Møte i Kommunestyret den 16.11.2017

Vedtak

• Møteinnkallinga og saklista vert godkjent.

• Delegerte vedtak/referatsaker vert tekne til orientering.

Behandling

Orientering/ informasjon:
Hordaland idrettskrets v/ Knut Songve orienterte om spelemidlar, utfordringar idrettslaga har og om samarbeid mellom kommune og idrettslag. Samnanger idrettslag v/ Tor Vilhem Tysseland, Åse Waage Tveit og Arild Røen orienterte om idrettslaget sitt arbeid og om dei ulike idrettsanlegga i kommunen.

Vararordførar/ Settevaraordførar:
Ordførar Knut Harald Frøland (Bl) hadde meldt forfall til møte, og varaordførar Øyvind Røen (Sp) tredde inn som fungerande ordførar og møteleiar.
Fungerande ordførar Øyvind Røen (Sp) sette fra forslag om at Karl B. Kollbotn (Frp) vart settevaraordførar i møtet.
Kommunestyrerepresentantane slutta seg samrøystes til forslaget frå Røen og Karl Kollbotn (Frp) tok plass ved ordførarbordet.

E-post til kommunestyret:
Olaug Øystese (A) lurer på korleis administrasjonen handterer e-post som kjem inn til kommuneadministrasjonen der det vert bedt om at e-posten vert vidaresendt til kommunestyrerepresentantane.
Fungerande ordførar Øyvind Røen (Sp) svarte på dette. Han fortalte at administrasjonen får mange slike e-postar og har orienterte om prosedyren rundt desse førespurnadane.

Godkjenning av innkalling og sakliste:
Fungerande ordførar Øyvind Røen (Sp) sette fram forslag om å endra på saklista. Han ville at sak 043/17 (Trafikksikringsplan 2017-2021) og sak 044/17 (Finansiering - VVA øvre Rolvsvåg industriområde) skulle handsamast først i møte.
Samtlege kommunestyremedlemmar slutta seg til dette forslaget.

Utvalet sitt kvarter:

Vegnorm
Sture Tveit (H) hadde lest i Hordaland Folkeblad og på Kvam herad si heimeside at Kvam herad har, saman med 11 kommunar i Hordaland, vore med på å utarbeida ei vegnorm som skal sikra lik praksis knytt til bygging av nye vegar. Ei slik norm skal også setja vilkår knytt til overtaking av private vegar, nedklassifisering og overføring frå kommunal til privat veg.
Den nye vegnorma for Kvam er ute på høyring med høyringsfrist 29.desebmer 2017.
Representanten Tveit lurte på om Samnanger kommune har fått høve til å vera med i dette arbeidet.
Assisterande rådmann/ sektorleiar samfunn og utvikling Hilde Lill Våge fortalte at teknisk arbeidar med mange planar og bestillingar frå kommunestyret. i Januar skal eininga arbeida med Planstrategi. Det kan vera mogleg å ha med eit punkt om vegnorm i dette arbeidet.

Vedlikehald 1000 års plassen på Ytre Tysse
Gunnar Bruvik (Frp) etterlyste meir vedlikehald på Ytre Tysse. Spesielt vasking av murarar og planting i beda.
Assisterande rådmann og sektorleiar samfunn og utvikling Hilde Lill Våge fortalte om eining teknisk drift sine rutiner rundt dette vedlikehaldet.
I framtida er det naturleg å samarbeida med Frivillighetsentralen og velforreninga i området.

Straumbrot på Ytre Tysse
Gunnar Bruvik (Frp) fortalte om hyppige straumbrot i det siste på Ytre Tysse. Spesielt når det bles austavind i området.
Representanten Bruvik lurte på om kommunen har noko form for dialog med BKK og kan fortelja kvifor dette skjer så ofte.
Assisterande rådmann og sektorleiar samfunn og utvikling Hilde Lill Våge fortalte at kommunen har kontakt med BKK jamnleg. Kommunen arbeider no med ROS analyse og her vert det diskutert båade straumbrot og brot på mobilnettverk.

Tilsyn av bruer
Øyvind Strømmen (MDG) viste til VG sine oppslag om tilsyn av bruer i Norge. Det viser seg at det er manger bruer i Noreg som ikkje vert inspisert av Statens vegvesen etter lovverket. Han lurte på korleis ståa er i Samnanger kommune, og om dette også gjeld dei kommunale bruene i kommunen.
Assisterande rådmann og sektorleiar samfunn og utvikling Hilde Lill Våge fortalte at det fins to kommunale bruer i Samnanger kommune. Bruene ved Jarland og på Tysseland. Desse bruene vert inspisert nøye og brua ved Tysseland er nyleg reparert. Det er lagt inn midlar til vedlikehald på brua ved Jarland i budsjettforslaget 2018.

Måking av snø på kunstgrasbana i Hagabotnane
Lena Tveit (Bl) lurte på korleis snømåkinga på kunstgrasbana skal gjerast. Skal ein måka for hand, eller med maskin?
Assisterande rådmann og sektorleiar samfunn og utvikling Hilde Lill Våge fortalte at dette spørsmålet må stillast frå idrettslaget v/ fotballgruppa til eining for teknisk drift. Partane må finna ei løysing på dette ilag.

Innspel til økonomiplanen frå eldrerådet
Solveig Vassenden (Bl) ønskte at eldrerådet skal få høve til å komma med innspel til økonomiplanen.
Assisterande rådmann og sektorleiar samfunn og utvikling Hilde Lill Våge orienterte om at eit eventuell innspel frå eldrerådet vert teke med i budsjettsaka i desembermøte.

Rådmannen sitt framlegg til vedtak vart samrøystes vedteke.

Vedtak

Vedtaket er gjort med heimel i ” Forskrift om tildeling av tilskudd til private barnehager ”. Tilskotet vert berekna med utgangspunkt i kommunen sine driftsutgifter til ordinær barnehagedrift i 2016 og med utgangspunkt i tal born i dei kommunale barnehagane i 2016.

Tilskotssats pr. heiltidsplass er for 2018 kr 196 610 for born under 3 år og kr 93 804 for born over 3 år. Den statlege satsen til kapitaltilskot er kr 9 200 pr heiltidsplass.

Detaljar for berekning av tilskotssatsar ligg i vedlagt rekneark.

Grunnlaget for utrekning av tilskotssatsar er indeksjustert med kommunal deflator for 2017 og framlegg i statsbudsjettet til deflator for 2018.

Dei endelege satsane kan bli justert på bakgrunn av eventuelle endringar når statsbudsjettet er vedtatt.

Den private barnehagen vil bli varsla om vedtekne satsar for 2018. Vedtaket følgjer reglane om einskildvedtak etter forvaltningslova § 2 første ledd, bokstav b. Klagefrist er 3 veker etter mottak av vedtak.

Behandling

Kommunestyrerepresentantane diskuterte saka.
Rådmannen sitt framlegg til vedtak vart samrøystes vedteke.

Vedtak

Ordførargodtgjersla vert endra til 80% av godtgjersla til stortingsrepresentantane med verknad frå 01.01.2018. Ordførargodtgjersla skal etter dette regulerast 1. januar kvart år. Varaordførargodtgjersla vert endra til 6% av ordførargodtgjersla med verknad frå 01.01.2018. Møtegodtgjersla til folkevalde vert endra til 2‰ av ordførargodtgjersla med verknad frå 01.01.2018.

Behandling

Kommunestyrerepresentantane diskuterte saka.
Olaug Øystese (A) hadde eit ønskje om å få ei oversikt over kva for møter utbetalinga av godtgjersle gjeld for. Administrasjonen tek dette til etterretning og vil senda ut ei slik oversikt til den enkelte ved neste utbetaling.

Kommunestyrerepresentantane diskuterte saka, og formannskapet sitt framlegg til vedtak vart samrøystes vedteke.

Vedtak

I tillegg til ordføraren og varaordføraren, får rådmann Charlotte Hageberg vigselsmynde i Samnanger kommune med verknad frå 01.01.2018, med heimel i ekteskapslova § 12 punkt b.

Ordføraren skal normalt gjennomføra kommunale vigslar i Samnanger. Varaordføraren er vikar for ordføraren. Rådmannen skal berre gjennomføra vigslar dersom brudeparet ikkje ønskjer å bli vigsla av ein folkevald, d.v.s. at dei ønskjer å bli vigsla av ein person som er «politisk nøytral».

Kommunale vigslar i Samnanger skal normalt haldast på kommunehuset eller på Samnangerheimen. Ordføraren får saman med rådmannen fullmakt til å bestemma kva rom som skal brukast til vigslar. Dersom brudeparet ønskjer at vigselen skal haldast annan stad enn på kommunehuset eller på Samnangerheimen, må ordføraren ta stilling til om ønsket skal oppfyllast. Eventuelle ekstrakostnader for kommunen i slike tilfelle må dekkast av brudeparet.

Kommunale vigslar i Samnanger skal normalt gjennomførast på vekedagar, i opningstida på kommunehuset. Dersom brudeparet ønskjer at vigselen skal haldast på anna tidspunkt enn dette, må ordføraren ta stilling til om ønsket skal oppfyllast. Eventuelle ekstrakostnader for kommunen i slike tilfelle må dekkast av brudeparet.

Ordføraren får fullmakt til å ta avgjerd dersom det kjem førespurnader om kommunal vigsel i Samnanger frå andre personar enn dei som kommunen etter § 12 a i ekteskapslova pliktar å ha slikt tilbod til. For slike vigslar må brudeparet betala eit gebyr, som skal dekka kommunen sine kostnader.

Ved kommunale vigslar i Samnanger skal teksten i det lovbestemte borgarlege vigselsforumlaret nyttast. Det vert opna for at seremonien kan tilpassast med musikk dersom brudeparet ønskjer dette. Ordføraren må ta stilling til slike ønske. Eventuelle kostnader knytt til musikalske innslag må dekkast av brudeparet.

Rådmannen får fullmakt til å utarbeida detaljerte rutinar for kommunale vigslar i Samnanger.

Behandling

Rådmannen sitt framleggt til vedtak vart samrøystes vedteke.

Vedtak

Plandokumentet er eit godt grunnlag for det vidare trafikksikringsarbeidet i kommunen. Plan med prosjektark vert vedteken.

Det må koma ein eller annan stad i planen at FV7 er hovud avlastningsvei for E16. Dette vil vers ei aukande utfordring i åra som kjem.

-Krav om nedsatt fartsgrense samanhengande frå Ådland med 50 sone fram til Hagaåstunnelen.

-Krav om fotgjengerovergang følgjande stader:

• Ådland i forbinding med gardsbarnehagen og kyrkja.

• Bjelkarvikvegen ved Lauvskar

-Avkjøringsfelt begge vegar ved innkjøring i krysset i Holdhus mot Os

-Alle data ÅDT må vera oppdaterte PR 1.kvartal 2017

-Korrigert og oppdatert plan vert framlagt som meldingssak til julemøte i desember.

Behandling

Saka vart handsama som andre sak i møte etter faste saker.

Nina Fredriksen (byggjesakshansamar) orienterte kommunestyret om trafikksikringsplanen og arbeidet rundt denne.

Vidar Tveitarås (A) påpeika at stadsnamn som er feilskrivne må rettast opp i planen. Det må også rettast feil i pkt.3.7 og i pkt. 3.8 i planen. (side 102 i møteinnkallinga.)
Administrasjonen tek dette med seg i arbeidet vidare og vil straks få retta opp feila.

Kommunerepresentantane diskutert kva bygginga av nye E16 og Hordalandsdiagonalen kjem til å seia for trafikken gjennom Samnanger kommune.

Assisterande rådmann og sektorleiar samfunn og utvikling Hilde Lill Våge fortalte om dialogen kommunen har hatt med Statens vegvesen. Gjennom ei årrekkje har administrasjonen hatt ønskje om lavare fartsgrenser på fylkesvegane som går gjennom bygda. Det har også vore diskutert fleire fotgjengarfelt ulike stader. Ho fortel også at administrasjonen desverre ikkje har fått mykje gehør hos Statens vegvesen for sine ønskjer i saka så langt.

Inge Aasgaard (Krf) sette fram følgjande framlegg til tillegg til naturutvalet sitt framlegg til vedtak:
Det må koma ein eller annan stad i planen at FV7 er hovud avlastningsvei for E16. Dette vil vers ei aukande utfordring i åra som kjem.

Olaug Øystese (A) bad om eit gruppemøte. Det vart pause i møte og gruppene kunne samlast.

Monica Tjønna (Sp) sette fram følgjande framlegg til tillegg til naturutvalet sitt framlegg til vedtak:
-Krav om nedsatt fartsgrense samanhengande frå Ådland med 50 sone fram til Hagaåstunnelen.

-Krav om fotgjengerovergang følgjande stader:

• Ådland i forbinding med gardsbarnehagen og kyrkja.

• Bjelkarvikvegen ved Lauvskar

-Avkjøringsfelt begge vegar ved innkjøring i krysset i Holdhus mot Os

-Alle data ÅDT må vera oppdaterte PR 1.kvartal 2017

-Korrigert og oppdatert plan vert framlagt som meldingssak til julemøte i desember.

Det vart røysta over framlegga frå Inge Aasgaard (Krf) og Monica Tjønna (Bl) og framlegget frå naturutvalet kvar for seg.

Alle tre framlegga vart samrøystes vedtekne.

Vedtak

Fullfinansiering av veg til øvre industriområde i Rolvsvåg:

Det er tidlegare vedtatt å bruke kr 1 150 000 av ubunde investeringsfond i budsjett 2017. Det er i løpet av året brukt ca kr 200 000. Rest finansiering av fond er kr 950 000. I tillegg skal det takast opp eit lån på 4 millionar. Lånet skal takast opp i 2017 over 40 år.

Behandling

Kommunestyrerepresentantane diskuterte saka.
Rådmannen sitt framlegg til vedtak (merka 16.11.2017) vart samrøystes vedteke.

Vedtak

Samnanger kommune oppnemner Solvor Aadland som varamedlem for Tomas Martin Nordviks Stifting fram til ny oppnemning av styremedlemmar i 2019.

Behandling

Vidar Tveitarås (A) stilte spørsmål om sin gildskap, då han set som styremedlem i Tomas Martin Nordviks Stifting.
Han gjekk ifrå medan resten av kommunestyrerepresentantane røysta over om han er gild eller ugild.
Eit samrøystes kommunestyre fant Vidar Tveiterås (A) gild i saka og han gjekk tilbake til plassen sin.

Rådmannen sitt framlegg til vedtak vert samrøystes vedteke.

Vedtak

Ordninga med kjøp av pedagogisk-psykologisk teneste (PPT) frå Vaksdal kommune vert avslutta frå og med 2018. Det vert i staden oppretta 100% stilling som PP-rådgjevar/spesialpedagog i Samnanger kommune. Denne stillinga skal jobba systemretta, delta i opplæringsfaglege møte samt driva med sakkunnig vurdering av barn, unge og vaksne i henhold til § 19c i barnehagelova og §5-6 i opplæringslova. Stillinga vert finansiert ved å omdisponera midlar som i dag vert brukt til kjøp av PP-tenester frå Vaksdal kommune.

Behandling

Kommunerepresentantane diskuterte saka, og Olaug Øystese (A) bad om eit gruppemøte.

Etter gruppemøte sette Olaug Øystese (A) fram følgjande framlegg til vedtak:
Saka vert utsett. Kommunestyret krev meir utredning frå berørte partar som barnehage /skule og partane i arbeidslivet. Samt utredning av dei økonomiske konsekvensane av saka. 

Rådmann Charlotte Hageberg fortalte om administrasjonen sine vurderingar og om arbeidet som er gjort.

Kommunestyret røysta over utsettjingsframlegget frå Øystese og rådmannen sitt framlegg kvar for seg.

Resultatet etter at kommunestyret hadde røysta over framlegget til vedtak frå Olaug Øystese (A) vart som følgjer:

Det vart så røysta over rådmannen sitt framlegg til vedtak:
Resultatet vart då som følgjer:

Framlegget frå rådmannen vart vedteke med 11 mot 10 røyster.

Representanten Øyvind Strømmen ønskte å få med følgjande protokollmerknad:
Øyvind Strømmen (MDG) meiner saka er for dårleg opplyst, og meiner at det burde ha vore med uttaler frå skular, barnehagar og andre berørte partar, som til dømes FAU. 

Vedtak

RS Sikkerhet AS får løyve til alkoholservering i Eikedalen Skisenter i samsvar med søknad.

Løyvet vert gjeve med ei prøvetid fram til ut sesongen 2017-2018.

Vilkår for løyvet:

Utandørs areal for servering skal vera inngjerda slik at ingen får tilgang utan å gå gjennom det innandørs skjenkelokalet.

Det skal innafor opningstida for skjenking vera tilstrekkeleg med politigodkjende vakter.

Behandling

Inge Aasgaard (Krf) stilte spørsmål om sin gildskap, då han er grunneigar i området og leiger ut delar av eigedommen sin til Eikedalen skisenter.

Monica Tjønna (Sp) stilte også spørsmål om sin gildskap, då ho er sambuar med ein av grunneigarane som leiger ut delar av eigendomen sin til Eikedalen skisenter.

Bjarte Linga (Bl) stilte, som tredje representant, spørsmål om sin gildskap. Også far hans er ein av grunneigarane som leiger ut delar av eigendomen sin til Eikedalen skisenter.

Dei tre gjekk ifrå medan resten av kommunestyrerepresentantane røysta over om dei tre er gilde eller ugilde. Eit samrøystes kommunestyre fant Inge Asgaard (Krf), Monica Tjønna (Sp) og Bjarte Linga (Bl) gilde i saka, og dei gjekk tilbake til plassane sin.

Etter at kommunestyrerepresentantane har diskutert saka, sette Monica Tjønna fram følgjande framlegg til vedtak:
Samnanger kommune gjev ikkje skjenkeløyve til RS Sikkerhet. Dette hovudsakleg grunngjeve i lensmann sitt innspel i saka med tanke på dårleg ivareteke sikkerheit og at det er mindreårige til stades store delar av tida.

Etter ytterlegare diskusjon trekte Monica Tjønna (Sp) tilbake sitt framlegg til vedtak.

Rådmannen sitt framlegg til vedtak vart røysta over.

Oversikta under viser fordelinga av røystene.

Rådmannen sitt framlegg til vedtak vart vedteke med 15 mot 6 røyster.

Vedtak

Kommunestyret ber rådmannen iverksetja tiltak for å redusera sjukefråværet i kommunen. Det vert her vist til kommunen si målsetjing om at det samla sjukefråværet ikkje skal vera over 6,5%.

Rådmannen skal i 2018 orientera om framdrifta i arbeidet på kvart møte i formannskapet og arbeidsmiljøutvalet, samt i kommunestyret sitt juni-møte.

Behandling

Rådmannen sitt framlegg til vedtak vart samrøystes vedteke.