Møte i Formannskapet i Radøy den 05.06.2014

Formannskapet tok meldingar og referatsaker til orientering.

Administrasjonen i oppdrag å jobba vidare med områdeplanen utfrå dei signal som kom fram i styringsgruppa.

Mellom anna vart det sett på vegtilkomst og parkeringsproblematikk knytt til skuleområde, barnehage og gamle Hordabøheimen. Kommunen eig det gamle huset mellom barnehage og skulen. Dette huset og løa bør rivast, og arealet kan inngå som innkjørsel til framtidig ny barnehage, parkering og uteareal for skule.

Formannskapet gir administrasjonen i oppdrag å jobba vidare med områdeplanen utfrå dei signal som kom fram i styringsgruppa.

Økonomisjefen orienterte om at kommunen kan dekka inn mindreinntekta på 660.000 kroner frå disposisjonsfondet. Det øvrige meirforbruket må sjåast i ein større samanheng og i ein meir grundig gjennomgang av budsjettsituasjonen. Rådmannen signaliserte at han vil koma tilbake til formannskapet med moglege løysingar for å betra den økonomiske situasjonen.

Formannskapet vedtok samrøystes rådmannen si tilråding.

Radøy kommune startar opp arbeidet med ein kulturminneplan i tråd med prioriteringa i planstrategien. Planen skal ha status som temaplan.

Plankonsulent Kjersti Flatråker orienterte om behovet for ein delrevisjon av kommuneplanen.

Ordførar Jon Askelandviste til framlegg frå V, Høgre og FrPi førre møte og inviterte til felles politisk vedtak for raskast mogleg realisering av meir areal til bustad og næring. Han føreslo å bruka områdeplanar for Bø, Manger og Austmarka-Kalnes, pluss reguleringsplan for Stølane på Sletta, til å dekka behovet for tilrettelegging av bustadareal og delvis næringsareal.Ordføraren meiner trygg på at denne satsinga vil gje raskare handling og aktivitet enn å gjennomføra ein meir omfattande revisjon av kommuneplanen.

Frode Hervik (V) kom på vegne av Venstre, Høgre og FrP i førre møte med forslag om eit utvida kommuneplanarbeid med fokus på bustad og næring. Han slutta seg til rådmannen og ordføraren sitt opplegg, og framheva at områdeplanen for Manger må prioriterast før full revisjon av kommuneplan.

Formannskapet vedtok samrøystes rådmannen si tilråding.

Rådmannen gav formannskapet ei orientering om at Rema 1000 ønskjer å kjøpa Kyrkjevegen 2. Etter drøftingar vedtok formannskapet å selja eigedomen til Rema 1000, og vedtok å leggja saka fram som meldingssak for kommunestyret.

Vinmonopolet sin søknad om godkjenning av beliggenhet i Manger senter vert godkjent, jf. alkoholloven § 3-3.