Møte i Kommunestyret den 13.12.2017

Vedtak

Møteinnkallinga og saklista vert godkjent.

Delegerte vedtak/referatsaker vert tekne til orientering.

Behandling

Orienteringar/ meldingar:

Testamentert eigedom
Ordførar Knut Harald Frøland (Bl) orienterte om at ein innbyggjar i Arna har testamentert einebustaden og eigedommen sin til Samnangerheimen. Verdien på eigedomen er ikkje sett, men det er truleg snakk om fleire millionar kroner. Pengane må brukast til investering, ikkje drift.

Breiband Rolvsvåg-Saga
Jan Erik Boge (sektorleiar organisasjon) orienterte om utbygging av breiband i Rolvsvåg - Saga. Samnanger kommune har fått opp til 1 million kroner i tilskot frå Hordaland fylkeskommune til å byggja ut breiband på strekninga Rolvsvåg-Saga. I oktober sendte kommunen ut ein tilbudsinvitasjon til Kvamnet, Telenor og BKK/Bergen Fiber, der desse fekk høve å komma med tilbod på prosjektet.

Kvamnet AS var det einaste firmaet av dei fire som sendte inn tilbod på jobben. Dette tilbodet ser ut til å dekka krava som er sette i konkurransen.

Grunngjevne spørsmål:

Gebyr
Sture Tveit (H) las opp sitt grunngjeve spørsmål om gebyr.
Spørsmålet frå Tveit ligg som referatsak i møteinnkallinga til kommunestyret 13.12.2017.

Planleggjar Roald Aandahl svara på spørsmålet. Dette svaret ligg også som vedlegg til denne møteprotokollen.

Sture Tveit bad administrasjonen, på ein tydeleg måte, få fram informasjonen om gebyr som skal betalast til andre partar enn Samnanger kommune.
Administrasjonen tek dette med seg i arbeidet vidare.

Lastebil - teknisk drift
Anja Elisabeth Gjerde Markhus (Bl) las opp sitt grunngjeve spørsmål.
Spørsmålet frå Markhus ligg som vedlegg til denne møteprotokollen.

Rådmannen svara på spørsmålet. Dette svaret ligg også som vedlegg til denne protokollen.

Utvalet sitt kvarter:

Delegeringsreglement
Brigt Olav Gåsdal (A) viste til at det er stort behov for å få på plass eit oppdatert delegeringsreglement for kommunen. Han lurte på kva som skal til for at administrasjonen skal kunna fullføra arbeidet med dette.
Gåsdal drog fram spesielt ei problemstilling, om at det pr. dags dato er uklart om ordførar kan vera sakshandsamar i saker eller ikkje.

Ordførar Knut Harald Frøland (Bl) svara på spørsmåla. Administrasjonen tek dette med seg i arbeidet vidare i saka.

Hordalandsdiagonalen
Jon Magne Bogevik (politisk uavhengig) stilte spørsmål om kvifor ordføraren i Samnanger kommune har signert på eit opprop for Hordalandsdiagonalen.

Ordførar Knut Harald Frøland (Bl) orienterte om prosessen så langt i saka, og om arbeidet som skal gjerast framover.

Vassavgift for eldre
Solveig Vassenden (Bl) orienterte om at eldrerådet har kome med innspel til vassavgift for eldre, og at administrasjonen har gitt tilbakemelding om at vassmålar kan vera eit alternativ for husstandar med lågt vassforbruk.
Vassenden spurde om korleis reglement/rutinar vedrørande vassmålarar er i Samnanger.
Ass. rådmann Hilde-Lill Våge svara på spørsmålet. Kommunen har ikkje retningslinjer for dette pr. dags dato. Administrasjonen vil på sikt ta dette opp som eiga sak, men dette krev ein del forarbeid.

Tannlegekontoret på Tysse
Odd Arne Haga (Frp) spurde om status for tannlegekontoret på Tysse. Dette med tanke på at kommunen har fått melding frå Hordaland fylkeskommune om at tenesta skal leggjast ned.

Ass. rådmann Hilde-Lill Våge orienterte om dette. Kommunen har nettopp inngått ny leigeavtale med fylkeskommunen med eitt års oppseiingsvarsel. Ein har fått signal om at det alt i mars 2018 kan koma ei oppseiing av avtalen.

Ordførar Knut Harald Frøland (Bl) orienterte om at han håpar at Samnanger kan få vera med i eit pilotprosjekt med kommunale tannlegekontor, for å få behalda tannlegekontoret på Tysse.

Politireform
Sture Tveit(H) spurde om korleis politiordninga i Samnanger vert på nyåret.
Ordførar Knut Harald Frøland (Bl) orienterte om dette. Politikontoret på Bjørkheim vert nedlagt. Politiet skal i utgangspunktet ikkje ha faste kontordagar eller fast kontorplass i kommunen. Ordføraren vil arbeida vidare med å få ein fast kontorplass for politiet her i kommunen, samt arbeida for at politiet skal vera synleg i kommunen. Ordføraren understreka at det er viktig at Samnanger ikkje vert gløymt i denne reforma.

Vedtak

Kommuneplanen sin arealdel for Samnanger 2017-2027 med planskildring og føresegner sist revidert 27.11.2017, plankart revidert 27.11.2017, vert vedteke med heimel i plan- og bygningsloven § 11-15.

Med heimel i plan- og bygningsloven §11-16 vedtek kommunestyret at kommuneplanen skal ha rettsverknad for alle områder, med unntak av N07 – Børdalen. Kommuneplanen er rettskraftig frå 01.01.2018.

Behandling

Planleggjar Roald Aandahl og leiar i naturutvalet Karl B. Kollbotn (FrP) orienterte om saka og om arbeidet naturutvalet har gjort.

Roald Aandahl svara på spørsmåla som kommunestyrerepresentantane hadde.

Monica Tjønna (Sp) sette fram følgjande framlegg til vedtak, som eit tillegg til framlegget frå naturutvalet:Området B12 vert teke ut av kommunens arealplan. Utmarkasområde mellom Rødne og Haukanes vert teke opp att ved neste rullering av planen.

Det vart røysta over endringsframlegget frå Monica Tjønna (Sp).
Resultatet av røystinga vart som følgjer:

Deretter vart det røysta over framlegget frå naturutvalet.
Dette framlegget vart samrøystes vedteke.

Vedtak

I utkastet til sonegrenser er det opprinnelege utkastet justert slik at heile Samnanger kommune fell innanfor sone 3, istadenfor å vera delt mellom sone 1 og sone 3. Samnanger kommune meiner at justeringa heller burde gått andre vegen, slik at heile Samnanger kommune vart inkludert i sone 1. Dette vert grunngjeve slik:

• I hovudsak er dei føreslåtte sonegrenser avgrensa av naturlege grenser satt av fjord og fjell. I dette bilete må Samnanger og Os sjåast i same sone – dvs. sone 1.

• I dei føreslåtte sonegrenser tek ein og omsyn til pendlar-, passasjer- og elevstraumar, skulekrinsar, kommunegrenser, tettstader, naturlege knutepunkt osb. Hovudstraumen av reisande og kollektivreisande frå Samnanger kommune går mot Arna og Bergen. Reisetid med kollektivtransport frå Samnanger til Arna er om lag 20 min og med overgang til tog når ein Bergen sentrum på om lag 30 minuttar. I regional plan for attraktive regionssenter - vedteke av fylkestinget 10. desember 2014 - er Arna også definert som regionsenter for Samnanger. Å plassera Samnanger i ei anna sone enn kommunen sitt regionsenter, og utan omsyn til pendlarstruktur, er uheldig, og vil avgrensa kollektivtransporten sin konkurransekraft med privatbilisme.

• Ny dobbeltspora jernbane mellom Arna og Bergen vil auka attraktiviteten til å nytta kollektivtilbod og dette vil krevje større parkeringsareal i Arna. I ny jernbane mot Voss (K5-alternativet) er jernbanestasjon på Trengreid planlagt nedlagt og dette vil ytterligare auka krav om parkeringsplass i Arna. At flest mogeleg samningar nyttar kollektivtransport frå Samnanger vil difor også ha positiv effekt på tilgang på parkering i Arna.

• Eikedalen skisenter har på normalt gode vintrar opptil 70.000 besøkjande i månadane desember – april. Mange av dei besøkjande til skisenteret nyttar seg av kollektivtransport frå Arna og Bergen og det er difor viktig at heile Samnanger kommune blir plassert i sone 1 slik at så mange som mogeleg vil nytta kollektivtransport til attraktive Eikedalen skisenter.

Samnanger kommune ønskjer og dialog med Skyss og vil i tillegg til tilbakemelding be om at møte med Skyss vert halde før frist utgår 21.12.17.

Behandling

Kommunestyrerepresentantane diskuterte saka, og ordføraren sitt framlegg til vedtak vart samrøystes vedteke.

Vedtak

1. Kommunestyret merkar seg det som kjem fram i revidert notat frå Deloitte datert 27.11.2017.

2. Kommunestyret har særleg merka seg at det skal vera fokus på:

• at reglement for sakshandsaming og delegering vert følgt i alle saker.

• at protokollar frå kommunestyremøte vert korrekte med omsyn til å visa tydlegare kva vedtak som vart røysta over og korleis det faktisk vart røysta.

• at det vert rutine for at habiliteringsvurderingar blir gjennomført i saker der dette er naudsynt.

Behandling

Olaug K. Øystese (A) og Karl B. Kollbotn (Frp) stilte begge spørsmål om gildskapen sin i saka. Begge representantane er i nær slekt med ein av utbyggjarane i Aldalselva.

Dei to gjekk ifrå medan resten av kommunestyret diskuterte gildskapen deira.
Det vart røysta over, kvar for seg, om dei to var gilde eller ugilde.

Begge representantane vart samrøystes funne gilde. Dei tok deretter plass att i møtet.

Kontrollutvalet sitt framlegg til vedtak i saka vart samrøystes vedteke.

Vedtak

Salbare tomtar i Rolvsvåg, Lønnebakken, GBNR 25/124

Rådmannen startar arbeidet med å legge til rette for sal av tomt E og F (jf saksutgreiinga) i Rolvsvåg industriområde. Det vert og starta ei undersøking attraktivitet og kostnaden med å legge til rette for ei utbygging av Erikajorda til bustadformål.

Behandling

Kommunestyret diskuterte saka og handsaminga i formannskapet.
Assisterande rådmann Hilde-Lill Våge svara på spørsmål som representantane hadde om ulike kommunale eigedomar.

Nils Aadland (A) bad om gruppemøte.

Etter gruppemøtet la Jon Magne Bogevik (politisk uavhengig) fram følgjande punkt som eit tilleggspunkt til formannskapet sitt framlegg:
Det vert og vurdert å selja alle andre kommunale eigedomar som ikkje er i bruk i den daglege drifta.

I røystinga i saka vart formannskapet sitt framlegg sett opp mot Jon Magne Bogevik sitt framlegg. Resultatet av røystinga vart som følgjer:

Vedtak

Kommunale avgifter og gebyr for 2018 vert fastsette i samsvar med vedlagte oversikt, justert med endringane i betalingssatsar i kulturskulen som vart lagt fram i formannskapsmøtet 22.11.2017.

Behandling

Økonomisjef Nina Erdal svara på spørsmål som kommunestyrerepresentantane hadde om kommunale avgifter og gebyr.

Formannskapet sitt framlegg til vedtak vart samrøystes vedteke.

Vedtak

Gebyrregulativet for bygge- og delingssaker, plansaker og saker etter matrikkellova for 2017 vert godkjent slik det ligg føre, datert 22.11.17.

Behandling

Sture Tveit (H) meinte at detaljar om gebyr som kan verta innkrevde av andre enn Samnanger kommune må komma tydelegare fram i gebyrregulativet enn det gjer i dag.
Til dømes gjeld dette gebyr som Bjørnefjorden landbrukskontor krev inn når landbrukskontoret har uttalt seg i ei sak.

Administrasjonen noterte seg dette.

Formannskapet sitt framlegg til vedtak vart samrøystes vedteke.

Vedtak

1. Samnanger kommune vedtek at BIR Privat AS vert delegert fullmakt til fakturering og innkrevjing av avfallsgebyr på vegner av Samnanger kommune, jfr§ 12 i Forskrift om handtering av avfall frå hushaldning. Avfallsgebyret tilhøyrer Samnanger kommune.

2. Prisen på renovasjonstenesta for 2018 vert sett ned med 1 %, med unntak av eigenandelen for levering til gjenvinningsstasjonene og einskilde tenester utanfor standard renovasjon. Desse vert haldne uendra.

Samnanger kommune vedtek avfallsgebyr i samsvar med vedlagte prismatrise.

Behandling

Rådmannen sitt framlegg til vedtak vart samrøystes vedteke.

Vedtak

Økonomirapportering pr november 2017 vert tatt til etterretning og det vert gjort fylgjande budsjettjusteringar:

Behandling

Økonomisjef Nina Erdal orienterte om saka og svarte på spørsmål frå kommunestyrerepresentantane.

Rådmannen sitt framlegg til vedtak vart samrøystes vedteke.

Vedtak

Behandling

Kyrkjeverje Britt Haukanes presenterte kyrkja sitt framlegg til budsjett. Ho svarte også på spørsmål frå kommunestyrerepresentantane.

Leiar i kontrollutvalet, Brigt Olav Gåsdal (A), presenterte kontrollutvalet sitt framlegg til budsjett.

Øyvind Røen (Sp) bad om å få vurdert gildskapen sin i saka, då han er gift med kyrkjeverja i Samnanger. Han gjekk ifrå medan resten av kommunestyret diskuterte over gildskapen hans. Han vart funnen gild i saka med 17 imot 3 røyster frå Nils Aadland (A), Olaug Øystese (A) og Jon Magne Bogevik (politisk uavhengig). Etter røystinga tok Øyvind Røen plass att i møtet.

Sture Tveit (H) bad om gruppemøte.

Etter at kommunestyrerepresentantane hadde diskutert saka og hatt gruppemøte vart det sett fram ei rekkje framlegg til vedtak. Desse var:

1. Framlegg frå Monica Tjønna (Sp) -
Det vert løyva kr. 80.000 ekstra til kyrkjestyret si drift årleg i økonomiplanen. Vert finansiert av auka inntekt til konsesjonskraft. Endringane innarbeidast i budsjett- og økonomiplan.

2. Framlegg frå Brig Olav Gåsdal (A) -
Rådmannen vert i løpet av første halvår 2018 pålagt å leggja fram ei sak om å byggja heis i kommunehuset.
Grunngjeving: Kommunen bryt lova om universell utforming og har gjort det lenge når det gjeld tilkomst til kommunehuset.

3. Framlegg frå Bygdalista -
Det skal setjast av kr. 200.000 i investeringbudsjett for 2018 til bygging av handikaptoalett i bårehuset. Finansiering skal takast frå disposisjonefondet.

4. Framlegg frå Bygdalista -
Samnanger kommune skal i 2018 gjennomføre kvalitetsdialog om ny vegmodell for Samnanger kommune. Dialogeigar skal vera Naturutvalet. Ei målsetting med kvalitetsdialogen skal vera at kommunen har bærekraftig drifts- og vedlikehaldsutgifter og at ein søkjer løysingar med større grad av rettferdig fordeling enn dagens løysing.

Administrasjonen skal vera representert med sekretær og fagpersonar samt at tillitsvalde skal ha ein representant. Møter skal vera opne.

Dialogarbeidet skal sjåast i lys av Fylkekommunen sin vurdering av omklassifisering av fylkesvegar som er planlagt utført i 2018, ref. Handlingsprogram 2018-2021. Det er naturleg at anbefalt løysing for ny vegmodell for Samnanger kommune føreligg etter at Fylkeskommunen har fullført sitt arbeid og at løysing skal vera underlag for vidare sakshandsaming - ref. vedtak i kommunestyre 15.06.2017 i sak " Kvalitetsdialog i Samnanger kommune".

Som innspel til prosess kan følgjande modell av ulike vegkategoriar vurderast:
1. Kommunale vegar - Samnanger kommune har ansvaret for drift og vedlikehald.
2. OPS-vegar - Ansvar er delt mellom private og Samnanger kommune.
3. Private vegar - Private har ansvar for drift og vedlikehald.

5. Framlegg frå Arbeiderpartiet -
Ang. vedtak om prosjekt optimalisering av bygningsmasse sendes administrasjonen for beskrivelse av omfang og kostnader.
Herunder også eigedommane som kyrkja forvaltar. Ein føreset at kyrkja går i dialog med kommunen før dette punktet vert sett i verk.

6. Framlegg frå Arbeiderpartiet -
Ang, vedtak om kontorfellesskap for gründerar i det gamle biblioteket.
Behovet for nytt/utvida arkiv for Samnanger kommune må først vurderast m.h.t. areal og kva ombygging som må til i det gamle bibliotektet for å stetta krav ang, branntryggleik, og kva krav som gjeld universell utforming til denne bruken.

Det bes også om ei vurdering ang. kostnadane ved dette.

Før event. leidig areal i gamle biblioteket vert tilbydd gründerar, vil ein få ein uttale frå det lokale næringsforumet ang. tiltaket.

Det står også i vedtaket ang. finansiering, at det vert trekt auka ramme (forventa inntekter sal av konsesjonskraft etc.)

Det er betre og meir rett å bruka frå næringsfondet disp. pr. 2018: kr. 842.892,-

7. Framlegg frå Framstegspartiet -
Vil foreslå å sette dato for reg.plan for oppstart med veg til Hagabotnane til 1.april. Pr. i dag er det ikkje satt dato - kun 2018.

8. Framlegg frå Øyvind Strømmen (MDG) -
Nytt verbalpunkt:
kommunestyret merker seg miljøvernminister Vidar Helgesen si oppmoding til kommunane om å delta i ein dugnad for å redusera matsvinn. Administrasjonen vert beden om å sjå på moglege tiltak, særleg informasjonsarbeid.

9. Framlegg frå Øyvind Røen (Sp)
I arbeidet med budsjettet for 2019 skal rådmannen freista å leggja inn reduksjon av eigedomsskatten for bustader og fritidseigedomar til 2 ‰.

10. Framlegg frå Brigt Olav Gåsdal (A) -
Løyvingar til kyrkja vert auka med kr. 50.000,- til høve tilrådinga frå formannskapet. Total auke vert lagt inn i økonomiplanen. (Finansiering frå dispensasjonsfondet).

Det vart røysta over alle dei ulike punkta.

Framlegg (1) frå Monica Tjønna (Sp) og framlegg (10) frå Brigt Olav Gåsdal (A)
Desse to framlegga vart sett opp mot kvarandre. Det vart først gjennomført prøverøysting. Resultatet av prøverøystinga vart som følgjer:

Framlegg (1) frå Monica Tjønna (Sp) fekk 12 røyster i prøverøystinga.
Framlegg (10) frå Brigt Olav Gåsdal (A) fekk 9 røyster i prøverøystinga.

Det vart deretter gjennomført endeleg røysting, der resultatet vart som følgjer:

Framlegg (1) frå Monica Tjønna (Sp) fekk 13 røyster og vart vedteke.
Framlegg (10) frå Brigt Olav Gåsdal (A) fekk 8 røyster.

Framlegg (2) frå Brigt Olav Gåsdal vart samrøystes vedteke.

Framlegg (3) frå Bygdalista vart ikkje vedteke.
Resultatet av røystinga vart som følgjer:

Arild Røen (H) sette fram følgjande protokollmerknad om dette punktet:
Det må foreligge pris utarbeida av kvalifiserte personar. Fremjast som sak i KS når dette foreligg.

Framlegg (4) frå Bygdalista vart samrøystes vedteke.

Framlegg (5) frå Arbeidarpartiet vart samrøystes vedteke.

Framlegg (6) frå Arbeidarpartiet vart vedteke.
Resultatet av røystinga vart som følgjer:

Framlegg (7) frå Framstegspartiet vart vedteke.
Resultatet av røystinga vart som følgjer:

Framlegg (8) frå Miljøpartiet Dei Grønevart samrøystes vedteke.

Framlegg (9) frå Øyvind Røen (Sp)vart vedteke.
Resultatet av røystinga vart som følgjer:

Kommunestyret røysta til slutt over heile budsjett-/økonomplanframlegget frå formannskapet med vedtekne endringar. Samrøystes vedteke.