Vedtak
Kommunestyret tek rapportane«NyesamhandlingsformerogstrukturendringariNordhordland»og «Nordhordland -kommunestruktur2015(Avgjerdsgrunnlagforvalav vidareprosess-fase2.1)»fråTelemarksforskingtilorientering.
Radøykommuneønskjeråveramed i den vidareprosessen med utgreiing av samanslåing
(samanslåingsløpet). Prosessen vil bli tilpassastatlegesignal som måttekomai tidaframover.
Behandling
Kjetil Lie og Tor Erik Baksås fråTelemarksforsking orienterte grundig om prosessane med kommunestruktur og om rapportane dei har laga på oppdrag frå regionen. Dei svara også på ei rekkje spørsmål fråkommunestyremedlemane.
I neste utgreiingsfase er det lagt opp til brei kunnskapsinnhenting som skal belysa kva konsekvensar ei samanslåing kan fåfor t.d. tenesteproduksjonen i dei ulike delane av regionen.
I drøftingane i kommunestyret var det full oppslutning til at Radøy skal vera med i den vidare prosessen av med utgreiing av samanslåing. Det vart også lagt stor vekt på at det må vera ein nær dialog mellom regionrådet og kommunane i den vidare prosessen. Telemarkforsking sine representantar signaliserte at dei meiner det er riktig å leggja opp til fleire «stopp- og vedtakspunkt»i den vidare prosessen fram mot endeleg avgjerd.
Telemarkforsking meiner det er grunn til å rekna med at den varsla kommunereforma neppe kjem til politisk behandling i Stortinget før våren 2015. I så fall vil framdriftsplanen som regionen har lagt opp til, ikkje halda. Det vil koma signal i kommuneøkonomi-proposisjonen som vert lagt fram i mai 2014, og i rapporten frå ekspertutvalet som regjeringa har sett ned for å sjå påinnhaldet i kommunereforma.
Kommunestyret er oppteken av at prosessen vert tilpassa statlege signal som måtte koma i tida framover.
Ungdomsrådet kom med ein uttale i saka om kommunestruktur, og under drøftinga i kommunestyret vart det frå fleire representantar påpeika at eventuelle endringar i kommunestrukturen først og fremst vedkjem dagens barn og unge. Ordføraren oppmodar regionrådet om at ungdomsråda i Nordhordlands-kommunane vert tekne aktivt med i prosessen og dannar ei felles referansegruppe i det vidare utgreiingsarbeidet. Ordføraren fekk i oppdrag å fremja dette synest i neste regionrådsmøte, og å oppfordra dei andre kommunane til å ta initiativ til felles ungdomsrådsgruppe i kommunestruktur-arbeidet.
Kommunestyret vedtok samrøystes formannskapstilrådinga.