Lávdegoddi: | Kommunestyret i Radøy |
---|---|
Dáhton: | 30.03.2017 18:00 - 22:00 |
Čoahkkinbáiki: | Kommunestyresalen |
Dilli: | Čoahkkima beavdegirji lea válmmas |
Áššekárta |
Meldingar og referatsaker vert tekne til orientering.
Stipend til Tommy Urhaug: Ordføraren informerte om at formannskapet støttar Tommy Urhaug også fram mot OL i Tokyo i 2020. Gullvinnaren frå London-OL vil få 30.000 kroner frå Radøy kommune i årleg tilskot til førebuingane fram til Parolympic, og kommunen vidarefører dermed støtta frå lokalsamfunnet. Ordføraren framheva at Tommy Urhaug sjølv har gitt uttrykk for at bidraget frå kommunen er godt å ha med seg også når han skal ut å få private sponsorar.
Årsmelding kontrollutvalet: Leiar i kontrollutvalet, Arild Tveranger orienterte om kontrollutvalet si årsmelding for 2016. Utvalet som er eit lovpålagt tilsynsorgan, hadde i 2016 fem møte og 43 saker. Leiaren i kontrollutvalet nemnte blant anna kontrollutvalet sitt arbeid med selskapskontroll i Sambandet Vest, og forvaltningsrevisjon av barnevernet - med fokus på barn i fosterheim. Tveranger peika på at kommuneøkonomien er i betring, men at dei økonomiske forholda framleis er tronge. Utfordringar knytt til mobbing og beredskap har også vore drøfta i utvalet. Tveranger informerte om at det har vore fellesmøte for kontrollutvala i dei tre kommunane som går saman i ein kommune frå 2020.
Ny kommune 2020: Ordførar Jon Askeland og rådmann Jarle Landås orienterte om arbeidet fram mot ny kommune frå 2020 og om prosessane i førebuande fellesnemnd. Det blir lagt opp til nytt såkalla "§25-møte" i dei tre respektive kommunestyra 22. juni, som går direkte over i felles kommunestyremøte med fylkesmannen som møteleiar. Her skal formelle vedtak gjerast etter Inndelingslova, og namn på den nye kommunen skal avgjerast. Det skjer etter at Stortinget har gjort sitt endelege kommunereform-vedtak, truleg tidleg i juni.
Det skal i løpet av hausten 2017 tilsetjast ein prosjektansvarleg, som blir rådmann i den nye kommunen. I tillegg skal det også engasjerast ein prosjektleiar, som får ansvaret for å leggja til rette og gjennomføra prosessane fram mot ny kommune. Denne to-delinga vil gjera den omfattande og arbeidskrevjande prosessen mindre sårbar.
Førebuande fellesnemnd har sett ned ein namne-komite, som skal leia arbeidet fram mot ei avgjerd i namnevalet.
Det er engasjert ein kommunikasjonsressurs, i første omgang for nokre månader.
Kommunestyret tok meldingar og referatsaker til orientering, med tillegg sett fram i møtet.
Radøy kommune avslår søknaden frå Kviste/Bognøy småbåtlag om kommunal lånegaranti.
Rådmannen orienterte om ulike sider ved ordninga om kommunal lånegaranti.
Kenneth Taule Murberg (H) gjorde det klart at Høgre vil stemma i mot framlegget om å gje kommunal garanti til småbåtlaget. Han fryktar at eit positivt vedtak vil skapa presedens. Han peika på at dette også handlar om eit tiltak som er avgrensa til 48 båtplassar - og dermed ikkje er eit tilbod som vil vera tilgjengeleg for alle.
Taule Murberg sette fram følgjande framlegg:
Radøy kommune avslår søknaden frå Kviste/Bognøy småbåtlag om kommunal lånegaranti.
Dersom formannskapstilrådinga vart vedteken, ville Taule Murberg at det vart røysta over følgjande tilleggsframlegg:
Radøy kommune vil senda ut brev til alle småbåthamner og andre fritidsinteresser, med oppfordring om å endra organisasjonsstruktur til "ideell organisasjon", slik at dei kan bli likebehandla og tilfredsstiller vilkår for kommunal garanti og støtte.
Leif Taule (SP) signaliserte at SP er villig til å vera med og halda nede lånekostnadane for ideelle organisasjonar ved å gje kommunal lånegaranti. I den konkrete saka meiner SP det er nødvendig for søkjar å ta på seg ein langt større eigenkapital, og at lånesum og nedbetalingstid blir betydeleg mindre. Taule ønskte også å krevja ein sikkerheit frå styret i småbåtlaget i fall laget ikkje maktar å overhalda forpliktingane sine til banken.
Etter ei nærare drøfting i kommunestyret konkluderte Taule med at det vil vera ryddigast å røysta i mot kommunal lånegaranti.
Formannskapstilrådinga fekk ingen røyster, og fall.
Framlegget frå Kenneth Taule Murberg (H) vart samrøystes vedteke.
Forskrift om gebyr for teknisk forvaltningsteneste i Radøy kommune vert godkjent.
Forskrifta trer i kraft 01.03.17 og gjeld til det vert vedteke ny revidert forskrift.
Grunngjevinga for vedtaket går fram av saksutgreiinga.
Heimel for vedtaket er Lov om planlegging og byggesaksbehandling (pbl) av 27. juni 2008 § 33-1, Lov om eigedomsregistrering av 17. juni 2005 (matrikkellova) § 32 og Forskrift av 26. juni 2009 nr 864 (matrikkelforskrifta) § 16, Lov om eierseksjoner av 20. mars 1997 § 7, Lov om vern mot forurensning av 13. mars 1981 nr 6 § 52 a og Forskrift av 5. mai 2003 nr 1909 om delegering av myndighet til kommunene etter forurensningsloven, Lov om behandlingsmåter i forvaltningssaker § 27 a og Forskrift av 14. desember 2011 nr 1336 om gebyr for behandling av konsesjonssaker m.v.
Vedtaket er ikkje eit enkeltvedtak og kan ikkje påklagast, jf. forvaltningslova § 28, jf. § 2 b og c.
Kenneth Taule Murberg (H) ba om gruppemøte. Etter gruppemøtet informerte han om at Høgre ville stemma for framlegget til forskrift og nye gebyrsatsar for 2017, men vil gå i mot ein vidare auke i satsane for 2018 og 2019 - fram til ny kommune er i drift.
Kommunestyret vedtok samrøystes formannskapet si tilråding.
Detaljreguleringsplan for - Skårnesvika naust og småbåthamn - Toska - PlanID 12602016000500 vert godkjent med plankart, planføresegner og planskildring slik dei vart lagt fram til offentleg høyring og ettersyn.
Grunngjevinga går fram av saksutgreiinga.
Vedtaket har heimel i plan- og bygningslova § 12-12.
Kommunestyret vedtok samrøystes hovudutvalet si tilråding.
Strategiplan for tilsyn etter plan- og bygningslova 2017-2019 vert godkjent.
Grunngjevinga går fram av saksframstillinga.
Heimel for vedtaket er plan- og bygningslova § 25-1, jf. Forskrift om byggesak § 15-2.
Kommunestyret vedtok samrøystes formannskapet si tilråding.
Klage frå Kjersi N. Hansen og Advokatfirmaet Wiederstrøm & Lodtz på vegne av Rune Ulvatn vert ikkje teke til følgje og vedtak i plansak 061/2016 vert stadfesta.
Heimel for vedtaket er forvaltningslova § 33, jf. plan- og bygningslova § 12-12.
Klagene vert sendt Fylkesmannen i Hordaland for endeleg avgjerd.
Kommunestyret vedtok samrøystes rådmannen sitt framlegg til vedtak.
Radøy kommune gjev følgjande uttale til planforslaget til Regional Transportplan Hordaland 2018 – 2029:
Radøy kommune oppfattar Regional transportplan for Bergensområdet 2018 – 2029 som eit godt plandokument når det gjeld tilstanden på fylkesvegnettet og strategiar for å oppgradera / trygga trafikksituasjonen.
Radøy kommune vil framheva behovet for auka innsats for å ta igjen etterslepet på oppgradering av fylkesvegnettet.
Prioriteringar i gjennomføringsprogrammet for strekningsvise utbetringar, investeringsprogrammet for fylkesvegar og trafikkplan for båttilbodet blir viktige politiske saker som det er naturleg at kommunen blir trekt inn i.
Handlingprogrammet må oppdaterast slik at kommunane blir tekne inn som samarbeidspartar i tiltak 7.4 (båttilbod) og 7.5 (innfartsparkering). Dette gjeld også tiltak 5.6 (fylkesvegnettet og reiseliv) i den grad det er aktuelt for kommunane å vera med på finansiering.
For å nå måla om redusert biltrafikk utanfor Bergen må kollektivtransporten byggast ut.
RTP må i samarbeid med Staten påta seg ansvar for å framskunda utviklinga av ein framtidsretta kollektivtransport på fjordsystemet i bergensområdet.
Det må bli generelt meir fokus på utbygging av gang- og sykkelveg som tiltak for å redusera biltrafikken.
RTP må ha større tyngde som innspelsdokument til Nasjonal transportplan når det gjeld ny E39 gjennom nordre Åsane.
Sambandet Vest vert ein viktig omkjøringsveg og eit viktig trafikksikringsprosjekt. Vegenrepresenterer eit alternativ til Hagelsundsbrua, og vert ein del av eit framtidig ringvegprosjekt i Nordhordland. Det er ønskjeleg at Sambandet Vest vert tatt med i RTP Hordaland 2018 – 2029.
Tilleggsframlegget frå Kenneth Taule Murberg (H) vert oversendt formannskapet for vidare handsaming og uttale i saka.
Kenneth Taule Murberg (H) sette fram følgjande tilleggsframlegg:Radøy kommune sender brev til politisk leiing i Hordaland Fylkeskommune og etterlyser vedtatt «vedlikehald på Radøy-vegane i 2015». Radøy kommune ønskjer også at forhold rundt ny Alversund bru blir tydeleggjort og oversendt til politisk leiing i Radøy, formannskapet/kommunestyret i Radøy
Innhald i brevet:
· Radøy kommune etterlyser vedtatt vegvedlikehald, budsjettert og vedtatt i 2015. Og ønsker ei tilbakemelding på status for saka
· Radøy kommune stiller seg kritisk til at politiske vedtak ikkje blir følgt opp, og ønsker no handlingskraft.
· Radøy kommune er kritisk til dobbeltkommunikasjon rundt Alversund bru, og ber om at politisk leiing klargjer sitt standpunkt i saka, og
oversender svar til politisk leiing i Radøy kommune.
o Kan vi forventa som lova at ny bru er på plass innan 10 år.
o Korleis tenkjer fylket å finansiera ny bru?
o Radøy kommune forventar at finansiering blir garantert av Fylkeskommunen, og ønskjer ei stadfesting på dette.
o Radøy kommune ber politisk leiing i Hordaland fylkeskommune tydeleggjera sitt standpunkt i forhold til Nyborgtunnelen.
Ordførar Jon Askeland sa at han kjende seg ikkje att i påstanden om dobbelkommunikasjon knytt til Alversundbrua. Han peika på at fylkeskommunen har gjort vedtak om å bygga ny bru, og at han ser det som opplagt at dette er eit prosjekt som fylkeskommunen også skal betala.
Ordføraren viste også til at det var ei administrativ avgjerd i fylkeskommunen om å ikkje tilbakeføra asfaltmidlar til Radøy, etter midlane vart trekt tilbake i samband med arbeid knytt til legging av den nye Kollsnes-Mongstad-linja.
Ordføraren gjorde følgjande framlegg:
Tilleggsframlegget frå Kenneth Taule Murberg (H) vert oversendt formannskapet for vidare handsaming og uttale i saka.
Leif Taule (SP) ba om gruppemøte.
Kommunestyret vedtok samrøystes rådmannen sitt framlegg til vedtak.
Politihkar | Bellodat | Lahttošládja | E-poasta |
---|---|---|---|
Torill Helland | Radøy Arbeidarparti | Medlem | torill_helland@yahoo.no |
Morgan Taule | Radøy Arbeidarparti | Medlem | morgan.taule@gmail.com |
Kirsti Gjetle Floen | Radøy Arbeidarparti | Medlem | k-floen@bkkfiber.no |
Liv Berit Rath | Radøy Arbeidarparti | Medlem | livb.rath@gmail.com |
Jostein Borlaug | Radøy Arbeidarparti | Medlem | jostein.borlaug@bkkfiber.no |
Roy Bø | Radøy Fremskrittsparti | Medlem | royboe53@gmail.com |
Wenche Linda Kalnes Tveranger | Radøy Fremskrittsparti | Medlem | kalnes@hotmail.com |
Christel Villanger Håland | Radøy Høgre | Medlem | christel@villanger.net |
Kenneth Taule Murberg | Radøy Høgre | Medlem | kenneth.taule.murberg@no.issworld.com |
Henning Haugland | Radøy Høgre | Medlem | Henninghaugland@me.com |
Normann Sæbø | Radøy Høgre | Medlem | normann@morenot.no |
David Pletten Aasgard | Radøy Kristeleg folkeparti | Medlem | davidpaa@outlook.com |
Else Marie Skartveit Dale | Radøy Kristeleg folkeparti | Medlem | emsdale@online.no |
Leif Gunnar Taule | Radøy Senterparti | Medlem | leif.taule@gmail.com |
May Britt Vågenes Gjerde | Radøy Senterparti | Medlem | maybritt@gjer.de |
Dag Sætre | Radøy Senterparti | Medlem | dag.setre@radoy.kommune.no |
Silje Namtvedt | Radøy Senterparti | Medlem | Siljenamtvedt@hotmail.com |
Anne Berit Bø Palmesen | Radøy Senterparti | Medlem | anneberitpalmesen@outlook.com |
Jon Askeland | Radøy Senterparti | Medlem | jon.askeland@radoy.kommune.no |
Martin Soltveit | Radøy Senterparti | Medlem | msoltveit@hotmail.no |
Agnes Hoshovde Bernes | Radøy Venstre | Medlem | bernesagnes@gmail.com |
Birthe Haugland Frotaule | Partiuavhengig | Varamedlem | bfrotaule@gmail.com |
Vibeke Angelskår Erstad | Radøy Høgre | Varamedlem | vibecks@hotmail.com |
Arild Valdersnes | Radøy Senterparti | Varamedlem | |
Ingvill Taule | Radøy Senterparti | Varamedlem | Ingvill.Taule@radoy.kommune.no |
Vidar Grindheim (Ii boahtán) | Radøy Høgre | Medlem | VG@uiv.no |
Laila Seilfaldet Pletten (Ii boahtán) | Radøy Senterparti | Medlem | plettenlaila@gmail.com |
Sara Hamre Sekkingstad (Ii boahtán) | Radøy Senterparti | Medlem | sara.sekkingstad@gmail.com |
Ståle Villanger (Ii boahtán) | Radøy Venstre | Medlem | svillanger45@hotmail.com |