framlegg om 100.000 kroner til drift av Bogatunet og Syltastova.
Vedlikehald av kommunale vegar vert føreslege styrka med ca 100.000, og det blir sett av 500.000 kroner til auka driftsomfang i vassverket.
Rådmannen legg opp til samla investeringar på 80,9 mill i 2017. Investeringane må finansierast ved låneopptak. Det vil stå att om lag 9 mill. kroner i unytta lånemidlar pr 1.1.2017. Låneopptak i 2017 vert difor 63,7 mill. etter rådmannen sitt framlegg.
Den største investeringa er ny barnehage på Bø, der rådmannen har sett av 30 millionar i budsjettframlegget. Det er vidare lagt opp til vass- og avløpsprosjekt 29,7 millionar kroner (som er sjølvfinansierande).
Andre større prosjekt det er funne plass til i budsjettet er nærmiljøtiltak Bø 3 mill, kommunale bustader 2,5 mill, oppgradering garderobe Manger skule 2,5 mill, turveg/lysløype Manger 2 mill, og asfaltering kommunale vegar 2 mill.
Ny kommunalsjef helse og omsorg:
Kommunalsjef for helse og omsorg, Mette Fauskanger, presenterte seg sjølv og orienterte om prioriteringar i det framlagde budsjettet og i det vidare arbeidet i sektoren. Fauskanger kjem frå ei tilsvarande stilling i Osterøy kommune. Etter å ha gjort seg kjend med helse og omsorgssektoren er ho tydeleg på at det blir gitt mange gode tenester i Radøy kommune.
Den nye kommunalsjefen framheva behovet for å få utarbeidd ein helse- og omsorgsplan for å analysera og få oversikt over tenestebehovet framover. Kor tid kjem eldrebølga, kva typer tenester skal vi satsa på - fokus på heimebaserte eller institusjonsbaserte tenester. Menneske med nedsett funksjonsevne sine vilkår i ein ny og større kommune gir også utfordringar. Rusproblem
Ho vil ha brei forankring i dette planarbeidet, og vil trekkja med representantar frå politisk nivå og frå råda i ei arbeidsgruppe. Korleis skal vi følgja opp behovet for kommunale bustader til ulike grupper med ulike utfordringar. Kommunen er pliktig til å skaffa bustader, og har behov for ei satsing på bustadforvaltning.
Omsorgsteknologi er eit anna satsingsområde framover, og Fauskanger viste til at det i budsjettet er sett av midlar til dette - for å få opp kompetansen på området og dermed kunne sjå moglegheitene.
Fauskanger trekte fram rusomsorg som eit anna prioritert område - det skal mellom anna tilsetjast ein ruskoordinator med det første.
Tilbodet til demens skal også styrkast - og kommunalsjefen orienterte om arbeidet med ein pårørandeskule som eit spennande og godt tiltak.
Berit og Magnar orienterte om fylket sin eldrerådskonferanse.
Eldrerådet etterlyser eit dagtilbod for ulike brukargrupper blant eldre og blant personar knytt til rus- og psykriatriomsorga som ikkje har lovfesta rett til tilbod. Rådet har inntrykk at det er eit udekkja behov, og ber om ei kartlegging. Å sikra dagtilbod for personar med behov vil vera forebyggjande og gje stor auke i livskvaliteten.
Eldrerådet vil be administrasjonen om å vurdera bruk av midtre del av tidlegare Radøy sjukeheim til dagsenter.
ådet drøfta situasjonen for heimebuande brukarar, med vekt på førebyggjande effekt og på livskvalitet. Dei opplever eit udekka behov for tilbod, og at det er mangel på store nok lokale. Det er ein del grupper som har lovfesta rett til dagtilbod, medan andre brukargrupper fell utanfor. Då ein veit om plassmangel, vart det drøfta og løfta fram forslag om lokala i tidlegare Radøy sjukeheim. Ein er bekymra over bygningsmassen i dette bygget, og peikar på at midtre del bør koma i drift med varme og reinhald så snart som mogleg. Desse lokala er truleg svært godt eigna dersom ombygginga ikkje har vore stor etter Radøy eigde dei.
Dagtilbodet kan både vera i eit organisert stadsbunde tilbod eller det kan vera som friviljug besøksven for andre. At fleire får ein meiningsfull kvardag vil vera forebyggjande og gje stor auke i livskvaliteten til folk i desse brukargruppene. Ein ser også for seg at dette kan bidra til at fleire kan bu heime lenger.
Politikar | Parti | Medlemstype | E-Post |
---|---|---|---|
Magnar Klausen | Medlem | ||
Oddbjørg Dragøy | Medlem | ||
Berit Grindheim | Medlem | ||
Torill Helland | Radøy Arbeidarparti | Medlem | torill_helland@yahoo.no |
Laila Seilfaldet Pletten | Radøy Senterparti | Medlem | plettenlaila@gmail.com |
Karin Halland | Varamedlem | ||
Norvald Elvik (Ikke møtt) | Utvalsleiar |