Delegerte saker vert tekne til orientering.
Leif Taule (Sp) reiste spørsmål knytt til framdrift i sak knytt til André Michelsen sin søknad/klage om rubbhall på Skaråsmyrane. Leiar i teknisk forvaltning, Tonje Nepstad Epland svara at klagesaka kjem til politisk handsaming i hovudutvalet på neste møte.
Leiar teknisk forvaltning svara også på spørsmål frå Liv Berit Rath (Ap) og May Britt Vågenes Gjerde (Sp).
Hovudutvalet tok delegerte saker til orientering.
Framlegg til detaljregulering for Mangersneset vert ikkje godkjent for 1. gongs høyring og offentleg ettersyn.
Grunngjeving av vedtaket er at planen er i strid med overordna plan for området og det ikkje er utarbeidd konsekvensutgreiing.
Vedtaket har heimel i plan- og bygningslova § 12-11, jf. § 4-1, 4-2 og forskrift om konsekvensutgreiing § 2d.
Hovudutvalet vedtok samrøystes rådmannen sitt framlegg til vedtak.
Klagen vert teke til følgje.
Framlegg til reguleringsendring for Kuvågen vert godkjend på følgjande vilkår:
1. Det må sendast inn oppdatert plankart der vegareal og avkjørsle til den einskilde eigedom er vist.
2. Kvar fritidsbustad skal ha to parkeringsplassar, kor den eine kan løysast på eiga tomt og den andre skal løysast på felles parkeringsplass.
Nytt punkt 2.1.3 i føresegnene skal lyda:
Det kan gjevast løyve til etablering av tilkomstveg og avkjørsle til, og 1 parkeringsplass, på den einskilde fritidseigedom. Tilkomstveg og parkering skal tilpassast terrenget, og opparbeidast med enkle inngrep og naturlege material. Det er ikkje tillate å bruka asfalt, belegningsstein eller liknande. Hovudutvalet meinar at parkering på eigen fritidseigedom er i samsvar med dagens krav og at det er tenleg i eit miljøperspektiv å leggja til rette for bruk av el-bil.
Heimel for vedtaket er forvaltningslova § 33, plan- og bygningslova § 12-12 (3), jf. plan- og bygningslova § 12-14 og naturmangfaldslova §§ 8-12.
Etter drøfting i hovudutvalet vart det sett fram følgjande fellesframlegg:
Klagen vert teke til følgje.
Framlegg til reguleringsendring for Kuvågen vert godkjend på følgjande vilkår:
Det må sendast inn oppdatert plankart der vegareal og avkjørsle til den einskilde eigedom er vist.
Kvar fritidsbustad skal ha to parkeringsplassar, kor av den eine kan løysast på eiga tomt og den andre skal løysast på felles parkeringsplass.
Nytt punkt 2.1.3 i føresegnene skal lyda:
Det kan gjevast løyve til etablering av tilkomstveg og avkjørsle til, og 1 parkeringsplass, på den einskilde fritidseigedom. Tilkomstveg og parkering skal tilpassast terrenget, og opparbeidast med enkle inngrep og naturlege material. Det er ikkje tillate å bruka asfalt, belegningsstein eller liknande. Plassering av avkjørsle er vist i plankartet.
Grunngjevinga er at området ikkje vert vesentleg endra av at det vert opna for parkering av ein bil på den einskilde eigedom. Hovudutvalet meinar at parkering på eigen fritidseigedom er i samsvar med dagens krav og at det er tenleg i eit miljøperspektiv å leggja til rette for bruk av el-bil.
Heimel for vedtaket er forvaltningslova § 33, plan- og bygningslova § 12-12(3), jf. plan- og bygningslova § 12-14 og naturmangfaldslova §§ 8-12.
Hovudutvalet vedtok samrøystes fellesframlegg sett fram i møtet.
Mindre endring av reguleringsplan for Manger torg med planID 12602010000200 føresegnene §§ 2.3.2, 2.3.6 og 2.3.10vert vedteke på vilkår om slik endring av tekst i § 2.3.10:
Ved ferdigstilling av rundkjøring på fv 409 i samsvar med reguleringsplan for Manger sentrum skal kryss mellom vegane o_KV07 og o_KV01 opparbeidast i tråd med gjeldande plan.
Grunngjevinga går fram av saksutgreiinga.
Vedtaket har heimel i plan- og bygningslova § 12-14.
Ny planID etter endring vert 12602015000300.
Hovudutvalet vedtok samrøystes rådmannen sitt framlegg til vedtak.
Klagen vert ikkje teke til følgje og vedtak i sak 053/2015 vert stadfesta.
Grunngjevinga for vedtaket går fram av saksutgreiinga.
Heimel for vedtaket er forvaltningslova § 33, jf. plan- og bygningslova §§ 11-6, 12-4 og 19-2.
Klagen vert sendt Fylkesmannen i Hordaland for endeleg avgjerd.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon og løyve til frådeling av eksisterande naust på gbnr 45/5 på følgjande vilkår:
Området skal vere ope for ålmenn ferdsle og det er ikkje tillate med privatiserande tiltak eller stengsler i strandsona.
Bruk og vedlikehald skal skje med omsyn til det kulturmiljøet naustet er ein del av.
Nausteeigedomen skal samanføyast med eller inngå i realsameige med eigedomen gbnr 45/4 for å løyse krav til parkering.
Grunngjevinga går fram av saksutgreiinga.
Vedtaket har heimel i plan- og bygningslova § 20-1m, jf. §§ 1-8, 19-2 og naturmangfaldslova §§8-12.
Hovudutvalet vedtok samrøystes rådmannen sitt framlegg til vedtak.
Saka vert utsett.
Kommunalsjef Lisbeth Alvær orienterte om saka, og opplyste at det er interessentar til den aktuelle kommunale eigedomen. Kommunestyret gjorde i fjor vedtak om at denne tomta skal seljast.
Leif Taule (Sp) meiner kommunen må venta med å ta stilling til om tomta skal avhendast og sjå dette arealet i samanheng med behov for areal til barnehage, fortau og tiltak i samband med etablering av asylmottak.
Taule kom med følgjande framlegg:
Saka vert utsett.
Hovudutvalet vedtok samrøystes utsetjingsframlegget.
Politihkar | Bellodat | Lahttošládja | E-poasta |
---|---|---|---|
Christel Villanger Håland | Radøy Høgre | Utvalsleiar | christel@villanger.net |
Leif Gunnar Taule | Radøy Senterparti | Nestleiar | leif.taule@gmail.com |
Morgan Taule | Radøy Arbeidarparti | Medlem | morgan.taule@gmail.com |
Liv Berit Rath | Radøy Arbeidarparti | Medlem | livb.rath@gmail.com |
Roy Bø | Radøy Fremskrittsparti | Medlem | royboe53@gmail.com |
May Britt Vågenes Gjerde | Radøy Senterparti | Medlem | maybritt@gjer.de |
Dag Sætre | Radøy Senterparti | Medlem | dag.setre@radoy.kommune.no |