Čoahkkin Formannskapet i Radøy 20.02.2014

Skule-næringsliv: Kommunalsjef Jo Tømmerbakke orienterte om samarbeidet skule-næringsliv, mellom anna med fokus på Ungt Entreprenørskap. Målsetjinga er å utdanna elevar til å verta arbeidsskapar så vel som arbeidstakar. Han peika også på at 70 prosent av dagens bedrifter er borte eller totalt endra om ti år, og at 30 prosent av yrka i framtida er ukjende for oss.
Radøy kommune har inngått avtale med Ungt Entreprenørskap. Kommunalsjefen framhevar det store potensialet som ligg i dette samarbeidet, samtidig som det kostar kommunen lite. Skulane i Radøy nyttar seg av fleire av UE sine opplegg, mellom anna «Vårt lokalsamfunn» for 4.klassen og prosjektet «Smartare energi» for 5.-7. trinnet. I år er for første gong mellomsteget på alle barneskulane med på dette opplegget. Kommunalsjefen fortel om glød og entusiasme både mellom elevane og lærarane i desse prosjekta.Så langt er det inga elevbedrift på ungdomsskulen, men kommunalsjefen er innstilt på å jobba vidare med korleis elevbedrift kan leggast inn i læreplanen og koplast til ei praktisk tilnærming til teorifaga.Formannskapet gav kommunalsjefen full støtte i arbeidet.

Trivsel- og læringsmiljø: Kommunalsjef Jo Tømmerbakke orienterte om utviklingsarbeid knytt til læringsmiljø, sosialt miljø og mobbing i Radøy-skulane. I dette utviklingsarbeidet har kommunalsjefen felles skule/heim-samarbeid, grunnleggjande ferdigheiter og læringsmiljø/klasseleiing og leiing som fokusområde. Viktige element i dette arbeidet er mellom anna kontinuerleg arbeid på alle nivå, felles haldningar, felles oppfatning av kva som er meir og mindre problemåtferd, og felles reaksjonsmønster.Radøy-skulane gjer seg nytte av ulike tiltak og program i det haldningsskapande arbeidet mot mobbing. Kommunalsjefen er tydeleg på at det hjelper ikkje kva program ein har, om ikkje ein har tydelege, samkjørte vaksne som reagerer på same type åtferd, med same reaksjon – både heime og på skulen.Tømmerbakke konkluderte med at skulane ikkje nødvendigvis treng bruka mykje ressursar på dyre program, ettersom det meste er fritt tilgjengeleg gjennom mellom anna Utdanningsdirektoratet.Han viste også til at Radøy i sum brukar bra med ressursar på området. Det er få kommunar som har både ungdomskoordinator og MOT.Kommunalsjefen kjem tilbake med innstilling.

Terapibassenget: Rådmannen orienterte om arbeidet med å få reparert terapibassenget. Det som skal rivast er gjort, og han har håp om at bassenget kan vera i drift att ved påsketider. Terapibassenget har vore stengd i lengre tid på grunn av at store lag med fliser har løsna. Rådmannen informerte om at kommunen jobbar med ei garantisak i forhold til skadane i bassenget. Ordføraren ba rådmannen informera innbyggarane godt om prosessen.

«Brannstudien»: Ordføraren orienterte om arbeidet med organisering av brannvernet i Bergensområdet. Det vert mellom anna gjort framlegg om at brannvernet i omkringliggande kommunar skal verta administrativt toppstyrt frå Bergen. Samtidig skal den frivillige førstelinje-beredskapen oppretthaldast lokalt, og bil- og utstyrssatsinga skal ikkje svekkast ved ei mogleg endring.

Politiråd:Varaordførar Ann Christin Hoen orienterte frå møte i Politirådet. Der vart det lagt fram ei undersøking som understrekar foreldra si store påverknad påbarn og unge i haldningsskapande arbeid for alkoholbruk og rus. Politirådet vil jobba vidare for åstyrka foreldra sin medverknad og engasjement.

Kransnedlegging 17.mai:Avklaring om kven som skal leggja ned krans på bauta og minnesteinar ved kyrkjene 17. mai.Fordelinga vert slik:Bø - Frode HervikSletta - Morgan TauleSæbø - Kenneth MurbergManger - Silje Namtvedt

Trafikksikringsplan for Radøy 2014-2020 vert sendt på høyring og lagt ut til offentleg ettersyn. Grunngjeving av vedtaket er at det er i tråd med planstrategi for Radøy kommune. Vedtaket har heimel i plan- og bygningslova § 11-14.Formannskapet ber administrasjonen koma med ei vurdering av særordningane for skuleskyss til neste møte.

Formannskapet vedtek revidert planprogram for kommunedelplan for anlegg for idrett, friluftsliv og nærmiljø.Vedtaket har heimel i pbl. § 4-1.«Kommunedelplan for anlegg for idrett, friluftsliv og nærmiljø» vert omgjort til «Kommunedelplan for idrett, friluftsliv og nærmiljø".

Rådmannen informerte om revidert framlegg til planprogram for kommunedelplanen. Mellom anna er brukarmedverknad for barn og unge tattinn som eit element i planen. På grunn av den lange tida som har gått sidan planprogrammet vart sendt på høyring, vil rådmannen setja saman ei ny arbeidsgruppe.

Rådmannen lanserte ideen om ågje kommunedelplanen ein ny tittel. Formannskapet vart einige om å omdøypa «Kommunedelplan for anlegg for idrett, friluftsliv og nærmiljø» til «Kommunedelplan for idrett, friluftsliv og nærmiljø".