Møte i Formannskapet i Radøy den 26.11.2015

Vedtak

Radøy kommune vedtek følgjande prioriteringsliste for 2016 for utbygging av idrettsanlegg:

Ordinære anlegg

Nærmiljøanlegg

Behandling

Formannskapet vedtok samrøystes rådmannen sitt framlegg til vedtak.

Vedtak

Radøy kommune løyver Hordabø Idrettslag kr 40.000,- pr år i 10 år. Dersom andre aktørar eller idrettslaget sjølv fullfinansierer anlegget, fell tilskotet bort frå det tidspunkt. Kommunen vil bidra aktivt til å søkja finansiering frå andre aktørar.
Kommunestyret stiller seg positiv til ein evt. søknad om kommunal garanti for lån.
Kommunestyret bed rådmannen inngå avtale med HIL. Avtalen bør opna for at skule, barnehage og kommunen kan bruka anlegget på grunnlag av avtalen.

Behandling

Leiar i Idrettsrådet, Bjørn Ove Myking, framheva likskapsprinsippet ved handsaming av tilsvarande saker. Han ba om at det vert sett på berekningsgrunnlaget for kommunen sin bruk av idrettsanlegget i Grønålen.

Formannskapet ønskjer å gje kommunalt bidrag til realisering av Hordabø IL si kunstgrasbane, som dei har søkt kommunen om midlar til. Kommunen sin økonomi er så trong at formannskapet ikkje kan gje eit eingongstilskot i den storleiken HIL ber om. Formannskapet går difor inn med ei løyving som gjer det mogleg for laget å ta opp lån for å sikra restfinansieringa.

Ordføraren sette fram følgjande fellesframlegg:
Radøy kommuneløyver Hordabø Idrettslagkr 40.000,- pr år i 10 år. Dersom andre aktørar eller idrettslaget sjølv fullfinansierer anlegget, fell tilskotet bort frå det tidspunkt. Kommunen vil bidra aktivt til å søkja finansiering frå andre aktørar.
Kommunestyret stiller seg positiv til ein evt. søknad om kommunal garanti for lån.
Kommunestyret bed rådmannen inngå avtale med HIL. Avtalen bør opna for at skule, barnehage og kommunen kan bruka anlegget på grunnlag av avtalen.

Formannskapet vedtok samrøystes felles framlegg til vedtak.

Vedtak

Radøy kommune løyver tilsaman kr 300.000,- i støtte fordelt over fire år frå 2016.
Kommunen vil bidra aktivtil å søkja finansiering frå andre aktørar. Kommunestyret stiller seg positiv til ein evt. søknad om kommunal garanti for lån.

Behandling

Leiaren i Idrettsrådet, Bjørn Ove Myking, ba formannskapet ta med i vurderinga at skytebane-anlegget i Stokkedalen er eit nytt anlegg, som ikkje har fått kommunalt tilskot før.

Formannskapet ønskjer å bidra til realisering av skyteanlegget i Stokkedalen, som Radøy skyttarlag har søkt kommunen om midlar til. Kommunen sin økonomi er så trong at det ikkje er råd for eingongstilskot i den storleiken skyttarlaget ber om. Formannskapet går inn med ei kommunal løyving som gjer det mogleg for laget å sikra finansieringa. Kommunestyret legg vekt på at dette er ei førstegangsetablering av anlegg.

Ordføraren sette fram følgjande fellesframlegg til vedtak:
Radøy kommune løyver tilsaman kr 300.000,- i støtte fordelt over fire år frå 2016. Kommunen vil bidra aktivt til å søkja finansiering frå andre aktørar. Kommunestyret stiller seg positiv til ein evt. søknad om kommunal garanti for lån.

Formannskapet vedtok samrøystes fellesframlegg i møtet.

Vedtak

Områdeplan for Bø får endra planstatus til Kommunedelplan Bø.
Rådmannen vert oppmoda om å forhandla med regionale/statlege styresmakter for å få til størst mogleg grad av fortetting i bustadområda utan krav til detaljregulering.
Saka vert lagt fram som orienteringssak i kommunestyret.

Behandling

Leiar for teknisk forvaltning, Tonje N. Epland orienterte og svara på spørsmål.
Styringsgruppa vil primært behalda områdeplan Bø med planstatus som områdeplan. Men på grunn av framkomne argument i rådmannen si saksutgreiing, går likevel styringsgruppa subsidiært inn for å gjera planstatus om til Kommunedelplan Bø. Utviklingsambisjonane er dei same som for områdeplan, og styringsgruppa noterer seg at store område i planområdet krev detaljregulering uansett.

Rådmannen vert oppmoda om å forhandla med regionale/statlege styresmakter for å få til størst mogleg grad av fortetting i bustadområda utan krav til detaljregulering.

Ordføraren sa at det er styringsgruppa som fattar avgjerda i saka undervegs i prosessen, men at det å endra plan er ei såpass stor endring at det bør leggjast fram som orienteringssak i kommunestyret.

Ordføraren sette fram følgjande fellesframlegg:Områdeplan for Bø får endra planstatus til Kommunedelplan Bø.
Rådmannen vert oppmoda om å forhandla med regionale/statlege styresmakter for å få til størst mogleg grad av fortetting i bustadområda utan krav til detaljregulering.
Saka vert lagt fram som orienteringssak i kommunestyret.

Kenneth Taule Murberg (H) kom med følgjande protokolltilførsel frå Høgre:
Radøy Høgre er prinsipiell betenkt over ein innarbeidd praksis medra private utbyggarar kostnader til det som kan tolkast som offentlege interesser. Praksisen kan leia i ei retning som skaper større samfunnsforskjeller, der mindre aktørar i større grad blir forhindra frå å delta i samfunnsutviklinga.
Vi er også skeptisk til om valg av plan vil medvirka til nskt utbygging. Vi stemmer sekundært med den grunngjeving at alternativet betyr å stemme mot kommunedelplan. Vi ser det vil stoppa vidare utbygging.

Styringsgruppa vedtok samrøystes fellesframlegg sett fram i møtet.

Vedtak

Meirforbruket i 2014, kr 4.649.952 vert dekka inn ved å nullstilla alle ubundne driftsfond, og føra restsummen på konto 2.56080.001 som fritt disposisjonsfond.

Behandling

Formannskapet vedtok samrøystes rådmannen sitt framlegg til vedtak.

Vedtak

Investeringsbudsjettet for 2015 vert justert i samsvar med vedlagt skjema 2B 2015. Alle investeringsinntekter skal nyttast til finansiering av dei samla investeringskostnadene. Unytta lånemidlar vert overført til 2016.

Behandling

Formannskapet vedtok samrøystes rådmannen sitt framlegg til vedtak.

Vedtak

Budsjett for 2016 og økonomiplan 2016-19 vart vedteke i samsvar med framlagt budsjettdokument frå rådmannen, med følgjande endringar:

Drift

• Tilskot til Hordabø idrettslag, kunstgrasbane: 40.000,-. Dersom private eller idrettslaget sjølv fullfinansierer anlegget, fell tilskotet bort frå det tidspunktet.

• Tilskot til Radøy skyttarlag: Fylkeskommunen set som vilkår for at spelemiddel-søknader skal gå raskt gjennom, at kommunen går inn med minimum 5%. Radøy gjev tilsagn om kr 75.000,- i støtte i 2016.

• Støtte til trusopplæring i kyrkja.

Aukast med kr 50.000 i 2016.

• Kommunestyret vil setja i gong utgreiing av og ta i bruk omsorgsteknologi, og løyver kr 100.000.

Inndekking:

• Feilbudsjettert NH Digi kr 60.000,-

• Nedtrekk på konto 400 med kr 50.000,- adm. teknisk forvaltning.

• Nedtrekk på konto 6120 Reinhald med kr 200.000,-

Tilleggspunkt til budsjettet:

• Jordmortenesta. Kommunestyret bed om orientering om jordmortenesta våren 2016, og vil vurdera løyvingane til tenesta i revidert budsjett.

• Næringstilretteleggjing og bustadutvikling. Kommunestyret bed rådmannen utarbeida sak om korleis Radøy best får auka innsats på næringstilrettelegging (også turisme, camping/bubilfasilitetar) og bustadutvikling. Dette skal sjåast i samanheng med Fylkeskommunal plan for areal og transport i Bergensregionen, BRBs strategiske næringsplan, interkommunal nærings- og samfunnsplan m.m. Løyving vert vurdert ved revidert budsjett.

• Planarbeid fylkesvegar. Kommunestyret ber rådmannen søkja fylkeskommunen om støtte til å starta planarbeid for oppgradering av fylkesvegane Soltveit – Bøvågen – Manger – Namtveit. Dette gjeld også TS-tiltak/ punktutbetringar på fylkesvegane.

• Dagtilbod. Kommunestyret bed om ei orientering om dagtilbodet for eldre og for demente, og vil vurdera løyving i revidert budsjett.

• NAV-sosial. Kommunestyret bed rådmannen om sak på korleis redusera tal brukarar og utbetalingar på NAV-sosial ved hjelp av aktivitetsplikt m.m. Kommunestyret har merka seg at fellesnemnaren ved dei kommunane som får til å reduksjon i sosialstøtta er at dei gjer veldig aktive tiltak for særleg å følgje opp unge, og generelt få menneske raskt ut av sosialstøtte.

• Redusert sjukefråvære. Kommunestyret er positiv til sjukefråværprosjektet, men meiner dette bør organiserast som trepartssamarbeid. Prosjektet må setja mål for redusert sjukefråvær, og tiltaka må følgja av målsetjinga.

• VUS. Kommunestyret bed om orientering frå MUHO om drift og finansiering av VUS.

• Skulehelsetenesta. Kommunestyret vil styrkja skulehelsetenesta, og ber rådmannen utarbeida sak/plan for dette. Kommunestyret er opptatt av godt samvirke mellom tenesteområda for å oppnå best mogleg tenester. Styrking av skulehelsetenesta kan sjåast i samanheng ved busetjing av fleire unge flyktningar.

• Plangruppe barnehage. Kommunestyret vil stoppa «lekkasjen» av barnehageborn til nabokommunane ved å auka barnehagetilbodet i kommunen. Det vert sett ned ei plangruppe som vurderer løysingar for korleis særleg Sæbø barnehage kan ta imot fleire born, som i dag har plass i andre kommunar.

• Kommunestyret ønskjer at skiljeveggar i dusjane ved ungdomsskulen vert vurdert. Ungdomsråd og elevråd må ha ei rolle i iutgreiingsarbeidet.

• Kommunestyret vil ha ei sak på status og behov for ladepunkt , støtteordningar og tenleg vidare tilrettelegging for miljøvenlege bilar, som ladepunkt for el-bilar, hydrogenbilar m.m.

• Kommunestyret set ned ei plangruppe for utarbeiding av kvalitetsplan for SFO. Her kan det innlemmast frivillige organisasjonar som t.d. korps, musikk, kyrkja og idrett.

• Kommunestyret vil ha ei sak på utviding av skuleskyssordninga, evt. endra løyving vert gjort i justert budsjett.

Investeringsbudsjett

• Nr 6764001 Trafikksikring. Nytt fortau på Nordbø jfr reguleringsplan om «Hordabøheimen» er strakstiltak og skal igangsetjast umiddelbart.

• Nr 2130005, Manger skule. Det vert sett ned ei hurtigarbeidande plangruppe inkl politisk deltaking før investeringsoppstart. Kommunestyret viser til at det er tinga ei utgreiing av ulike alternativ for vidare utbygging ved Manger skule i to år, utan at dette er initiert.

• Nr 4800101, 4800102 og 4800103. Turvegar. Kommunestyret vil at alle tre prosjekta vert vurderte innan fellespott på kr 2.000.000,- i 2016. Kommunestyret er uroa for kostnadsauken i 4800103, og ber om ei sak med totalvurdering av kostnader for denne før iverksetjing.

• Nr 2712006. Ny barnehage Bø. Det vert sett ned plangruppe inkl politisk deltaking som sikrar behovsanalyse og kravspesifikasjon, og ulike måtar å byggja nye barnehagelokale i tråd med vedtatt kravspesifikasjon raskast og til lågast kostnader. Lokalisering i dagens område.

• Nr 6700003. Asfaltering av kommunale vegar. Løyvinga vert auka til 2 mill i 2016, og formannskapet skal ha plan før asfaltering. Rådmannen vert tilrådd å innhenta pris i lågpris-sesongen.

• NR 6104003 Kommunale bustader. Budsjettposten vert stroken.

• Ny investering: Uteområde Sæbø skule. Skulen var ny i 2009, men uteområdet ber preg av å vera uferdig og lite freistande til uteaktivitetar, ein del av leikeapparata er slitne og lite tenlege. Investeringssum kr. 500 000,-

• Nr 1530012. Radøyhallen oppgradering: Tillegg lys uteområde: Kr 500.000,-’

• Nr 1920001 Mindre investeringar aukast med kr 500.000. Hordabø skule vert vurdert.

Behandling

Etter drøftingar enda formannskapet opp med følgjande felles framlegg:

Endringar på rådmannen sitt budsjettframlegg - driftsbudsjett

• Tilskot til Hordabø idrettslag, kunstgrasbane: 40.000,-. Dersom private eller idrettslaget sjølv fullfinansierer anlegget, fell tilskotet bort frå det tidspunktet.

• Tilskot til Radøy skyttarlag: Fylkeskommunen set som vilkår for at spelemiddel-søknader skal gå raskt gjennom, at kommunen går inn med minimum 5%. Radøy gjev tilsagn om kr 75.000,- i støtte i 2016.

• Støtte til trusopplæring i kyrkja.

Aukast med kr 50.000 i 2016.

• Kommunestyret vil setja i gong utgreiing av og ta i bruk omsorgsteknologi, og løyver kr 100.000.

Inndekking:

• Feilbudsjettert NH Digi kr 60.000,-

• Nedtrekk på konto 400 med kr 50.000,- adm. teknisk forvaltning.

• Nedtrekk på konto 6120 Reinhald med kr 200.000,-

Tilleggspunkt til budsjettet:

• Jordmortenesta. Kommunestyret bed om orientering om jordmortenesta våren 2016, og vil vurdera løyvingane til tenesta i revidert budsjett.

• Næringstilretteleggjing og bustadutvikling. Kommunestyret bed rådmannen utarbeida sak om korleis Radøy best får auka innsats på næringstilrettelegging (også turisme, camping/bubilfasilitetar) og bustadutvikling. Dette skal sjåast i samanheng med Fylkeskommunal plan for areal og transport i Bergensregionen, BRBs strategiske næringsplan, interkommunal nærings- og samfunnsplan m.m. Løyving vert vurdert ved revidert budsjett.

• Planarbeid fylkesvegar. Kommunestyret ber rådmannen søkja fylkeskommunen om støtte til å starta planarbeid for oppgradering av fylkesvegane Soltveit – Bøvågen – Manger – Namtveit. Dette gjeld også TS-tiltak/ punktutbetringar på fylkesvegane.

• Dagtilbod. Kommunestyret bed om ei orientering om dagtilbodet for eldre og for demente, og vil vurdera løyving i revidert budsjett.

• NAV-sosial. Kommunestyret bed rådmannen om sak på korleis redusera tal brukarar og utbetalingar på NAV-sosial ved hjelp av aktivitetsplikt m.m. Kommunestyret har merka seg at fellesnemnaren ved dei kommunane som får til å reduksjon i sosialstøtta er at dei gjer veldig aktive tiltak for særleg å følgje opp unge, og generelt få menneske raskt ut av sosialstøtte.

• Redusert sjukefråvære. Kommunestyret er positiv til sjukefråværprosjektet, men meiner dette bør organiserast som trepartssamarbeid. Prosjektet må setja mål for redusert sjukefråvær, og tiltaka må følgja av målsetjinga.

• VUS. Kommunestyret bed om orientering frå MUHO om drift og finansiering av VUS.

• Skulehelsetenesta. Kommunestyret vil styrkja skulehelsetenesta, og ber rådmannen utarbeida sak/plan for dette. Kommunestyret er opptatt av godt samvirke mellom tenesteområda for å oppnå best mogleg tenester. Styrking av skulehelsetenesta kan sjåast i samanheng ved busetjing av fleire unge flyktningar.

• Plangruppe barnehage. Kommunestyret vil stoppa «lekkasjen» av barnehageborn til nabokommunane ved å auka barnehagetilbodet i kommunen. Det vert sett ned ei plangruppe som vurderer løysingar for korleis særleg Sæbø barnehage kan ta imot fleire born, som i dag har plass i andre kommunar.

• Kommunestyret ønskjer at skiljeveggar i dusjane ved ungdomsskulen vert vurdert. Ungdomsråd og elevråd må ha ei rolle i iutgreiingsarbeidet.

• Kommunestyret vil ha ei sak på status og behov for ladepunkt , støtteordningar og tenleg vidare tilrettelegging for miljøvenlege bilar, som ladepunkt for el-bilar, hydrogenbilar m.m.

• Kommunestyret set ned ei plangruppe for utarbeiding av kvalitetsplan for SFO. Her kan det innlemmast frivillige organisasjonar som t.d. korps, musikk, kyrkja og idrett.

• Kommunestyret vil ha ei sak på utviding av skuleskyssordninga, evt. endra løyving vert gjort i justert budsjett.

Investeringsbudsjett

• Nr 6764001 Trafikksikring. Nytt fortau på Nordbø jfr reguleringsplan om «Hordabøheimen» er strakstiltak og skal igangsetjast umiddelbart.

• Nr 2130005, Manger skule. Det vert sett ned ei hurtigarbeidande plangruppe inkl politisk deltaking før investeringsoppstart. Kommunestyret viser til at det er tinga ei utgreiing av ulike alternativ for vidare utbygging ved Manger skule i to år, utan at dette er initiert.

• Nr 4800101, 4800102 og 4800103. Turvegar. Kommunestyret vil at alle tre prosjekta vert vurderte innan fellespott på kr 2.000.000,- i 2016. Kommunestyret er uroa for kostnadsauken i 4800103, og ber om ei sak med totalvurdering av kostnader for denne før iverksetjing.

• Nr 2712006. Ny barnehage Bø. Det vert sett ned plangruppe inkl politisk deltaking som sikrar behovsanalyse og kravspesifikasjon, og ulike måtar å byggja nye barnehagelokale i tråd med vedtatt kravspesifikasjon raskast og til lågast kostnader. Lokalisering i dagens område.

• Nr 6700003. Asfaltering av kommunale vegar. Løyvinga vert auka til 2 mill i 2016, og formannskapet skal ha plan før asfaltering. Rådmannen vert tilrådd å innhenta pris i lågpris-sesongen.

• NR 6104003 Kommunale bustader. Budsjettposten vert stroken.

• Ny investering: Uteområde Sæbø skule. Skulen var ny i 2009, men uteområdet ber preg av å vera uferdig og lite freistande til uteaktivitetar, ein del av leikeapparata er slitne og lite tenlege. Investeringssum kr. 500 000,-

• Nr 1530012. Radøyhallen oppgradering: Tillegg lys uteområde: Kr 500.000,-’

• Nr 1920001 Mindre investeringar aukast med kr 500.000. Hordabø skule vert vurdert.

Formannskapet vedtok samrøystes rådmannen sitt framlegg til budsjett for 2016 og økonomiplan for 2016-19, med fellesframlegg sett fram i møtet.

Vedtak

Formannskapet ber rådmannen arbeida vidare med bustadsosial handlingsplan utfrå signal i møtet.

Behandling

Formannskapet etterlyser ei klarare definering av kva brukargrupper bustadsosial handlingsplan skal omhandla, og ei tydelegare kartlegging av behov knytt til dei aktuelle brukargruppene. Mellom anna bør behovet for bustadar for flyktningar med i planen, og behovet for akuttbustader må vurderast. Det vart også sett forventingar til at dei ulike tenesteområda er trekt med i planprosessen.

Det vart gjort følgjande felles framlegg til vedtak:
Formannskapet ber rådmannen arbeida vidare med bustadsosial handlingsplan utfrå signal i møtet.

Behandling

Ordføraren informerte om at Regionrådet i Nordhordland legg opp til at forhandlingane i det store Nordhordlands-løpet førebels vert sett på vent, medan kommunane som alt er i forhandlingar held fram sine prosessar, med opning for andre kommunar til å slutta seg til innan februar 2016.

Ordføraren opplyste om at det 14. desember blir nytt møte i forhandlingsutvalet i 3-kommune-løpet mellom Radøy, Lindås og Meland.
Det vert lagt opp til at kommunestyret i januar skal ta stilling til intensjonsavtale for bygging av ny kommune og prosessen vidare, og at formannskapet i forkant drøftar kommunereform-prosessen.

Tillitsvald for Fagforbundet, Else Soltveit, informerte om at dei tillitsvalde er invitert til å ha ein representant i 3-kommune-forhandlingane.

Styringsgruppa drøfta også Austrheim kommune si interesse for å slutta seg til forhandlingane i 3-kommune-alternativet.
Det vart også gjort ei oppsummering av erfaringane med folkemøta. Det har kome mange godord om opplegget og presentasjonen,. Oppslutninga kunne vore større, og ikkje minst vart aldersgruppa mellom 20 og 40 sakna på møta.

Vedtak

Radøy kommune aukar ramma for mottak av flyktningar for 2015 frå gjennomsnittleg 6 plassar til inntil 18 plassar.
Det vert gjort eit rammevedtak for perioden 2016 – 2019 for mottak av ca 18 flyktningar årleg. Rådmannen får fullmakt til å disponera mottaksplassane for det enkelte år innanfor denne ramma.

Behandling

Rådmann Jarle Landås la fram brev frå UDI om å ta i mot 25 flyktningar årleg i Radøy i planperioden, basert på nye behov for busetjing av flyktningar i landet. Det er ein stor auke av einslege mindreårige asylsøkjarar, og kommunen vert beden om å ta i mot sju einslege mindreårige mellom dei 25 som UDI ber Radøy kommune å busetja.

Ordføraren legg opp til at det over nyttår vert lagt fram ei sak om utvida flyktningemottak basert nye plantal til politisk handsaming.

Formannskapet vedtok samrøystes rådmannen sitt framlegg til vedtak.

Vedtak

Kommunestyret godkjenner at Bergen og Omland Havnevesen (BOH) blir oppløyst. Vedtaket om oppløysing er bygd på følgjande føresetnader:

a. Minst 2/3 av medlemskommunane i BOH har fatta vedtak om at det ikkje skal fremjast eit krav på oppløysingsproveny utover den andelen dei respektive kommunane vil vidareføra i BH IKS.

b. Bergen kommune stadfestar at det ligg føre ei avklaring som kommunen kan akseptera på

forholdet mellom hamnekassen og kommunen sine eigedelar elles (bykassen).

c. Det ligg føre eit utkast til stiftingsdokument for BH IKS

d. Havnerådet gjer eit ubetinga vedtak om oppløysing

e. Dei tilsette skal takast med i den vidare prosessen

Behandling

Ordføraren orienterte om prosessen rundt oppløysing av Bergen og Omland Havnevesen og planane om eit nytt IKS.

Formannskapet vedtok samrøystes rådmannen sitt framlegg til vedtak.

Vedtak

Radøy kommune sluttar seg til ny avtale og held fram som vertskommune for Radøy interkom munale Busenter (RiB).

Behandling

Anne Berit Bø Palmesen (Sp) og Kirsti Gjetle Floen (Ap) er tilsette ved Radøy interkommunale busenter, og ba formannskapet vurdera om dei er inhabile i saka. Formannskapet konkluderte med at dei er inhabile, og dei deltok ikkje i handsaminga av saka.

Rådmann Jarle Landås orienterte og svara på spørsmål.

Formannskapet vedtok samrøystes rådmannen sitt framlegg til vedtak.

Vedtak

Med bakgrunn i den store skilnaden mellom vedtatt budsjettramme og kostnaden i prosjektet som no ligg føre, vert pågåande tilbodskonkurranse avlyst. Avlysingsavgjerda vert å meddela tilbydarane straks.

Behandling

Formannskapet vedtok samrøystes rådmannen sitt framlegg til vedtak.

Vedtak

Meldingar og referatsaker vart tekne til orientering.

Behandling

Nordhordland Industriservice/Meland arbeidssenter: Ordføraren orienterte om fusjonsplanane mellom Nordhordland Industriservice på Olsvollstranda og Meland Arbeidssenter.

Møte med Statens vegvesen: Ordføraren orienterte om det årlege møtet mellom kommunen og Statens vegvesen. Ordføraren og kommunalsjef drift og forvaltning, Lisbet Alvær, deltok på møtet, der mellom anna den nye Trafikksikringsplanen for Radøy vart presentert.

Politirådsmøte: Det er bekymring i regionen til organiseringa av det nye politidistriktet. Ordføraren orienterte om at politidistriktet kan bli inndelt i berre fire tenesteområde. Det kan innebera at dagens Nordhordland lensmannsdistrikt er i fare og at regionen kan bli utan stasjonert lensmann. Ordførarane i regionen vil følgja opp saka.

Interkommunalt arkiv: Ordføraren orienterte om skriv frå Interkommunalt arkiv Hordaland, der Radøy har bede om ei endring av kostnadsfordelinga mellom kommunane. IKAH vil gjera ein full gjennomgang/revisjon av kostnadssfordelinga i 2016.

Lønssamtale: Formannskapet gav ordførar og varaordførar fullmakt til å gjennomføra lønssamtale med rådmann og kommunalsjefar.