Vedtak
Det vert gjeve dispensasjon for utlegging av flytebryggje som omsøkt.
Grunngjevinga for vedtaket er:
Hovudutvalet vurderer at tiltaket er i tråd med LNF-føremålet. Vurderinga er basert på at det er gardsdrift på eigedomen, og utvalet finn det ikkje avgjerande at eigar av personlege grunnar ikkje driftar garden sjølv på det noverande tidspunktet.
Hovudutvalet har etter dette berre vurdert søknad om dispensasjon frå plan- og bygningslova §1-8 som gjeld byggjeforbod i strandsone.
Hovudutvalet kan ikkje sjåat ein flytebryggje knytt til eksisterande, lovleg oppførtkai råkar ålmenta sin ferdsle i området. Kai, naust og området rundt er ope for ålmenn ferdsle, og ei flytebryggje endrar ikkje dette. Flytebryggja fører ikkje til auka privatiseringav området.
Når det gjeld landskapsverknaden har hovudutvalet lagt avgjerande vekt på at tiltaket er reversibelt dådet ikkje krev terrenginngrep. Søkjar har opplyst at flytebryggja skal takast opp om vinteren. Landskapsverknaden av tiltaket vil difor også vere avgrensa til ein kortare periode kvart år.Flytebryggja er vidare plassert på ein eigedom der det allereie er oppført eit naust og ei hytte innafor 100-metersbeltet mot sjø. I området er det fleire hytter, naust, bryggjer og liknande tiltak i strandsona. Strandsona er såleis allereie til dels nedbygd.
Når det gjeld tilhøvet mellom fordelar og ulemper finn hovudutvalet å leggje avgjerande vekt påat det av omsyn til drifta på garden kan vere naudsynt med tilgang til sjø. Det er grunn sjø utanfor eksisterande kai og ikkje mogleg å leggje til med båt. Eiflytebryggje vil gjere tilkomst med båt mogleg. Tiltaket vil etter hovudutvalet si vurdering tilføre ein verdi til bruket som er større enn ulempene ved tiltaket.
Det er hovudutvalet si vurdering at omsyna bak byggjeforbodet i strandsone ikkje vert vesentleg sett til side, og at fordelane ved ein dispensasjon er større enn ulempene etter ei samla vurdering.
Hovudutvalethar vurdert omsøkt tiltak og prinsippa i §§ 8 –12 i naturmangfaldslova er lagt til grunn ved vurderinga. Hovudutvaletfinn ikkje at omsøkt tiltak vil komme i konflikt med naturmangfaldslova.
Vedtaket har heimel i plan- og bygningslova§19-2 jf. § 11-6 og § 1-8 og naturmangfaldslova §§8-12.
Saka vert sendt Fylkesmannen i Hordaland for klagevurdering.
Behandling
Hovudutvalet er positiv til at søkjar skal få dispensasjon for utlegging av flytebryggje som omsøkt.
Hovudutvalet la fram eit felles alternativt framlegg til vedtak, som vart samrøystes vedteke.