Møte i Naturutvalet den 31.10.2017

Vedtak

• Møteinnkallinga og saklista vert godkjent.

• Delegerte vedtak/referatsaker vert tekne til orientering.

Behandling

Samrøsytes vedteke.

Utvalet hadde ikkje innspel til utvalet sitt kvarter.

Utvalet hadde ikkje merknader til framdriftsplan for utarbeiing av lokal forskrift for bruk av vasskutar.

Vedtak

Samnanger kommune har ingen vesentlege merknadar til søknaden.

Behandling

Framlegget vart samrøystes vedteke.

Vedtak

Plandokumentet er eit godt grunnlag for det vidare trafikksikringsarbeidet i kommunen. Plan med prosjektarkvert vedteken.

Behandling

Nina Fredriksen planansvarleg for Trafikksikringplanen gjekk igjennom utkast til planen.

Utvalet ønska å få innarbeidd i planen, til handsaminga i kommunestyret, følgjande uttale frå kommunen til investeringsprogram for fylkesvegsnettet;

"1. Gang- og sykkelveg frå kryss mot Eikedalen skisenter til Fossen bratte. (2 km)

(2 km asfaltdekke) Dette er eit prosjekt der kommunen vil leggje nytt avlaupsanlegg og ønskjer å starte regulering av gs-veg slik at me kan samkøyre prosessane og få ein best mogleg løysing. Det bur i dag 10 born på strekket som dagleg må nytte vegen med fartsgrense på 70km/t som einaste tilkomst til buss og vennar. I tillegg er Eikedalen eir regionalt viktig utfartsområde skisenter og eit stort tal på hyttar. Dette prosjektet vil og vere med å knyte den regionalt viktige turistattraksjonen Fossen bratte (Brudesløret) mot Kvamskogen og Hardanger.

I trafikksikringsplanen er dette innarbeidd i prosjektark nr 23 og i Tabell 3: Prioriterte GS-tiltak på fylkesveg.

2. Gang og sykkelvegløysing frå Raunekleiva til Ådland

(Planlegging 500.000,- totalkostnad avhengig av val av standard) Kommunen arbeider for å betre tilhøva for mjuke trafikantar langs Fv. 7. Kommunen har i kommuneplanen sin arealdel som er til 2.g. offentleg ettersyn lagt inn arealbruk for fortau/gs-veg. Kommunen skal starte prosjekt med ny strandpromenade langs sjøen og gs-løysing vidare opp mot Raunekleiva og Hisdalen. Kommunen ønskjer at deler av dette strekket vært vurdert i planprogrammet slik at kommunen kan starte regulering av parsellen frå Ådland til Raunekleiva. Det er i dag ingen løysing for mjuke trafikanter på strekket og fartsgrensa er 80 km/t. Me ønskjer her dialog med fylkeskommunen om val av standard. Resten av strekket skal også regulerast, men må utbyggast etter kommunen sin tilgang på fyllmasser frå nærliggjande tunnellprosjekt.

Dette er no forankra i Trafikksikringsplanen etter forslag i Naturutvalet; sjå. Prosjektark nr 29 Regionalt TS-tiltak.

3. Skuleveg frå Tysse til Gjerde.

(Nytt dekke 1.000.000,-) Skulevegen frå Tysse til Gjerde har eit svært dårleg tilbod til mjuke trafikantar. Helst ønskjer kommunen ein samanhengande tilfredsstillande løysing på heile strekket, men til denne høyringa søkjer me tilskot til ein punktvis utbetring av strekket frå Tysseelva til Indre-Tysse. Her er i dag fortauløysing lagt på metallrister på utsida av vegen (220m). Ristene er direkte farlege, opplevast som ein barriere og tilfredsstillar ikkje dagens krav til utforming. Det har vert rapportert fleire fall på grunn av at sko henger seg fast grunna for store hol i ristene. I tillegg er dekket tidvis glatt og særs ubehageleg å sykle på. For å oppgradere dekket til dagens standard er det trong for nye ristar. Dette er kostnadsberekna til om lag 1 million kronar.

Det ligg for disse prosjekta kommunal forventing om fylkeskommunal medfinansiering. Det er viktig å få avklart grad av fylkeskommunalt bidrag med tanke på mål om realisering i perioden.

Utvalet ønska og å få innarbeid i planen, til handsaminga i kommunestyret, forbudskilt mot å svinge til venstre opp i Alvdalen, når du kjem ut av Haukanestunnelen."

Dette er no forankra i Trafikksikringsplanen, tabell 4: Nytt skilt på fv 7.

Det vart røysta over framlegg til vedtak inkludert dei to tillegga ovanfor. Plan inkludert tillegga vart samrøystes vedteke.

Vedtak

Samnanger kommune gjev Rolf Arthur Ingvartsen konsesjon for kjøp av landbrukseigedommen 14/1 og ein ideell halvdel av GBNR 14/2.

Vedtaket har heimel i Konsesjonslova §§ 1 og 9

Behandling

Framlegget vart samrøystes vedteke.

Vedtak

Samnanger kommune gjev Steinar Gjerde konsesjon for kjøp av landbrukseigedommen med gards- og bruksnummer 40/3 på Totland/Langeland.

Vedtaket har heimel i Konsesjonslova §§ 1 og 9

Behandling

Framlegget vart samrøystes vedteke.

Vedtak

Samnanger kommune gjev konsesjon til Kari Angeltvedt og ektefelle Terje Johannessen (1/3), Børge Angeltvedt (1/3) og Eli Bertelsen med ektefelle Odd-Otto Bertelsen (1/3) i til å kjøpe eigedomen med gnr 5 bnr 2, med ein ideell tredjedel til kvar.

Vedtaket har heimel i Konsesjonslova §§ 1

Behandling

Framlegget vart samrøystes vedteke.