Møte i Formannskapet i Radøy den 18.12.2014

Vedtak

Framlegg til planprogram forkulturminneplanen for Radøy vert godkjent for fastsetting i kommunestyret.
Grunngjeving av vedtaket er at planprogrammet er i tråd med planstrategi for Radøy kommune 2012-2016.
Vedtaket har heimel i plan- og bygningslova § 4-1.

Behandling

Det vart stilt spørsmål ved kvifor Manger skal eit større fokus i kulturminneplanen enn resten av Radøy. Rådmannen svara at det mellom anna har samanheng med at Manger er tettstaden og at kulturminna her er utsett for større press. det kan ha fleire unike kulturminne.

Formannskapet vedtok samrøystes rådmannen si tilråding.

Vedtak

Notat om busetjing av flyktningar vert teke til orientering.
Det vert vurdert nærare korleis frivillig sektor skal inkluderast i integreringsarbeidet. Mellom anna kan Frivilligsentralen bli vurdert for å ha ei rolle.

Behandling

Frode Hervik (V) kom med følgjande tilleggsframlegg:
"Det vert vurdert nærare korleis frivillig sektor skal inkluderast i integreringsarbeidet. Mellom anna kan Frivilligsentralen bli vurdert for å ha ei rolle".

Formannskapet vedtok samrøystes rådmannen si tilråding, med Frode Hervik (V) sitt tilleggsframlegg i møtet.

Vedtak

Radøy kommune går imot framlegget om å fjerna konsesjonslova og oppheva buplikta. Kommunen ønskjer ein heilskapleg gjennomgang av eigedomslovverket med sikte på forbetringar.

Behandling

Kenneth Murberg (H) gav uttrykk for at han meiner framlegget til høyringsuttale er for einsidig framstilt, og gjorde framlegg om å senda uttalen i retur. Rådmannen minna om at det i høyringsuttalar ikkje er vanleg å gjera ei tradisjonell saksutgreiing.
Ordførar Jon Askeland kom med framlegg om å gje ein kort uttale, basert på første setning i rådmannen sitt framlegg og eit tilleggsframlegg om at "kommunen ønskjer ein heilskapleg gjennomgang av eigedomslovverket med sikte på forbetringar."

Utsetjingsframlegget fekk to røyster (K. Murberg,H, Roy Bø FrP) og fall.
I ei prøverøysting fekk første setninga i rådmannen sitt framlegg fem røyster og vart vedteken.
Andre setning i rådmannen sitt framlegg vart samrøystes nedstemt.
Ordføraren sitt tilleggsframlegg vart samrøystes vedteke.

I endeleg avrøysting vart følgjande framlegg vedteken med fem (Sp 3, Venstre, Ap) mot to røyster (Høgre, Frp):
Radøy kommune går imot framlegget om å fjernakonsesjonslova og opphevbuplikta.Kommunen ønskjer ein heilskapleg gjennomgang av eigedomslovverket med sikte på forbetringar.

Vedtak

Radøy kommune meiner at høyringsnotatet i for liten grad fokuserer på dei overordna perspektiva i høve klima, forsyningstryggleik og verdiskaping. Hordaland er eit stort fornybar-fylke, kor det vert produsert store mengder vasskraftbasert energi. Me meiner kostn/nytte-vurderingar av tiltaka er for lite utgreidd, og viser til at dei føreslegne tiltaka er berekna til at vasskraftprodusent åleine kan tapa 130 millionar kroner årleg på tiltaka.

Radøy kommune ser positivt på arbeidet med å sikra ein felles, berekraftig bruk av vassressursane på tvers av sektormynde, og ynskjer å vera ein aktiv bidragsytar til at måla i vassforskrifta vert nådd.
Radøy kommune vil framheva behovet for styrkja økonomiske ressursar frå statleg hald for å sikra gjennomføringa av aktuelle tiltak innanfor ulike sektorområde. Slik kommunen ser det, er tiltaka ei grovkartlegging av moglege tiltak, kostnad og kven som har ansvaret i vassførekomstar som i dag ikkje oppnår miljømåla.

Den samfunnsøkonomiske konsekvensen av tiltaka er etter kommunen si meining for dårleg utgreidd til å ta endeleg stilling til tiltaka. Kartlegging og oppgradering av spreidde avlaup vil vera kostnadskrevjande og ei vurdering av kostnad knytt til dette må utgreiast. Dette gjeld spesielt der det er knytt usikkerheit til påverkingskjelde og påverkingsgrad. Tiltak må setjast i gang når ein veit kvar effekten vert størst.

Utslepp frå landbruket er ei utfordring som ein ikkje veit omfanget av. Det vert halde møter jamleg med informasjon om problema med avrenning frå jordbruket, men det vil vera ein føremon at ein kan gje støtte gjennom tiltaksordningane RMP og SMIL for å få i gang effektive tiltak. SMIL-strategien for Radøy kommune skal reviderast i 2015, og det vil då vera naturleg å leggja inn støtte til tiltak mot betre gjødselhandtering. Det vil også vera mogleg å påverka RMP-tildelinga gjennom innspel til Fylkesmannen. Kartlegging for å finna dei områda der effekten vert størst må prioriterast før ein kan setja i gang gode tiltak.

Radøy kommune vil jobba vidare med dei tiltaka som kommunen har mynde for eller sjølv har ansvar for å få gjennomført. Det gjeld tiltak innanfor landbruk og avlaup. For oppfølging av andre tiltak må kommunane få kompensert for nye oppgåver som fylgje av vassforskrifta.

Behandling

Ordførar Jon Askeland viste til at BKK i to eigarmøte har oppmoda eigarkommunane til å ivareta vasskraftprodusent sine interesser andsynes høyrinsuttalen for Vassregion Hordaland.
Ordføraren kom med følgjande tilleggsframlegg:
Radøy kommune meiner at høyringsnotatet i for liten grad fokuserer på dei overordna perspektiva i høve klima, forsyningstryggleik og verdiskaping. Hordaland er eit stort fornybar-fylke, kor det vert produsert store mengder vasskraftbasert energi. Me meiner kost/nytte-vurderingar av tiltaka er for lite utgreidd, og viser til at dei føreslegne tiltaka er berekna til at vasskraftprodusent åleine kan tapa 130 millionar kroner årleg på tiltaka.

Rådmannen sitt framlegg til vedtak, pluss ordføraren sitt tilleggsframlegg, vart samrøystes vedteke.

Vedtak

Radøy kommune har merknadar til framlegg til «Strategi for innfartsparkering fram mot 2030» og vil koma med følgjande uttale:
Hordaland fylkeskommune sitt framlegg til strategi ser ut til å vera eit gjennomarbeidd dokument tufta på konkrete opplysningar og statistikk om trafikk og val av trafikkløysing for dei reisande. Radøy kommune har mange arbeidspendlande inn mot bergensområdet og ser dette som eit viktig arbeid.
Radøy kommune vil be om at området vert utvida slik at Radøy vert teken med. For å få fleire til å nytta kollektivtransport bør det etablerast parkering langs hovudvegen over Radøy rv 565, gjerne ved Austmarka eller Storheimstø, og ved kollektivknutepunktet på Manger.

Behandling

Formannskapet vedtok samrøystes rådmannen sitt framlegg.

Vedtak

Framlegg til planprogram for revisjon av kommuneplan for Radøy vert godkjent for fastsetjing i kommunestyret.
Grunngjeving av vedtaket er at planprogrammet er i tråd med planstrategi for Radøy kommune 2012-2016.
Vedtaket har heimel i plan- og bygningslova § 4-1.

Behandling

Planansvarleg Kjersti Flatråker orienterte om planprogram for kommuneplan-revisjonen.
Frode Hervik (V) spurde om det blir ein fullstendig gjennomgang av føresegnene i gjeldande kommuneplan. Flatråker sa at det blir fokus på føresegnene knytt til dei tema som skal vera med i kommuneplan-revisjonen, men at det også blir sett på andre føresegner når ein ser at det er aktuelt.

Formannskapet vedtok samrøystes rådmannen si tilråding.

Vedtak

Meldingar og referatsaker vart teke til orientering.

Behandling

Framtida til reiselivet i Nordhordland: Nordhordland handverk- og industrilag har sett reiseliv i Nordhordland påagendaen.Det går mot at regionen blir ein del av Bergen reiselivslag. Frode Hervik (V) refererte frå eit møte om framtida til reiselivet i Nordhordland. På møtet vart det konkludert med at bådenæringslivet, kommunaneog innbyggarane er tente med at det er eit felles organ som ivaretek fellesoppgåver i regionen innanfor reiseliv – med informasjon, marknadsføring og tilrettelegging. Hervik orienterte om at det no er lagt eit løp for at næringslivsaktørar i regionen skal melda seg inn i Bergen reiselivslag, og at kommunane også må vera førebudd på å bli spurd om å bidra i denne satsinga.

Kommunereform: Rådmannen orienterte om det vidare arbeidet med ny kommunestruktur og behovet for åinvolvera innbyggarane i prosessen om kommunesamanslåing. Han viste til lenka som er lagt ut på kommunen si heimeside, der innbyggarane kan koma med innspel. Kommunar som tidlegare har sagt at dei ikkje ønskjer samanslåing, vil no vera med i forhandlingar som kommunestyret i Radøy, Lindås og Radøy har vedteke å gå i gang med. Frode Hervik (V) peika på utfordringa som ligg i at det er nokre kommunar som vil slå seg saman og andre som eigentleg ikkje vil – men som er forplikta til åvera med i forhandlingsprosessen.

Strategisk næringsgruppe:Rådmannen informerte om arbeidet i den nyetablerte strategisk næringsgruppe, som er administrativt samansett arbeidsgruppe. Utviklinga av Olsvollstranda næringsområde er eitt tema som har vore drøfta i næringsgruppa. Rådmannen sa at det er godt håp om at tomtane i området som kommunen har hand om, kan bli selde. Dette er ei sak som vil bli lagt fram for formannskapet. Men det er framleis utfordringar knytt til veg og infrastruktur som det må finnast løysingar på. Rådmannen orienterte om arbeidet med ågjera endringar i reguleringsplan for Olsvollstranda næringsområde, mellom anna knytt til rekkjefølgjekrav i planen. Han opplyste at det blir jobba med å få taksert området.
Rådmannen viste også til planar om oppfølging av næringsmøte på Manger i haust, ikkje minst med tanke påtettstadutvikling.

REMA 1000-tomt:Kenneth Murberg (H) spurde om progresjon i sal av kommunal tomt til Rema 1000. Rådmannen informerte om at det er utarbeidd ein kontrakt som rådmannen har signert, og som kommunen avventar signering frå kjøpar.

Campingplass-situasjonen: Kenneth Murberg (H) tok opp mediadekning og uro i kjølvatnet av møtet om campingplass og campingrapport. Rådmannen understreka at kommunen no er i ein rettleiingsfase overfor campingplass-eigarane og campingfolket, og at det tidlegare campingtilsynet ikkje er vekt til live att. Kommunen vil gjerne ha møte med campingeigarane, om dei ønskjer det.

Interkommunalt byggetilsyn:På bakgrunn av budsjettvedtak er Frode Hervik (V) opptatt av at Radøy kommunesnarast råd melder seg ut av interkommunalt byggetilsyn.

Møteplan 1.halvår 2015:
Formannskapet samla seg om følgjande møteplan for 1.halvå
JANUAR
Formannskapet torsdag 15. januarKommunestyret trjetime
FEBRUAR
Hovudutvalet onsdag 4. februarFormannskapet torsdag 19. februarMARS
Kommunestyret onsdag 4. mars
Hovudutvalet onsdag 25. marsFormannskapet torsdag 26. marsAPRIL
Formannskapet torsdag 16. aprilKommunestyret tysdag 28. april m/spørjetime
MAI
Formannskapet konomiplan-samling)
Hovudutvalet onsdag 6. maiFormannskapet/valstyret torsdag 28. maiJUNI
Hovudutvalet onsdag 10. juniKommunestyret onsdag 10. juni
Formannskapet/valstyret torsdag 18. juni

Formannskapet tok meldingar og referatsaker til orientering, med tillegg sett fram i møtet.