Čoahkkin Formannskapet i Radøy 17.12.2015

Vedtak

Comino forlag får avslag på søknad om støtte til bok om korpsmiljøet i Nordhordland.

Behandling

Formannskapet vedtok samrøystes rådmannen si tilråding.

Vedtak

Arne Marås får 23 000 kroner i tilskot til restaurering av kvernhuset på Marås.

Jan Erik Ottesen får 10 000 kroner i tilskot til restaurering av brygga ved lensmannshuset i Mangersvågen. Det er eit vilkår for tilskotet at alternativ B i planane vert følgd, og at Radøy kommune får høve til å følgja arbeidet.

Sak om revisjon av statuttane for kulturminnefondet vert lagt til politisk handsaming til våren.

Behandling

Vidar Grindheim (H) ønskjer større fokus på bruksrett og allemannsrett for tiltak som får kommunal støtte.
Det vart sett fram følgjande felles tilleggsframlegg:
Sak om revisjon av statuttane for kulturminnefondet vert lagt fram til politisk handsaming til våren.

Formannskapet vedtok samrøystes rådmannen sitt framlegg til vedtak, med tilleggsframlegg sett fram i møtet.

Vedtak

Formannskapet vedtek å leggja kommunedelplan for idrett, fysisk aktivitet og friluftsliv ut på høyring og offentleg ettersyn. Høyringsfristen vert sett til seks veker frå kunngjeringsdato, jf plan- og bygningslova §§ 11-2 og 11-14. Det vert i forord og innleiing lagt inn formuleringar som i endå større grad vektlegg aktivitetsdelen i planen.

Det vert i forord og innleiing lagt inn formuleringar som i endå større grad vektlegg aktivitetsdelen i planen.

Behandling

Kommunalsjef Lisbeth Alvær orienterte om prosesessen med kommunedelplanen. Det har vore nedsett ei arbeidsgruppe med representantar frå administrasjonen og idrettsrådet, og det har vore folkemøte på Sæbø og presentasjon av planen mellom anna gjennom Frivilligsentralen og i ungdomsrådet. Kommunalsjefen peika på at "alle i fysisk aktivitet" er eit overordna mål i planen. Målet er at denne planen skal ha større fokus på aktivitet enn anlegg. Samtidig skal planen vera til hjelp i kommunal prioritering av anlegg og ved søknad om tippemidlar.

Rådgjevar kultur Bente K. Hervik svara på spørsmål knytt til ulike tiltak i planen.

Ordførar Jon Askeland gav ros til administrasjonen for god jobbing med planen. Han framheva den aktivitetsbaserte delen av kommunedelplanen som særs viktig, ikkje minst i eit folkehelse-perspektiv.
Ordføraren kom med følgjande tilleggsframlegg:
Det vert i forord og innleiing lagt inn formuleringar som i endå større grad vektlegg aktivitetsdelen i planen.

Formannskapet vedtok samrøystes rådmannen si tilråding, med tilleggsframlegg sett fram i møtet.

Behandling

Styringsgruppa drøfta vidare framdrift i 3-kommune-forhandlingane mellom Radøy, Meland og Lindås. Ordføraren orienterte om møte i forhandlingsutvalet 14. desember. Her vart det mellom anna konkludert med at det står ein del arbeid att før utkast til framforhandla intensjonsavtale mellom dei tre kommunane er ferdig som endeleg grunnlag for handsaming og avgjerd i kommunestyra i juni.
Det vert gitt opning for at det kan bli fleire kommunar som går saman med dei tre kommunane i reelle drøftingar. Samtidig vert det peika på at tida ikkje strekk til for store omveltningar og endringar i den prosessen som så langt er ført.

Styringsgruppa drøfta alternative måtar for innbyggar-involvering, t.d. rådgjevande folkerøysting og innbyggarundersøking. Det vart også drøfta korleis ein skal nå ut til folk med god informasjon som grunnlag for å gjera seg opp ei meining om å gå inn i ein større kommune.

Vedtak

Meldingar og referatsaker vert tekne til orientering, med dei tillegg som vart sett fram i møtet.

Behandling

Målstyring 2016: Rådmann Jarle Landås orienterte om Målstyring 2016. Dette er eit dokument som er knytt opp mot budsjett, og skal vera grunnlag for driftsrapportering og årsrapport. Førstegenerasjons måldokument vart lagt fram for 2015, og dokumentet er vidareutvikla for 2016. Her kjem det fram kva som skal ha særleg fokus dette året. Rådmannen understreka kor viktig det er at fastsetjing mål er klart forankra i tenestene.
Rådmannen fekk ros for arbeidet med målstyringsdokumentet og måten det er bygt opp.

Språkopplæring for flyktningar: Silje Namtvedt (Sp) er bekymra over at flyktningar busette i Radøy får norskopplæring på bokmål i Knarvik. Ho peika på at Radøy er ein nynorskkommune og at kommunen vart kåra til "årets nynorskkommune" i 2014. Ho viser til at det finst læreverk på nynorsk, og meiner dette er noko kommunen bør ta opp. Ordføraren svara at opplæring på nynorsk er noko som må "bakast" inn i ein framtidig plan for busetjing av flyktningar og asylmottak.

Asylmottak: Ordføraren orienterte om mogleg asylmottak på Radøytunet. Det vart også drøftingar på bakgrunn av rådslaging om denne saka i kommunestyret og uttale som Radøy kommunestyre har sendt UDI.

Møteplan: Formannskapet drøfta møteplan for 1.halvår 2016, og det vart gjort følgjande samrøystes vedtak:
Framlegg til møteplan vert godkjend.