Vedtak
Meldingar og referatsaker vert tekne til orientering.
Behandling
Det vart orientert om følgjande meldingar og referatsaker:
TV-aksjonen: Raddøy kommune løyver 10 000 kroner til TV-aksjonen NRK/Kirkens Nødhjelp.
Førebyggande tiltak:Lensmannen i Nordhordland har utarbeidd eit notat om førebyggande tiltak mot narkomisbruk mellom unge. Ordføraren orienterte om at dette blir tema på fellesmøte for politiråda i Nordhordland før jul.Ordføraren informerte også om at 31.oktober er siste dag at lensmannskontoret på Manger er bemanna.
Faktapublikasjon Imdi Vest: Frode Hervik (V) etterlyste utgreiingsarbeid og politisk sak om integrering av flyktningar. Rådmannen orienterte kort om at det det blir jobba med integreringsarbeid på tvers av ulike sektorar, og at han vil koma tilbake til formannskapet med ei sak.
Tusenårsprosjektet:Ordføraren orienterte om Radøy kommune sitt tusenårsprosjekt, barneheimen i Chriana Veche. No er barneheimsprosjektet opphøyrt i Chriana Veche opphøyrt og arbeidet flytta til ein annan stad i Moldova. Ordføraren meiner difor det er naturleg at også kommunen sitt engasjement tar slutt, etter hjelpeprosjektet har vore med og hjelpt mange barn ut av fattigdom. Samtidig vil hjelpeprosjektet bli vidareført, og radværingane kan framleis engasjera seg i familiefadderskap og andre støtteordningar i Moldova.Fiber-utbygging: Berre ein kommune i Hordaland, Meland, fekk midlar til fiberutbygging i den siste tildelingsrunden. Radøy kommune fekk ein million til fibersatsing i fjor, og hadde også søkt i år. Ordføraren informerte om at kommunane Radøy, Austrheim og Masfjorden vurderer å klaga avslaget på bakgrunn av måten saka er behandla på i Post- og teletilsynet. Også Regiondirektøren i Hordaland fylkeskommune har reagert skarpt på søknadsbehandlinga.
Olsvollstranda industriområde:Rådmannen orienterte om situasjonen for Olsvollstranda industriområde. Rekkjefølgjekrav tilseier at det må byggast veg og fortau heilt frå innkjørsel før ei tomt kan byggast ut. Administrasjonen jobbar med å finna løysingar som gjer det mogleg å få tomtar til sals i området på kort sikt.
Grunnlagsdokument:Rådmannen presenterte det ferske Grunnlagsdokumentet for tilsette i Radøy kommune. Han informerte om at dokumentet er utarbeidd i tett samarbeid med tenesteleiarane i kommunen, basert på SAMAN-begrepet. I tilknyting til Grunnlagsdokumentet har rådmannen også utarbeidd eit målstyringsdokument som vil visa igjen i budsjettdokumentet – med påfølgjande evaluering i årsmeldinga. Rådmannen fekk svært gode tilbakemeldingar på arbeidet som er gjort.Rådmannen informerte også om at det før jul blir gjennomført ei brukarundersøking, som blir følgt opp med ei medarbeidarundersøking til våren.
Formannskapet tok meldingar og referatsaker til orientering.