Čoahkkin Formannskapet i Radøy 18.06.2015

Vedtak

Oppstart av temakartlegginga Kartlegging og verdisetting av friluftsområde i Radøy vert godkjend.

Behandling

Formannskapet vedtok rådmannen sitt framlegg til vedtak.

Vedtak

Vedtekter for Radøy ungdomsråd vert godkjend med følgjande endringar:

§1e: eiar og kontaktperson får tilsendt kommunestyredokument frå kommunestyresekretær når det er saker som omhandlar barn og unge i kommunen.

Formannskapet tilrår at bisetning i §4a vert endra til "arbeidsutval har møte etter behov".

Behandling

Rådmannen gjorde merksam på at §1e i vedtektene ikkje er retta opp i samsvar med saksutgreiinga. Framlegg til §1e skal ha denne ordlyden: Leiar og kontaktperson får tilsendt kommunestyredokument frå kommunestyresekretær når det er saker som omhandlar barn og unge i kommunen.

I formannskapet vart det også gjort framlegg om ei mindre endring i §4a:
Formannskapet tilrår at bisetning i §4a vert endra til "arbeidsutval har møte etter behov".

Formannskapet godkjenner vedtektene med framlegg sett fram i møte.

Vedtak

Hordabø skulemusikklag får avslag på søknad om kr 80 000 til drift og vidareutvikling av korpset.

Formannskapet ber Hordabø skulemusikklag vurdera å koma attende med ny søknad i tråd med saksutgreiinga og uttale frå Radøy frå Radøy song- og musikkråd.

Behandling

Silje Namtvedt (Sp) meldte seg ugild i saka på grunn av nær slektsskap til leiar i styret i Hordabø skulemusikklag. Ho deltok ikkje i handsaminga av saka.

Formannskapet etterlyste ein meir prosjektretta søknad. Det vart sett fram følgjande tilleggsframlegg i møte:
Formannskapet ber Hordabø skulemusikklag vurdera å koma attende med ny søknad i tråd med saksutgreiinga og uttale frå Radøy frå Radøy song- og musikkråd.

Vedtak

Radøy kommune gir si tilslutning til å delta i Bergensalliansen si vidare utgreiing om samarbeid

mellom brann- og redningstenestene, i tråd med tilrådingane i rapporten "Mulig samarbeidsmodell

for fremtidens brann- og redningsjeneste i bergensregionen".

Behandling

Ordføraren orienterte om arbeidet med å få til eit samarbeid om brann- og redningstenestene i bergensregionen.

Formannskapet vedtok samrøystes rådmannen sitt framlegg til vedtak.

Vedtak

Formannskapet støttar rådmannen i streng budsjettdisiplin.

Behandling

Saka gjeld oppfølging av budsjett 2015/budsjett 2016, knytt til to oversendingsframlegg i kommunestyret 10. juni - busjettregulering juni 2015.

I sak 030/2015 i kommunestyret kom Frode Hervik (V) med følgjande tekstframlegg til budsjettregulering:
1. Organisasjonsstruktur med kommunalsjefar vert gjenstand for evaluering. Evalueringa må vera uavhengig av rådmannsgruppa. Dei tilsette må inkluderast i evalueringsprosessen. Evalueringa må føreliggja før endeleg handsaming av budsjett for 2016.
2. Det vert vurdert å gjera Austebygd skule til ein filial under Hordabø skule med felles rektor. Rådmannen kjem tilbake til politisk nivå med sak om barnehage- og skulestruktur hausten 2015, med sikte på slutthandsaming før endeleg handsaming av budsjett for 2016.
3. Det vert vurdert nærare moglege innsparingar på Radøy Interkommunale Busenter (RIB) i samband med budsjett for 2016. Rådmannen kjem tilbake med politisk sak, der ein strategi for institusjonen vert drøfta.

Kenneth Murberg (H) kom med følgjande framlegg:
Radøy Høgre legg til grunn råmannen sitt nedtrekk. Radøy Høgre legg også til grunn at det vert innført budsjettdisiplin i kommunen, og at kvar sektor korrigerer drifta i samsvar med budsjett.

Kommunestyret vedtok at dei to framlegga vart oversendt formannskapet til vidare handsaming.

I formannskapet orienterte rådmannen om tiltak til innsparingar som er gjennomført og som vil bli gjennomført, og sa at desse nedtrekka skal vera nok til å oppfylla innsparingane som det er lagt opp til i budsjettreguleringa.
Rådmannen viste til at ein alt ser verknader av den nye stillingsgrupppa, som skal vurdera alle ledige stillingar med inntil 14 dagars funksjonstid.

Formannskapet drøfta vidare oppfølging av budsjett 2015/budsjett 2016. Under delar av denne drøftinga vart møtet lukka.

Formannskapet samla seg om følgjande framlegg til vedtak:

Formannskapet støttar rådmannen i streng budsjettdisiplin.

Vedtak

Styringsgruppa for kommunestruktur drøfta forhandlingane i Nordhordlands-alternativet og 3-kommune-alternativet.

Behandling

Ordføraren orienterte om at Meland kommunestyre samrøystes har vedteke å bryta vidare forhandlingar i det store Nordhordlands-alternativet og bergensalternativet, og står dermed att med 3-kommune-alternativet mellom Meland, Radøy og Lindås.

Styringsgruppa drøfta situasjonen som er oppstått etter avgjera i Meland. Nordhordlands-alternativet skal ha neste forhandlingsmøte i august, der tenestekvalitetet og demokratimodell er sentrale tema.

Ordføraren presenterte utkast til rapport etter første fase i forhandlingane i 3-kommune-altermnativet. Han orienterte om pressekonferanse for å lansera innhaldet og konklusjonane så langt i desse forhandlingane.

Det vart drøfta ulike sider ved innhaldet i utarbeidd rapport frå 3-kommune-forhandlingane. Mellom anna var det semje om å konkretisera/tydeleggjera begrepet "tenester der du bur".
Det vart også ei drøfting kring temaet "harmonisering av skattar og avgifter".

Frode Hervik (V) tok opp forslag til område-organisering, og la vekt på at Manger sine interesser som "tidlegare kommunesenter" vert ivareteke. Han meiner Manger må sidestillast med Frekhaug.
Ordføraren peika på at det er lagt opp til å bruka midlar frå statleg eingongs-kompensasjon ved samanslåing til å styrka dei sentra som mister kommunesenter-status.

Vedtak

Radøy kommune støttar ikkje forslaget om lovendring som gjer generell tilgang for butikkar til å ha søndagsope.

Behandling

Rådmannen la fram fem ulike alternative framlegg til uttale om søndagsopne butikkar.

Wenche Kalnes Tveranger (Frp) støttar alternativ 2:edagsfred-lova som gjer tilgang for butikkar å ha søndagsope. Dersom det likevel ikkje vert ein generell tilgang til søndagsopne butikkar bør kommunane sjølv kunne ta avgjerd om butikkane i kommunen skal ha søndagsope.

Frode Hervik (V) og Kenneth T. Murberg (H) støttar alt. 3:
Radøy kommune ønskjer eiordning med at den einskilde kommune sjølv har avgjerdsmynde for om butikkane i kommunen skal ha tilgang til å ha søndagsope.

Finn Frantzen (KrF), Jon Askeland (Sp), Silje Namtvedt (Sp), Ann Christin Hoen (Ap) støttar alt. 4:
Radøy kommune støttar ikkje forslaget om lovendring som gjer generell tilgang for butikkar til å ha søndagsope.

Radøy kommune gir dermed følgjande uttale til høyring om søndagsopne butikkar:
Radøy kommune støttar ikkje forslaget om lovendring som gjer generell tilgang for butikkar til å ha søndagsope.

Vedtak

Felles IKT-strategi for 2015 – 2018 vert vedteken som Radøy kommune sin IKT-strategi for denne perioden.

Behandling

Rådmannen orienterte om det nye strategidokumentet for IKT Nordhordland for 2015-2018, som no er til politisk forankring i kommunane. Han peika på at digital dialog med innbyggarane er eit sentralt tema i dokumentet. Han viste også til årsmelding og tertialrapport frå IKT Nordhordland, som ligg vedlagt "Meldingar og referatsaker". I årsmeldinga kjem det fram at IKT Nordhordland brukte mindre pengar enn budsjettert i 2014.
Rådmannen vil koma tilbake til hausten med oppdatert informasjon om utviklinga i IKT Nordhordland.

Kenneth Murberg (H) gav uttrykk for at han synest det i ein økonomisk tøff situasjon for kommunen vil vera viktig å ta for seg drifta i dei ulike samarbeidsselskapa i regionen.

Formannskapet vedtok samrøystes rådmannen sitt framlegg til vedtak.

Vedtak

Kommunen vel å setja i gang arbeida med utviding av lokala til heimetenesta innafor vedtekne budsjettrammer og oversender saka til den kommunale byggjenemnda.

Behandling

Formannskapet vedtok samrøystes rådmannen sitt framlegg til vedtak.