Innkalling og saksliste vert godkjend.
Rådet godkjende innkalling og saksliste.
Møtebok vert godkjend
Rådet godkjende møtebok for 12. november 2018.
Meldingar og referatsaker vert tekne til orientering
Baderampe ved Nesvatnet: Kommunalsjef Grete Herøy informerte om arbeidet med universell badeplass og baderampe for rørslehemma ved Nesvatnet.
Rådet understrekar at det må vera god dialog med brukargruppene i dette prosjektet, for å sikra gode løysingar.
Kommunalsjef Grete Herøy lova å vidareformidla oppmodinga til rette instans.
Heis i terapibassenget: Rådet har tidlegare tatt opp behovet for betre heis-opplegg i terapibassenget i Radøyhallen. Berly Hella og Anna Hella Kartveit forklarte problemstillinga med dagens heisordning, som gjer det vanskeleg for rullestolbrukarar å bruka terapibassenget. Mellom anna er det for tungt å sveiva heisen for å koma seg opp att frå bassenget.
Kommunalsjefen vil ta denne problemstillinga med seg.
Rådet tok meldingar og referatsaker til orientering, med tillegg sett fram i møtet.
Råd for menneske med nedsett funksjonsevne sluttar seg til saka slik den ligg føre.
Fungerande leiar teknisk forvaltning, Silje Haukedal, og kommunalsjef Grete Herøy, orienterte om prosjektet og svara på spørsmål.
Dei fire bueiningane som står på eigedomen i dag skal rivast, og det skal byggast fem nye - alle med ein storleik like i underkant av 50 kvm og tilpassa dagens krav til universell utforming. Det vert også lagt til rette for eit lite vaktrom i tilknyting til bustadane. Alle bueiningane skal ha privat uteopphaldsplass.
Rådet drøfta storleik på den private uteplassen, og konkluderte med at den bør vera på ca 20 kvm for at rullestolbrukarar skal kunne bruka utearealet på ein funksjonell måte. Fungerande leiar teknisk forvaltning opplyste at kommunen ventar på ein situasjonsplan for uteplass til bueiningane.
Rådet var også opptatt av at utrykningskjøretøy og drosje må ha god tilkomst til bueiningane, og at det må vera tilfredsstillande parkeringsplass. Det vart også ytra ønskje om levegg i staden for hekk mellom bueiningane. Det vart vidare peika på at ei mindre justering av arealgrensene for eigedomen vil gjera det lettare å få like stort uteareal for alle bueiningane.
Kommunalsjefen opplyste at bebuarane i dagens bueiningar har fått informasjon om prosessen, og skal få vidare informasjon etter møtet i hovudutvalet 10. april. Dei vil kunne få hjelp til å skaffa seg nye bustader om dei ikkje får det til på eiga hand.
Kommunalsjefen håpar rivinga kan koma igang like før eller etter sommarferien i år, og bueiningane kan stå ferdig til sommaren 2020.
Råd for menneske med nedsett funksjonsevne slutta seg til saka slik ho føreligg, med dei tillegg som vart sett fram i møtet.
forskrift om kommunale råd for eldre, menneske med nedsett funksjonsevne og ungdom vert teke til orientering.
Kommunalsjef Grete Herøy orienterte om forskrifta som er på høyring. I løpet av 2019 vil ny kommunelov tre i kraft. I § 5-12 er det fastsett at kommunar og fylkeskommunar skal oppretta eldreråd, råd for menneske med funksjonsnedsetjing og ungdomsråd - eller anna medverknadsorgan for ungdom.
Plikt til å oppretta eldreråd og råd for menneske med funksjonsnedsetjing vert vidareført, det nye er at plikta vert flytta frå særlov til forskrift til kommunelova. Innhaldet i forskrifta vil i all hovudsak vera likelydande med dagens lov om eldreråd og råd for menneske med funksjonsnedsetjing. Forskrifta trer i kraft frå og med det konstituerande møte i nytt kommunestyre for perioden 2019-2023.
Råd for menneske med nedsett funksjonsevne tar forskrift om kommunale råd for eldre, menneske med nedsett funksjonsevne og ungdom til orientering.
Detaljreguleringsplan for Manger sentrum aust vert teke til orientering.
Arealplanleggjar Rolf Raknes orienterte og svara på spørsmål.
Det er Multiconsult som har utarbeidd detaljreguleringsplanen for Manger sentrum aust.
Det er sett av område til ny brannstasjon i planområdet, som er hovudfokus i planen. NGIR ønskjer også å utvida sitt areal for gjenbruksstasjonen, og har signalisert at det kan vera aktuelt å reisa eit bygg i området. Det er også tilrettelagt eit område for næringsetablering, og i dette området er det lagt opp til høg utnyttingsgrad av arealet. Det er ikkje ønskjeleg med trafikk inn i næringsområdet utanom den trafikken som er knytt til området.
Arealplanleggaren opplyste at det er lagt opp til å bruka dagens avkjørsle frå fylkesvegen, men i mest mogleg rett linjeføring inn i området, noko som ikkje er heilt konfliktfritt. Utrykningskjøretøy vil få ein eigen veg ut mot fylkesvegen
Det er lagt inn omsynssone langs Prestelva. Frå kommunal kulturstyresmakt er det uttrykt ønskje om eit sterkare vern av stemma i området. Arealplanleggaren peikar på at ein i planen også vil prøva å ta omsyn til ein planlagt tursti mot Solend og Tusenårsstaden.
Råd for menneske med nedsett funksjonsevne tok detaljreguleringsplan for Manger sentrum aust til orientering.
Informasjonen vert teke til orientering.
Kommunalsjef Grete Herøy orienterte og svara på spørsmål.
Råd for menneske med nedsett funksjonsevne tok informasjonen til orientering.
Politikar | Parti | Medlemstype | E-Post |
---|---|---|---|
May Britt Vågenes Gjerde | Radøy Senterparti | Nestleiar | maybritt@gjer.de |
Anna Hella Kartveit | Medlem | ||
Johannes Kolås | Medlem | ||
Berly Hella | Medlem | ||
Mai-Liss Sylta Møn | Partiuavhengig | Medlem | lissmai@icloud.com |
Jannicke Helland (Ikke møtt) | Radøy Arbeidarparti | Utvalsleiar | jannicke-h@hotmail.com |