Delegerte saker vert tekne til orientering.
Hovudutvalet tok delegerte saker til orientering.
Meldingar og referatsaker vert tekne til orientering.
Status Bressvika - orientering:I forkant av møtet ba utvalsleiar Christel Villanger Håland administrasjonen om ei orientering om status for bustadområdet Bressvika. Ho viste til at fleire innbyggarar i det aktuelle området har tatt kontakt med problemstillingar som gjeld området. Bressvika Vel har også reist fleire spørsmål dei ønskjer svar på.
Rådmann Jarle Landås orienterte om prosessen og svara på spørsmål i utvalet. Han sa at dette er ei kompleks sak som har gått over mange år. Hovudutvalet gav mellombels bruksløyve i 2012. Rådmannen peika på at utbyggar ikkje har søkt om ferdigattest for VVA, og at dette er eitt av fleire bustadfelt utan ferdigattest som står på lista over oppfølging av ulovlege tiltak.
Rådmannen gjorde det klart at søknad om ferdigattest vil bli sett opp mot vedteken reguleringsplan. Utbyggar har ei anna oppfatning enn kommunen om element i reguleringsplanen, men både fylkesmannen og Sivilombodsmannen har gitt kommunen støtte i si vurdering av saka.
Ettersom utbyggar varsla rettssak mot departementet i den aktuelle striden, har kommunen ikkje kunne gå vidare med saka. No vurderer departementet saka som avslutta, og kommunen har kalla inn til møte utbyggar og ansvarleg søkjar for å sjå om det er mogleg å finna ei løysing på den fastslåste situasjonen.
Frist for settefylkesmann: Leif Taule (SP) har reagert på lang handsamingstid for saker som går til settefylkesmann. Han viste til ei konkret sak det ikkje har kome svar på tre kvart år etter at saka vart sendt til settefylkesmannen.
Status tilkomstvegar: Leif Taule (SP) stilte spørsmål om status for Gnr 98/2 og 5 - Mellingen -Tilkomstveg til fritidsbustad, etter at fylkesmannen har stadfesta hovudutvalet sitt vedtak.
Fungerande leiar teknisk forvaltning, Silje Haukedal svara at det ikkje har kome nokon søknad frå tiltakshavar.
Taule spurde også om status i sak om hytteveg på 22/12 Rikstad, etter hovudutvalet si handsaming av saka. Haukedal sa at ho reknar med det vil koma søknad i denne saka.
Kloakk Sletta: Leif Taule spurde også om kloakk-utfordring i ei sak på Sletta. Administrasjonen har vore på synfaring for å sjå kvar det er aktuelt å leggja leidningsnett, men Silje Haukeland opplyste at kommunen har støtt på utfordringar med å kryssa ei nabotomt.
Avkjørsle: Leif Taule reiste spørsmål vedkomande ei sak om flytting/ny avkjøring til ein eigedom like ved gardsmuseet ved Nordanger grendahus). Tiltakshavar har uttalt at han ikkje får gjennomført tiltaket, som vil gjera forholda meir trafikksikre enn i dag. Silje Haukedal peika på at det må vera mindre tiltak enn dette dersom kommunen skal gje fritak frå ansvarsrett, og det er også ei utfordring at dette tiltaket munnar ut i fylkesveg.
Taule ber administrasjonen ta eit møte med tiltakshavar for å gjennomgå saka.
Hovudutvalet tok meldingar og referatsaker til orientering, med dei tillegg som vart sett fram i møtet.
Med heimel i plan – og bygningslova § 19-2, jf. pbl. §§ 1-8 og 11-6 vert det gjeve dispensasjon til
båthus/vedlager på 28 kvm som søkt om.
Med heimel i plan – og bygningslova § 19-2, jf. pbl. §§ 1-8 og 11-6 vert det gjeve dispensasjon til fiskerampe som søkt om.
Vedtaket har heimel i plan- og bygningslova § 19-2 jf. § 11-6 og naturmangfoldslova.
Hovudutvalet var på synfaring på staden.
Det vart opplyst på synfaringa at størrelsen som var opplyst i søknad omfatta både båthus og bryggje. Riktig størrelse på båthus er 28 kvm. Det vart vidare avdekka at tiltaket som er søkt om i vassdrag ikkje er ei tradisjonell flytebryggje, men ei fastmontert fiskerampe. Tiltakshavar har stadfesta at det også vil verta søkt om dispensasjon frå arealføremål friområde i vassdrag for fiskerampen.
Hovudutvalet peikar på at båthus og fiskerampe ligg på motsett side av fylkesvegen enn resten av bygga og har dermed ei tydeleg avgrensa plassering vekk frå det som er den private sona kring bustaden.
På grunn av bratt og tilgrodd terreng er tilkomsten til vassdraget berre mogleg på arealet som ligg omkring gbnr. 100/4. Utvalet ser det som positivt for ålmenta at det blir tilrettelagt med fiskerampe. Fiskerampen vil gjeratilkomsten til vassdrag lettare og bidra til økt bruk. Dette er i tråd med omsyna som arealføremålet friområde skal ivareta.Visuelt gir området uttrykk for å vera utmark, der allmenta har tilkomst i kraft av allemannsretten. Korkje båthus eller fiskerampe vil privatisere eigedommen.
Utvalet finn at ein dispensasjon ikkje vil gje presedensverknad då vurderinga er knytt opp til fiskerampe og dette konkrete vassdraget. Det er vanskeleg med tilkomst til vassdraget på andre område og det er ynskeleg å legga til rette for auka bruk av vassdraget. Utvalet er av den oppfatning av at dette er det mest føremålstenlege områdetå leggje til rette for auka bruk i området. Dette på grunn av terrenget rundt, samt at det er etablert kommunale vasskummer i nærleiken. Nærleiken til dei kommunale vasskummane inneber at området må vera tilgjengeleg for tilkomst.
Utvalet finn etter ei konkret vurdering atvilkåra for å gje dispensasjon frå arealføremålet og byggeforbodet langs vassdrag er oppfylt. Grunngjevinga er at omsyna bak byggeforbodet til vassdrag og arealføremålet LNF på land og friområde i vassdrag ikkje vert vesentleg sett til side om det vert gjeve dispensasjon i saka, og at fordelane er klart større enn ulempene etter ei samla vurdering.
Saka vert sendt Fylkesmannen i Vestland på klagevurdering.
«Hovudutval for plan, landbruk og teknisk gir med heimel i plan- og bygningslova (pbl) § 19-2 og 11-6, dispensasjon frå det generelle forbodet mot byggetiltak i LNF-område i kommuneplanen sin arealdel, for bruksendring av gbnr 34/28 i samsvar med søknad motteke 24.05.2018, supplert sist 18.12.2018. Grunngjeving for vedtaket går fram av saksutgreiing og vurdering ovanfor.
Med heimel i plan- og bygningslova § 20-1 gir Hovudutval for plan, landbruk og teknisk løyve til bruksendring av fritidsbustaden på gbnr 34/28 som omsøkt. Tiltaket skal utførast i samsvar med vedlagt situasjonsplan og plan-, snitt- og fasadeteikningar journalført motteke 07.11.2017. Løyvet omfattar fritak frå byggteknisk forskrift i samsvar med søknad og opplysningar gitt i vedlegg B1. Grunngjeving for vedtaket går fram av saksutgreiing og vurdering ovanfor.
Ansvarsrettar gjeld i samsvar med innsendte erklæringar, jf vurderinga ovanfor. Ansvarleg søkar skal samordne dei ansvarleg prosjekterande, utførande og kontrollerande, og sjå til at alle oppgåver er belagt med ansvar, jf pbl § 23-4, andre ledd.
Dei opplysningar om byggetiltak og tiltakshavar som kjem fram i søknaden blir registrert i matrikkelen, jf Matrikkellova. Matrikkelen er det offisielle registeret for fast eigedom, bygningar, bustader og adresse.
Dersom tiltaket ikkje er sett i gong innan tre år etter at løyve er gjeve, fell løyvet bort. Det same gjeld dersom tiltaket blir innstilt i meir enn to år, jf pbl § 21-9. Tiltaket skal utførast i samsvar med vilkår gjeve i eller i medhald av plan- og bygningslova, med mindre noko anna går fram av vurderinga over eller gjennom tidlegare godkjenning.
Hovudutvalet vedtok rådmannen sitt framlegg til vedtak.
Radøy kommune gir i medhald av Plan- og bygningslova (pbl) § 19-2 dispensasjon frå byggeforbodet i strandsona og arealformålet LNF i kommuneplanen sin arealdel for utviding av eksisterande flytebrygge på gbnr 23/19 i Radøy kommune, i samsvar med situasjonskart og teikningar vedlagt søknad journalført motteke 11.12.2018. Grunngjevinga for vedtaket går fram av saksutgreiing og vurdering over.
Vidare gir Radøy kommune med heimel i plan- og bygningslova § 20-1 løyve til utlegging av flytebrygge som omsøkt. Tiltaket skal utførast i samsvar med situasjonskart og plan-, snitt- og fasadeteikningar journalført motteke 11.12.2018. Det gjeld følgjande vilkår for vedtaket:
Tiltakshavar er ansvarleg for å innhente godkjenningsvedtak frå Bergen og omland havnevesen (BOH) før tiltaket blir gjennomført, og løyve frå BOH må dokumenterast seinast saman med søknad om ferdigattest.
Grunngjeving for vedtaket går fram av saksutgreiing og vurdering ovanfor.
Ansvarsrettar gjeld i samsvar med innsendte erklæringar, jf vurderinga ovanfor. Ansvarleg søkjar skal samordne dei ansvarleg prosjekterande, utførande og kontrollerande, og sjå til at alle oppgåver er belagt med ansvar, jf pbl § 23-4, andre ledd.
Dei opplysningar om byggetiltak og tiltakshavar som kjem fram i søknaden blir registrert i matrikkelen, jf Matrikkellova. Matrikkelen er det offisielle registeret for fast eigedom, bygningar, bustader og adresse.
Dersom tiltaket ikkje er sett i gong innan tre år etter at løyve er gjeve, fell løyvet bort. Det same gjeld dersom tiltaket blir innstilt i meir enn to år, jf pbl § 21-9. Tiltaket skal utførast i samsvar med vilkår gjeve i eller i medhald av plan- og bygningslova, med mindre noko anna går fram av vurderinga over.
Hovudutvalet vedtok rådmannen sitt framlegg til vedtak.
«Hovudutval for plan, landbruk og teknisk gir med heimel i plan- og bygningslova (pbl) § 19-2 og 11-6, dispensasjon frå forbodet mot tiltak i LNF-område (landbruk-, natur- og friluftsområde) i kommuneplanen sin arealdel for bruksendring av delar av løe til verkstad/kontor på gbnr 89/5 i samsvar med søknad motteke 17.12.2018. Grunngjevinga for dispensasjonsvedtaket går fram av saksutgreiing og vurdering ovanfor. Dispensasjonen fell vekk etter tre år dersom den ikkje er nytta, jf pbl § 21-9.
Med heimel i plan- og bygningslova § 20-1 gir Radøy kommune løyve til delvis bruksendring av løa på gbnr 89/5 som omsøkt. Tiltaket skal utførast i samsvar med situasjonskart, plankart og fasadefoto journalført motteke 17.12.2018. Grunngjeving for vedtaket går fram av saksutgreiing og vurdering ovanfor.
Ansvarsrettar gjeld i samsvar med innsendte erklæringar, jf vurderinga ovanfor. Ansvarleg søkar skal samordne dei ansvarleg prosjekterande, utførande og kontrollerande, og sjå til at alle oppgåver er belagt med ansvar, jf pbl § 23-4, andre ledd.
Dei opplysningar om byggetiltak og tiltakshavar som kjem fram i søknaden blir registrert i matrikkelen, jf Matrikkellova. Matrikkelen er det offisielle registeret for fast eigedom, bygningar, bustader og adresse.
Dersom tiltaket ikkje er sett i gong innan tre år etter at løyve er gjeve, fell løyvet bort. Det same gjeld dersom tiltaket blir innstilt i meir enn to år, jf pbl § 21-9. Tiltaket skal utførast i samsvar med vilkår gjeve i eller i medhald av plan- og bygningslova, med mindre noko anna går fram av vurderinga over eller gjennom tidlegare godkjenning.»
Hovudutvalet vedtok rådmannen sitt framlegg til vedtak.
Det vert ikkje gjeve dispensasjon frå arealføremål LNF og byggeforbodet i strandsona, jf pbl § 1-8.
Grunngjeving for vedtaket går fram av saksutgreiinga.Vedtaket har heimel i plan- og bygningslova § 19-2 jf. § 11-6 og naturmangfaldslova §§ 8-12.
Hovudutvalet var på synfaring.
Hovudutvalet vedtok rådmannen sitt framlegg til vedtak.
Klaga vert ikkje teke til følgje og vedtak i delegert sak 304/2018 vert stadfesta.
Grunngjevinga går fram av saksutgreiinga.
Heimel for vedtaket er forvaltningslova § 33, jf. plan- og bygningslova §§ 19-2.
Klagen vert sendt Fylkesmannen i Hordaland for endeleg avgjerd.
Leif Taule (SP) ba om ei avklaring om Dag Sætre (SP) på grunn av arbeidssituasjonen er inhabil i saka.Rådmannen svara at det ikkje er grunnlag for å erklæra Sætre ugild, og utvalet erklærte han habil til å vera med i handsaminga av saka.
Leif Taule (SP) reiste spørsmål om det er mogleg å få gjort noko med dårleg drenering/overvatn i bustadfeltet. Konstituert leiar for teknisk forvaltning, Silje Haukeland, svara at det er ei problemstilling som er tatt opp med utbyggar.
Hovudutvalet vedtok rådmannen sitt framlegg til vedtak.
Planframlegg datert 24.01.2019 og 25.01.2019 for detaljreguleringsplan PlanID 12602018000300 Manger sentrum aust vert lagt ut til offentleg høyring og ettersyn i samsvar med reglane i plan- og bygningslova § 12-10 og § 12-11.
Hovudutvalet vedtok rådmannen sitt framlegg til vedtak.
Det vert løyvd 10250 kroner i tilskot frå Radøy kommune sitt viltfond til innkjøp og montering av gjerde rundt rundballar på Birkeland.
Hovudutvalet vedtok rådmannen sitt framlegg til vedtak.
Hovudutval for plan, landbruk og teknisk finn at klagen ikkje inneheld ny grunngjeving eller nye opplysningar som tilseier at vedtaket av 19.10.2018, delegert sak 273/2018, blir endra. Klagen blir difor ikkje tatt til følgje.
Det blir vist til saksutgreiinga og vurderinga over som grunnlag for vedtaket.
Saka blir sendt Fylkesmannen i Hordaland for endeleg avgjerd.
Hovudutvalet var på synfaring.
Hovudutvalet vedtok rådmannen sitt framlegg til vedtak.
Hovudutval for plan, landbruk og teknisk gir med heimel i plan- og bygningslova (pbl) § 19-2 og 11-6, dispensasjon frå forbodet mot tiltak i LNF-område (landbruk-, natur- og friluftsområde) i kommuneplanen sin arealdel for frådeling av bustadhus med tomt på gbnr 84/1,3 i samsvar med revidert søknad motteke 28.01.2019.
Det gjeld følgjande vilkår for dispensasjonen:
Eksisterande våningshus kan ikkje delast frå eigedomen før det er gitt midlertidig bruksløyve til nytt våningshus
Det skal ikkje inngå dyrka eller dyrkbar mark i den nye bustadparsellen
Eksisterande våningshus kan ikkje delast frå utan at det blir tinglyst gjerdeplikt for eigedomen
Eksisterande våningshus kan ikkje delast frå utan at det blir tinglyst vegrett for ny matrikkeleining over gbnr 84/1,3
Grunngjevinga for dispensasjonsvedtaket går fram av saksutgreiing og vurdering ovanfor. Dispensasjonen fell vekk etter tre år dersom den ikkje er nytta, jf pbl § 21-9.
Vidare gir Hovudutval for plan, landbruk og teknisk løyve til deling og oppretting av ny matrikkeleining, jf pbl § 20-1 bokstav m), med størrelse på om lag 1000 m². Det blir vist til situasjonsplan motteke 28.01.2019. Grensene mellom eigedomane og nøyaktig størrelse på ny matrikkeleining, blir fastlagd i samband med gjennomføring av oppmålingsforretning etter matrikkellova. Løyvet fell vekk dersom det ikkje er gjennomført oppmålingsforretning etter lov om eigedomsregistrering innan 3 år etter at løyvet er gjeve, eller dersom matrikkelføring vil vera i strid med lov om eigedomsregistrering, jf pbl § 21-9.
Vidare gir Hovudutval for plan, landbruk og teknisk løyve til utbetring av tilkomstveg, jf pbl § 20-1 bokstav l), jf søknad med vedlegg journalført motteke 06.09.2018. Ansvar i saka gjeld i samsvar med innsendt erklæring og gjennomføringsplan. Dei opplysningar om byggetiltak og tiltakshavar som kjem fram i søknaden blir registrert i matrikkelen. Dersom tiltaket ikkje er sett i gong innan tre år etter at løyve er gjeve, fell løyvet bort. Det same gjeld dersom tiltaket blir innstilt i meir enn to år, jf pbl § 21-9. Tiltaket skal utførast i samsvar med vilkår gjeve i eller i medhald av plan- og bygningslova, med mindre noko anna går fram av vurderinga over.
Hovudutvalet vedtok rådmannen sitt framlegg til vedtak.
Politihkar | Bellodat | Lahttošládja | E-poasta |
---|---|---|---|
Christel Villanger Håland | Radøy Høgre | Utvalsleiar | christel@villanger.net |
Leif Gunnar Taule | Radøy Senterparti | Nestleiar | leif.taule@gmail.com |
Jannicke Helland | Radøy Arbeidarparti | Medlem | jannicke-h@hotmail.com |
Roy Bø | Radøy Fremskrittsparti | Medlem | royboe53@gmail.com |
Dag Sætre | Radøy Senterparti | Medlem | dag.setre@radoy.kommune.no |
May Britt Vågenes Gjerde | Radøy Senterparti | Medlem | maybritt@gjer.de |
Edgar Grindheim | Radøy Arbeidarparti | Varamedlem | edgar.grindheim@hfk.no |
Morgan Taule (Ii boahtán) | Radøy Arbeidarparti | Medlem | morgan.taule@gmail.com |