Utval: | Formannskapet i Radøy |
---|---|
Dato: | 07.09.2017 09:00 |
Møtestad: | Kommunestyresalen |
Status: | Møtet er ferdig protokollert |
Sakskart: | |
Møteprotokoll: |
Radøy kommune fordeler midlane til idrettsanlegg for 2017 som følgjer:
Hordabø ILKr 187 013
Radøy ILKr 127 273
Manger ILKr 59 740
Radøy skyttarlagKr 25 974
Formannskapet vedtok samrøystes rådmannen sitt framlegg til vedtak.
Radøy kommune sin handlingsplan for for idrett-, friluftsliv- og nærmiljøanlegg 2018 – 2021 vert vedteke slik den ligg føre, med følgjande tillegg:
Under nærmiljø-anlegg i handlingsplanen (uprioritert tiltak) vert det tatt inn eit punkt om anlegg for frisbee-golf på Manger.
Ordførar Jon Askeland sette fram følgjande tilleggsframlegg:
Under nærmiljø-anlegg vert det i handlingsplanen (uprioriterte tiltak) sett inn eit punkt om anlegg for frisbeegolf på Manger.
Formannskapet vedtok samrøystes rådmannen sitt framlegg, med tilleggsframlegg sett fram i møtet.
Utkast til kulturminnepan for Radøy kommune 2017-2027 vert lagt ut på høyring med høyringsfrist 22. oktober 2017.
Rådgjevar kultur, Bente Kopperdal Hervik, orienterte om kulturminneplanen. Planen skal identifisera og prioritera dei viktigaste kulturminna i kommunen og leggja grunnlaget for kommunen sitt arbeid med kulturminne i planperioden. Hervik framheva at kulturminneplanen vil vera eit viktig verktøy for areal-, plan- og byggesakshandsaminga i kommunen der ein lettare vil kunne ta omsyn til kulturminneverdiane.
Formannskapet gav uttrykk for at det er gjort eit svært godt arbeid med kulturminneplanen. Formidling er eit viktig tiltak i planen. Mellom anna er det lagt opp til å formidla kulturminne og kunnskap om dei mange kulturminna i eit oppplegg til skulane.
Planen blir sendt på høyring til eigarane av anlegg som er kategorisert i klasse A, og mogleg også klasse B.
Formannskapet vedtok samrøystes rådmannen sitt framlegg til vedtak.
Budsjettet for 2017 vert regulert i samsvar med rådmannen si utgreiing og skjema 1A, 1B og 2B nedanfor:
Økonomisjef Sveinung Kvamme orienterte i saka. Han viste til at auka ressursar til barnehagane er det største utslaget i budsjettreguleringa.
Rådmann Jarle Landås informerte om at 451.000 kroner i statleg regionsenter-tilskot til Radøy kommune, skal disponerast av fellesnemnda for Alver kommune. Det same gjeld tilsvarande tilskot som er tildelt Lindås kommune og Meland kommune.Dette tilskotet som er inntektsført i årets budsjett i Radøy, men no tilsvarande utgiftsførast.
Formannskapet vedtok samrøystes budsjettregulering haust 2017 med dei endringar som kom fram i møtet. Dette gir følgjande skjema 1a/b:
Det vart ikkje gjort vedtak i dette.
Formannskapet gjorde ei grundig drøfting av aktuelle prosjekt og planar for dei næraste åra og inn i Alver kommune.
Rådmann Jarle Landås orienterte om moglege planar for rådhuset etter 2020. Ein moglegheitsstudie for Manger sentrum opnar for at rådhuset kan vera veleigna som lokale for t.d. bibliotek og kulturskule.
Ordførar Jon Askeland tok opp vegvedlikehaldet og konstaterer at kommunen er i ferd med å fullføra dekkeleggings-programmet, men at det no bør vurderast rekkverks-arbeid på dei kommunale vegane. Han ser også behov for tiltak som styrkar Manger sentrum som attraktiv både for busetjing og handel. Han meiner også det er fornuftig å sjå DPS-bygget og Helsestasjonen i ein heilskapleg samanheng, og peika på behovet for opprusting av ein del kommunale husvære.
Else Marie Skartveit Dale (KrF) sa at det er svært trongt og lite tenlege forhold på Helsehuset. Ho meiner det er behov for ein ny helsestasjon.
Kenneth Taule Murberg (H) ser behov for å sjå på den kommunale bygningsmassen i Radøy i samanheng. Han meiner det vil skapa synergiar ved å samla heile Prestmarka barnehage i DPS-bygget, og dermed få frigitt dagens barnehage til t.d. lege- og helsesenter. Han meiner også kommunen bør gå nye rundar for om mogleg å overta tidlegare REMA-lokale til bibliotek/ungdomsklubb - noko han meiner også vil løysa utfordringar knytt til bruk av Radøyhallen.
Rådmann Jarle Landås peika på at det er behov betydelege midlar for å gjennomføra trafikksikringsprosjekt. Dei prosjekta som no står for tur er relativt omfattande tiltak, og rådmannen meiner det vil vera greitt å gjera ei rullering av trafikksikringsplanen før dette.
Formannskapet signaliserte også at det vil vera aktuelt med ei oppgradering av kommunale vegar.
Det vart ikkje gjort vedtak i saka.
Radøy kommune kjøper eigedomen gnr 45 bnr 188 (DPS-bygget) frå Helse Bergen for avtalt kjøpesum kr 12,5 mill + dokumentavgift og tinglysingsgebyr, til saman kr 12.813.025,-. Rådmannen får fullmakt til å inngå avtale om kjøp.
Finansiering: Refusjon Hordaland fylkeskommune kr 2.500.000
Bruk av unytta lånemidlar: kr 7.400.000
Redusert løyving til Bø barnehage i 2017: kr 2.913.000
På bakgrunn av signal i kommunestyret 15. juni i år er det utarbeidd ein intensjonsavtale mellom kommunen og Helse Bergen om kommunal overtaking av då såkalla DPS-bygget. Rådmann Jarle Landås sa at avtalen er inngått på vilkår av godkjenning i kommunestyret. Avtalen skal også godkjennast i styret i Helse Bergen.
Økonomisjef Sveinung Kvamme orienterte om finansiering av kjøpet.
Formannskapet er positiv til å kjøpa eigedomen. Kirsti Gjetle Floen (AP) oppmoda om at bygget snarast må skifta namn.
Formannskapet vedtok samrøystes rådmannen sitt framlegg til vedtak.
Radøy kommune garanterer med sjølvskuldnargaranti for lån i Kommunalbanken som Aufera AS tek opp til kjøp av eigedom på Manger kai, tidlegare Manger fiskemat.
Garantien gjeld for hovudstolen på lånet, maksimalt NOK 3.500.000, med tillegg på 10% av til ei kvar tid gjeldande hovudstol, til dekking av mogelege påkomne renter og kostnader. Kommunen sitt maksimale garantiansvar kan ikkje overstiga NOK 3.850.000.
Garantiansvaret vert redusert i takt med nedbetalinga av lånet, og opphøyrer etter 20 år, med tillegg av inntil 2 år, jf garantiforskrifta §3.
Garantivedtaket skal godkjennast av Fylkesmannen i Hordaland.
Aufera blir beden om å informera om planane sine i kommunestyret.
Kenneth Taule Murberg (H) meiner det er behov for informasjon om Aufera sine planar om nye lokale på Manger-kaien.
Taule Murberg sette fram følgjande tilleggsframlegg:
Aufera blir beden om å informera om planane sine i kommunestyret.
Formannskapet vedtok samrøystes rådmannen sitt framlegg, med Taule Murberg sitt tilleggsframlegg sett fram i møtet.
Vedtak av 036/2017 vert oppretthalde. Krav om lovlegkontroll vert sendt til fylkesmannen til handsaming.
Ordførar Jon Askeland presiserte at formannskapet ikkje skal gjera noko ny inngåande drøfting av sjølve saka, men ta stilling til om ein etter det som kommer fram i krav om lovlegkontroll står fast på vedtaket i sak 036/2017 som vart gjort i formannskapet 1. juni.
Formannskapet vedtok rådmannen sitt framlegg til vedtak.
Kommunestyret gir rådmannen delegert mynde til å gjennomføra kommunal vigsel, og til å delegera vigselsmynde til andre.
Tingstova er ein veleigna stad for vigsler. Rådmannen får fullmakt til å jobba vidare med aktuelle stader og til å peika ut kva lokale som kan brukast.
Rådmann Jarle Landås orienterte om mogleg bruk av Tingstova, med gamle Prestegarden og prestegardshagen som arena for kommunal vigselsseremoni.
Formannskapet gav uttrykk for begeistring over desse planane, og gav rådmannen grønt lys for å jobba vidare med planane for arena for kommunal vigselsseremoni.
Formannskapet vedtok samrøystes rådmannen sitt framlegg til vedtak.
I medhald av alkohollova §§ 1-4b, 1-5, 1-6, 1-7a, 1-7b, 1-7c, 3-1, 3-7, 3-9 gjev kommunestyret salsløyve til Austmarka Mat AS, org.nr. 919076739. Vilkår og spesifikasjonar er gjevne her:
1. Salsløyvet gjeld all alkoholhaldig drikk med høgst 4.7 volumprosent alkohol.
2. Skjenkeløyvet gjeld frå 01.07.2017 til 30.06 2020.
3. Løyvet gjeld på utsalstaden Bunnpris Austmarka, Søre Austmarka 9, 5938 Sæbøvågen.
4. Styrar for løyvet er Christian Næss med May Sissel Hopsdal som stadfortredar.
5. Løyvehavar og styrar for løyvet pliktar å sjå til at alkohollova sine føresegner vert følgde.
6. Salstida gitt i Forskrift om sal, skjenking og opningstider for alkoholhaldig drikke vedteken av
kommunestyret i Radøy kommune september 2016, skal følgjast.
7. Verksemda må til ei kvar tid vera godkjent av mattilsynet og branntilsynet.
Else Marie Skartveit Dale (KrF) gjorde greie for at KrF prinsipielt meiner at alkohol ikkje er ei daglegvare. Skartveit Dale viste til at det vart gjeve salsløyve til butikkane i søknadsprosessen i fjor, og ho gjorde det klart at ho ikkje går i mot søknaden frå Austmarka Mat.
Formannskapet vedtok samrøystes rådmannen sitt framlegg til vedtak.
Saka vert utsett. Administrasjonen førebur synfaring i neste møte.
Formannskapet ønskjer å ta synfaring i det aktuelle området før dei tar stilling til saka.
Ordførar Jon Askeland sette fram følgjande framlegg:
Saka vert utsett. Administrasjonen førebur synfaring i neste møte.
Utsetjingsframlegget vart samrøystes vedteke.
Meldingar og referatsaker vert tekne til orientering.
Sommarfullmakt: Ordføraren informerte om at det ikkje hadde vore behov for å bruka sommarfullmakt denne sommaren.
Brannsamarbeid: Rådmann Jarle Landås orienterte om planane for det regionale brannsamarbeidet og kva betydning det vil få i nye Alver kommune. Rådmannen opplyste at det planlagde brannsamarbeidet vil bli drøfta i regionrådet, og om mogleg få ei felles innstilling til kommunane. Han peika på at samarbeidet handlar mykje om å utnytta dei samla ressursane best mogleg, og sa at samarbeidet ikkje er meint som første steg mot samanslåing av brannverna.
Vannscooter: Formannskapet avventar ei drøfting av mogleg lokal vannscooter-forskrift i regionrådet.
Sambandet Vest: Ordførar Jon Askeland orienterte om dialogen som fellesnemnda for ny kommune har hatt med Askøy kommune/styret i Sambandet Vest om bruk av statlege tilskot knytt til etableringa av Alver kommune. Han peika på at fellesnemnda ser det som naturleg at desse midlane blir brukt til planlegging av samband mellom Meland og Radøy.
Akvakultur-plan: Ordførar Jon Askeland orienterte om oppstartseminar for regional akvakulturplan. Det er ikkje avklart om Alver-kommunane skal delta i heile planprosessen eller den delen som handlar om kunnskaps-innhenting.
Fylkeskommunalt besøk: Ordførar Jon Askeland orienterte om at Utval for kultur, idrett og regional utvikling i Hordaland skal på rundtur i Nordhordland, med fleire stopp i Radøy. Utvalet skal til Utvandringssenteret, der behovet for å få plass eit magasin står sentralt. Utvalet skal også til Bogatunet - der organisering av eigarforhold er tema, og på Manger skal dei få orientering om Ungdommens Hus og ungdomssatsinga i Radøy, og sjå på den nye turløypa i området ved Radøyhallen/Nesvatnet.
Moglegheitsstudie Manger: Rådmannen orienterte om moglegheitsstudiet for Manger sentrum, med fokus på rådhuset og gamle Prestegarden, og tilhøyrande uteområde. Dette er ei sak som blir presentert i full breidde i neste møte i formannskapet. Rådmannen delte ut ein delrapport som er utarbeidd av OG Arkitekter.
DPS-bygget: Else Marie Skartveit (KrF) tok opp spørsmålet dårleg luftkvalitet og soppfunn i lokale i DPS-bygget. Ho oppmoda på det sterkaste at dette blir tatt på alvor og at det blir funne løysingar med t.d. andre kontor til dei som har blitt dårlege og slit med dette.
Rådmann Jarle Landås orienterte om utfordringane med luftproblem og sopp i delar av bygget, og viste til at det har vore gjort fleire undersøkingar. Det er funn sopp på enkelte kontor, og desse har vorte stengde - og andre kontor i bygget er tatt i bruk. Det er gjort reperasjonar i taket, som no skal vera tett, og lokala er sanert for sopp. Rådmannen viste til at nye undersøkingar tilseier at det no ikkje skal vera helsefare i bygget.
Innkjøp skule og barnehage: Else Marie Skartveit Dale (KrF) tok opp spørsmålet om innkjøp av mat til skule og barnehagar, på bakgrunn av informasjon ho har fått om at det ikkje lenger kan handlast i lokale butikkar.
Rådmannen viste til klare krav til kommunale innkjøp basert på Bergensavtalen. Han skal sjå nærare på spørsmålet i kor sterk grad kommunen er bunden av avtalen knytt til innkjøp av mat til skule og barnehage.
Mandat fellesnemnda: Fellesnemnda for ny kommune har lagt fram si innstilling til mandat og reglement i fellesnemnda, ei sak som skal til politisk handsaming i kommunane.
Kenneth Taule Murberg (H) stilte spørsmål ved det han oppfatta som feilinformasjon i forkant av handsaminga i fellesnemnda. Han peika på at spørsmålet om intern/ekstern utlysing av prosjektansvarleg/rådmann i Alver kommune ikkje var så samstemt i dei tre kommunane som det først vart informert om.
Bø barnehage: Rådmann Jarle Landås informerte om status for planane om ny barnehage på Bø. Intensjonen var å ha drift i eksisterande barnehage i byggeprosessen. Rådmannen konstaterte at det blir svært krevjande på grunn av støy, støv og trafikksikring. Det vil også medføra eit halvt års lenger byggetid.
Ved alternativ plassering av barnehagen, t.d. i eit brakkebygg, vil det bli stilt same krav som elles - t.d. med opparbeiding av uteområde. Rådmannen meiner difor den beste løysinga vil vera at heile Bø barnehage i byggeperioden blir flytta i det såkalla DPS-bygget, i same bygget som avdeling Solhall i Prestmarka barnehage held til. Han meiner dette kan løysast ved å setja opp transport.
Når den nye barnehagen på Bø står ferdig, kan det vera aktuelt å flytta Prestmarka barnehage sine avdelingar inn i DPS-bygget.
Formannskapet var positiv til alternativet om å flyttaBø barnehage mellombels inn i DPS-bygget.
Formannskapet tok meldingar og referatsaker til orientering.
Politikar | Parti | Medlemstype | E-Post |
---|---|---|---|
Jon Askeland | Radøy Senterparti | Ordførar | jon.askeland@radoy.kommune.no |
Jostein Borlaug | Radøy Arbeidarparti | Varaordførar | jostein.borlaug@bkkfiber.no |
Kirsti Gjetle Floen | Radøy Arbeidarparti | Medlem | k-floen@bkkfiber.no |
Kenneth Taule Murberg | Radøy Høgre | Medlem | kenneth.taule.murberg@no.issworld.com |
Else Marie Skartveit Dale | Radøy Kristeleg folkeparti | Medlem | emsdale@online.no |
Anne Berit Bø Palmesen | Radøy Senterparti | Medlem | anneberitpalmesen@outlook.com |
Roy Bø | Radøy Fremskrittsparti | Varamedlem | royboe53@gmail.com |
Christel Villanger Håland (Ikke møtt) | Radøy Høgre | Medlem | christel@villanger.net |