Utval: | Kommunestyret i Radøy |
---|---|
Dato: | 27.10.2016 14:00 |
Møtestad: | Kommunestyresalen |
Status: | Vedtak er påført møtet |
Sakskart: |
Meldingar og referatsaker vert tekne til orientering.
Leiaren i kontrollutvalet, Arild Tveranger, orienterte om møte i utvalet 20. oktober. Han trekte mellom anna fram kontrollutvalet si handsaming av forvaltningsrapport i barnevernet og Fylkesmannen sin tilsynsrapport for Sæbø skule.
Kommunestyret vedtok rådmannen sitt framlegg til vedtak.
Kommunestyret tek forvaltningsrapporten «Rutinar for oppfølgingsarbeidet i barneverntenesta i Radøy kommune» til orientering og ber om at rådmannen kjem med ei tilbakemelding om oppfølgingstiltak innan oktober 2017.
Forvaltningsrevisor Randi Rykkje orienterte om forvaltningsrevisjonen i barnevernet i Radøy, og ho svara på spørsmål.
Revisjonen har hatt fokus på barn i fosterheim. Forvaltningsrevisor peika på at konklusjonane i rapporten viser at barnevernstenesta i Radøy har eit system for å følgja opp barn i fosterheim og i stor grad legg til rette for at fosterheims-plasseringar skal fungera etter formålet sitt.
Systemet dekkjer formelle krav som følgjer av lov og forskrift, men det er behov for å få på plass endå betre rutiner knytt til barn med særskilde behov for oppfølging. Systemet synleggjer i variert grad kva som er spesielt med barn sine særskilde behov og kva betyding særskilde behov kan ha for barnet i samband med overgangar i barnet sitt liv. Forvaltningsrevisor peika på at utover rutinar for bruk av omsorgsplanar, har ikkje systemet rutinar for å gjera bruk av arbeidsplanar og individuelle planar.
På bakgrunn av forvaltningsrapporten kjem revisjonen med tilrådingar til barnevernstenesta.
Kommunestyret vedtok samrøystes Kontrollutvalet i Radøy si tilråding.
Kommunestyret godkjenner Selskapsavtale for IKA Hordaland IKS, gjeldande frå 1.1.2017.
Ordføraren orienterte om at dagleg leiar i Interkommunalt arkiv Hordaland blir invitert til ei orientering i kommunestyret.
Kommunestyret vedtok samrøystes formannskapstilrådinga.
Følgjande vert valde som Radøy kommune sine medlemer i forliksrådet for Austrheim, Fedje og Radøy:
Olav Steinar Namtvedt, Birthe H. Frotaule
2. varamedlem: Finn Frantzen
Olav Steinar Namtvedt vert vald som leiar i forliksrådet.
Silje Namtvedt (Sp) stilte spørsmål om ho på grunn av nært slektskap til ein av kandidatane, er ugild i handsaminga av saka. Kommunestyret kjende Namtvedt habil og ho deltok i handsaminga.
Kommunestyret vedtok samrøystes formannskapstilrådinga.
Kommunestyret tek Tilstandsrapport for grunnskulen i Radøy 2016 til orientering.
Silje Namtvedt (SP) deltok ikkje i handsaminga av denne saka.
Kommunalsjef Jo Tømmerbakke gav ein grundig presentasjon av tilstandsrapporten og svara på spørsmål.Han informerte om at på bakgrunn av det store fokuset knytt til situasjonen ved Sæbø skule, vil årets foreldreundersøking ved denne skulen bli gjort ved telefonintervju til alle foreldre – ikkje avgrensa til eit tilfeldig utval.
Kenneth Taule Murberg (H) konkluderte med skulesektoren har stor politisk tillit. Samtidig varsla han at Høgre i samband med budsjett 2017 jobbar med å fremja ei sak om særskilde tiltak og midlar knytt til Sæbø skule, for å signalisera at dei uheldige omstende som har vore ved skulen blir tatt på største alvor. Murberg sa at administrasjon har tatt – og tar, denne situasjonen alvorleg, og han ber administrasjonen vurdera aktuelle særskilde tiltak, særleg med fokus på mobbing.
Kommunestyret vedtok samrøystes formannskapstilrådinga.
1.Radøy kommune er positivt innstilt til forretningsplanen for å styrka reiselivssatsinga i Nordhordland, og at den skal vera grunnlaget for ein samarbeidsavtale mellom Region Bergen Reiseliv og kommunane i Nordhordland, representert ved Nordhordland Utviklingsselskap IKS.
2. Samarbeidsavtale vert utarbeidd av Region Bergen Reiseliv og Nordhordland Utviklingsselskap IKS med grunnlag i forretningsplanen og vedtaka i kommunestyra.
Endeleg samarbeidsavtale skal til godkjenning i kommunestyret før signering.
3. Under føresetnad av at endeleg samarbeidsavtale blir godkjent melder Radøy kommune seg inn i Region Bergen Reiseliv frå 1.1.2017, og betalar medlemskontingent i tråd med forslag til forretningsplan og saksgrunnlaget. Midlane blir henta frå disposisjonsfondet.
4. Kommunestyret ser det som viktig med tydeleg nærvær lokalt. Region Bergen Reiseliv må vidareføra og styrka samarbeidet med lokale reiselivsaktørar og Nordhordland Utviklingsselskap IKS. Region Bergen Reiseliv rapporterer årleg til Nordhordland Utviklingsselskap IKS og kommunane.
Kommunestyret vedtok samrøystes formannskapstilrådinga.
Tertialmelding for januar – august 2016 vert teken til orientering.
Martin Soltveit (Sp) etterlyste framdrift for høgdebasseng i Haukåsen, og stilte spørsmål kva utfordringar som har gjort at dette prosjektet ikkje er kome lenger.
Roy Bø (Frp) påpeika utfordringar med kloakkutslepp ved Sletta-kaien.
John M. Bauge (H) uttrykte bekymring for at det skjer for lite på VA-sektoren, sjølv om det er avsett ein del midlar på budsjettet.
Leif Taule (Sp) sa seg tilfreds med at tertialrapporten innheld meir-info om oppfølging av ulike prosjekt og investeringar, t.d. knytt til verbalpunkt vedteke i budsjettet.
Taule gav uttrykk for bekymring for at styringa av oppdrag til arkitekt ikkje har vore god nok. Arkitekten har antyda eit kostnadsestimat på 50-55 mill. (inkl. moms). Ordførar Jon Askeland peika på at arkitekten i denne omgang har lagt fram skisser til planløysing, og sa at det vil og må koma fleire skisser.
Kommunestyret vedtok samrøystes formannskapstilrådinga.
Radøy kommune overtar eigarskapen av Bogatunet og Syltastova frå Nord- og Midhordland sogelag.
Administrasjonen tar kontakt med aktuelle samarbeidspartnarar med sikte på å få på plass faste rutinar og avtalar for drift, tilsyn og vedlikehald, og faste opningsdagar frå sommaren 2017.
Kenneth Taule Murberg (H) gjorde det klart at Høgre er usamd i at kommunen skal overta dei kulturhistoriske bygningane. Han uttrykte bekymring for dei økonomiske konsekvensane for kommunen ved ei overtaking. Han meiner andre interessentar må inn.
Dag Sætre (SP) advara mot den arbeidsmengda det vil føra med seg å overta gamle bygg som dette. Han understreka behovet for å tilføra øyremerka ressursar dersom kommunen overtar.
Morgan Taule (Ap) gav honnør til dei som til no har tatt seg av bygningane. Han er opptatt av å få til ein verdig overgang av ansvaret for bygningane.
Leif Taule (SP) sa at Senterpartiet er klar på at kommunen må ta dette ansvaret, men at kommunen ikkje må sitja åleine med ansvaret i framtida. Taule presiserte at eit ja til kommunal overtaking ikkje er ein blankofullmakt til å bruka pengar i det volum som han oppfatta at saksutgreiinga legg opp til.
Normann Sæbø (H) ønskjer ei grundigare vurdering av kommunal overtaking av bygningane, og han ønskjer å få vurdert ei stifting for bygningane.
Sæbø kom difor med framlegg om å utsetja saka.
Utsetjingsframlegget frå Normann Sæbø fekk 10 røyster (H, Frp, V og Dag Sætre (SP) og fall.
Kommunestyret vedtok formannskapet si tilråding med 15 (Sp, Ap, 1 KrF - Else Marie Skartveit Dale) mot 10 røyster ( H, Frp, V og 1 KrF - David Pletten Aasgaard).
Reguleringsplan for Mangerøy industriområde – Kjebogen, vert godkjend.
Grunngjevinga går fram av saksframstillinga.
Heimel for vedtaket er plan- og bygningslova § 12-12.
Vidar Grindheim (H) ba om å bli kjend inhabil i saka, ettersom han er utleigd som konsulent for Radøygruppen, som er tiltakshavar for planane for Mangerøy industriområde.
Kommunestyret kjende Grindheim inhabil og han deltok ikkje i handsaminga av saka.
Hovudutvalet for plan, landbruk og teknisk handsama Reguleringsplan for Mangerøy industriområde – Kjebogen i møte 26. oktober og gjorde følgjande samrøystes vedtak:
Reguleringsplan for Mangerøy industriområde – Kjebogen, vert godkjend.
Grunngjevinga går fram av saksframstillinga.
Heimel for vedtaket er plan- og bygningslova § 12-12.
Hovudutvalet si tilråding vart same dag sendt medlemane i kommunestyret.
Rådmann Jarle Landås orienterte om reguleringsplanen for Mangerøy industriområde og peika på at den planlagde utbygginga har store dimensjonar. Han sa at omsynet til næringsliv og arbeidsplassar veg tungt i planen.
Kommunestyret vedtok samrøystes hovudutvalet si tilråding.
Radøy kommunestyre vedtek «Planstrategi for perioden 2016 – 2020» PlanID: 12602016000200, med følgjande tillegg:
Arbeidet med rullering av kommuneplan vert starta opp i 2016 (3 første punkta).
Kommunestyret vil snarast mogleg ta planstrategien opp til revisjon, særleg sett i høve til prioriteringar i samband med kommunesamanslåinga. Det må verta etablert sammøte med planavdelingane i dei to andre kommunane.
Formannskapet tek initiativ til at revisjonen vert gjort i første kommunestyremøtet 2017.
Vedtaket har heimel i Plan og Bygningslova § 10-1 .
Fleire peika på behov for ei klarare prioritering av kva planar det skal jobbast med framover, og det vart signalisert at det kunne koma eit utsetjingsframlegg for å jobba vidare politisk med planstrategien.
John M. Bauge (H) peika også på behovet for å ha sammøte mellom planavdelingane i dei tre kommunane som skal gå saman frå 2020, for å samkjøra planar kommunane imellom.
Etter ei drøfting av prosessen knytt til planstrategi, sette ordførar Jon Askeland fram følgjande felles tilleggsframlegg:
Arbeidet med rullering av kommuneplan vert starta opp i 2016 (3 første punkta).
Kommunestyret vil snarast mogleg ta planstrategien opp til revisjon, særleg sett i høve til prioriteringar i samband med kommunesamanslåinga. Det må verta etablert sammøte med planavd. i dei to andre kommunane.
Formannskapet tek initiativ til at revisjonen vert gjort i første kommunestyremøtet 2017.
Kommunestyret vedtok samrøystes rådmannen sitt framlegg til vedtak, med tilleggsframlegg sett fram i møtet.
Politikar | Parti | Medlemstype | E-Post |
---|---|---|---|
Torill Helland | Radøy Arbeidarparti | Medlem | torill_helland@yahoo.no |
Morgan Taule | Radøy Arbeidarparti | Medlem | morgan.taule@gmail.com |
Kirsti Gjetle Floen | Radøy Arbeidarparti | Medlem | k-floen@bkkfiber.no |
Liv Berit Rath | Radøy Arbeidarparti | Medlem | livb.rath@gmail.com |
Jostein Borlaug | Radøy Arbeidarparti | Medlem | jostein.borlaug@bkkfiber.no |
Roy Bø | Radøy Fremskrittsparti | Medlem | royboe53@gmail.com |
Wenche Linda Kalnes Tveranger | Radøy Fremskrittsparti | Medlem | kalnes@hotmail.com |
Kenneth Taule Murberg | Radøy Høgre | Medlem | kenneth.taule.murberg@no.issworld.com |
Henning Haugland | Radøy Høgre | Medlem | Henninghaugland@me.com |
Vidar Grindheim | Radøy Høgre | Medlem | VG@uiv.no |
Normann Sæbø | Radøy Høgre | Medlem | normann@morenot.no |
David Pletten Aasgard | Radøy Kristeleg folkeparti | Medlem | davidpaa@outlook.com |
Else Marie Skartveit Dale | Radøy Kristeleg folkeparti | Medlem | emsdale@online.no |
Leif Gunnar Taule | Radøy Senterparti | Medlem | leif.taule@gmail.com |
Laila Seilfaldet Pletten | Radøy Senterparti | Medlem | plettenlaila@gmail.com |
May Britt Vågenes Gjerde | Radøy Senterparti | Medlem | maybritt@gjer.de |
Silje Namtvedt | Radøy Senterparti | Medlem | Siljenamtvedt@hotmail.com |
Dag Sætre | Radøy Senterparti | Medlem | dag.setre@radoy.kommune.no |
Anne Berit Bø Palmesen | Radøy Senterparti | Medlem | anneberitpalmesen@outlook.com |
Jon Askeland | Radøy Senterparti | Medlem | jon.askeland@radoy.kommune.no |
Martin Soltveit | Radøy Senterparti | Medlem | msoltveit@hotmail.no |
Ståle Villanger | Radøy Venstre | Medlem | svillanger45@hotmail.com |
John Magne Bauge | Radøy Høgre | Varamedlem | john.Magne.Bauge@radoy.kommune.no |
Mai-Liss Sylta Møn | Radøy Senterparti | Varamedlem | lissmai@icloud.com |
Agnes Hoshovde Bernes | Radøy Venstre | Varamedlem | bernesagnes@gmail.com |
Christel Villanger Håland (Ikke møtt) | Radøy Høgre | Medlem | christel@villanger.net |
Sara Hamre Sekkingstad (Ikke møtt) | Radøy Senterparti | Medlem | sara.sekkingstad@gmail.com |
Frode Hervik (Ikke møtt) | Radøy Venstre | Medlem | frode.hervik@gmail.com |