Møte i Hovudutval for plan, landbruk og teknisk den 17.12.2014

Vedtak

Delegerte saker vert tekne til orientering.

Behandling

Hovudutvalet tok delegerte saker til orientering.

Vedtak

Klagen vert ikkje teke til følgje. Vedtak i sak 071/2014 vert stadfesta.Grunngjeving for vedtaket går fram av saksutgreiinga.

Heimel for vedtaket er forvaltningslova § 33(2), jf. plan- og bygningslova § 19-2 og kommuneplan for Radøy kommune pkt. 2.5 jf. pbl. § 1-8(3).

Klagen vert sendt Fylkesmannen i Hordaland for endeleg avgjerd.

Behandling

Hovudutvalet vedtok samrøystes rådmannen si tilråding.

Vedtak

Klagen vert ikkje teke til følgje. Vedtak i sak 084/2014 vert stadfesta.Grunngjeving for vedtaket går fram av saksutgreiinga.

Heimel for vedtaket er forvaltningslova § 33(2), jf. pbl. §§ 11-6 og 19-2.

Klagen vert sendt Fylkesmannen i Hordaland for endeleg avgjerd.

Behandling

Hovudutvalet vedtok samrøystes rådmannen si tilråding.

Vedtak

Det vert ikkje gjeve dispensasjon frå arealføremål LNF og byggeforbod i strandsone som omsøkt.

Grunngjevinga går fram av saksframstillinga.
Heimel for vedtaket er plan- og bygningslova §§ 11-6 og 1-8.

Behandling

Hovudutvalet vedtok samrøystes rådmannen si tilråding.

Vedtak

Det vert gjeve dispensasjon frå arealføremål i LNF og byggeforbod i strandsone for rehabilitering av naust på følgjande vilkår:

1. Taket på naustet kan hevast med inntil 1,3 meter. Mønehøgda skal vere maks 5 meter frå topp golv.
2. Endeleg utforming vert å godkjenne i byggesaka.

Grunngjevinga går fram av saksframstillinga.
Heimel for vedtaket er plan- og bygningslova §§ 19-2, jf. § 11-6 og 1-8.

Behandling

Hovudutvalet vedtok samrøystes rådmannnen si tilråding.

Vedtak

Klagen vert ikkje teke til følgje og vedtak i sak 50/2014 av 18.06.14 vert stadfesta.

Grunngjevinga går fram av saksutgreiinga.Heimel for vedtaket er forvaltningslova § 33(2), jf. plan- og bygningslova § 19-2 jf. §§ 11-6 og 1-8.

Klagen vert sendt Fylkesmannen i Hordaland for endeleg avgjerd.

Behandling

Hovudutvalet vedtok samrøystes rådmannen si tilråding.

Vedtak

Det vert gjeve dispensasjon frå arealføremål LNF og byggeforbod i strandsone for legalisering av oppført fritidsbustad m/terrasse på følgjande vilkår:

1. Det må sendast inn heimelshavarfråsegn frå eigar av gnr. 91 bnr. 15 for plassering av terrasse delvis på denne eigedomen.

2. Eigedomen gnr. 94 bnr. 20,46 får gjerdeplikt mot tilgrensande landbruksareal.
   

Det vert gjeve dispensasjon frå arealføremål LNF og byggeforbod i strandsone for legalisering av utført av avlaupsanlegg på følgjande vilkår:

1. Eksisterande ulovleg avlaupsanlegg skal miljøsannerast.

2. Avlaupsanlegget skal utførast som skjult anlegg og terrenget skal førast tilbake opphavleg stand.

3. Det må søkjast om utsleppsløyve etter forureiningslova og løyve til tiltak etter plan- og bygningslova.

Grunngjevinga går fram av saksutgreiinga.
Heimel for vedtaket er plan- og bygningslova § 19-2, jf. §§ 11-6 og 1-8.

Vedtaket vert sendt Fylkesmannen i Hordaland for klagevurdering.

Behandling

Hovudutvalet vedtok samrøystes rådmannen si tilråding.

Vedtak

Reguleringsplan for Olsvollstranda næringsområde vert endra med følgjande:

Nytt pkt 2.3.4
Opparbeiding av nytt vegkryss mellom o_KV01 og f_KV02 inkludert gang- og sykkelvegar frå f_KV02 og langs o_KV01 i sørleg retning, fram til plangrense i sør, skal ferdigstillast før bruksløyve/ferdigattest vert gjeve innanfor N03 #20, #21 og #22 samt NO4.

Nytt pkt 2.3.5
Nye interne tilkomstveger og tilhøyrande fortau, frå eksisterande tilkomstveg og fram til og med avkøyrsle til det aktuelle føresegnsområdet, skal vere ferdigstilt i tråd med gjeldande plankart før det kan gjevast bruksløyve/ferdigattest for tiltak innanfor føresegnsområdet.

f_KV02, f_KV03 og f_KV04 med tilhøyrande fortau skal vere ferdigstilt i tråd med gjeldande plankart før det kan gjevast bruksløyve/ferdigattest for tiltak i f_H01.

f_KV02 fram til avkjørsle til f_KV09, f_KV09 fram til avkjørsle til f_KV10 og f_KV10 skal vere ferdigstilt i tråd med gjeldande plankart før det kan gjevast bruksløyve/ferdigattest for tiltak i NO3 # 20.

f_KV02 fram til avkjørsle til f_KV04, f_KV04 fram til avkjørsle til f_KV05 og f_KV05 fram til avkjørsle for NO3 # 21 skal vere ferdigstilt før det kan gjevast bruksløyve/ferdigattest for tiltak i NO3 # 21.

f_KV02 fram til avkjørsle til f_KV04, f_KV04 fram til avkjørsle til f_KV05 og f_KV05 skal vere ferdigstilt før det kan gjevast bruksløyve/ferdigattest for tiltak i NO3 # 22.

f_KV02 fram til avkjørsle til f_KV09 og f_KV09 skal vere ferdigstilt i tråd med gjeldande plankart før det kan gjevast bruksløyve/ferdigattest for tiltak i NO4.

Nytt pkt 3.2.19
Maksimum byggehøgde for NO2 #16 er kote +63 moh. Planeringshøgde er kote +53 moh.

Nytt pkt 3.2.27
Alle tiltak og framtidig aktivitet innanfor føresegnsområde #20, 21 og 22 innanfor N03 samt heile N04 skal ta omsyn til føremåla friområde og bustader i sør. Innanfor desse områda kan det etablerast lettare industri, lager, kontor og liknande.

Nytt pkt 5.1.1
Naturområde, NAT01 – NAT08, skal virke som ein buffersone mellom næringsområdet og fylkesveg, mellom køyrevegareal, f_KV04, og sjøareal, SFS02, i sving ned mot kai og mellom N04 og N03 #20, 21 og 22. Innanfor NAT01 – NAT08 skal eksisterande vegetasjon takast vare på. Innanfor NAT01 – NAT08 skal eksisterande vegetasjon i størst mogeleg grad takast vare på. Skjøtsel er tillate slik at områda framstår som ryddige.

Grunngjeving av vedtaket er at vedteke reguleringsplan sine føresegner fekk utilsikta verknad for alle søknadspliktige tiltak innafor planområdet.
Vedtaket har heimel i plan- og bygningslova § 12-14.

Behandling

Leiar teknisk forvaltning, Tonje Nepstad Epland orienterte om reguleringsplan for Olsvollstranda næringsområde og om framlegg til endringar i planen.

Hovudutvalet vedtok samrøystes rådmannen si tilråding.

Vedtak

Byggegrense mot fylkesveg 409 skal gjelde som byggegrense mot sjø for eigedomen gnr. 17 bnr. 37 og tomt 2, 3, 4 og 5 etter reguleringsplan for Rossneset.

Grunngjeving for vedtaket går fram av saksframstillinga.
Vedtaket har heimel i pbl. § 12-14.

Saka vert sendt til regionale styresmakter og tre grunneigarar til klagevurdering.

Behandling

Hovudutvalet vedtok samrøystes rådmannen si tilråding.

Vedtak

Det vert rådd i frå å starte opp privat detaljregulering av areal på Soltveit slik som omsøkt. Grunngjevinga er at føremålet med planlegginga er i strid med arealføremål i gjeldande kommuneplan.

Behandling

Hovudutvalet peika på at det er for lite opplysningar om området i saka. Utvalet etterspurde mellom anna opplysningar om storleik på arealet og på den einskilde bustadtomta, tilhøva kring landbruksvegen som går igjennom området og tilhøve til gardsdrift/juletreproduksjon på eigedomen. Med grunnlag i dei opplysningane som ligg i saka vedtok Hovudutvalet samrøystes rådmannen si tilråding.

Hovudutvalet vedtok samrøystes rådmannen si tilråding.

Vedtak

Det vert gjeve dispensasjon frå arealføremål LNF for oppføring av tilbygg på inntil 30 kvm BRA på følgjande vilkår:

1. Endeleg plassering og utforming vert å godkjenne i byggesaka.

2. Tilbygget skal tilpassast eksisterande bygg på eigedomen og ha ein plassering og utforming som er minst mogleg eksponert i frå sjø.

3. Eigedomen må ha vatn og avlaup som stettar dagens krav.

4. Det må leggjast frem dokumentasjon for vegrett.

Grunngjevinga går fram av saksframstillinga.
Heimel for vedtaket er plan- og bygningslova § 19-2 jf. § 11-6.

Behandling

Hovudutvalet vedtok samrøystes rådmannen si tilråding.

Vedtak

Klagen vert ikkje teke til følgje. Vedtak i delegert vedtak dagsett 26.11.2014 vert stadfesta. Grunngjeving for vedtaket går fram av saksutgreiinga. Heimel for vedtaket er forvaltningslova § 33(2), jf. jordlova § 12.

Klagen vert sendt Fylkesmannen i Hordaland for endeleg avgjerd.

Behandling

Hovudutvalet er positiv til at eksisterande bruk kan få tilleggsjord. Hovudutvalet er negativ til at restarealet, som vert en frådelt bustadeigedom med LNF-føremål, får for stort areal. Restarealet kan ikkje nyttast i samsvar med arealføremålet og bør difor ikkje ha eit areal som er vesentleg større enn det det er trong for. Utvalet legg til grunn ein praksis med eit areal på maks ca 2 mål. Utvalet er også oppteken av at fellesrettar på sjø og land følgjer med jorda, og ikkje vert liggjande att saman med ein frådelt bustadeigedom.Hovudutvalet rår seljar til å drøfte ein eventuell revidert søknad med landbrukskontoret og planavdelinga i kommunen.

Hovudutvalet vedtok samrøystes rådmannen si tilråding.

Vedtak

Klagen vert ikkje teke til følgje. Vedtak i sak 087/2014 vert stadfesta.

Grunngjeving for vedtaket går fram av saksutgreiinga.Heimel for vedtaket er forvaltningslova § 33(2), jf. plan- og bygningslova § 19-2 og 11-6.

Klagen vert sendt Fylkesmannen i Hordaland for endeleg avgjerd.

Behandling

Hovudutvalet er positiv til at eksisterande bruk kan få tilleggsjord. Hovudutvalet er negativ til at restarealet, som vert en frådelt bustadeigedom med LNF-føremål, får for stort areal. Restarealet kan ikkje nyttast i samsvar med arealføremålet og bør difor ikkje ha eit areal som er vesentleg større enn det det er trong for. Utvalet legg til grunn ein praksis med eit areal på maks ca 2 mål. Utvalet er også oppteken av at fellesrettar på sjø og land følgjer med jorda, og ikkje vert liggjande att saman med ein frådelt bustadeigedom.
Hovudutvalet rår seljar til å drøfte ein eventuell revidert søknad med landbrukskontoret og planavdelinga i kommunen. I denne saka meiner utvalet at det ved overdraging av eigedom kan vera mogeleg for seljar å inngå leigeavtale med kjøpar for ein del av arealet til sine aktivitetar.

Hovudutvalet vedtok samrøystes rådmannen si tilråding.

Vedtak

Det vert gjeve dispensasjon frå arealføremål LNF og byggeforbod i strandsone for terrenginngrep i form av at å fjerna lause steinmassar som truar fritidsbustaden på følgjande vilkår:

1. Terrenginngrepet skal begrensast til eit minimum av det som er naudsynt for å sikre fritidsbustaden.

2. Sår i landskapet skal så langt råd førast attende til naturleg og opphavleg stand.

3. Området kan ikkje planerast og takast i bruk til anna føremål når sikringsarbeidet er ferdigstilt.
   

Det vert ikkje gjeve dispensasjon for terrenginngrep for å gje tilkomst for anleggsmaskiner.

Grunngjevinga for vedtaket er at sikring av lausmasser etter hovudutvalet sin vurdering kan gjerast utan tilkomst for store anleggsmaskiner. Inngrepet i strandsone for å gje tilkomst for anleggsmaskiner er for stort i høve det sikringsarbeidet som skal utførast. Omsynet bak regelverket vert vesentleg sett til side, og ulempene ved å gje dispensasjon vert større enn fordelane etter ei samla og konkret vurdering.

Heimel for vedtaket er plan- og bygningslova § 19-2, jf. § 11-6 og 1-8.

Behandling

Vigdis Villanger (SP) sette fram følgjande felles framlegg i møtet:
Det vert gjeve dispensasjon frå arealføremål LNF og byggeforbod i strandsone for terrenginngrep i form av fjerna lause steinmassar som truar fritidsbustaden på følgjande vilkår:

1. Terrenginngrepet skal begrensast til eit minimum av det som er naudsynt for å sikre fritidsbustaden.

2. Sår i landskapet skal så langt råd førast attende til naturleg og opphavleg stand.

3. Området kan ikkje planerast og takast i bruk til anna føremål når sikringsarbeidet er ferdigstilt.
   

Det vert ikkje gjeve dispensasjon for terrenginngrep for å gje tilkomst for anleggsmaskiner.

Grunngjevinga for vedtaket er at sikring av lausmasser etter hovudutvalet sin vurdering kan gjerast utan tilkomst for store anleggsmaskiner. Inngrepet i strandsone for å gje tilkomst for anleggsmaskiner er for stort i høve det sikringsarbeidet som skal utførast. Omsynet bak regelverket vert vesentleg sett til side, og ulempene ved å gje dispensasjon vert større enn fordelane etter ei samla og konkret vurdering.

Heimel for vedtaket er plan- og bygningslova § 19-2, jf. § 11-6 og 1-8.

Hovudutvalet vedtok samrøystes Vigdis Villanger sitt framlegg til vedtak.