Møte i Kommunestyret i Radøy den 10.12.2015

Vedtak

Meldingar og referatsaker vert teke til orierntering, med endringar vedteke i møtet.

Kommunestyret ønskjer å bestilla ein forvaltningsrevisjon av barneverntenesta i Radøy kommune, i samsvar med tilråding i kontrollutvalet 15.09.15 - sak 23/15.

Behandling

Uttale om asylmottak: Ordførar Jon Askeland tok initiativet til eit rådslag i kommunestyret knytt til anbod om asylmottak på Radøytunet. Talspersonar frå dei ulike partia uttrykte betydeleg skepsis til eit asylmottak på Radøytunet, i tillegg til mottaket som kjem på Hordabøheimen for einslege mindreårige asylsøkjarar. Det vart gitt uttrykk for at to mottak i same bygdelag ikkje er gunstig. På bakgrunn av rådslaget fekk ordføraren og varaordføraren fullmakt til å senda ein uttale til UDI.

I tilknytning til meldingssak a og b sette Wenche Kalnes Tveranger (Frp)på vegne av Radøy Frp fram følgjande framlegg:
Kommunestyret ønskjer å bestilla ein forvaltningsrevisjon av barneverntenesta i Radøy kommune, i samsvar med tilråding i kontrollutvalet 15.09.15 - sak 23/15.

Ordførar Jon Askeland viste til orientering om denne saka i siste kommunestyremøtet i forrige periode. Han tok ordet for å be kontrollutvalet koma med framlegg til kommunestyret om ein samla plan for forvaltningsrevisjonar i valperioden, der barnverntenesta er eitt av områda i forvaltninga som blir gjennomgått.
Arild Gisle Tveranger (Frp), som også er leiar i kontrollutvalet, peika på at kontrollutvalet meldte inn sak om forvaltningsrevisjon av barnevernet tidlegare i år. Han meiner det er grunnlag for å gjera hastevedtak om forvaltningsrevisjon av barnevernet. Tveranger viste til at det nyvalde kontrollutvalet også meiner det er grunnlag for å gjennomføra forvaltningsrevisjon snarast.

Kommunestyret vedtok framlegg frå Radøy Frp med 17 mot 8 røyster.

Kommunestyret tok meldingar og referatsaker til orientering, med endringar vedteke i møtet.

Vedtak

Orienteringa vert teke til vitande.

Behandling

Ordføraren orienterte om prosessen med områdeplan for Bø og om drøftingane i styringsgruppa (formannskapet) om endring av planstatus.

I samband med at områdeplanen vert konvertert til kommunedelplan, må det meldast om oppstart av ny plan.

Kommunestyret tok orienteringa til vitande.

Vedtak

Radøy kommune vedtek følgjande prioriteringsliste for 2016 for utbygging av idrettsanlegg:

Ordinære anlegg

Nærmiljøanlegg

Behandling

Agnes Hoshovde Bernes (V) kom med framlegg om følgjande tilleggspunkt til prioriteringsliste for nærmiljøanlegg:
5. Ballbinge/lita ballbane Manger skule
6. Ballbinge/lita ballbane Hordabø skule

Kommunestyret vedtok samrøystes formannskapet si tilråding.
Tilleggsframlegg frå Venstre fekk 11 røyster og fall.

Vedtak

Kommunestyret godkjenner at Bergen og Omland Havnevesen (BOH) blir oppløyst. Vedtaket om oppløysing er bygd på følgjande føresetnader:

a. Minst 2/3 av medlemskommunane i BOH har fatta vedtak om at det ikkje skal fremjast eit krav på oppløysingsproveny utover den andelen dei respektive kommunane vil vidareføra i BH IKS.

b. Bergen kommune stadfestar at det ligg føre ei avklaring som kommunen kan akseptera på

forholdet mellom hamnekassen og kommunen sine eigedelar elles (bykassen).

c. Det ligg føre eit utkast til stiftingsdokument for BH IKS

d. Havnerådet gjer eit ubetinga vedtak om oppløysing

e. Dei tilsette skal takast med i den vidare prosessen

Behandling

Kommunestyret vedtok samrøystes formannskapet si tilråding.

Vedtak

Radøy kommune sluttar seg til ny avtale og held fram som vertskommune for Radøy interkom munale Busenter (RiB).

Behandling

Kommunestyret kjende Vibeke Angelskår Erstad (H), Kirsti Gjetle Floen (A) og Anne Berit Bø Palmesen (Sp) inhabile, ettersom dei er tilsette ved RiB. Dei deltok ikkje i handsaminga av saka.

Rådmann Jarle Landås orienterte om samarbeidsprosjektet og den nye vertskommuneavtalen. I den nye avtalen er RiB eit samarbeidsprosjekt mellom kommunane Radøy, Bergen og Vik. Osterøy kommune er no i ferd med å gå ut av samarbeidsavtalen.

Radøy interkommunale Busenter har ni plassar. Radøy har fire av dei. Utanom plassane som er tilslutta kommunane i vertskommuneavtalen, er det også plassar som kan leigast ut til andre kommunar. Til dømes leigar Gulen no plass på RiB.

Rådmannen peika på at den nye vertskommuneavtalen har innebygt eit klarare regelverk å forhalda seg til ved mogleg usemje mellom kommunane og oppseiing av avtale.

Vedtak

Radøy kommune aukar ramma for mottak av flyktningar for 2015 frå gjennomsnittleg 6 plassar til inntil 18 plassar.
Det vert gjort eit rammevedtak for perioden 2016 – 2019 for mottak av ca 18 flyktningar årleg. Rådmannen får fullmakt til å disponera mottaksplassane for det enkelte år innanfor denne ramma.
Med ein så stor auke i talet på flyktningar er det naudsynt med tiltak for å betr tilgong på bustader. Rådmannen vert beden om å vurdera ulike modellar for OPS (offentleg – privat samarbeid), som til dømes Hamarøy-modellen, med sikte på bygging av fleire leilegheiter.

Behandling

Ordføraren informerte om at det vert fremja ei ny sak om busetjing av flyktningar i Radøy, basert på oppdaterte plantal frå Fylkesmannen i Hordaland og innspel i budsjettprosessen.

Venstre sette fram to tilleggsframlegg:
1. Med ein så stor auke i talet på flyktningar er det naudsynt å styrka integreringa. Rådmannen vert beden om å vurdere tilsetting av flyktningkonsulent i prosjektstilling og å styrke frivilligsentralen si rolle i integreringsarbeidet, t.d. gjennom organisering av frivillige flyktningeguidar.

2. Med ei så stor auke i talet på flyktningar er det naudsynt med tiltak for å betra tilgong på bustader. Rådmannen vert beden om å vurdera ulike modellar for OPS (offentleg – privat samarbeid), som til dømes Hamarøy-modellen, med sikte på bygging av fleire leilegheiter.

Arild Gisle Tveranger (Frp) peika på at familiegjenforening vil koma i tillegg til dei flyktningane kommunen gjer vedtak om å busetja. Han gjorde det klart at Frp står fast på tidlegare vedtak om busetjing av seks flyktningar.

Kommunestyret vedtok formannskapet si tilråding mot 2 røyster (Frp).
Tilleggsframlegg 1 frå Venstre fekk 12 røyster og fall.
Tilleggsframlegg 2 frå Venstre vart samrøystes vedteke.

Vedtak

Kommunestyret sluttar seg til revisjonen sine konklusjonar og tilrådingar. Kontrollutvalet ber om at rådmann kjem med tilbakemelding til kommunestyret innan juni 2016 av administrasjonen si oppfølging av rapporten.

Behandling

Revisjonssjef Reidar Bjørsvik og forvaltningsrevisor Randi Rykkje orienterte grundig om forvaltningsrapporten og svara på spørsmål.

Kommunestyret vedtok samrøystes Kontrollutvalet sitt framlegg til vedtak.

Vedtak

Samla kostnadsramme på kr 7 500 000 for stabilisering av Manger kyrkje vert godkjent. Beløpetvert løyvd i investeringsbudsjettet for 2016.

Behandling

Frå fleire hald kom det kritiske kommentarar til at kommunen må dekka heile kostnaden på 7,5 mill. kroner med stabilisering av Manger kyrkje. Morgan Taule (Ap) pg Dag Sætre (Sp) er sterkt usamde i at kommunen skal ha ansvar for gamle verneverdige kyrkjebygg, og røysta mot formannskapet si tilråding.
Vidar Grindheim (H) oppmodar administrasjonen om å vurdera alternative løysingar for å sikra kyrkjebygget, evt også vurdera eit tilbygg som kan vera med å stabilisera kyrkja.

Kommunestyret vedtok formannskapet si tilråding mot to røyster (Morgan Taule, Ap, Dag Sætre, Sp)

Vedtak

Meirforbruket i 2014, kr 4.649.952 vert dekka inn ved å nullstilla alle ubundne driftsfond med unntak for ubrukte midlar "Ungdomskommune 2014", og "Nynorskpris 2014", samt delvis kommunalt næringsfond.
Restsummen som står igjen etter fråtrekk "Ungdomskommune 2014" og "Nynorskpris 2014" vert ført på kommunalt næringsfond, som dermed er minimum på kr 400.000,-.

Behandling

Rådmann Jarle Landås orienterte i saka. Forslaget inneber at underskotet vert dekka frå ubundne driftsfond, og resten samla i eit dispensasjonsfond. Rådmannen peika på at det i dispensasjonsfondet også kan vera enkeltpostar som er merka til bestemte formål.

Frode Hervik (V) sette fram følgjande framlegg:
Meirforbruket i 2014, kr 4.649.952 vert dekka inn ved å nullstilla alle ubundne driftsfond med unntak for Ungdomskommune 2014 og Nynorskpris 2014 i sin heilskap, samt delvis kommunalt næringsfond. Restsummen som står igjen etter fråtrekk for Ungdomskommune 2014 og Nynorskpris 2014 vert ført på kommunalt næringsfond.

Etter drøftingar trekte Hervik sitt framlegg og det vart sett fram følgjande fellesframlegg:
Meirforbruket i 2014, kr 4.649.952 vert dekka inn ved å nullstilla alle ubundne driftsfond med unntak for ubrukte midlar "Ungdomskommune 2014", og "Nynorskpris 2014", samt delvis kommunalt næringsfond.
Restsummen som står igjen etter fråtrekk "Ungdomskommune 2014" og "Nynorskpris 2014" vert ført på kommunalt næringsfond, som dermed er minimum på kr 400.000,-.

Kommunestyret vedtok samrøystes fellesframlegg sett fram i møtet.

Vedtak

Investeringsbudsjettet for 2015 vert justert i samsvar med vedlagt skjema 2B 2015. Alle investeringsinntekter skal nyttast til finansiering av dei samla investeringskostnadene. Unytta lånemidlar vert overført til 2016.

Behandling

Kommunestyret vedtok samrøystes formannskapet si tilråding.

Vedtak

Behandling

Gruppeleiarane i dei ulike partia heldt innlegg på inntil fire minuttar. Utover det vart det opna for innlegg inntil tre minuttar. Gruppeleiarane i AP, SP, KrF, H og Frp støtta fellesframlegget frå formannskapet til budsjett og økonomiplan, men partia kom med nokre verbalpunkt i tillegg.

Frode Hervik (V) la fram Venstre sine endringar til rådmannen sitt budsjettframlegg:
Driftsbudsjett:
Tilskot til Hordabø idrettslag, kunstgrasbane: 40.000,-. Dersom private eller idrettslaget sjølv fullfinansierer anlegget, fell tilskotet bort frå det tidspunktet.

• Tilskot til Radøy skyttarlag: Fylkeskommunen set som vilkår for at spelemiddel-søknader skal gå raskt gjennom, at kommunen går inn med minimum 5%. Radøy gjev tilsagn om kr 75.000,- i støtte i 2016.

• Kommunestyret vil setja i gong utgreiing av og ta i bruk omsorgsteknologi, og løyver kr 100.000.

• Vidareutdanning av lærarar vert styrka med 250.000 innanfor ramma til oppvekst.

• Det vert løyvd 250.000 til helsestasjonstilbod for ungdom. Dette vert finansiert innanfor ramma til helse og omsorg.

• Det vert løyvd 250.000 til eit næringsutviklingsprosjekt med fokus på tettstad, arealkrevjande verksemder og reiseliv. Løyvinga vert finansiert av ubunde disposisjonsfond/kommunalt næringsfond.

Inndekking:

• Feilbudsjettert NH Digi kr 60.000,-
• Nedtrekk på konto 6120 Reinhald med kr 200.000,-

Investering

500.000 Uteområde Manger skule
500.000 Uteområde Hordabø skule
500.000 Uteområde Sæbø skule
500.000 Uteområde Austebygd skule
300.000 Uteområde Radøy ungdomsskule
200.000 Oppgradering Radøyhallen – lys uteområdeadutvikling
500.000 Tettstadutvikling Manger – startløyving realisering av prosjekt miljøgate

Inndekking:
Kommunale bustader 2.500.000
Mindre investeringar: 500.000

Tekstframlegg:

• Det vert søkt Hordaland fylkeskommune om medfinansiering til eit næringsutviklingsprosjekt med fokus på tettstad, arealkrevjande verksemd og reiseliv, inkludert kultur- og naturopplevingar.

• Rådmannen vert beden om å vurdera ulike modellar for OPS (offentleg – privat samarbeid), som til dømes Hamarøy-modellen, med sikte på bygging av fleire leilegheiter for bustadsosiale føremål, samt leilegheiter til utleige for unge.

• Det vert lagt til grunn at arbeidet med turstiar held fram med kommunen som koordinator, og at ein hjelper lag og organisasjonar med utarbeiding av søknader om tilskot.

• Midlane til trafikksikring må nyttast som eigenandel for å søkja fylkeskommunalt tilskot, slik at ein får dobbelt så mykje igjen for pengane. Det vert lagt til grunn at trafikksikringsplanen er styrande for kva prosjekt som vert realisert.

• Rådmannen vert beden om å koma med ei politisk sak/plan for utvikling av pleie- og omsorgssektoren knytt til framtidig behov og framlegg til løysingar på komande utfordringar.
  

Arild Gisle Tveranger (Frp) kom med følgjande tillegg til verbalpunkt i formannskapsinnstillinga om "planarbeid fylkesvegar":
Fv 565 blir lagt til punkt om oppgradering av fylkesvegar i Radøy.

Laila Selfallet Pletten (Sp) kom med følgjande tilleggsframlegg til verbalpunkt:
Kommunestyret ber om ei orientering om dagtilbodet for eldre og for demente, og vil vurdera løyving i revidert budsjett. Det vert i tillegg sett ned ei plangruppe som arbeider med oppgåver knytt til framtidige tilbod for heimebuande personar med demens.

Kenneth Taule Murberg (H) kom med følgjande endringsframlegg:
Vedtaksframlegg 1:
Eige kulepunkt under "tilleggspunkt etter handsaming i formannskapet: Budsjettpostar 271206 - Bø barnehage nybygg på 1,5 mill. og post 6700101 Nærmiljøtiltak Bø på 3,0 mill. må sjåast i samanheng med bygging av ny barnehage på Bø og plangruppa sitt mandat.

Vedtaksframlegg 2:
Radøy Høgre trekkjer tilbake støtte til Utvandringssenteret på Sletta, og tar det opp igjen til behandling i revidert budsjett, etter at forretningsplan, styreprotokollar og årsberetning er lagt fram for formannskapet og kommunestyret.

Vedtaksframlegg 3:
Radøy Høgre stiller spørsmål ved posten "nye sjukeheimsplassar". Ut frå orienteringsbehov som føreligg, er denne posten sett av til konsulentformål for å utgreia eit framtidig behov. Radøy Høgre forutset at kommunen sjølv har tilsette som er kapabel til å vurdera framtidig behov innan fagfeltet Helse og omsorg. Nedtrekk på 500.000,-.

Vedtaksframlegg 4:
Radøy Høgre vil trekkja stilling i samband med investeringar.

Ordførar Jon Askeland sette fram følgjande framlegg til vedtak for økonomiplan:Økonomiplan for 2016-2019 vert vedteke i samsvar med framlagd budsjettdokument frå formannskapet.

Røysting
Under røysting vart formannskapet si budsjettinnstilling sett opp mot Venstre sitt framlegg.
Formannskapet si innstilling vart vedteken mot to røyster (V).

Det vart røysta enkeltvis over Venstre sine tekstframlegg til budsjettet:
Kulepunkt 1 fekk 2 røyster og fall.
Kulepunkt 2 vart samrøystes vedteke.
Kulepunkt 3 vart samrøystes vedteke.
Kulepunkt 4 fekk 2 røyster og fall.
Kulepunkt 5 fekk 2 røyster og fall.

Framlegg frå Arild Gisle Tveranger (Frp) sitt tillegg til verbalpunkt om "planarbeid fylkesvegar" fekk 4 røyster og fall.

Framlegg frå Laila Selfallet Pletten (Sp) sitt framlegg til verbalpunkt vart samrøystes vedteke.

Høgre sitt vedtaksframlegg 1 vart samrøystes vedteke.
Høgre sitt vedtaksframlegg 2 fekk 6 røyster og fall.
Høgre sitt vedtaksframlegg 3 fekk 9 røyster og fall.
Høgre sitt vedtaksframlegg 4 fekk 4 røyster og fall.

Ordføraren sitt framlegg til økonomiplan vart samrøystes vedteke.