Utval: | Formannskapet |
---|---|
Dato: | 01.06.2017 16:00 - 19:40 |
Møtestad: | Kommunehuset |
Status: | Vedtak er påført møtet |
Sakskart: |
Møteinnkallinga og saklista vert godkjent.
Delegerte vedtak/referatsaker vert tekne til orientering.
Det var ingen merknader til møteinnkallinga og sakslista.
Orienteringssaker:
Orientering frå barneverntenesta
Anita Eide, leiar i Arna barnevernteneste, orienterte og rapporterte om arbeidet i barneverntenesta.
Samarbeidsprosjekt Samnanger, Vaksdal, Kvam og Osterøy
Ordførar Knut Harald Frøland (Bl) orienterte om at fylkesmannen har avslått kommunane sin søknad om økonomisk støtte til dette samarbeidsprosjektet.
Sak om kvalitetsdialog/ressursbruk i skulen
Ref. vedtak i kommunestyret 11.05.2017 . Det har ikkje vore kapasitet i administrasjonen til å få opp sak i formannskapsmøtet 01.06.2017. Konstituert rådmann Hilde-Lill Våge orienterte om at spørsmålet om deling av 1. klasse hausten 2017 likevel allereie er avklart.
Frivilligsentral
Ordførar Knut Harald Frøland (Bl) orienterte om at det ikkje er krav om kommunal drift for å kunne få statleg økonomisk tilskot til frivilligsentral i perioden 2018 - 2020. Kommunen har søkt om tilskot. Svaret på søknaden vil bli klart når statsbudsjettet for 2018 blir lagt fram.
Arbeid på kommunale vegar
Konstituert rådmann Hilde-Lill Våge orienterte om arbeidet med vedlikehald/asfaltering/sikring som for tida vert gjort ein del av dei kommunale vegane, mellom anna Totrævegen, Tysselandsvegen og Hagabakkane.
Parken på Bjørkheim
Konstituert rådmann Hilde-Lill Våge orienterte om at arbeidet med parken på Bjørkheim nesten er ferdig. Arild Røen (H) tok opp at rullestolbrukarar i dag ikkje kan bruka stikkvegane i parken, fordi dei er grusa med grov singel. Hilde-Lill Våge orienterte om at ho håpar at det kan leggjast asfalt på i alle fall ein av stikkvegane.
Idrettsanlegget i Hagabotnane
Konstituert rådmann HIlde-Lill Våge orienterte om status for arbeidet med krøllgras og friidrettsdekke i Hagabotnane. Arbeidet er nesten ferdig. Krøllgrasbana blir truleg klar til bruk måndag 05.06.2017.
Sak om vassleidning
Konstituert rådmann Hilde-Lill Våge orienterte om sak vedrørande vassleidning i Krekaveg-området på Indre-Tysse. Saka/striden går mellom anna på om vassleidninga er privat eller kommunal, og om ansvar for reparasjon av denne.
Ordning med tilskot til medfinansiering av idrettshall
Ordførar Knut Harald Frøland (Bl) orienterte om at kommunen i 2017 kan søkja fylkeskommunen om inntil 2 millionar kroner i tilskot til idrettshall. Tilskotsordninga gjeld kommunar som ikkje har idrettshall i dag. Knut Harald Frøland tek sikte på at kommunestyret 15.06.2017 skal avgjera om kommunen skal søkja om tilskot.
Omsorgsbustader på Ytre-Tysse
Det står pr. i dag to omsorgsbustader ledige på Ytre-Tysse. Dette fører til ekstra utgifter for kommunen, fordi det ikkje kjem inn leigeinntekter når bustadane står tomme. Etterspurnaden etter omsorgsbustader er låg, og desse bustadane kan i dag heller ikkje brukast til andre føremål enn omsorgsbustader.
Eventuelt sal av prestebustaden på Haga
Ordførar Knut Harald Frøland (Bl) viste til orientering i førre formannskapsmøte. Det er no avklart kor stor byggekostnaden for bustaden var. Hilde-Lill Våge orienterte om status i sak om eventuelt sal av bustaden.
Status vedrørande risikorapport norsk fiskeoppdrett 2017/lakselus i Samnangerfjorden
Ordførar Knut Harald Frøland (Bl) viste til rapporten og orienterte om at han har vore i kontakt med fleire offentlege instansar, men at det generelt ser ut til å vera svært vanskeleg å få iverksett tiltak i Samnangerfjorden. Det kan kanskje vera mogleg å få iverksett tiltak for å betra situasjonen i Tysseelva, jf. samtale Frøland har hatt med fylkesmannen.
Vassavgift Eikedalen
Konstituert rådmann Hilde-Lill Våge foreslo at det vert innarbeidd eit eige avsnitt om vassavgift for abonnentar i Eikedalen i kommunen sitt avgiftshefte.
Påkopling kommunalt vassanlegg
Konstituert rådmann Hilde-Lill Våge viste til vedtak i kommunestyret 11.05.2017, og orienterte om at på grunn av sjukemelding kjem sak om reglar/retningslinjer for påkopling til kommunalt vassanlegg ikkje opp før i september.
Vidareføring av vassanlegg i Eikedalsområdet ned mot Fossenbratte
Konstituert rådmann Hilde-Lill Våge orienterte om at det bør bli eit samarbeid med Kvam om å vidareføra vassleidninga i Eikedalen, noko avtalen med Kvam opnar for. Vidareføring av vassleidninga er lagt inn i kommuneplanen som ligg ute til høyring
Klimaplan
Konstituert rådmann Hilde-Lill Våge viste til vedtak i kommunestyret om at Samnanger kommune skal utarbeida klimaplan. Ho orienterte om at det ikkje er kapasitet i administrasjonen til å få opp sak om dette til politisk behandling før våren 2018.
Utvalet sitt kvarter:
Uteområde Dråpeslottet barnehage
Øyvind Strømmen (Mdg) viste til e-post som er sendt til medlemmene i formannskapet frå verneombodet i Dråpeslottet barnehage, der det vert uttrykt bekymring for ei del forhold i uteområdet i barnehagen. Konstituert rådmann Hilde-Lill Våge orienterte om at verneombodetmå ta dette opp med einingsleiar og at einingsleiar spelar dette inn til teknisk drift i vedlikehaldsplanlegginga og budsjettprosessen.
Nytt senter for funksjonshemma
Konstituert rådmann Hilde-Lill Våge orienterte om status for prosjektet, etter spørsmål frå Odd Arne Haga (Frp).
Rådmannen sitt framlegg vart samrøystes vedteke.
Finansrapportering for 1.tertial 2017 vert tatt til etterretning.
Rådmannen sitt framlegg vart samrøystes vedteke.
Økonomirapportering pr april 2017 vert tatt til etterretning og det vert gjort fylgjande budsjettjusteringar:
Utgift opp/ Inntekt ned | Utgift ned/ Inntekt opp | |
Driftsbudsjettet: | ||
Auka skatt | 470 000 | |
Redusert rammetilskot | 78 000 | |
Auka inntektsutjamning | 695 000 | |
Redusert inntekt konsesjonskraft | 400 000 | |
Eigedomsskatt | 170 000 | |
Forteneste Nordisk Areal Invest as | 31 318 | |
Auka tilskot IMDI | 393 000 | |
Auka utgift introduksjonsstønad | 500 000 | |
Avdrag lån | 250 000 | |
Rentereduksjon lån | 100 000 | |
Bruk av fond KLP | 1 515 000 | |
Bruk av fond KLP arb.avgift | 213 615 | |
Premieavvik KLP | 1 515 000 | |
Premieavvik KLP, arb.avgift | 213 615 | |
Akk.premieavvik pensjon | 35 000 | |
Akk.premieavvik pensjon arb.avgift | 4 935 | |
Kontingent KLP og SPK | 3 383 | |
Barnevern Bergen kommune | 200 000 | |
Rådmann, årslønn og servicepensjon | 236 000 | |
Rekruttering ny rådmann | 230 000 | |
Sekretærstilling stab | 80 000 | |
Brann, reperasjon av bil | 70 000 | |
Overtid kurs brannbefal | 78 000 | |
Byggesak | 94 000 | |
Investeringsbudsjettet: | ||
Vassloppa | 500 000 | |
Ungd.skulen | 500 000 | |
Sal av hus på Lønnebakken | 90 000 | |
Utgift til sal | 135 880 | |
Redusert avsetning til fond | 225 880 | |
Tomtesal Rolvsvåg bustadfelt | 100 000 | |
Avsett til ubunde investeringsfond | 100 000 | |
Kostnad vatn til Totland og Tysseland | 400 000 | |
Tilskot frå BKK as | 400 000 | |
Utgift sjukeheimen | 98 000 | |
Lånemidlar tatt opp tidlegare | 98 000 | |
Utgift bibliote | 400 000 | |
Lånemidlar tatt opp tidlegare | 400 000 | |
Kontrollsum | 5 511 813 | 5 511 813 |
Økonomisjef Nina Erdal presenterte følgjande korrigerte forslag til budsjettjusteringar:
Utgift opp/ Inntekt ned | Utgift ned/ Inntekt opp | |
Driftsbudsjettet: | ||
Auka skatt | 470 000 | |
Redusert rammetilskot | 78 000 | |
Auka inntektsutjamning | 695 000 | |
Redusert inntekt konsesjonskraft | 400 000 | |
Eigedomsskatt | 170 000 | |
Forteneste Nordisk Areal Invest as | 31 318 | |
Auka tilskot IMDI | 393 000 | |
Auka utgift introduksjonsstønad | 500 000 | |
Avdrag lån | 250 000 | |
Rentereduksjon lån | 100 000 | |
Bruk av fond KLP | 1 515 000 | |
Bruk av fond KLP arb.avgift | 213 615 | |
Premieavvik KLP | 1 515 000 | |
Premieavvik KLP, arb.avgift | 213 615 | |
Akk.premieavvik pensjon | 35 000 | |
Akk.premieavvik pensjon arb.avgift | 4 935 | |
Kontingent KLP og SPK | 3 383 | |
Barnevern Bergen kommune | 200 000 | |
Rådmann, årslønn og servicepensjon | 236 000 | |
Rekruttering ny rådmann | 230 000 | |
Sekretærstilling stab | 80 000 | |
Brann, reperasjon av bil | 70 000 | |
Overtid kurs brannbefal | 78 000 | |
Byggesak | 94 000 | |
Investeringsbudsjettet: | ||
Vassloppa | 500 000 | |
Ungd.skulen | 500 000 | |
Sal av hus på Lønnebakken | 90 000 | |
Utgift til sal | 135 880 | |
Redusert avsetning til fond | 225 880 | |
Tomtesal Rolvsvåg bustadfelt | 100 000 | |
Avsett til ubunde investeringsfond | 100 000 | |
Kostnad vatn til Totland og Tysseland | 400 000 | |
Tilskot frå BKK as | 400 000 | |
Utgift sjukeheimen | 98 000 | |
Lånemidlar tatt opp tidlegare | 98 000 | |
Utgift bibliote | 400 000 | |
Lånemidlar tatt opp tidlegare | 400 000 | |
Kontrollsum | 5 511 813 | 5 511 813 |
Rådmannen sitt framlegg, med endringane i det korrigerte forslaget til budsjettendringar, vart samrøystes vedteke.
Rekneskapen for 2016 vert godkjend slik han ligg føre. Mindreforbruk/overskot for 2016 på 2 260 500,94 kroner vert sett av til disposisjonsfondet.
Rådmannen sitt framlegg til vedtak vart samrøystes vedteke.
Årsmelding for Samnanger kommune for 2016 vert teken til orientering.
Odd Arne Haga (Frp) viste til Kostra-tal og stilte nokre spørsmål vedrørande pleie- og omsorgstenestene, spesielt heimetenestene/tenester for funksjonshemma. Sektorleiar Grete Lill Hjartnes svara.
Øyvind Strømmen (Bl) stilte nokre spørsmål til sjukefråværsstatistikken i årsmeldinga. Sektorleiar Jan Erik Boge svara.
Rådmannen sitt framlegg vart samrøystes vedteke.
Samnanger kommune legg til grunn vedlagte føringar for økonomiplan og kvalitetsindikatorar 2018-21. Det vert sett ein ambisjon på 1,23% netto driftsresultat av driftsinntekter i budsjettarbeidet i 2018, og mål om å styrkje disposisjonsfondet.
Det skal gjennomførast ein kvalitetsdialog med kommunestyret og sektorane for kvalitetsmål og ambisjonsnivå før einingane sin frist for å levera budsjettframlegg, den 7 oktober
Økonomisjef Nina Erdal orienterte om at kommunen si økonomiske ramme for neste år pr. i dag ikkje er heilt avklart, og at nokre forhold først vil bli avklart i statsbudsjettet for 2018.
Rådmannen sitt framlegg vart samrøystes vedteke.
Byggerekneskapen for Samnangerheimen vert godkjent.
Formannskapet slutta seg til kontrollutvalet si vurdering og gjekk samrøystes inn for å godkjenna byggerekneskapen for Samnangerheimen.
Det er viktig å få på plass ei god og framtidsretta høgkapasitets breibandsløysing (via fiber) i Rolvsvåg industriområde samt på Saga. Det er ingen indikasjonar på at nokon kommersielle aktørar har planar om ei slik utbygging. I Rolvsvåg industriområde, som er kommunalt, er det spesielt viktig at Samnanger kommune arbeider for god infrastruktur - mellom anna høgkapasitets breiband. For at industriområdet skal vera attraktivt/eigna i åra som kjem, vil ei god breibandsløysing vera viktig.
Dersom tilskotsmidlane som fylkeskommunen har gitt tilsegn om ikkje er tilstrekkelege til å få realisert eit god og framtidsretta breibandsløysing i området Rolvsvåg - Saga, bør Samnanger kommune bruka dei resterande breibandsmidlane frå Samnanger – Sima-fondet (ca. 99.000 kroner) til ytterlegare tilskot. I tillegg kan det brukast inntil 250.000 kroner frå næringsfondet. I tillegg må næringsdrivande i området utfordrast til å bidra med midlar. Gjennom dette bør det vera mogleg å få realisert ei breibandsløysing som i saksframlegget er omtalt som «Rimeleg fiberløysing», det vil seia ei løysing med fiber heile vegen inn til utbyggingsområdet.
Utbygginga må gjennomførast så raskt som praktisk mogleg, og vera ferdig seinast innan utgangen av 2018.
Målsettingar for breiband i Samnanger kommune må utarbeidast som ein del av arbeidet med ny kommuneplan (samfunnsdelen).
Rådmannen sitt framlegg til vedtak vart samrøystes vedteke.
Samnanger kommune ønskjer å bidra til eit levande og inkluderande lokaldemokrati gjennom kvalitetsdialog mellom politikarar, kommunetilsette, næringsliv, innbyggjarar og andre i politiske prosessar.
Vilkår for kvalitetsdialog:
Kommunestyre, Formannskap og Naturutval er i utgangspunktet møteeigarar for kvalitetsdialog men andre politiske utval kan også gjere seg nytte av kvalitetsdialog som verktøy.
Forslag til kva tema som skal takast opp til drøfting gjennom kvalitetsdialog kan vere «kva som helst» og komme som initiativ frå «kven som helst». Dei politiske utvala avgjer kva forslag til tema som skal godkjennast for kvalitetsdialog og kva som skal vere målsetting med kvalitetsdialogen.
Det er ein ambisjon om at organisasjonen skal vere tverrfagleg representert i kvalitetsdialogmøta. Dei respektive politiske utvala kan invitera eksterne til å delta i kvalitetsdialogmøter.
For å oppnå dialog med kommunen sine innbyggjarar kan sosiale media takast i bruk.
Resultat av kvalitetsdialog inngår som underlag for eventuelt vidare sakshandsaming.
Det må undersøkjast i kva grad ein kan hente inn ekstern finansiering av kvalitetsdialog- enten på generelt grunnlag eller til dei konkrete tema.
Ordføraren sitt framlegg vart samrøystes vedteke.
Lokal forskrift om rett til opphald i sjukeheim eller tilsvarande bustad vert vedteken og gjeld frå 01.07.17
Rådmannen sitt framlegg til vedtak vart samrøystes vedteke.
Kulturmidlar 2017 | |
Samnanger sokn | 3 000 |
Samnanger skulemusikk | 14 000 |
I/S Vonheim | 5 000 |
Ten Cafe | 6 500 |
Samnanger barnekor og king-sing | 4 000 |
Nordbygda ungdomslag | 29 000 |
Tveit ungdomslag | 3 500 |
65 000 | |
Thomas Martin Nordvik stiftelse | 20 000 |
Antons kulturhistoriske senter | 15 000 |
35 000 | |
Samnanger kunstlag | 5 000 |
Tysse og Nordbygda musikklag | 15 000 |
20 000 | |
Samnanger idrettslag | 50 000 |
Tysse skyttarlag | 10 000 |
60 000 | |
Rolvsvåg turlag | 1 000 |
Samnanger turlag | 5 000 |
Samnanger jeger og fiskarlag | 5 000 |
11 000 | |
Samnanger røde kors | 10 000 |
Samnanger pensjonistlag | 5 000 |
Samnanger Røde kors omsorg | 5 000 |
Samnanger hagelag | 5 000 |
Samnanger båtforeining | 0 |
25 000 | |
216 000 |
Det vart innleiingsvis avklart at rådmannen sitt framlegg til vedtak går fram av tabellen i saksframlegget (i kolonna "Rådmannen si innstilling"). Rådmannen sitt framlegg til vedtak vart samrøystes vedteke.
Samnanger kommune bestiller 8 sider ekstra i brosjyren til ein kostnad på kr 29 440,-. Brosjyren får 16 sider totalt. Det vert finanisert med bruk av næringsfondet.
Monica Tjønna (Sp) spurde om formannskapsmedlemmene kunne få utkast til brosjyre til gjennomsyn før brosjyren vert ferdigstilt. Formannskapet slutta seg til dette ønsket. Administrasjonen fekk ansvar for å senda ut utkastet til formannskapsmedlemme når det er klart.
Øyvind Strømmen (Mdg) viste til informasjonen i saksutgreiinga om at brosjyren i utgangspunktet berre blir tilgjengeleg på internett i eitt år. Dette må takast opp med JS Norge.
Rådmannen sitt framlegg til vedtak vart samrøystes vedteke.
Ordførar vert leiar av TV-aksjonen. Samnanger kommune ber Utdanningsforbundet om å delta i aksjonskomiteen. Rådmannen stiller med sekretær. Komiteen bestemmer sjølv om dei ynskjer å trekke inn andre ressurspersonar.
Øyvind Strømmen (Mdg) spurde om vedtaksframlegget inneber at leiaren i aksjonskomiteen får fullmakt til å peika ut andre medlemmer til komiteen. Formannskapsmedlemmene slutta seg til at vedtaksframlegget er å forstå slik at leiaren får fullmakt til å peika ut andre medlemmer.
Rådmannen sitt framlegg vart samrøystes vedteke.
Politikar | Parti | Medlemstype | Mobil | E-Post |
---|---|---|---|---|
Knut Harald Frøland | Bygdalista | Leiar | frolandkh@gmail.com | |
Øyvind Røen | Senterpartiet | Nestleiar | oyv.roen@gmail.com | |
Olaug Karin Øystese | Arbeidarpartiet | Medlem | olaug.karin.oystese@folkevald.samnanger.no | |
Lena Tveit | Bygdalista | Medlem | tveitlena@yahoo.no | |
Odd Arne Haga | Framstegspartiet | Medlem | odd.arne.haga@outlook.com | |
Arild Røen | Høgre | Medlem | ariroeen@online.no | |
Inge Aasgaard | Kristeleg Folkeparti | Medlem | inge.aasgaard@samnanger.kommune.no | |
Monica Tjønna | Senterpartiet | Medlem | monica.tjonna@kvamnet.no | |
Øyvind Strømmen | Miljøpartiet Dei Grøne | 1. vararepr. DNA og MDG | oyvindstrommen@gmail.com | |
Nils Aadland (Ikke møtt) | Arbeidarpartiet | Medlem | nils.aadland@folkevald.samnanger.no |