Utval: | Hovudutval for plan, landbruk og teknisk |
---|---|
Dato: | 10.06.2015 09:00 |
Møtestad: | Kommunestyresalen |
Status: | Møtet er ferdig protokollert |
Sakskart: |
Delegerte saker vert tekne til orientering.
Edgar Grindheim (A) ba om meir informasjon om delegert sak 086/2015 - Rubbhall Soltveit (Skaråsmyrane) - avslag.
Rådgjevar Kristine S. Born ved felles landbrukskontor orienterte om bakgrunnen for avslaget. Ho peika på at det ikkje er behov for å reisa ein så stor hall i utmark for å driva med juletreproduksjon. Det er ikkje fagleg grunnlag for å leggja ein så stor rubbhall i utmark.
Det vert gjeve dispensasjon i frå plankrav og løyve til bygging av 1 fritidsbustad som omsøkt på eigedom gnr 64 bnr 4. Det vert sett følgjande vilkår for dispensasjonen:
krav satt av Statens vegvesen til utbetring av avkjørsle til fv 565 skal gjelde og må vere utført før det vert gjeve bruksløyve til ny fritidsbustad på eigedomen.
byggjetiltak kan ikkje setjast i gong før det er gjeve løyve i byggjesaka.
Grunngjeving av vedtaket er at dei omsyna som ligg bak byggje- og deleforbodet ikkje vert vesentleg sett til sides og fordelane ved å gje dispensasjon er klårt større enn ulempene, etter ei samla vurdering.
Vedtaket har heimel i plan- og bygningslova pbl § 20-1 m, jf §§ 19-2 og 11-6, samt naturmangfaldslova §§ 8-12.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon i frå plankrav og løyve til deling av 2 tomtar for heilårssbustader som omsøkt på eigedom gbnr 100/1 jf situasjonsplan datert 28.04.2015, samt dispensasjon frå LNF-føremålet for framføring av tilkomstveg. Det vert sett følgjande vilkår:
kommuneplanens føresegner gjeldt for utføring av tiltak på tomtane.
byggjetiltak kan ikkje setjast i gong før det er gjeve løyve i byggjesak.
krav satt av Statens vegvesen til utbetring av avkjørsle til fv 565 skal gjelde og må vere utført før det vert gjeve bruksløyve til ny bustad.
rett til å føre infrastrukturanlegg over annan manns grunn skal leggjast fram for tinglysing.
bustadtomtane får gjerdeplikt mot landbruksarealet.
Grunngjeving av vedtaket er at dei omsyna som ligg bak byggje- og deleforbodet ikkje vert vesentleg sett til sides og fordelane ved å gje dispensasjon er klårt større enn ulempene, etter ei samla vurdering.
Vedtaket har heimel i plan- og bygningslova pbl § 20-1 m, jf §§ 19-2 og 11-6, samt naturmangfaldslova §§ 8-12.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon til frådeling av eigedom for heilårsbustad som omsøkt på følgande vilkår:
1. Eigedomen får gjerdeplikt.
2. Det må leggjast fram for tinglysing rett til å føra fram leidningsnett for vatn og avløp.
3. Det må leggjast fram for tinglysing rett til å nytta eksisterande veg og rett til å føra
fram veg til eigedomen.
4. Eigedomen skal ha tilkomst via eksisterande veg.
5. Det må søkjast om utsleppsløyve etter forureiningslova.
6. Det må søkjast om tilkobling til kommunalt vassverk.
7. Bustad på eigedomen skal ikkje plasserast på den høgaste høgda i terrenget.
Byggehøgde (topp møne) skal ikkje vera høgare enn høgda nord for eigedomen.
8. Føresegner i Kommuneplan for Radøy kommune 2011-23 skal følgjast.
Grunngjevinga for vedtaket er at det er dårleg landbruksjord og at omsynet til landbruk og friluftsliv ikkje vert vesentleg sett til side. Omsynet til landskapet vert tilsidesett, men ulempene vert dempa ved at det er satt vilkår om plassering og høgde. Fordelane ved å få tilflytting av yngre folk til bygda er etter hovudutvalet si vurdering klårt større enn ulempene for landskapet og landbruket i området.
-Hovudutvalet viser til at det er busetnad her frå før, og at den omsøkte frådelinga ikkje vil innebera ei oppstykking av området.- Frådeling og vegløysing vil gje enklare tilkomst til beiteområde. Beiteområdet vil ikkje bli forringa. - Hovudutvalet vil peika på folkehelseperspektivet, og verdien av helse og rekreasjon. Det vil vera gode oppvekstvilkår for barn i området, med trygge omgivelsar for leik ved huset.- Hovudutvalet vil også visa til den nyleg vedtekne trafikksikringsplanen for Radøy kommune, som vil bidra til å skapa trygg skuleveg.
Heimel for vedtaket er plan- og bygningslova § 11-6, jf. §19-2.
Hovudutvalet vil oppretthalda sitt tidlegare vedtak frå 15. april 2015 – sak 026/2015, og kjem med følgjande tillegg som grunngjeving:-Hovudutvalet viser til at det er busetnad her frå før, og at den omsøkte frådelinga ikkje vil innebera ei oppstykking av området.- Frådeling og vegløysing vil gje enklare tilkomst til beiteområde. Beiteområdet vil ikkje bli forringa.
- Hovudutvalet vil peika på folkehelseperspektivet, og verdien av helse og rekreasjon. Det vil vera gode oppvekstvilkår for barn i området, med trygge omgivelsar for leik ved og rundt huset.
- Hovudutvalet vil også visa til den nyleg vedtekne trafikksikringsplanen for Radøy kommune, som vil bidra til å skapa trygg skuleveg.
Hovudutvalet vedtok samrøystes å oppretthalda sitt vedtak i sak 026/2015, med tillegg sett fram i møte.
Det vert gjeve dispensasjon frå arealføremål LNF-SB for å kunne søkje om bruksendring av eksisterande bedehus til fritidsbustad på følgjande vilkår:
Det må søkjast om utvida bruk av avkjørsle frå privat veg over gbnr 43/5 og eksisterande avkjørsle til kommunal veg frå gbnr 43/2 7skal fysisk stengjast.
Det må treffast tiltak for å sikre uteareale på eigedomen mot den kommunale vegen. Sikring må skje på ein måte som ikkje hindrar frisikt i området.
Grunngjevinga går fram av saksutgreiinga.
Heimel for vedtaket er plan- og bygningslova § 19-2, jf. § 11-6 og naturmangfaldslova §§ 8-12.
Vedtaket vert sendt Fylkesmannen i Hordaland til klagevurdering.
Hovudutvalet vedtok samrøystes rådmannen sitt framlegg til vedtak.
Saka vert utsett i påvente av alle aktuelle tiltak på eigedomen.
Hovudutvalet utsette saka i påvente av situasjonsplan og teikningar for alle aktuelle tiltak på eigedomen.
Søknad om mindre endring av reguleringsplan for Manger torg, PlanID 12602010000200, vert godkjent slik den ligg føre.
Grunngjeving av vedtaket er at omsøkt endring er ei utfylling innafor hovudtrekka i reguleringsplanen.
Vedtaket har heimel i plan- og bygningslova § 12-14.
Hovudutvalet vedtok samrøystes rådmannen sitt framlegg til vedtak.
Reguleringsendring for Kuvågen, knytt til føresegner som gjeld boder, vert godkjent med plankart og føresegner som vedlagt.
Grunngjeving for vedtaket er at endringane er i tråd med føringane for arealbruken i området. Vedtaket har heimel i plan- og bygningslova § 12-14.
Del av framlegg til reguleringsendring, knytt til pkt 2.1.3 i føresegnene, vert utsett.
I møtet kom det framlegg om å utsetja pkt 2.1.3 i føresegnene for Kuvågen hyttefelt: "Det kan gjevast løyve til etablering av tilkomstveg, avkjørsle og parkering til den einskilde fritidseigedom. Tilkomstveg og parkering skal tilpassast terrenget, og opparbeidast med enkle inngrep og naturlege material. Det er ikkje tillate å bruke asfalt, belegningsstein eller liknande. Plassering av avkjørsle er vist i plankartet.» Hovudutvalet vil på synfaring før dei gjer vedtak på dette punktet.
Hovudutvalet vedtok samrøystes reguleringsendring knytt til føresegner som gjeld boder i Kuvågen hyttefelt.
Hovudutvalet vedtok samrøystes å utsetja reguleringsendring knytt til pkt 2.1.3 i føresegnene, og tar synfaring før saka kjem opp att til ny handsaming.
Ny detaljregulering for Havgard fjordferie, med planID 12602013000300, vert godkjent for 1. gongs høyring og offentleg ettersyn på følgjande vilkår:
Føresegnene pkt. 1.6.2, 1.6.4, 2.1.1, 2.2.6, og 3.1 (nytt pkt. 3.4) skal rettast i samsvar med det som følgjer av saksframstillinga.
Vedtaket er grunngjeve med at arealbruk i planframlegget er i tråd med overordna plan for området.
Vedtaket har heimel i plan- og bygningslova § 12-11.
Hovudutvalet vedtok samrøystes rådmannen sitt framlegg til vedtak.
Det vert gitt 150 000 kroner i tilskot frå Radøy kommune sitt viltfond til bygging av standplass 100 m
og innkjøp av elektroniske skiver på den nye skytebana.
Dokumentasjon på bruk av midlane vertsendt Radøy kommune når tiltaket er gjennomført.
Hovudutvalet vedtok samrøystes rådmannen sitt framlegg til vedtak.
Saka vert utsett.
Hovudutvalet drøfta saka. Det kom framlegg i møtet om å utsetja saka.
Hovudutvalet vedtok samrøystes å utsetja saka.
Radøy kommune avslår søkjar sin klage på avslag på søknad om konsesjon for gnr/bnr 15/19 Nordanger i Radøy kommune. Klagen vert sendt Fylkesmannen for endeleg klagesakshandsaming.
Hovudutvalet meiner at tilkomst/vegløysing i dette tilfelle kan ordnast gjennom bruksløyve og ikkje gjennom eigedomsovertak.
Hovudutvalet vedtok samrøystes rådmannen sitt framlegg til vedtak.
Det vert ikkje gjeve dispensasjon frå plankrav for oppføring av einebustad.
Grunngjevinga går fram av saksframstillinga.
Heimel for vedtaket er plan- og bygningslova § 19-2, jf. § 11-6.
Hovudutvalet vedtok samrøystes rådmannen sitt framlegg til vedtak.
Politikar | Parti | Medlemstype | E-Post |
---|---|---|---|
Vigdis Villanger | Radøy Senterparti | Utvalsleiar | Vigdis.Villanger@radoy.kommune.no |
Christel Villanger Håland | Radøy Høgre | Nestleiar | christel@villanger.net |
Kirsti Gjetle Floen | Radøy Arbeidarparti | Medlem | k-floen@bkkfiber.no |
Edgar Grindheim | Radøy Arbeidarparti | Medlem | edgar.grindheim@hfk.no |
Trond Morten Marøy | Radøy Fremskrittsparti | Medlem | trond.morten.maroy@radoy.kommune.no |
Jostein Dale | Radøy Kristeleg folkeparti | Medlem | jostein.dale@radoy.kommune.no |
Ingvill Taule | Radøy Senterparti | Medlem | Ingvill.Taule@radoy.kommune.no |