Čoahkkin Formannskapet i Radøy 16.04.2015

Vedtak

Radøy kommune gjev Manger skulemusikklag 10 000 kroner i støtte til deltaking i EM for skulekorps i Tyskland.

Behandling

Formannskapet vedtok samrøystes rådmannen si tilråding.

Vedtak

Radøy kommune går ikkje inn som medeigar i anlegg for idrett, skyting eller liknande. I den grad det er nødvendig for kommunal drift, kan kommunen inngå leigeavtale med slike anlegg.

Behandling

Radøy idrettsråd kom 15. april med uttale til saka, og uttalen vart sendt formannskapet på e-post. Kommunestyret ba i budsjettvedtaket for 2015 administrasjonen om å leggja fram ei sak om mogleg tilskot til idrettsanlegg i kommunen. I Radøy er det laga som eig og driv anlegg, og kommunen gje tilskot. Økonomisjef Sveinung Kvamme orienterte om dei prinsipielle sidene ved saka. Han peika på at den økonomiske situasjonen gjer det svært vanskeleg å gje tilskot til idrettsanlegg over drifta, og at det er komplisert å gje tilskot til anlegg over investeringsbudsjettet.

Søknaden fråidrettsanlegget i Grønålen, er ikkje ein del av saka som er til handsaming, men er likevel knytt til det samla sakskomplekset. Rådmannen sa at kommunen er i dialog med idrettslaget om ein leigeavtale og meiner det tilrådde vedtaket il gje administrasjonen handlingsrom for å inngå ein leigeavtale raskast mogleg.

Frode Hervik (V) ønskjer ei meir positiv formulering enn det han meiner kjem fram i vedtaksframlegget. Han kom med følgjande framlegg i møtet:

Radøy kommune vil medverka til realisering av nye idrettsanlegg/oppgradering av eksisterande anlegg. Kommunen kan inngå leigeavtale med idrettslag om anlegg, der tilhøva ligg til rette for det, for ånytta midlar over drifts- eller investeringsbudsjettet til slike anlegg. Det er ikkje ynskjeleg for Radøy kommune å gå inn som eigar eller medeigar av idrettsanlegg, men dersom det vert naudsynt for åkunna realisera anlegg, kan det vurderast.

Frode Hervik (V) sitt framlegg fekk 1 røyst og fall.
Formannskapet vedtok rådmannen si tilråding med 6 mot 1 røyst (Frode Hervik,V).

Vedtak

1.Radøy kommune er positive til vidare drift av Sambandet Vest AS.2. Radøy kommune løyver kr 103.125,- som kommunen sin del av ny aksjekapital. Midlane vert å dekka frå ubundne investeringsfond. Det er ein føresetnad at dei andre eigarane går inn med sin del.

3. Radøy kommune er positive til å finansiera del av NUI IKS sin del av ny aksjekapital avgrensa oppad til kr 103.125,-. Finansieringa for denne delen vert å dekka frå disposisjonsfond.
Radøy kommune overfører også 11 aksjar til NUI IKS.
4.  få Sambandet Vest realisert, og gjev si støtte til at Sambandet Vest AS samlar eigarane ogandre aktuelle eigarar/investorar for å sikra framtidig drift av selskapetDette vil vera grunnlag for at det  snarast kan leggjast fram  planar for trasèval og framdriftsplanar.

Behandling

Det er stor semje i formannskapet om å sikra vidare drift i pådrivarselskapet for vegsamband mellom Radøy, Meland og Askøy. Kenneth Murberg (H) ønskjer å ei endå klarare støtte til Sambandet Vest AS sitt arbeid som pådrivarselskap enn det som kjem fram i tilrådinga til vedtak (pkt 4).

Etter drøftingar vart det sett fram følgjande fellesframlegg til nytt punkt 4 i rådmannen si tilråding:Radøy kommune vil få Sambandet Vest realisert, og gjev si støtte til at Sambandet Vest AS samlar eigarane og/investorar for å sikra framtidig drift av selskapet. Dette vil vera grunnlag for at det  snarast kan leggjast fram  planar for trasèval og framdriftsplanar.
Det vart sett fram følgjande tilleggsframlegg til punkt 3 i tilrådinga:Formannskapet vedtok rådmannen si tilråding, med fellesframlegget sett fram i møtet.

Vedtak

Radøy kommune utnemner forhandlingsutval samansett av ordførar, varaordførar og representant for det største opposisjonspartiet, Høgre. Rådmannen deltek i tillegg.

Utvalet har mynde til å forhandla i alle aktuelle alternativ for samanslåing i regionen.

Formannskapet er styringsgruppe.

Behandling

Formannskapet vedtok samrøystes rådmannen si tilråding.

Vedtak

Radøy kommune takkar ja til samarbeidsprosjektet med Telenor ASA for utbygging av mobildekning med ei stor mast på austsida av Radøy.
Kommunen ber Telenor gå vidare med alternativ for mogleg betring av dekning av bøvågenområdet.

Behandling

Formannskapet vedtok samrøystes rådmannen si tilråding.

Vedtak

Saka vert utsett. Formannskapet ber rådmannen få avklart dei næringsdrivande si interesse for Cittaslow-medlemsskap.

Behandling

Landbrukssjef Toril Mulen orienterte 0m Cittaslow og om arbeidet med å kartlegga interessa for at Radøy skal søkja om å verta Cittaslow-kommune. Kva som vil koma ut av eit medlemsskap, er avhengig av kor store ressursar som vert sett inn. Ho fortel om tilbakemeldingar frå aktuelle næringsaktørar i kommunen at dette er eit interessant konsept. Dersom Radøy maktar å løfta fram og skapa interesse for det me er gode på og har å tilby, ser landbrukssjefen eit potensiale i Bergen som nærmarknad. Ho har tru på at ein del aktørar i næringslivet vil kunne få drahjelp ved eit Cittaslow-medlemsskap. Det har vore halde to folke- og informasjonsmøte om Radøy som mogleg Cittaslow-kommune.

Rådmannen peikar på at det vil vera nødvendig å setja av nødvendige ressursar i budsjett dersom kommunen blir Cittaslow-medlem, anslagsvis 200 000 kroner årleg.

Det vart ei god drøfting i formannskapet om eit mogleg medlemsskap i Cittaslow. Kenneth Murberg (H). Han etterlyser eit klarare svar på kva interesse det er for Cittaslow mellom dei private aktørane og ei avklaring kva kommunen og næringslivet vil med prosjektet.

Frode Hervik (V) synest Cittaslow er eit spennande konsept, men konstaterer at engasjementet mellom aktuelle medspelarar i denne omgang ikkje har vore så stort som han hadde håpa på. Engasjementet var klart større for nokre år sidan.

Roy Bø (FrP) meiner det er dei næringsdrivande som må visa interesse dersom Cittaslow-medlemsskap skal ha noko for seg.
Silje Namtvedt (Sp) ser behov for meir dokumentasjon på kor stor interessa er i næringslivet.

Ann Christin Hoen (A) ser Cittaslow som spennande for kultur og turisme, og eit tiltak som kan få næringslivet til å blomstra meir. Ho avventar eit tydeleg eigarforhold hjå næringslivet før det er aktuelt for kommunen å søkja om medlemsskap.

Finn Frantzen (KrF) er villig til å litt ressursar for å koma eit steg vidare og få kartlagt interessa i næringslivet.

Ordførar Jon Askeland meiner suksess i eit Cittaslow-medlemskap er ei brei forankring hjå aktørane som har nytte av eit medlemsskap.

Det vart sett fram følgjande utsetjingsframlegg i møtet:
Formannskapet ber rådmannen få avklart dei næringsdrivande si interesse for Cittaslow-medlemskap.

Vedtak

Meldingar og referatsaker vert tekne til orientering.

Behandling

Økonomirapport/årsrekneskap 2014:
Økonomisjef Sveinung Kvamme orienterte om månadsrapport og årsrekneskapet for 2014. Rekneskapet er avslutta, men ikkje ferdig revidert. Han informerte om at årsrekneskapen kjem til handsaming i kommunestyret i juni-møtet.
Netto driftsresultat for 2014 er negativt med 3,779.774 kroner. Resultatet er ca 3,4 mill. svakare enn driftsresultatet som låg inne i vedteke budsjett. Økonomisjefen peika på fleire hovudårsaker til dette; mellom anna svikt i skatteutjamninga på ca 1,7 mill. kroner, utvida tilbod i Omsut, auka kostnad gjesteelevar, og overskriding på nokre få prosjekt.
Fleire representantar tok opp utfordringa med den sterke auken i kostnader til gjesteelevar. Radøy må t.d. dekka kostnad med spesialundervisning i vertskapskommunane. Rådmannen sa at kommunen prøver å vera i dialog med vertskommunane. Han stadfesta at Radøy slit med for få fosterheimar i eigen kommune. Samtidig er talet på born som vert plassert utanfor kommunen gått ned.

Rådmannen informerte om at budsjettinnsparingane som ligg i 2015-budsjettet er under kontroll, og rådmannen vil koma tilbake med oversikt over dette. Han er ikkje heilt tilfreds med oppfølginga av stillingstoppen. Difor blir det no etablert ei administrativ gruppe med rådmannen, kommunalsjefane og hovudtillitsvalde, som skal ta stilling til om - og kor tid - ledige stillingar skal lysast ut.

Investeringsprosjekt 2015 - status

Rådmannen gav ei løypemelding om status for investeringsprosjekt i 2015 og han svara på spørsmål knytt til enkelte prosjekt.

DPS-bygget: Frode Hervik stilte spørsmål ved det vidare arbeidet med nye sjukeheimsplassar og tidlegare signal om at det kan vera aktuelt å gå i dialog med Helse Bergen om ei mogleg overtaking av DPS-bygget (tidl. Radøy sjukeheim). Rådmannen svara at dette vil bli følgd opp.

Rema1000-bygg: Finn Frantzen (KrF) reagerer på for dårleg utnytting av tomteareal for den planlagde Rema1000-tomta på Manger. Ordførar Jon Askeland meiner peika på at denne tomta er indrefileten i Manger sentrum, og ser det som naturleg at utnyttinga av tomta vert sendt til politisk handsaming. Frode Hervik (V) meiner det må stillast arkitektoniske krav til det planlagde Rema1000-bygget, som vert nabo til kyrkja. Kenneth Murberg (H) advara mot å stilla for strenge krav til utforming av bygget.

Legevakta: Ann Christin Hoen (A) etterlyste budsjett og rekneskap for Nordhordland legevakt. Ho meiner kommunen og dei folkevalde har krav på å få innblikk i drifta og økonomiske tilhøve ved legevakta. Ordføraren viste til at kommunen kan krevja å få lagt fram budsjett og rekneskap, og han ba rådmannen følgja opp saka.

Moldova-invitasjon: Radøy er ein av fleire kommunar som har fått invitasjon til eit informasjonsmøte knytt til moglege samarbeidsprosjekt i Moldova. Hjelpeorganisasjonen knytt til tidlegare Chriana Veche-aksjonen, som var Radøy og radværingane sitt tusenårsprosjekt, står i spissen for moglege samarbeidsprosjekt mellom Norge og Moldova.
Vedtak: Formannskapet gjev ordføraren fullmakt til å delta på informasjonsmøtet.

Trygg Trafikk: Organisasjonen ønskjer å få Radøy kommune som medlem. Ordføraren orienterte om kurs og andre tilbod som kommunane kan nytta seg av i Trygg Trafikk. Formannskapet drøfta saka og konkluderte med følgjande: Administrasjonen følgjer opp saka overfor skulane. Eit mogeleg medlemsskap i Trygg Trafikk er avhengig av at skulane er interesserte i å nytta seg av tilboda som organisasjonen tilbyr.

Regionalt helsehus: Ordføraren orienterte om løypemelding for regionalt helsehus. Helsehus-tomta opnar for langt større utnyttingsgrad enn eit bygg på 8000 kvm, som det er lagt opp til. Ordføraren sa at det no vert vurdert å utvida storleiken på bygget, også utfrå at Helse Bergen i sitt arealbehov har lagt nettotal til grunn. Dersom helsehuset blir større, må også låneramma utvidast, og då vil kommunestyra få ei formell sak til handsaming.

Skatteoppkrevjar-funksjonen: Ordføraren konstaterer at skatteoppkrevjarkontoret i Knarvik driv godt, men ser at det likevel brenn eit blått lys for kontoret for Nordhordland.

Regional nærings- og samfunnsplan: Ordføraren orienterte om at arbeidet med den regionale nærings- og samfunnsplanen går som planlagt. Han reknar med at planen kjem til politisk handsaming i kommunane ut på hausten.

Dialogmøte med NAV: Ordføraren orienterte om dialogmøte med NAV-leiar Anne Kverneland i regionrådet, der situasjonen for vekstbedriftene var eit sentralt tema. NAV kjøper tenester frå vekstbedrifter, t.d. Aufera. Kverneland gav klart uttrykk for at vekstbedriftene i Rogaland har betre samarbeid med NAV enn tilfellet er i Hordaland. Ho oppmoda vekstbedriftene i Nordhordland om å slå seg saman. NAV stiller krav som mindre bedrifter ikkje maktar å innfri. Ordføraren konstaterer at Aufera går usikre tider i møte, etter at bedrifta har gått til oppseiing av dei APS-tilsette. Han informerte om at regionrådet legg opp til eit tettare samarbeid mellom vekstbedriftene i regionen. Kenneth Murberg (H) meiner det er grunnlag for å ta initiativ til samarbeid/samanslåing mellom vekstbedrifter i distriktet. Han fekk støtte i formannskapet for denne tanken. Rådmannen fekk fullmakt til å jobba vied styresamansetjing i Aufera, der Radøy er ein av tre eigarkommunar.

Formannskapet tok meldingar og referatsaker til orientering.