Čoahkkin Hovudutval for plan, landbruk og teknisk 26.10.2016

Vedtak

Delegerte saker vert tekne til orientering, med korrigeringar som vart sett fram i møtet.

Behandling

Det vart vist til to delegerte saker som mangla vedtak i framstillinga i sakspapira.
Ei sak som vart lagt fram som delegert sak, skal fjernast frå saksdokumenta.

Vedtak

Meldingar og referatsaker vert tekne til orientering, med dei tillegg som vart sett fram i møte.

Behandling

Dag Sætre (SP) viste til melding c - "tildelings- og forventningsbrev" i landbruket. Han meiner det ligg nyttig informasjon her som bør nå ut til fleire - t.d. til Landbruksfagrådet.

Leif Taule (SP) ønskjer ei oppsummering om kva tiltak og prosjekt landbrukskontoret har søkt om midlar til i løpet av året.

Rådmannen følgjer opp innspela med landbrukssjefen.

Leif Taule (SP) kom med følgjande innspel til revisjon av politisk reglement knytt til delegering. Han ønskjer landbrukssjefen sine delegerte "nei"-saker vurdert og behandla i hovudutvalet.

Leif Taule ba om orientering om kvifor stilling som sakshandsamar på byggesak (100 %) er utlyst midt i arbeidet med budsjett for 2017, og sett opp mot behov for ressursar på plansektoren og eit arbeid med ulovlege tiltak.
Rådmann Jarle Landås orienterte om at stillinga ikkje er ei ny stilling på byggesak. Stillinga er ei 60 % stilling på kart/oppmåling etter pensjonsavgang, samt ei styrking av Teknisk forvaltning med 40 %. Stillinga på 40 % skal i hovudsak auka kapasiteten på plan. Styrking av plan er drøfta med formannskapet og har fått positiv tilslutning. Når det er ei byggesakstilling som er lyst ut skuldast det intern omdisponering av ressursar.

Hovudutvalet tok opp utfordringar knytt til avløpssystem i Sletta-området, og ba administrasjonen om å koma tilbake med ei orientering om forholda – først og fremst knytt til kommunale anlegg i området. Rådmannen vil på neste møte koma tilbake med ein statusrapport for det kommunale anlegget og framlegg til eventuelle tiltak.

Folkevald-opplæring:
Leiar for teknisk forvaltning, Tonje N. Epland orienterte hovudutvalet om aktuelle lovendringar knytt til utvalet sine fagområde.

Vedtak

Det vert gjeve dispensasjon frå arealføremål LNF for ombygging, fasadeendring og tilbygg til eksisterande fritidsbustad som omsøkt på følgjande vilkår:

1. Det må dokumenterast at eigedomen har lovleg avlaup i samsvar med plan- og bygningslova § 27-2.

2. Totalt BRA og BYA for eigedomen kan maks vere 114kvm(150 kvm - 36 kvmberekna parkeringsareal).

Det vert gjeve dispensasjon frå arealføremål LNF for etablering av avlaupsanlegg på følgjande vilkår:

1. Det må sendast inn søknad om utsleppsløyve for reinseanlegg som stettar krav i Lokal forskrift om utslepp frå mindre avlaupsanlegg. Søknaden må sendast inn av røyrleggjar. Det må vedleggjast situasjonsplan som viser plassering av anlegg og leidningsnett, samt utsleppsstad. Eventuell tinglyst rett til å føre leidningsnett over annen eigedom må følgje søknaden.

Det vert gjeve dispensasjon frå arealføremål LNF for oppføring av bod på følgjande vilkår:

1. Boden kan ha eit areal på inntil15kvm BRA og mønehøgde på inn til 3 meter.

2. Boden er eit uthus og kan ikkje nyttast til varig opphald.

3. Totalt BRA og BYA for eigedomen kan maks vere 114 kvm (150 kvm - 36 kvm berekna parkeringsareal).

4. Om det ikkje kan dokumenterast at grunnar etter tidlegare bod kan nyttast som fundament for ny bod skal boden førast opp nært opp til fritidsbustaden. Endeleg plassering vert å godkjenne i byggesaka.

Grunngjeving for vedtaket går fram av saksutgreiinga.

Vedtaket har heimel i plan- og bygningslova (pbl) § 19-2 jf. § 11-6 og naturmangfaldslova §§ 8-12.

Saka vert sendt Fylkesmannen i Hordaland for klagevurdering.

Behandling

Hovudutvalet vedtok samrøystes rådmannen sitt framlegg til vedtak.

Vedtak

Saka vert utsett.

Behandling

Hovudutvalet har vore på synfaring og drøfta saka i møtet.

Arealgrensa på 114 kvm står fast.Tiltaka må reduserast for å koma inn under arealgrensa. Hovudutvalet peikar på at t.d. kan terrasse F reduserast og bod E fjernast. Utvalet ser det som ønskjeleg at det er tiltak mot sjø som vert redusert og peikar på at rekkverk bør få mørk farge.

Utvalet rår søkjar til å ta kontakt med administrasjonen og tinga førehandskonferanse for å få rettleiing til revidert søknad.

Det vart sett fram følgjande felles framlegg til vedtak:

Saka vert utsett.

Hovudutvalet vedtok samrøystes felles framlegg sett fram i møtet.

Vedtak

Klagen vert teke til følgje.

Det vert gjeve dispensasjon frå arealføremål friområde på land, hamneområde i sjø, byggegrense mot sjø og plankrav for oppføring av kai m/flytebryggje som omsøkt i revidert søknad/klage.

Grunngjeving for vedtaket er at ålmenta si ferdsle i sjø eller på land ikkje vert råka. Tiltaket er reversibelt, utan fysiske inngrep i landskapet, og er knytt til eit eksisterande tiltak.

Det er andre kaier i området med same volum, og det er viktig at søkjer vert handsama likt, sjølv om ein ikkje kjenner byggesaksstatus for dei andre kaiane.

Det er langgrundt i området og det er naudsynt med tiltak for å gje tilkomst med båt, og nytte av naustet.

Det er hovudutvalet si vurdering at omsynet bak føresegna det vert dispensert i frå ikkje vert vesentleg sett til side, og at fordelane ved ein dispensasjon er klart større enn ulempene.

Heimel for vedtaket er plan- og bygingslova § 11-6, jf. § 19-2 og naturmangfaldslova §§ 8-12.

Vedtak i klagesaka er eit nytt vedtak og saka vert sendt Fylkesmannen i Hordaland for klagevurdering.

Behandling

Utvalsleiar Christel Villanger Håland ba om å bli kjend inhabil i saka på grunn av nær slektskap. Utvalet kjende ho inhabil, og ho deltok ikkje i handsaminga. Nestleiar Leif Taule overtok som møteleiar i denne saka.

Hovudutvalet merkar seg at søkjar har tatt tidlegare signal frå utvalet til følgje, og at omsøkt tiltak er betydeleg redusert i den reviderte søknaden.

Hovudutvalet drøfta saka og la fram nytt felles framlegg til vedtak:

Klagen vert teke til følgje.

Nytt vedtak:

Det vert gjeve dispensasjon frå arealføremål friområde på land, hamneområde i sjø, byggegrense mot sjø og plankrav for oppføring av kai m/flytebryggje som omsøkt i revidert søknad/klage.

Grunngjeving for vedtaket er at ålmenta si ferdsle i sjø eller på land ikkje vert råka. Tiltaket er reversibelt, utan fysiske inngrep i landskapet, og er knytt til eit eksisterande tiltak.

Det er andre kaiar i området med same volum, og det er viktig at søkjar vert handsama likt, sjølv om ein ikkje kjenner byggesaksstatus for dei andre kaiane.

Det er langgrunt i området og det er naudsynt med tiltak for å gje tilkomst med båt, og nytte av naustet.

Det er hovudutvalet si vurdering at omsynet bak føresegna det vert dispensert i frå ikkje vert vesentleg sett til side, og at fordelane ved ein dispensasjon er klart større enn ulempene.

Heimel for vedtaket er plan- og bygingslova § 11-6, jf. § 19-2 og naturmangfaldslova §§ 8-12.

Vedtak i klagesaka er eit nytt vedtak og saka vert sendt Fylkesmannen i Hordaland for klagevurdering.

Hovudutvalet vedtok samrøystes framlegg til vedtak sett fram i møtet.

Vedtak

Saka vert utsett.

Behandling

Utvalsleiar Christel Villanger Håland gjorde framlegg om at saka vert utsett til neste møte.

Hovudutvalet vedtok framlegg til vedtak i møte.

Vedtak

Reguleringsplan for Mangerøy industriområde – Kjebogen vert godkjent.

Grunngjevinga går fram av saksframstillinga.

Heimel for vedtaket er plan- og bygningslova § 12-12.

Behandling

Hovudutvalet vedtok samrøystes rådmannen sitt framlegg til vedtak.

Hovudutvalet sitt vedtak er utvalet si innstilling til kommunestyret 27. oktober.

Vedtak

Framlegg til kommunedelplan for vassforsyning 2016-2020 for Radøy kommune der utbyggingstiltaket på strekninga Vetås-Haukeland-Storheim er innarbeidd i planen vert lagt ut på høyring og offentleg ettersyn.

Behandling

Hovudutvalet vedtok samrøystes rådmannen sitt framlegg til vedtak.

Vedtak

Det vert gjeve dispensasjon frå arealføremål LNF og byggeforbod i strandsone for oppføring av tilbygg til fritidsbustad som omsøkt på følgjande vilkår:

1. Før det vert gjeve løyve til tiltak må det søkjast om utsleppsløyve og etablering av avlaupsanlegg i samsvar med Lokal forskrift om utslepp frå mindre avlaupsanlegg i Radøy kommune, jf. pbl. § 27-4. I samband med søknad om utsleppsløyve må det om naudsynt liggje føre tinglyst rett til å føre fram leidningsnett over anna eigedom.

2. Samla BRA og BYA kan vere maks 150 kvm inkludert parkering (2 plasser à 18 kvm).

Grunngjeving for vedtaket går fram av saksutgreiinga.

Vedtaket har heimel i plan- og bygningslova (pbl) § 19-2 jf. § 11-6 og § 1-8, samt naturmangfaldslova §§ 8-12.

Saka vert sendt Fylkesmannen i Hordaland for klagevurdering.

Behandling

Hovudutvalet vedtok samrøystes rådmannen sitt framlegg til vedtak.

Vedtak

Det vert ikkje gjeve dispensasjon for oppføring av anneks som omsøkt.

Grunngjeving for vedtaket går fram av saksutgreiinga.

Vedtaket har heimel i plan- og bygningslova (pbl) § 19-2 jf. § 11-6 og § 1-8, samt
naturmangfaldslova §§ 8-12.

Behandling

Hovudutvalet vedtok samrøystes rådmannen sitt framlegg til vedtak.