Utval: | Kommunestyret |
---|---|
Dato: | 14.09.2023 08:30 - 11:55 |
Møtestad: | Biblioteket på Bjørkheim |
Status: | Møtet er ferdig protokollert |
Sakskart: | |
Møteprotokoll: |
Innkalling og sakliste vert godkjent.
Samrøystes vedtak.
Orienterings-/referatsaker vert tekne til orientering.
Kommunestyret ber rådmannen om å få opp ei sak om bustadtomtene i Rolvsvåg.
Rådmannen får i oppdrag å vurdere kva samarbeidsavtalar som kan vera aktuelle å inngå med Vestland fylkeskommune kring diverse arbeid på og langs fylkesvegane. Det skal i vurderingane inngå kva kostnader og forpliktingar dette vil ha for samarbeidspartane. Kommunestyret ber om å få sak til handsaming i formannskapet i første kommunestyremøte i 2024.
Eventuelle merknader til protokollen frå førre møte:
Ingen merknader.
Ordføraren orienterer:
Ingen saker.
Rådmannen orienterer:
Orientering ved rådmann Ove Sæbø:
Montering av leikeapparat ved barneskulen. Rådmannen viste til kommunestyret sitt vedtak 15.06.2023 om løyving av inntil 200 000 kroner til montering av innkjøpte leikeapparat på barneskulen. Rådmannen orienterte om at administrasjonen no har henta inn tilbod på dette arbeidet, og at tilbodet er på 480 000 kroner. Det manglar derfor finansiering til å kunne setja i gang dette arbeidet.
Tilskot til kjøp av varmepumpe. Rådmannen viste til kommunestyret sitt vedtak 15.06.2023 om løyving på 700 000 kroner til søknadsordning for tilskot til kjøp av varmepumpe. Det har kome inn 32 søknader. Handsaminga av søknadene er godt i gang og søkjarane vil truleg få svar i løpet av den neste veka.
Ny innbyggjarportal (heimeside). Det er starta opp eit fellesprosjekt med ny innbyggjarportal for kommunane i IKT Nordhordland-samarbeidet. Forventa lansering er i løpet av 2024.
Rettleiingsprosjekt i regi av Bufdir. Rådmannen orienterte om status for dette prosjektet, som Samnanger er med i. Prosjektet blir avslutta hausten 2024.
Budsjett 2024. Rådmannen orienterte om status for budsjettarbeidet. Det blir truleg eit budsjettseminar for kommunestyret 05.10.2023, før formannskapsmøtet same dag.
Beredskapsanalyse for brannvern i Samnanger. Rådmannen orienterte om kva analysen skal omfatta og om status for analysearbeidet.
Orientering ved kommunalsjef samfunnsuvikling, Hilde-Lill Våge:
Status eining for teknisk forvaltning. Einingsleiar Ragnhild Lønningdal har sagt opp stillinga si, og sluttar i kommunen i slutten av november. Stillinga som byggesakshandsamar står òg ledig. Det vil i løpet av kort tid bli lyst ut to stillingar i eininga (kommuneplanleggjar og byggesakshandsamar). Einingsleiardelen vil bli lagt til byggesakshandsamarstillinga.
Husleige Reistadliane 41. Den nye omsorgsbustaden i Reistadliane 41 er no så og seie ferdig og klar for innflytting. Sak om fastsetjing av husleige for bustaden vil koma opp i kommunstyret i oktober.
Husleige for fysioterapeut. Sak om fastsetjing av husleige ved Samnanger helsetun for ny privatpraktiserande fysioterapeut vil koma opp i kommunestyret i oktober.
Orientering ved næringsutvklar Joachim Mathisen:
Sak om mobilmast Rolvsvåg. Saka vil bli lagt fram for politisk handsaming så snart administrasjonen har fått tilbakemelding frå Bergen kommune på førespurnaden om dei kan vera med på eit spleiselag.
Sak om drivstoffanlegg på Tyssekaien. Administrasjonen ventar på uttale frå brannvesenet. Saka vil bli lagt fram til politisk handsaming når uttalen ligg føre.
Sal av Erikajorda. Orientering om status i saka. Administrasjonen er no i dialog med dei tre interessentane som har meldt seg.
Bustadtomter i Rolvsvåg. Tomtene har vore lagt for sal, men det har ikkje vore stor interesse for å kjøpa tomter i Rolvsvåg. Næringsutviklaren stilte spørsmål til kommunestyret om tomtene eventuelt kan gjevast vekk (gratis) mot at dei som får tomtene forpliktar seg til å byggja og busetja seg på tomtene innan to år. Ordførar Knut Harald Frøland (Bl) foreslo at kommunestyret ber rådmannen om å få opp ei sak om bustadtomtene i Rolvsvåg. Kommunestyret slutta seg til dette forslaget.
Bustadundersøking. Joachim Mathisen presenterte resultat frå bustadundersøkinga som nyleg er gjennomført blant innbyggjarar i alderen 50 år og eldre i kommunen. Kopi av presentasjonen av resultatet av undersøkinga følgjer som vedlegg til møteprotokollen.
Orientering ved eininsleiar livsmeistring, Laila Grønn-Jensen:
Laila Grønn-Jensen orienterte om arbeidet med barn, ungdom og familiar i Samnanger, mellom anna:
Midlar til kompetanseheving. Kommunen har fått 275 000 kroner frå Bufdir til kompetanseheving. Midlane blir brukt til kursing for tilsette i både skule, barnehage, helsestasjon og barneven.
Tiltak for å bekjempa relativ fattigdom. Orientering om arbeidet med å følgja opp vedtaket som kommunestyret gjorde 15.06.2023.
Tverrfagleg samarbeid. Fokus på samarbeid mellom einingane og effektiv bruk av ressursane.
I tillegg orienterte Laila Grønn-Jensen om status for arbeidet med utgreiing om eventuelt NAV-samarbeid med andre kommunar.
Orientering ved kommunalsjef oppvekst, Irene Ullensvang:
Oppdrag og mandat for oppvekstområdet. Presentasjonen ho viste i møtet ligg som vedlegg til møteprotokollen. Til slutt i orienteringa viste ho ein kort film med eksempel på spørsmål som ungdom har sendt inn til Ung.no.
Val av setje-varaordførar:
På bakgrunn av at varaordførar Øyvind Røen (Sp) hadde forfall til kommunestyremøtet 14.09.2023, foreslo ordførar Knut Harald Frøland (Bl) at Karl Bård Kollbotn (Frp) gjekk inn som setje-varaordførar i resten av møtet. Kommunestyret slutta seg samrøystes til dette.
Spørsmål:
Utleige av gymnastikksalen i Vassloppa barnehage
Ove Totland (Bl) las opp spørsmålet han hadde meldt inn til møtet, om utleige av gymnastikksalen i Vassloppa barnehage til lag og privatpersonar. Spørsmålet ligg ved møteinnkallinga. Rådmann Ove Sæbø svara.
Kantklipping langs kommunale vegar og fasadevask på kommunehuset
Ordførar Knut Harald Frøland (Bl) viste til at Odd Arne Haga (Frp) i sak 051/2023 (Faste saker) i formannskapet 31.08.2023 sette fram framlegg om at det må utførast kantslått langs alle kommunale vegar og vask av fasadane på kommunehuset. Det vart i formannskapet avklart at dette kunne takast opp som interpellasjon i kommunestyret. Ordføraren foreslo i kommunestyret at forslaga vart handsama som spørsmål. Etter dette orienterte rådmann Ove Sæbø om status for kantklipping langs kommunale vegar. Han orienterte òg om at det er henta inn pristilbod på fasadevask av kommunehuset, men at det ikkje er midlar til dette i driftsbudsjettet i år.
Spørsmål om ukrainske elevar
Linda Haug Kollbotn (Frp) las opp fire spørsmål om ukrainske elevar ved skulane i Samnanger. Spørsmåla var òg sendt til rådmannen før møtet. Kommunalsjef Irene Ullensvang svara på spørsmåla.
Informasjon frå møte med Skyss 10.08.2023
Oskar Røen (MDG) viste til møte mellom kommunen og Skyss 10.08.2023, og ønska meir informasjon om dette møtet. Ordførar Knut Harald Frøland (Bl) svara. Han viste òg til referatet frå møtet som låg ved møteinnkallinga til kommunestyret 14.09.2023.
Interpellasjonar:
Følgjande interpellasjonar vart handsama i møtet:
Interpellasjon om uteområdet på ungdomsskulen
Interpellasjon om vassinntak i industriområdet i Rolvsvåg
Interpellasjon om fylkesvegar i Samnanger kommune
Informasjon om handsaminga av interpellasjonane går fram av sakspapira for dei ulike interpellasjonane (RS 1 og RS 2). Unnateke frå dette er interpellasjonen om fylkesvegar i kommunen. Handsaminga av og vedtaket i denne interpellasjonen er lagt inn nedanfor.
Interpellasjon om fylkesvegar i Samnanger kommune
Ordførar Knut Harald Frøland (Bl) orienterte om at han ønska å ta opp og få handsama ein interpellasjon om fylkesvegar i kommunen, der han hadde eit framlegg til vedtak. Ingen i kommunestyret motsette seg å ta dette opp som interpellasjon. Knut Harald Frøland orienterte innleiingsvis om spørsmål han hadde sendt til fylkeskommunen, og om fylkeskommunen sine svar på spørsmåla. Knut Harald Frøland sette fram følgjande framlegg til vedtak:
"Rådmannen får i oppdrag å vurdere kva samarbeidsavtalar som kan vera aktuelle å inngå med Vestland fylkeskommune kring diverse arbeid på og langs fylkesvegane. Det skal i vurderingane inngå kva kostnader og forpliktingar dette vil ha for samarbeidspartane. Kommunestyret ber om å få sak til handsaming i det første formannskapsmøtet og kommunestyremøtet i 2024."
Framlegget vart samrøystes vedteke.
Det vart til røysta over rådmannen sitt framleg til vedtak i sak 068/2023 (Faste saker). Framlegget til rådmannen vart samrøystes vedteke, med tillegg av dei vedtaka kommunestyret hadde gjort undervegs i handsaminga av saka.
Saka vert utsett til neste møte. Kommunestyret ber om ei grundigare vurdering av konsekvensane av at kommunen overtek ansvaret.
Handsaming:
Etter den innleiande debatten sette Øyvind Strømmen (MDG) fram framlegg om å utsetja saka.
Utsetjingsframlegget vart samrøystes vedteke.
Samnanger kommune sluttar seg til avtale om administrativt vertskommunesamarbeid mellom Bjørnafjorden kommune og Samnanger kommune om interkommunal legevakt og legevaktsentral.
Vertkommunesamarbeidet er heimla etter vertskommunemodellen i kommunelova (LOV-2018-06-22-83) § 20-1 flg., irekna § 20-2 administrativt vertskommunesamarbeid og § 20-4 samarbeidsavtale.
Med heimel i kommunelova § 20-2 instruerer kommunestyret rådmannen om å delegera lovheimla oppgåver knytt til tenesteyting av legevakt og legevaktsentral til kommunedirektøren i Bjørnafjorden kommune, innanfor ramma av samarbeidsavtalen.
Samnanger kommunestyre ber rådmannen halda fram arbeidet med å etablera eit legevaktsamarbeid i retning Bergen.
Innleiingsvis svara kommunalsjef Edith Oma på spørsmål som formannskapet under handsaminga si av saka 31.08.2023 bad administrasjonen om å prøva å få avklart til kommunestyremøtet 15.09.2023.
Innstillinga til formannskapet vart samrøystes vedteken.
Kommunestyret i Samnanger kommune gir med dette si tilslutning til at kommunane Fedje, Gulen, Masfjorden og Modalen blir nye deltakarar i Bergen og Omland Friluftsråd Kommunale Oppgavefellesskap med verknad frå 01.01.2024. Dei nye deltakarkommunane sitt ansvar og forpliktingar følgjer av samarbeidsavtalen og lov om kommunar og fylkeskommunar (LOV-2018-06-22-83) frå 01.01.2020 «kommuneloven»).
Innstillinga til formannskapet vart samrøystes vedteken.
Søknaden frå Norske Kvinners Sanitetsforening (N.K.S.) om økonomisk støtte til Veiledningssenter Vest blir ikkje innvilga.
Kommunestyret ber rådmannen leggja fram ei sak om retningslinjer for kommunal økonomisk støtte til landsdekkande eller regionale ideelle organisasjonar som tilbyr tenester som kan vera eit supplement til kommunen sitt tenestetilbod.
Innstillinga til formannskapet vart samrøystes vedteken.
Samnanger kommune sluttar seg til utvalet sine vurderingar om at generalistkommunesystemet er under aukande press, stør utvalet si tilråding om å halda på generalistkommunesystemet og deler utvalet si vurdering av at oppgåvedifferensiering mellom kommunane ikkje er tilrådeleg.
I samband med kommunereforma for nokre år sidan vart det gjennomført ei rådgjevande folkerøysting i Samnanger kommune, der eit klårt fleirtal ynskte at Samnanger framleis skal stå som eigen kommune. Samnanger kommune vil difor uttrykkja ei uro over at utvalets fleirtal peiker på større kommunar som det tiltaket som best opprettheld generalistkommunesystemet, og vil peika på at små kommunar på dei fleste område har dei same føresetnadene for å lukkast med å gje god kvalitet i tenestene. Det er eit viktig demokratisk prinsipp at nye kommunesamanslåingar kjem frå folkedjupet, og det er ei overkøyring av lokaldemokratiet om staten også i framtida legg opp til eit straff- og belønningssystem for å tvinga fram større kommunar. Små kommunar har også føremoner i form av liten avstand mellom innbyggjarane og dei folkevalde og tenester nær folk.
Samnanger kommune sluttar seg derimot til utvalet sine tilrådingar når det gjeld endra statleg styring, med redusert detaljstyring og ei meir aktiv tilretteleggjarrolle for at alle kommunar skal kunna vareta lovpålagte oppgåver. Det må blant anna innebera å leggja til rette for gode samarbeid mellom kommunane, statsforvaltar og fylkeskommunar.
Som utvalet peiker på, kan små og spesialiserte tenester — t.d. renovasjon, brannvesen og IKT — som krev eit visst fagmiljø vera utfordrande i mange kommunar. Samnanger kommune deler samstundes utvalet si vurdering av at det ville vera lite treffsikkert å flytta slike oppgåver vekk frå kommunane, då det vil påverka både kommunane sitt breie oppgåveansvar og den folkevalde styringa.
I møte med denne utfordringa vil interkommunale samarbeid ofte vera ei god løysing. Gode samarbeid på tvers av kommunegrenser vil vera naudsynte også frametter, og kan bidra til å løysa mindre kommunar sine utfordringar knytt til kapasitet og rekruttering av rett kompetanse.
Det kan samstundes vera fleire utfordringar knytt til slikt samarbeid, blant anna kan dei gjera det vanskelegare å gjera politiske prioriteringar på tvers av oppgåver og tenester, og det kan gje mindre gjennomsiktigheit og svekkja demokratisk styring og kontroll. Samnanger kommune sluttar seg til utvalet si vurdering av at faste, langsiktige samarbeid med faste partnarar kan gjera det enklare og betre å samarbeida, og sluttar seg til utvalet si vurdering av at ein samarbeidsmodell særleg tilpassa slike samarbeid også bør vera lovheimla.
Samnanger kommune vil også understreka viktigheita av tilstrekkelege og føreseielege økonomiske rammer, i form av frie inntekter, for ivaretaking av generalistkommunesystemet. Både eit rettvist inntektssystem tilpassa kommunestorleiken og kompensasjon for naturressursar som vert avsett til storsamfunnet, er viktig for dette.
Innstillinga til formannskapet vart samrøystes vedteken.
Søknaden frå Lønnebakken Grendelag om tilskot på 15 000 kroner til å dekka uføresette utgifter til asfaltering av multibane ved Lønnebakken aktivitetsplass, blir innvilga.
Tilskotet blir finansiert med midlar frå fondet «Lavterskel aktivitet for born og unge».
Ordførar Knut Harald Frøland (Bl) bad om å få vera ugild i saka. Årsaka til dette var at det er søstera hans som har sendt søknaden frå Lønnebakken Grendelag om midlar. Han gjekk frå medan kommunestyret handsama gildskapen hans, og Karl Bård Kollbotn gjekk inn som ordførar. Knut Harald Frøland vart samrøystes funnen ugild og deltok ikkje i handsaminga av saka.
Innstillinga til formannskapet vart samrøystes vedteken.
Kommunestyret viser til at styret for ungdomsklubben i Samnanger per i dag ønskjer å halde fram med å arrangera ungdomsklubb på biblioteket på Bjørkheim. Kommunestyret vil difor ikkje ta initiativ til å etablera ungdomsklubb i andre lokale i kommunen. Kommunestyret ber likevel rådmannen om å ha dialog med styret i høve til om andre lokalitetar for ungdomsklubb kan verte aktuelt på eit seinare tidspunkt.
Framlegget til rådmannen vart samrøystes vedteke.
Kommunestyret ønskjer at det skal arbeidast vidare med sikte på å få etablert eit gamingsenter og senter for e-sport for ungdom i kommunen.
Kommunestyret ber rådmannen om å gjera ei vurdering av framtidig bruk av dei tidlegare biblioteklokala i kommunehuset på Tysse, og leggja fram tilråding om dette i framlegget sitt til budsjett og økonomiplan 2024–2027. Eit av alternativa som skal vurderast, er gamingsenter og senter for e-sport.
Dersom rådmannen si vurdering er at dei tidlegare biblioteklokala ikkje skal brukast til gamingsenter, ber kommunestyret om at rådmannen i budsjett- og økonomiplansaka også vurderer andre alternativ for lokalisering av eit slikt senter.
Framlegget til rådmannen vart samrøystes vedteke.
Kommunestyret godkjenner ungdomsrådet slik det er sett opp i saksutgreiinga. Rådet konstituerer seg og vel sjølv leiar og nestleiar i det første møtet hausten 2023.
Oskar Røen (MDG) spurde om det er moglegheit for at ungdomsrådet kan få presentera seg sjølv i samband med eit kommunestyremøte. Ordførar Knut Harald Frøland (Bl) orienterte om at han vil ordna med slik invitasjon til ungdomsrådet til neste kommunestyremøte.
Framlegget til rådmannen vart samrøystes vedteke.
Samnanger kommune vedtek å ta imot og busetje totalt 30 flyktningar i 2023. Talet inkluderer ikkje familiegjenforeiningar.
Kommunestyret gjev rådmannen fullmakt til å disponere tilskota kommunen mottek til føremålet. Det inneber mellom anna å bemanne opp administrasjonen og dei tenestene som er naudsynte for å kunne gje flyktningane eit velfungerande bu- og opphaldstilbod. I tillegg kan det tyde å inngå leigeavtalar om bustadar, innkjøp av naudsynt utstyr som flyktningane treng i det daglege, samt innkjøp/leasing/leige av bil som flyktningtenesta kan disponere.
Finansiering av tiltaka skal skje innanfor ramma av integreringstilskotet som følgjer med flyktningane som vert busette i Samnanger kommune.
Rådmannen skal jamnleg rapportere status for busetjinga, inkludert økonomi, til kommunestyret.
Målet er blant anna at alle flyktningane skal få ei helsekartlegging tidleg, slik at me kan leggja til rette for best mogleg oppfølging både fysisk og psykisk på eit tidleg tidspunkt. Det ligg òg i tilrådingane at dette skal skje innan tre månader.
Gunn Totland Moss (KrF) sette fram framlegg om følgjande tilleggspunkt til rådmannen sitt framlegg:
"Målet er blant anna at alle flyktningane skal få ei helsekartlegging tidleg, slik at me kan leggja til rette for best mogleg oppfølging både fysisk og psykisk på eit tidleg tidspunkt. Det ligg òg i tilrådingane at dette skal skje innan tre månader."
Det vart røysta over framlegget til rådmannen, inkludert tilleggsframlegget til Gunn Totland Moss. Samrøystes vedteke.
Kontrollutvalet sitt framlegg til vedtak:
Kommunestyret ber rådmannen
1. Sørge for at kommunen gjennomføre risikovurderingar av sjukefråvær i særleg utsette
einingar i kommunen.
2. Sørge for at kommunen utarbeider eit system for evaluering av oppfølging og førebygging
av sjukefråvær.
3. Sørge for at kommunen utarbeider ei handbok i leiing om kva ansvar og oppgåver som
inngår i det å vere personalansvarleg og kva forventningar som blir stilte til
personalansvarlege leiarar.
4. Kommunestyret ber om at det vert laga ein prioritert handlingsplan til kontrollutvalet innan
01.11.2023 , som viser kva tiltak som skal setjast i verk for å følgja tilrådingane i rapporten,
når tiltaka skal setjast i verk og kven som har ansvaret for iverksettinga.
Innstillinga til kontrollutvalet vart samrøystes vedteken.
Kommunestyret godkjenner budsjettforslaget for kontrollarbeidet i Samnanger slik det er framlagt.
Innstillinga til kontrollutvalet vart samrøystes vedteken.
Kommunestyret aukar løyvinga til utplassering av leikeapparat ved barneskulen til inntil 500.000 kroner (+300.000). Tilleggsløyvinga vert finansiert frå kommunestyret sin rådveldekonto.
Kommunestyret ber rådmannen koma attende med ei sak til kommunestyret 19. oktober om oppgradering av skuleområdet på ungdomsskulen, og kostnader ved dette. Elevane vert gjeve moglegheit til å gje innspel om sine ynskjer.
Denne saka kom opp som tilleggssak i møtet, som følgje av at kommunestyret under handsaminga av interpellasjon frå Anja Elisabeth Gjerde Markhus (Bl) vedtok å setja interpellasjonen inn som sak på saklista.
Handsaming:
Øyvind Strømmen (MDG) sette fram framlegg til vedtak.
Anja Elisabeth Gjerde Markhus trekte framlegget sitt til vedtak i interpellasjonen ho hadde meldt inn til møtet.
Øyvind Strømmen sette fram eit justert framlegg til vedtak. Dette framlegget vart samrøystes vedteke.
Politikar | Parti | Medlemstype | Mobil | E-Post |
---|---|---|---|---|
Knut Harald Frøland | Bygdalista | Leiar | frolandkh@gmail.com | |
Shirin Kvernes Khadoor | Arbeidarpartiet | Medlem | shirin_khadoor@hotmail.com | |
Jon Magne Bogevik | Arbeidarpartiet | Medlem | jon.magne.bogevik@kvamnet.no | |
Martin Haugen | Bygdalista | Medlem | martin-haugen@hotmail.com | |
Øyvind Steinsland | Bygdalista | Medlem | oyvind.steinsland@orkla.no | |
Lena Tveit | Bygdalista | Medlem | tveitlena@yahoo.no | |
Anja Elisabeth Gjerde Markhus | Bygdalista | Medlem | anja.gjerde@hotmail.com | |
Ove Totland | Bygdalista | Medlem | ove_totland@hotmail.com | |
Karl Bård Kollbotn | Framstegspartiet | Medlem | karl.kollbotn@samnanger.kommune.no | |
Linda Haug Kollbotn | Framstegspartiet | Medlem | lhk@safa.no | |
Odd Arne Haga | Framstegspartiet | Medlem | odd.arne.haga@outlook.com | |
Arild Røen | Høgre | Medlem | ariroeen@online.no | |
Gunn Totland Moss | Kristeleg Folkeparti | Medlem | gunn.totland.moss@gmail.com | |
Øyvind Strømmen | Miljøpartiet Dei Grøne | Medlem | oyvindstrommen@gmail.com | |
Oskar Røen | Miljøpartiet Dei Grøne | Medlem | oskarroen@gmail.com | |
Monica Tjønna | Uavhengig representant | Medlem | monica.tjonna@kvamnet.no | |
Ingvild Raftevoll Bogevik | Arbeidarpartiet | 2. varamedlem | ingvild.bogevik@kvamnet.no | |
Bjarte Linga | Bygdalista | 2. varamedlem | bjartelinga@hotmail.com | |
Vidar Trengereid | Senterpartiet | 3. varamedlem | ||
Dag Nydal | Bygdalista | 4. varamedlem | dag_nydal@yahoo.no | |
Øyvind Røen (Ikke møtt) | Senterpartiet | Nestleiar | oyv.roen@gmail.com | |
Gunn Østvik Petersen (Ikke møtt) | Arbeidarpartiet | Medlem | gunn.o.petersen@kvamnet.no | |
Harald Boge (Ikke møtt) | Arbeidarpartiet | Medlem | harald.boge@samnanger.kommune.no | |
Solveig Vassenden (Ikke møtt) | Bygdalista | Medlem | sol.vassenden@kvamnet.no | |
Knut Loneland Høibraaten (Ikke møtt) | Bygdalista | Medlem | knut@hoibraaten.net |