Utval: | Formannskapet |
---|---|
Dato: | 09.02.2023 15:30 - 19:30 |
Møtestad: | Kommunehuset – Formannsapssalen |
Status: | Vedtak er påført møtet |
Sakskart: | ![]() |
Møteprotokoll: | ![]() |
Innkalling og sakliste vert godkjent.
Rådmannen sitt framlegg vart samrøystes vedteke.
Orienterings-/referatsaker vert tekne til orientering.
Eventuelle merknader til protokollen frå førre møte:
Ingen merknader.
Ordføraren orienterer:
Markering 24.02.2023 av angrepet på Ukraina. Kommunen har fått førespurnad frå Norsk-Ukrainsk Venneforening om å vera med på å markering 24.02.2023. Ordføraren informerte om at han ønskjer at Samnanger skal vera med på denne markeringa.
Presentasjon frå BKK om straumforsyningssikkerheit i Samnanger
Jens Skår frå BKK AS orienterte om leveringskvalitet og straumforsyningssikkerheit i Samnanger. Kopi av presentasjonen følgjer som vedlegg til møteprotkokollen.
Rådmannen orienterer:
Orientering v/rådmann Ove Sæbø:
Næringsutviklar. Joachim Mathisen er tilsett som næringsutviklar i kommunen. Han startar i stillinga i april.
Kommunalsjef oppvekst. Bodil H. Øpstebø går av med pensjon 01.04.2023. Stillinga hennar har no vore utlyst med søknadsfrist 07.02.2023, og det har meldt seg 15 søkjarar.
Rettsprosessar. Orientering om status i tre rettsprosessar som kommunen er involvert i.
Orientering v/kommunalsjef oppvekst, Bodil H. Øpstebø:
Vaksenopplæring. Orientering om status norskopplæring ved Bergen Læringssenter og ungdomsskulen, og om nyheitssak om endring av reglar for lengd på periode for statlege midlar til norskopplæring.
Barnehage. Søknadsfristen for barnehageplass 2023/2024 er 01.03.2023.
Skule. Orientering om matematikkprosjekt (ref. artikkel i Samningen 09.02.2023), økonomiprosjekt ved ungdomsskulen, og deltaking i konkurranse på Vil Vite-senteret 11.02.2023.
Orientering v/kommunalsjef samfunnsutvikling, Hilde-Lill Våge:
Eviny-bygget på Frøland. Kommunen har no overteke bygget. Skredrapport er utarbeidd, og konkluderer med at det ikkje er rasfare i skråninga bak bygget. Samfunnsutvikling held på med førebuing av konkurranse på arbeidet med skifte av tak på bygget.
Elektronisk system for bestilling av kommunale utleigelokale. Systemet Famac vil truleg bli teke i bruk til dette.
Sak om brannstasjon. Kjem opp i kommunestyret 23.02.2023.
Ombygging på kommunehuset. Orientering om tidsplanen og innhaldet i dette prosjektet.
Utbetring av vegen i Hagabakkane. Orientering om status for arbeidet og vidare plan.
Felles parkeringsplass for helsetunet og sjukeheimen. Orientering om status for arbeidet.
Ny omsorgsbustad i Reistadliane 41. Kommunen har fått tilsegn om 1,679 mnok i tilskot frå Husbanken. Tek sikte på å ferdigstilla byggearbeida rundt september.
Gangveg Steinsland–Hagabotnane. Tek sikte på at gangvegen skal vera ferdig i april.
Trafikksikringstiltak barneskulen. Status for arbeidet i Gjerdsvegen og Nesjavegen, og om vidare planlagt arbeid. Arbeidet Nesjavegen vil i størst mogleg grad bli gjennomført i sommarferien.
Fleirbrukshall og områdeplan Bjørkheim. Status for arbeidet og planlagt framdrift for arbeidet med områdeplanen. Det vil truleg bli lagt fram sak for kommunestyret 23.02.2023 om nødvendige avklaringar knytt til reguleringsplanarbeidet m.m.
Rammeavtale plan og analyse. Kommunen har inngått rammeavtale med tre firma; ABO, Asplan Viak og Sweco.
Kommuneplanen sin samfunnsdel. Tek sikte på å få planprogrammet opp som sak i formannskapsmøtet 30.03.2023.
Innmelding av feil til kommunen. Oppmodar publikum om å melda inn feil på veg, avløp, vatn, skilt, bygningar, anlegg og miljø via lenka på startsida på kommunen si heimeside.
Orientering v/kommunalsjef helse og omsorg, Edith Oma:
Busulukke i Samnanger 31.01.2023. Orientering om Samnanger helsetun sitt arbeid i samband med ulukka.
Helse og trening. Orientering om tilboda "Trygg på to bein" og "Sterk og stødig".
Førespurnad om utleige av sjukeheimsplass. Samnanger har fått førespurnad frå ein nabokommune om å få leiga sjukeheimsplass ved Samnangerheimen. Eining for pleie og omsorg meiner dette skal vera mogleg å få til, i 1995-bygget.
Reportasjar i NRK Brennpunkt. Eining for pleie og omsorg har drøfta reportasjane opp mot tilhøva i Samnanger.
Tilsetjing av barnevernsleiar. Laila Grønn-Jensen er tilsett som ny barnevernsleiar. Ho startar i stillinga i byrjinga av mai.
Tilsetjing av barnevernskonsulent. Ny barnevernskonsulent er tilsett.
Innleige av konsulentar i barnevernstenesta. Pr. i dag leiger kommunen inn til saman 140 prosent ekstern konsulent. Det er per no ikkje klart når dette vil bli avslutta.
Rettleiingsgruppe barnevern. Barnevernstenesta i Samnanger er teken med i ei rettleiingsgruppe. Dette er noko kommunen har søkt om gjennom Bufdir. Oppstart blir i mai.
NAV Samnanger. Informasjon om status, samt om tilsyn frå Arbeidstilsynet og Statsforvaltaren og oppfølgingsarbeid etter desse tilsyna.
Orientering v/kommunalsjef økonomi og organisasjon, Karl Viken:
Økonomi 2022
Økonomi 2023
Spørsmål og svar / andre saker
Kopi av presentasjonen som Karl Viken viste i møtet, følgjer som vedlegg til møteprotokollen.
Spørsmål:
Spørsmål om arbeidstøy for tilsette i heimesjukepleien
Lena Tveit (Bl) spurde om ordning for arbeidsøy for tilsette i heimesjukepleien, mellom anna ytterjakker og sko. Rådmannen kunne ikkje svara på dette i møtet.
Sommarjobb for ungdom 15–18 år
Lena Tveit (Bl) viste til kommunestyret sitt premissvedtak om sommarjobb for ungdom mellom 15 og 18 år, og spurde om status for arbeidet med tilbod om sommarjobb i 2023 for denne gruppa. Kommunalsjef Hilde-Lill Våge svara.
Finansiering av utbetring av vegen i nedre del av Hagabakkane
Odd Arne Haga (Frp) spurde om det er løyvd midlar til utbetring av nedre del av vegen i Hagabakkane. Kommunalsjef Hilde-Lill Våge svara.
Redusert ferietilbod i SFO
Shirin Kvernes Khadoor (Ap) viste til kommunestyret sitt vedtak 08.12.2022 i sak 074/2022, og spurde om kommunen har fått reaksjonar på vedtaket. Kommunalsjef Bodil H. Øpstebø svara.
Samrøystes vedtak.
Samnanger kommune vedtek å sjå på moglege løysingar for å auka den økonomiske støtta til lag og organisasjonar. Dette kan gjerast anten i rekneskapsaka for 2022 som skal til behandling i juni 2023eller i budsjettprosessen for 2024.
Rådmannen sitt framlegg vart samrøystes vedteke.
Samnanger kommune vedtek å ta imot og busetje 15 flyktningar i 2023. Talet inkluderer ikkje familiegjenforeiningar.
Samnanger kommune kan per no ikkje opne for ta imot fleire flyktningar enn dette i 2023 sjølv om behovet skulle auke, men vil gjere ei ny vurdering dersom det gjennom året kjem ei ny konkret oppmoding frå IMDi.
Kommunestyret gjev rådmannen fullmakt til å disponere tilskota kommunen mottek til føremålet. Det inneber mellom anna å bemanne opp administrasjonen og dei tenestene som er naudsynte for å kunne gje flyktningane eit velfungerande bu- og opphaldstilbod. I tillegg kan det tyde å inngå leigeavtalar om bustadar, innkjøp av naudsynt utstyr som flyktningane treng i det daglege, samt innkjøp/leasing/leige av bil som flyktningtenesta kan disponere.
Finansiering av tiltaka skal skje innanfor ramma av integreringstilskotet som følgjer med flyktningane som vert busette i Samnanger kommune.
Rådmannen skal jamnleg rapportere status for busetjinga, inkludert økonomi, til kommunestyret.
Rådmannen sitt framlegg vart samrøystes vedteke.
Samnanger kommune vedtek å endre VA-gebyr for sjølvkostområde Eikedalen som vist i tabell. Endringane vil gjelde frå 01.04.2023.
2022 | 2023 | Endring i kr | Endring i % | |
Avløp fastdel (per år) | 2646 | 3853 | 1207 | 45,62 % |
Avløp per m3 | 22,77 | 36,86 | 14,09 | 61,88 % |
Avløp tilknyting | 14884 | 15628 | 744 | 5 % |
Vatn fastdel (per år) | 2756 | 4655 | 1899 | 68,90 % |
Vatn per m3 | 25,81 | 44,11 | 18,3 | 70,90 % |
Vatn tilknyting | 14884 | 15628 | 744 | 5 % |
Rådmannen sitt framlegg vart samrøystes vedteke.
Rådmannen si evaluering av prøveperioden med transportordninga «Svinta»-skyss i 2022 blir teken til orientering.
Kommunestyret ønskjer at arbeidet for å betra transporttilbodet for ungdom og eldre i kommunen held fram. Det må i samband med dette òg sjåast på løysingar for transport av brukarar av dagsenteret på Samnangerheimen og eventuelle andre grupper med stort behov for betre transporttilbod. Erfaringane og evalueringa av prøveperioden med «Svinta»-skyss i 2022 må vektleggjast i arbeidet.
Det skal i møterunden i april 2023 leggjast fram sak for formannskapet og kommunestyret, med forslag til transportordning for ungdom og eldre. I tillegg bør det i saka òg vurderast følgjande:
Om ordninga kan kombinerast med transportordning for brukarar av dagsenteret på Samnangerheimen, og korleis dette i så fall kan gjerast.
Om ordninga kan kombinerast med transportordning for andre grupper av innbyggjarar med stort behov for betre transporttilbod, og korleis dette i så fall kan gjerast.
I desse vurderingane bør det blant anna sjåast på om ein kan sjå for seg ei bestillingsordning med faste tider, eit tilbod berre enkelte dagar eller eit tilbod til ein bestemt ankomsstad, med inspirasjon frå tilsvarande pilotar andre stader i landet.
Handsaming:
Øyvind Strømmen (MDG) sette fram eit tilleggsframlegg. Han orienterte om at han ønskte at dette tillegget skulle setjast inn etter det siste punktet i rådmannen sitt framlegg.
Rådmannen sitt framlegg, inkludert tilleggsframlegget til Øyvind Strømmen, vart samrøystes vedteke.
Samnanger kommune vedtek at kommunen skal prioritera trening i kommunal regi som er spesielt retta mot eldre. For å sikra dette, vil rådmannen innarbeida frisklivsentralen som ein permanent del av kommunen si drift; der nye treningstilbod retta mot eldre vert oppretta.
Kommunestyret ber om at det i juni-møtet i 2023 vert gitt ei orientering om status og korleis rådmannen ser for seg at det ein ønskjer å oppnå, faktisk skal skje."
Handsaming:
Odd Arne Haga (Frp) sette fram framlegg til vedtak.
Formannskapet vart under handsaminga samde om følgjande fellesframlegg som tilleggspunkt til rådmannen sitt framlegg:
"Kommunestyret ber om at det i juni-møtet i 2023 vert gitt ei orientering om status og korleis rådmannen ser for seg at det ein ønskjer å oppnå, faktisk skal skje."
Odd Arne Haga trekte framlegget sitt.
I røystinga vart rådmannen sitt framlegg, inkludert fellesframlegget til tilleggspunkt , samrøystes vedteke.
Saka vert sendt vidare til kommunestyret utan innstilling.
Handsaming:
Odd Arne Haga (Frp) sette fram framlegg til vedtak.
Øyvind Røen (Sp) sette fram framlegg om å senda saka vidare til kommunestyret utan innstilling frå formannskapet.
Odd Arne Haga (Frp) trekte framlegget sitt.
I røystinga vart framlegget til Øyvind Røen sett opp mot framlegget til rådmannen. Framlegget til Øyvind Røen vart samrøystes vedteke.
Samnanger kommune v/formannskapet har handsama «Debatthefte II –2023. Mellomoppgjøret 2023», og har valt å svara på spørsmål 1 og 2 i heftet. Kommunen sine svar er som følgjer:
Heile den økonomiske ramma for mellomoppgjeret 2023 bør fordelast sentralt.
Dersom det blir sett av midlar til lokale forhandlingar, bør den lokale forhandlingspotten vera minst 1 prosent av lønnsmassen i kapittel 4.
Rådmannen sitt framlegg vart samrøystes vedteke.
Samnanger kommune gjev rådmannen fullmakt (jf. delegeringsreglementet § 4.2 bokstav r) til å inngå intensjonsavtale for kjøp av næringsområde i Rauvnekleiva.
Rådmannen får fullmakt til å finansiere tiltaket innanfor rammene i budsjett- og økonomiplan 2023-26. Rådmannen legg fram for formannskapet detaljfinansiering av intensjonsavtalen.
Med heimel i PBL § 12-8 vert det gjeve løyve til oppstart av detaljregulering for i næringsområde N03 Raunekleiva. Planområdet famnar om GBNR 9/1 og 17/5. Planarbeidet skal utførast i tråd med kommuneplanen sin arealdel.
Rådmannen vert prosjekteigar og næringsrådgjevar prosjektleiar for reguleringsarbeidet. Naturutvalet er styringsgruppe for arbeidet.
Reguleringsarbeidet vert finansiert med kommunalt næringsfond inntil 350.000 til å utarbeide reguleringsplan for næringsområdet i Raunekleiva. Tilskotet vert finansiert frå næringsfondet.
Rådmannen sitt framlegg vart samrøystes vedteke.
Samnanger kommunestyre set av midlar til straumstøtte til næringslivet i kommunen. Øvre ramme for tiltaket er 0,8 mill. kr.
Rådmannen sitt framlegg vart samrøystes vedteke.
Kommunestyret tek vurderinga til orientering.
Handsaming:
Odd Arne Haga (Frp) sette fram framlegg til vedtak.
Undervegs i handsaminga justerte Odd Arne Haga framlegget sitt, til berre å gjelda gratis skulelunsj 2 gongar i veka.
I røystinga vart det justerte framlegget til Odd Arne Haga sett opp mot framlegget til rådmannen. Framlegget til rådmannen fekk 5 røyster og vart vedteke. Framlegget til Odd Arne Haga fekk 4 røyster.
For rådmannen sitt framlegg | For Odd Arne Haga sitt framlegg |
Knut Harald Frøland (Bl) | Odd Arne Haga (Frp) |
Øyvind Røen (Sp) | Lena Tveit (Bl) |
Shirin Kvernes Khadoor (Ap) | Solveig Vassenden (Bl) |
Jon Magne Bogevik (Ap) | Gunn Totland Moss (KrF) |
Øyvind Strømmen (MDG) |
Tilstandsrapport 2022 for barnevernstenesta i Samnanger vert teken til orientering.
Rådmannen sitt framlegg vart samrøystes vedteke.
Saka vert sendt vidare til kommunestyret utan innstilling.
Gildskap:
Det vart innleiingsvis reist spørsmål om gildskapen til Odd Arne Haga (Frp). Bakgrunnen for dette er at han er ein av interessentane som har gitt eit tilbod til kommunen om å kjøpa eigedomen som saka gjeld (gbnr. 18/230). Odd Arne Haga gjekk frå medan formannskapet vurderte gildskapen hans. Han vart samrøystes funnen ugild og deltok ikkje i handsaminga av saka. Heimel for vedtaket om ugildskap var forvaltningslova § 6 andre ledd første punktum, jf. kommunelova § 11-10.
Handsaming:
Ordførar Knut Harald Frøland (Bl) sette fram framlegg om å senda saka vidare til kommunestyret utan innstilling.
I røystinga i saka vart framlegget til Knut Harald Frøland sett opp mot framlegget til rådmannen. Framlegget til Knut Harald Frøland vart samrøystes vedteke.
Etter røystinga sette Gunn Totland Moss fram ønske om synfaring på eigedomen før kommunestyret sitt møte 23.02.2023 kl. 15:00. Ordførar Knut Harald Frøland orienterte om at han tek sikte på at det vil bli tilbod til kommunestyremedlemmene om synfaring 23.02.2023 kl. 14:00.
Samnanger kommune sluttar seg til Statens vegvesen sitt tilrådde bompengeopplegg slik det kjem fram i pkt. 5.4 i dokumentet E16 Arna – Stanghelle, Fagleg grunnlag for delvis bompengefinansiering d. 29.04.22.
Handsaming:
Odd Arne Haga (Frp) sette fram framlegg til vedtak.
I røystinga vart framlegget til Odd Arne Haga sett opp mot framlegget til rådmannen. Framlegget til rådmannen fekk 7 røyster og vart vedteke. Framlegget til Odd Arne Haga fekk 1 røyst (Odd Arne Haga).
Politikar | Parti | Medlemstype | Mobil | E-Post |
---|---|---|---|---|
Knut Harald Frøland | Bygdalista | Leiar | frolandkh@gmail.com | |
Øyvind Røen | Senterpartiet | Nestleiar | oyv.roen@gmail.com | |
Shirin Kvernes Khadoor | Arbeidarpartiet | Medlem | shirin_khadoor@hotmail.com | |
Jon Magne Bogevik | Arbeidarpartiet | Medlem | jon.magne.bogevik@kvamnet.no | |
Lena Tveit | Bygdalista | Medlem | tveitlena@yahoo.no | |
Odd Arne Haga | Framstegspartiet | Medlem | odd.arne.haga@outlook.com | |
Gunn Totland Moss | Kristeleg Folkeparti | Medlem | gunn.totland.moss@gmail.com | |
Øyvind Strømmen | Miljøpartiet Dei Grøne | Medlem | oyvindstrommen@gmail.com | |
Solveig Vassenden | Bygdalista | 1. varamedlem Bl og KrF | sol.vassenden@kvamnet.no | |
Martin Haugen (Ikke møtt) | Bygdalista | Medlem | martin-haugen@hotmail.com |