Čoahkkin Hovudutval for plan, landbruk og teknisk 14.09.2016

Vedtak

Behandling

Hovudutvalet tok delegerte saker til orientering.

Vedtak

Meldingar og referatsaker vert tekne til orientering

Behandling

Oppfølging av ulovleg tiltak - orientering

Leiar for teknisk forvaltning orienterte om «Prosjekt ulovlege tiltak» frå 2010, på bakgrunn av at hovudutvalet har bede om ei orientering om ulovlegheits-oppfølging i kommunen. Ho delte ut statusrapportar frå 2011 og 2012. Prosjektet vart avslutta i 2012 etter vedtak i kommunestyret.

Kommunen har sidan 2012 ikkje hatt politisk forankring for ulovlegheitsoppfølging, og har hatt ein ressurssituasjon som ikkje har gjort det mogleg å følgja opp ulovlege tiltak i stor grad. Leiar for teknisk forvaltning informerte om at det er registrert eit stort tal ulovlege tiltak i kommunen dei siste åra som ikkje er følgd opp.

Ho var tydeleg på at ulovlegheitsoppfølging er krevjande, både ressursmessig og for sakshandsamarane, og at det er heilt naudsynt både med øyremerka ressursar og politisk forankring. Administrasjonen er avhengig av at politiske utval følgjer opp lovverket når ulovlegheitssaker kjem til handsaming.

Hovudutvalet er uroleg for signalet som ligg i at kommunen ikkje har ressursar til å følgja opp ulovlege tiltak. Utvalet var tydeleg på ulovlegheitsoppfølging må prioriterast og bad om at rådmannen finn rom for ei stilling i budsjett for 2017. Byggjesak er eit sjølvkostområde og ulovlegheitsoppfølging skal normalt vera sjølvfinansierande, men hovudutvalet gav uttrykk for at ein må akseptera om stillinga ikkje er sjølvfinansierande første år.

Hovudutvalet ba vidare om at det vert utarbeidd og lagt fram ein strategi for ulovlegheitsoppfølging som kan forankrast politisk i høve til kva tiltak som skal prioriterast for oppfølging.

Hovudutvalet tok meldingar og referatsaker til orientering.

Vedtak

Det vert gjeve dispensasjon frå arealføremål LNF og byggeforbod i strandsone for oppføring av ny fritidsbustad på følgjande vilkår:

1. Eksisterande fritidsbustad på eigedomen skal rivast.

2. Fritidsbustaden skal plasserast der eksisterande fritidsbustad er plassert.

1. Plassering av fritidsbustaden skal terrengtilpassast:

   1. Naturlege høgde variasjonar i landskapet skal takast vare på og fungere som skjerming.

   2. Det skal ikkje planerast eit større areal enn det som er naudsynt for plassering av sjølve fritidsbustaden.

   3. Oppfylling av terreng, støttemurar og skjeringar skal unngåast.

   4. Terreng utanfor byggegropen skal takast i vare som urørt terreng.

   5. Bygningen skal plasserast lågt i terrenget og må ikkje få silhuettverknad.

1. Fritidsbustaden kan førast opp i 1. høgde som og med eit areal på inn til 90 kvm BRA og 110 kvm BYA.

2. Fritidsbustaden skal ha eit material og fargeval som harmonerer med terrenget og ikkje gjev fjernverknad.

3. Det må søkjast om utsleppløyve og etablerast lovleg utslepp.

Grunngjeving for vedtaket går fram av saksutgreiinga.

Heimel for vedtaket er plan- og bygningslova § 19-2, jf. § 11-6 og naturmangfaldslova §§ 8-12.

Vedtaket vert sendt Fylkesmannen i Hordaland for klagevurdering.

Behandling

Hovudutvalet vedtok samrøystes rådmannen sitt framlegg til vedtak.

Vedtak

Det vert ikkje gjeve dispensasjon for oppføring av markterrasse mot nord-aust (lyst gult areal på situasjonsplanen).

Det vert gjeve dispensasjon frå arealføremål LNF og byggeforbod i strandsona for oppføring av tilbygg til fritidsbustad som omsøkt og markterrasse mot sør-vest på ca. 20 kvm med overbygg på ca. 9 kvm på følgjande vilkår:

1. Tilbygg og markterrasse med overbygd uteareal skal plasserast som vist i søknaden.

2. Fritidsbustaden og tilhøyrande tiltak skal ha naturlege fargar som ikkje gjev fjernverknad.

3. Det må dokumenterast at eigedomen har vassforsyning som stettar krav i plan- og bygningslova kap. 27.

4. Eksisterande utslepp av gråvatn og sortvatn må opphøyra, og det må søkjast om utsleppsløyve og etablerast godkjent utsleppsløysing.

Grunngjeving for vedtaket som gjeld avslag på markterasse mot nord-aust er at tiltaket kjem nærmare strandlina enn eksisterande tiltak på eigedomen.

Grunngjeving for vedtaket som gjeld tilbygg til fritidsbustad og markterasse mot sør-vest er som følgjer:

-Hovudutvalet ynskjer at eksisterande fritidsbustader, innanfor rimelege grenser, skal få utvikla seg til ein standard som stettar dagens krav til fritidsbustader.

-Hovudutvalet har lagt vekt på at eigedomen si plassering tilseier at køyrbar tilkomst til eigedomen ikkje er eit aktuelt tema og at oppgradering av sjølve fritidsbustaden såleis ikkje vil føra til ei forventning om nye tiltak utanfor eigedomen sine grenser.

-Tiltaka er plassert lengre frå standlina enn eksisterande tiltak.

- Det er positivt at det vert rydda opp i ulovlege utsleppstilhøve på eigedomen.

Vedtaket har heimel i plan- og bygningslova § 19-2, jf. § 11-6 og naturmangfaldslova §§ 8-12.

Saka vert sendt Fylkesmannen i Hordaland for klagevurdering.

Behandling

Etter ei grundig drøfting vart det sett fram følgjande fellesframlegg i møtet:

Det vert ikkje gjeve dispensasjon for oppføring av markterrasse mot nord-aust (lyst gult areal på situasjonsplanen).

Det vert gjeve dispensasjon frå arealføremål LNF og byggeforbod i strandsona for oppføring av tilbygg til fritidsbustad som omsøkt og markterrasse mot sør-vest på ca. 20 kvm med overbygg på ca. 9 kvm på følgjande vilkår:

1. Tilbygg og markterrasse med overbygd uteareal skal plasserast som vist i søknaden.

2. Fritidsbustaden og tilhøyrande tiltak skal ha naturlege fargar som ikkje gjev fjernverknad.

3. Det må dokumenterast at eigedomen har vassforsyning som stettar krav i plan- og bygningslova kap. 27.

4. Eksisterande utslepp av gråvatn og sortvatn må opphøyra, og det må søkjast om utsleppsløyve og etablerast godkjent utsleppsløysing.

Grunngjeving for vedtaket som gjeld avslag på markterasse mot nord-aust er at tiltaket kjem nærmare strandlina enn eksisterande tiltak på eigedomen.

Grunngjeving for vedtaket som gjeld tilbygg til fritidsbustad og markterasse mot sør-vest er som følgjer:

-Hovudutvalet ynskjer at eksisterande fritidsbustader, innanfor rimelege grenser, skal få utvikla seg til ein standard som stettar dagens krav til fritidsbustader.

-Hovudutvalet har lagt vekt på at eigedomen si plassering tilseier at køyrbar tilkomst til eigedomen ikkje er eit aktuelt tema og at oppgradering av sjølve fritidsbustaden såleis ikkje vil føra til ei forventning om nye tiltak utanfor eigedomen sine grenser.

-Tiltaka er plassert lengre frå standlina enn eksisterande tiltak.

- Det er positivt at det vert rydda opp i ulovlege utsleppstilhøve på eigedomen.

Vedtaket har heimel i plan- og bygningslova § 19-2, jf. § 11-6 og naturmangfaldslova §§ 8-12.

Saka vert sendt Fylkesmannen i Hordaland for klagevurdering.

Hovudutvalet vedtok samrøystes fellesframlegg sett fram i møtet.

Vedtak

Det vert gjeve dispensasjon frå føresegna om arealgrense i reguleringsplanen § 3 på følgjande vilkår:

1. BRA og BYA kan vere inn til 114 kvm (150 kvm medfradrag for 36 kvm parkering) i samsvar med Kommuneplan for Radøy kommune pkt. 2.6

Det vert ikkje gjeve dispensasjon for 125 kvm BYA som omsøkt.
Grunngjevinga går fram av saksutgreiinga.

Heimel for vedtaket er plan- og bygningslova § 19-2, jf. § 12-4, og naturmangfaldslova §§ 8-12.

Vedtaket vert sendt Fylkesmannen i Hordaland for klagevurdering.

Behandling

Hovudutvalet vedtok samrøystes rådmannen sitt framlegg til vedtak.

Vedtak

Det vert ikkje gjeve dispensasjon frå arealføremål for oppføring av automatstasjon som omsøkt.

Grunngjevinga går fram av saksframstillinga.

Heimel for vedtaket er plan- og bygningslova § 19-2, jf. § 12-4.

Behandling

Hovudutvalet vedtok samrøystes rådmannen sitt framlegg til vedtak.

Vedtak

Klagen vert ikkje teke til følgje og vedtak i sak 051/2016 vert stadfesta.

Hovudutvalet har vore på synfaring på eigedomen. På synfaringa vart det tydeleg for utvalet at bølgjebrytaren ligg på innsida, er lite synleg og lite eksponert i frå sjø.

Hovudutvalet har ikkje definert forankringa i land som eit tiltak og har difor ikkje tidlegare konkret gått inn i ei vurdering av dispensasjon frå arealføremål LNF. Vurderinga er imidlertid i hovusak samanfallande med vurderinga i høve byggeforbod i strandsona og det er utvalet si vurdering at omsynet til arealføremål LNF ikkje vert vesentleg sett til side av ein dispensasjon i saka. Forankringa i land framstår ikkje som eit tiltak, hindrar ikkje ferdsle og er enkelt reversibelt.

Vedtaket har heimel i forvaltningslova § 33, jf. plan- og bygningslova § 19-2 og 11-6.

Saka vert sendt Fylkesmannen i Hordaland for endeleg avgjerd.

Behandling

Etter drøfting i hovudutvalet vart det sett fram følgjande fellesframlegg:

Klagen vert ikkje teke til følgje og vedtak i sak 051/2016 vert stadfesta.

Hovudutvalet har vore på synfaring på eigedomen. På synfaringa vart det tydeleg for utvalet at bølgjebrytaren ligg på innsida, er lite synleg og lite eksponert i frå sjø.

Hovudutvalet har ikkje definert forankringa i land som eit tiltak og har difor tidlegare ikkje gjort ei konkretvurdering av dispensasjon frå arealføremål LNF. Vurderinga er imidlertid i hovudsak samanfallande med vurderinga i høve byggeforbod i strandsona og det er utvalet si vurdering at omsynet til arealføremål LNF ikkje vert vesentleg sett til side av ein dispensasjon i saka. Forankringa i land framstår ikkje som eit tiltak, hindrar ikkje ferdsle og er enkelt reversibelt.

Vedtaket har heimel i forvaltningslova § 33, jf. plan- og bygningslova § 19-2 og 11-6.

Saka vert sendt Fylkesmannen i Hordaland for endeleg avgjerd.

Hovudutvalet vedtok samrøystes fellesframlegg sett fram i møtet.

Vedtak

Saka vert utsett.

Hovudutvalet ser at det er trong for å leggja til rette for tilkomst med båt, men det er ikkje trong for ein kai/flytebryggje av den storleik som her er omsøkt. Utvalet rår til at det vert sendt inn revidert søknad der storleiken på kai og flytebryggje er betydeleg redusert. Tidlegare kai/molo viser på eldre flyfoto og utvalet meinar at det må vera mogleg å søkja om eit tiltak som i storleik, omfang og plassering samsvarer med det som tidlegare har vore.

Behandling

Utvalsleiar Christel Villanger Håland ba om å bli kjend ugild i saka på grunn av nært slektskap. Utvalet kjende Villanger Håland ugild, og ho deltok ikkje i handsaminga. Nestleiar Leif Taule overtok møteleiinga.

Etter drøfting vart det sett fram følgjande fellesframlegg:

Saka vert utsett.

Hovudutvalet ser at det er trong for å leggja til rette for tilkomst med båt, men det er ikkje trong for ein kai/flytebryggje av den storleik som her er omsøkt. Utvalet rår til at det vert sendt inn revidert søknad der storleiken på kai og flytebryggje er betydeleg redusert. Tidlegare kai/molo viser på eldre flyfoto og utvalet meinar at det må vera mogleg å søkja om eit tiltak som i storleik, omfang og plassering samsvarer med det som tidlegare har vore.

Fellesframlegg i møtet vart samrøystes vedteke.

Vedtak

Det vert gjeve dispensasjon frå føresegna pkt 2.2 om utnyttingsgrad for naustområdet, slik at naust kan førast opp med 100 % utnyttingsgrad.

Grunngjeving for vedtaket går fram av saksutgreiinga.

Vedtaket har heimel i plan- og bygningslova § 19-2 jf. § 12-4 og naturmangfaldslova §§ 8-12.

Saka vert sendt Fylkesmannen i Hordaland og nabo som hadde merknad i saka for klagevurdering.

Behandling

Hovudutvalet vedtok samrøystes rådmannen sitt framlegg til vedtak.

Vedtak

Det vert gjeve dispensasjon frå arealføremål LNF og løyve til deling (arealoverføring) frå gbnr 22/3 til gbnr 22/46 som omsøkt.

Grunngjevinga for vedtaket går fram av saksframstillinga.

Vedtaket har heimel i plan- og bygningslova (pbl) § 20-1m, jf. § 19-2, jf. § 11-6 og naturmangfaldslova §§ 8-12.

Saka vert sendt Fylkesmannen i Hordaland for klagevurdering.

Behandling

Hovudutvalet vedtok samrøystes rådmannen sitt framlegg til vedtak.

Vedtak

Hovudutval for plan, landbruk og teknisk rår i frå at det vert starta arbeid med privat reguleringsplan for gbnr 33/52 m.fl. med føremål byggeområde for fritidsbustader og småbåtanlegg.

Hovudutvalet si vurdering er ikkje endra frå saka vart handsama i 2015, og utvalet ser det framleis som naturleg at ei eventuell endring av arealføremål skal vera til bustad, eventuelt med småbåtanlegg, og ikkje til fritidsbustad. Grunngjevinga for denne vurderinga er overordna arealpolitikk, området si geografiske plassering i høve Manger,samanheng med kringliggjande bustadområde og arealreservar for fritidsbustad i Radøy kommune.

Den foreslåtte plangrensa gjev etter utvalet si meining ei fragmentert planlegging og er ikkje eigna til å leggja til rette for samanheng i infrastruktur og effektiv og langsiktig arealbruk.

Vedtaket er ein uttale og ikkje ei avgjerd. Uttalen kan ikkje klagast på.

Behandling

I drøftinga understreka hovudutvalet at e, der arealbruken kan vurderast i ein større samanheng.

Utvalet meiner også at attraktive område bør prioriterast til bustad, ikkje fritidsbustad.

Hovudutvalet vedtok samrøystes rådmannen sitt framlegg til vedtak.

Vedtak

Framlegg til detaljregulering for Mangersneset bustadområde med planID 1260201100400 vert ikkje godkjent for 1. gongs høyring og offentleg ettersyn.

Grunngjevinga for vedtaket er at rekkefølgjekrava i reguleringsplanen ikkje er i samsvar med krav sett i overordna plan, jf. Kommuneplan for Radøy kommune pkt. 2.4.

Vedtaket har heimel i plan- og bygningslova § 12-10.

Behandling

Leif Taule (Sp) tok opp spørsmålet om han er ugild i handsaminga av denne saka og tilsvarande saker der han som tidlegare assisterande rådmann og sakshandsamar i kommunen har vore involvert i. Taule informerte utvalet om at han vil innhenta ei juridisk avklaring om sin status i denne samanhengen.

Utvalet kjende Taule ugild, og han deltok ikkje i handsaminga.

Leiar i teknisk forvaltning, Tonje Nepstad Epland, orienterte om utviklinga og prosessen i den aktuelle saka.

Hovudutvalet vedtok samrøystes rådmannen sitt framlegg til vedtak.

Vedtak

Framlegg til kommunedelplanfor avløp 2016-2020for Radøy kommune vert lagt ut på høyring og offentleg ettersyn slik den ligg føre.

Behandling

Hovudutvalet vedtok samrøystes rådmannen sitt framlegg til vedtak.

Vedtak

Framlegg til kommunedelplan for vassforsyning 2016-2020 for Radøy kommune vert lagt ut på høyring og offentleg ettersyn slik den ligg føre.

Hovudutvalet ber byggjenemnda vurdera å ta strekninga Vetås-Haukeland-Storheim inn i hovudplanen som nytt utbyggingstiltak innan 2020.

Behandling

Leiar teknisk drift, Einar Færø, orienterte og svara på spørsmål i saka.

Leif Taule (Sp) kom med følgjande tilleggsframlegg:

Hovudutvalet ber byggjenemnda vurdera å ta strekninga Vetås-Haukeland-Storheim inn i hovudplanen som nytt utbyggingstiltak innan 2020.

Hovudutvalet vedtok samrøystes rådmannen sitt framlegg til vedtak, med tillegg av Leif Taule sitt tilleggsframlegg sett fram i møte.