Møte i Formannskapet den 22.11.2017

Vedtak

• Møteinnkallinga og saklista vert godkjent.

• Delegerte vedtak/referatsaker vert tekne til orientering.

Behandling

Delegerte vedtak/referatsaker:

Samferdsel/Hordalandsdiagonalen
Ordførar Knut Harald Frøland (Bl) orienterte. Denne orienteringa vart gitt til slutt i møtet torsdag 23.11.2017.

Utvalet sitt kvarter:
Arild Røen (H) sette fram ønske om at desembermøtet i kommunestyret vert halde på biblioteket. .

Rådmannen sitt framlegg til vedtak vart samrøystes vedteke.

Vedtak

Assisterande rådmann Hilde-Lill Våge får lønsauke på 2,5% med verknad frå 01.05.2017.

Behandling

Formannskapet vart samde om følgjande fellesframlegg, som vart samrøystes vedteke:

"Assisterande rådmann Hilde-Lill Våge får lønsauke på 2,5% med verknad frå 01.05.2017".

Vedtak

Kommunale avgifter og gebyr for 2018 vert fastsette i samsvar med vedlagte oversikt, justert med endringane i betalingssatsar i kulturskulen som vart lagt fram i formannskapsmøtet 22.11.2017.

Behandling

Ordførar Knut Harald Frøland (Bl) sette fram framlegg om at betalingssatsane for SFO skal aukast med 3% i 2018, ikkje med 6% slik rådmannen foreslår. Etter debatt i formannskapet trekte Knut Harald Frøland framlegget sitt.

Sektorleiar Jan Erik Boge orienterte om ei endring i rådmannen sitt framlegg. Endringa gjeld betalingssatsar i kulturskulen og er etter ønske frå kulturskulerektor. Rådmannen sitt nye framlegg til betalingssatsar i kulturskulen i 2018 er som følgjer:

• Kontingent pr. år pr. elevplass: Instrumentopplæring og drama. Gebyr i 2018 kr. 2.476 (auke på 3% i forhold til 2017).

• Kontingent pr. år pr. elevplass, grupper over 4: Songopplæring og Tutti Frutti. Gebyr i 2018 kr. 1.380 (auke på 3% i forhold til 2017).

• Kontingent pr. år pr. elevplass: Musikk fordjupning. Gebyr i 2018 kr. 4.952 (nytt gebyr i 2018).

• Instrumentleige. Gebyr i 2018 kr. 554 (auke på 3% i forhold til 2017).

Rådmannen sitt framlegg vart med desse endringane samrøystes vedteke.

Vedtak

Gebyrregulativet for bygge- og delingssaker, plansaker og saker etter matrikkellova for 2017 vert godkjent slik det ligg føre, datert 22.11.17.

Behandling

Rådmannen sitt framlegg til vedtak vart samrøystes vedteke.

Vedtak

Salbare tomtar i Rolvsvåg, Lønnebakken, gnr 25/124 i Bjørkhaugen og tomt A i Rolvsvågen industriområde vert lagt ut for sal.

Rådmannen startar arbeidet med å legge til rette for sal av tomt E og F (jf saksutgreiinga) i Rolvsvåg industriområde. Det vert og starta ei undersøking attraktivitet og kostnaden med å legge til rette for ei utbygging av Erikajorda til bustadformål.

Behandling

Assisterande rådmann Hilde-Lill Våge orienterte innleiingsvis om saka, mellom anna om status vedrørande eventuelt sal av prestebudstaden.

Ordførar Knut Harald Frøland (Bl) sette fram framlegg tilsvarande som rådmannen sitt framlegg, med unnatak av at den siste siste setninga om å starta dialog med aktuelle utbyggjarar om næringstomta på Bjørkheim vert teken vekk.

Knut Harald Frøland sitt framlegg vart samrøystes vedteke.

Øyvind Røen (Sp) viste til at rett skrivemåte skal vera Erikajorda, ikkje Erikajordet. Dette vil verta retta opp i vedtaksteksten.

Vedtak

Rådmannen sitt framlegg til budsjett 2018 og økonomiplan 2018 - 2021 vert vedteke slik det ligg føre med vedlegg budsjettskjema 1A, 2A, hovudoversikt drift, hovudoversikt investering, netto driftsutgifter og detaljar investering, med følgjande endringar:

• Kyrkjestyrebudsjettet blir auka med kr. 50.000. Midlar hentast frå auka rammer (forventa inntekter sal av konsesjonskraft etc).

• Stillingar i skulane under omstillingsvurdering vert pålagt rådmannen. Rådmannen får mynde til å finansiera frå alle sektorar fram til avgjersle i omstillingsvurderingane er gjort.

• Det skal takast ein generell gjennomgang av SFO med tanke på opningstider og innhald. Dette skal gjerast i samanheng med pågåande kvalitetsdialog i oppvekssektor.

• Det skal etablerast kontorfellesskap for gründerar i det gamle biblioteklokalet. Eventuelle investeringar for å opprette dette har ei finansieringsramme på kr. 50.000 og midlar hentast frå auka rammer (forventa inntekter sal av konsesjonskraft etc). Kommunen skal ta ein låg leigepris for lokalet.

• Prosjekt optimalisering av bygningsmasse sendes administrasjon for beskrivelse av omfang og kostnader.

• Administrasjonen sjekkar opp i moglege prosjektmidlar med tanke på gratis mat til skuleborna.

• Reguleringsplan for ny veg til Hagabotnane skal lagast i 2018.

• Administrasjonen får i oppdrag å vise eit reknestykke med konsekvensar på nedskjæringar i eigedomsskatt og botnfrådrag. Reknestykket vert lagt fram under handsaminga i desembermøtet til kommunestyret.

• Kommunen ynskjer å lage ein heilskapleg skiltplan som vert lagt ut til offentleg høyring- før endeleg vedtak i kommunestyret. Ein slik skiltplan skal foreslå nye skilt, samt evt. behov for utskiftingar /endringar av eksisterande skilt i kommunen. Vedteken plan vert så sendt til Statens vegvesen. Kommunen vil på bakgrunn av ein slik heilskapleg skiltplan søkje om nye skilt, punktvis over ein tidsperiode på 4 år. Til dette arbeidet skal det for budsjettåret 2018 løyvast kr. 50.000. Tiltaket skal finansierast av disposisjonsfondet.

• Budsjettet til kontrollutvalet for 2018 vert auka med 80.000,- for å kunna utføra prosjekt innan forvaltningsrevisjon og selskapskontroll. Midlane vert henta frå konsesjonskraft.

• Alle formuleringar om nedskjæring i antall folkevalde vert tatt ut av økonomiplanen. Dei folkevalde si rolle i eit lokaldemokrati skal ikkje skjæras ned. Samnanger kommune vil behalde det politiske nivået slik det er pr idag. Det er viktig med ei brei samansetning av både parti og antal folkevalde for å sikra lokaldemokratiet på ein tilfredsstillande måte, det vert ikkje ivaretatt om me kuttar i antalet folkevalde. Administrasjonen dekkar inn tilsvarande sum i innsparingar (vel ca 74.000,-) frå disposisjonsfondet.

• Alle større IKT investeringar vert sette på hald inntil ny IKT strategi er på plass basert på ny forskrift GDPR.

Det vert tatt opp eit lån på kr 8,46 mill. i 2018 til mellom anna investeringar i vatn og avløp. Lånet skal betalast ned over 40 år og ha eit avdragsfritt år.

Det vert tatt opp eit startlån i Husbanken på kr 2 mill. i 2018. Startlånet vert tatt opp i samsvar med Husbanken sine retningslinjer for startlån som er med ei løpetid på 30 år og med 2 avdragsfrie år.

Kommunen betaler i dag meir i avdrag på lån enn det som det er krav om. Utrekning viser at betaling av avdrag kan reduserast med 500 000 kroner kroner i 2018. Dette er lagt til grunn i økonomiplanframlegget og kommunen må søkja Kommunalbanken om forlenga løpetid på lån i samsvar med dette.

I medhald av eigedomsskattelova §§ 2 og 3 skal fylgjande utskrivingsalternativ nyttast for skatteåret 2018:

Den generelle skattesatsen som skal gjelda for dei skattepliktige eigedomane vert sett til 7 promille. I medhald av eigedomsskattelova §12 bokstav a vert satsane differensiert ved at den satsen som skal gjelda for bustader og fritidseigedomar vert sett til 2,4 promille.

For bustaddelen av eigedomen (gjeld og fritidseigedom) vert det gitt eit botnfrådrag på kr 100 000 av takstverdi. Botnfrådraget vert gitt for alle sjølvstendige bustaddelar. Botnfrådrag vert ikkje gitt når eigedomen vert nytta til næringsverksemd.

I medhald av eigedomsskattelova § 7 bokstav a vert det gitt fritak til stiftingar eller institusjonar som har som formål å gagna kommunen, fylke eller staten. Unnateke er kommersielle stiftingar/ institusjonar. Fritaket vil gjelda forsamlingshus, bedehus, turisthytter og liknande. Fritak kan og vurderast på grunnlag av søknad.

I medhald av eigedomsskattelova § 7 bokstav b vert det gitt fritak for bygningar som har historisk verdi med 100 prosent. Fritak kan og vurderast på grunnlag av søknad. Det er eit krav at bygget har bevart sin opphavlege arkitektoniske stil og at det ikkje vert brukt til forretningsverksemd.

I medhald av eigedomsskattelova § 7 bokstav c vert det gitt fritak for nybygde bustadeigedomar (gjeld ikkje fritidseigedomar) i 1 år, eller til kommunestyret endrar eller opphevar fritaket. Fritaket gjeld bygg der det vert starta bygging i 2017 eller seinare. Formannskapet får fullmakt til å avgjera einskildsaker om skattefritak.

Kommunestyret har i sak 14/14 vedtatt å bruka formuesgrunnlag frå skatteetaten for utskriving av eigedomsskatt på bustadhus. Bustadhus og hytter utan formuesgrunnlag vert takserte. Det same gjeld næringsverksemd, tomtar mm. Ved taksering og utskriving av eigedomsskatt nyttar kommunen dei til ei kvar tid gjeldande skattevedtekter.

Eigedomsskatten skal betalast i 4. terminar.

Behandling

Første møtedag, onsdag 22.11.2017:

Leiar i kontrollutvalet, Brigt Olav Gåsdal (A), orienterte innleiingsvis om kontrollutvalet sitt budsjettframlegg. Etter dette orienterte kyrkjeverje Britt Haukanes om Samnanger kyrkjestyre sitt budsjettframlegg.

Gildskap
Øyvind Røen (Sp) bad om å få vurdert gildskapen sin, på bakgrunn av at han er gift med kyrkjeverje Britt Haukanes. Røen gjekk frå medan formannskapet handsama spørsmålet om gildskapen hans. Ordførar Knut Harald Frøland (Bl) orienterte om at han har teke opp spørsmål om gildskap med ein advokat frå KS, og at han på bakgrunn av dette meiner at Øyvind Røen er gild i handsaminga av budsjettet for kyrkjestyret.

Det vart først røysta over om Øyvind Røen er gild i handsaminga av budsjettet for kyrkjestyret. Fem røysta for at han er ugild og tre for at han er gild.

Følgjande medlemmer røysta for at Øyvind Røen er ugild i handsaminga av budsjettet for kyrkjestyret:

• Monica Tjønna (Sp)

• Inge Aasgaard (Krf)

• Olaug Øystese (A)

• Nils Aadland (A)

• Arild Røen (H)

Følgjande medlemmer røysta for at Øyvind Røen er gild i handsaminga av budsjettet for kyrkjestyret:

• Knut Harald Frøland (Bl)

• Lena Tveit (Bl)

• Odd Arne Haga (Frp)

Det vart så røysta over om Øyvind Røen er gild i handsaminga av resten av budsjettet/økonomiplanen. Sju røysta for at han er gild og ein for at han er ugild.

Følgjande medlemmer røysta for at Øyvind Røen er gild i handsaminga av resten av budsjettet:

• Monica Tjønna (Sp)

• Inge Aasgaard (Krf)

• Olaug Øystese (A)

• Nils Aadland (A)

• Arild Røen (H)

• Knut Harald Frøland (Bl)

• Lena Tveit (Bl)

Følgjande medlem røysta for at Øyvind Røen er gild i handsaminga av resten av budsjettet:

• Odd Arne Haga (Frp)

Orientering og diskusjon om rådmannen sitt budsjettframlegg
Rådmannen, økonomisjefen og sektorleiarane orienterte om rådmannen sitt budsjettframlegg. Det vart opna for spørsmål etter kvar presentasjon.

Økonomisjef Nina Erdal stilte spørsmål om kva nivå budsjettet/økonomiplanen skal vedtakast på. Dei siste åra har budsjettet vorte vedteke på einingsnivå, og det er også lagt opp til dette i rådmannen sitt budsjett-/økonomiplanframlegg for 2018-2021. Andre alternativ kan vera kommunenivå eller sektornivå. Det var semje i formannskapet om at dette er ei avgjerd som kommunestyret må ta. Ordføraren bad om å få dette opp som eiga sak på nyåret 2018.

Etter sektorleiar Rita Ludvigsen sin presentasjon bad Inge Aasgaard (Krf) om at møtet vart lukka, fordi han hadde nokre spørsmål/innspel knytt til presentasjonen. Desse spørsmåla/innspela inneheldt informasjon som er unnateken frå offentleg innsyn. Formannskapet vedtok å lukka møtet med heimel i kommunelova § 31 før det vart opna for Inge Aasgaard sine spørsmål/innspel. Møtet vart opna igjen etter at Inge Aasgaard hadde lagt fram spørsmåla/innspela og desse hadde vore drøfta i formannskapet.

Monica Tjønna (Sp) spurde om det er mogleg å rekna på kostnad for sjukefråværet i forhold til kostnad ved å auka grunnbemanninga. Sektorleiar Grete Lill Hjartnes orienterte om ordninga med bufferstillingar, som er finansiert av sjukepengerefusjon. Rådmann Charlotte Hageberg orienterte om at det er erfaring med at det kan vera økonomisk gunstig å auka grunnbemanninga, men at dette ofte berre er ein kortvarig effekt.

Nils Aadland (A) spurde om når det sist vart gjennomført trivselsundersøking for tilsette i kommunen. Assisterande rådmann Hilde-Lill Våge orienterte om at dette var hausten 2016. Nils Aadland viste til at det i det private næringslivet no er vanleg å gjennomføra hyppige trivselsundersøkingar, ved bruk av digitale verktøy som QuestBack. Dersom ein abonnerer på dette eller tilsvarande verktøy, kan slike undersøkingar gjennomførast utan ekstrakostnad.

Ordførar Knut Harald Frøland(Bl) sette fram ønske om at spesielle problemområde/utfordringar blir "highlita" i framtidige budsjett-/økonomiplanframlegg frå rådmannen, slik at desse blir enkle å finna/sjå for politikarane.

Økonomisjef Nina Erdal minna om at det i vedtaksframlegg må presiserast om auka løyving berre skal gjelda for 2018 eller for heile økonomiplanperioden.

Tilskot til Samnanger kyrkjestyre
Øyvind Røen (Sp) gjekk frå før formannskapet starta handsaminga av tilskot til kyrkjestyret og deltok ikkje under denne handsaminga.

Monica Tjønna (Sp) "Det vert løyva kr 133.000 ekstra til kyrkjestyret til drift.Kr 33.000,- vert finansiert frå disposisjonsfondet.Rådmann får mynde til å omdisponert kr 100.000,- frå sektorane. Endringane innarbeidast i budsjettet."

Etter spørsmål frå økonomisjefen endra Monica Tjønna framlegget sitt til:

"Det vert løyva kr 133.000 ekstra til kyrkjestyret til drift.
Vert finansiert av auka inntekt til konsesjonskraft.
Endringane innarbeidast i budsjettet."

Bygdalista v/Lena Tveit sette fram følgjande framlegg:
"Kyrkjestyrebudsjettet blir auka med kr. 50.000. Midlar hentast frå auka rammer (forventa inntekter sal av konsesjonskraft etc)."

Framlegget til Monica Tjønna fekk to røyster, framlegget til Bygdalista fekk fem røyster og framlegget til rådmannen fekk ingen røyster.

Følgjande medlemmer røysta for Monica Tjønna sitt framlegg:

• Monica Tjønna (Sp)

• Inge Aasgaard (Krf)

Følgjande medlemmer røysta imot Monica Tjønna sitt framlegg:

• Olaug Øystese (A)

• Nils Aadland (A)

• Lena Tveit (Bl)

• Knut Harald Frøland (Bl)

• Odd Arne Haga (Frp)

Følgjande medlemmer røysta for Bygdalista sitt framlegg:

• Lena Tveit (Bl)

• Knut Harald Frøland (Bl)

• Inge Aasgaard (Krf)

• Arild Røen (H)

• Monica Tjønna (Sp)

Følgjande medlemmer røysta imot Bygdalista sitt framlegg:

• Olaug Øystese (A)

• Odd Arne Haga (Frp)

• Nils Aadland (A)

Ingen medlemmer røysta for rådmannen sitt framlegg.

Etter handsaminga av tilskot til kyrkjestyret tok Øyvind Røen igjen plass i møtet.

Monica Tjønna (Sp) sette fram følgjande framlegg:
"Innarbeidast i budsjett 2018:
Stillingar i skulane under omstillingsvurdering vert pålagt rådmannen. Rådmannen får mynde til å finansiera jamt frå andre sektorar fram til avgjersle i omstillingsvurderingane er gjort."
Framlegget vart samrøystes vedteke.

Monica Tjønna sette andre møtedag, torsdag 23.11.2017, fram følgjande framlegg til korrigert ordlyd i vedtaksteksten:
"alle sektorar fram til avgjersle i omstillingsvurderingane er gjort." Formannskapet vedtok samrøystes denne endringa i vedtaksteksten.

Bygdalista v/Lena Tveit sette fram følgjande framlegg:
"Det skal takast ein generell gjennomgang av SFO med tanke på opningstider og innhald. Dette skal gjerast i samanheng med pågåande kvalitetsdialog i oppvekssektor." Framlegget vart samrøystes vedteke.

Bygdalista v/Lena Tveit sette fram følgjande framlegg:
"Det skal etablerast kontorfellesskap for gründerar i det gamle biblioteklokalet. Eventuelle investeringar for å opprette dette har ei finansieringsramme på kr. 50.000 og midlar hentast frå auka rammer (forventa inntekter sal av konsesjonskraft etc)."
Under drøftinga om dette framlegget vart det semje om at det skal takast inn eit tillegg i framlegget, om at kommunen skal ta ein låg leigepris for lokalet. Med denne endringa vart framlegget samrøystes vedteke.

Handsaming av innkomne innspel frå partia/grupperingane

Framlegg frå Framstegspartiet om effektivisering av drifta av pleie og omsorg
Odd Arne Haga (Frp) trekte dette framlegget.

Andre møtedag, torsdag 23.11.2017:

Framlegg frå Bygdalista om økonomisk analyse og gjennomgang på 2017-tal
Knut Harald Frøland (Bl) trekte framlegget.

Framlegg frå Framstegspartiet om innsparingar i bygningsmassen
Odd Arne Haga (Frp) trekte framlegget. I staden vart det sett fram følgjande fellesframlegg, som vart samrøystes vedteke:
"Prosjekt optimalisering av bygningsmasse sendes administrasjon for beskrivelse av omfang og kostnader."

Framlegg frå Framstegspartiet om at symjebassenget på Tysse skal haldast ope i skuleåret
Odd Arne Haga (Frp) trekte framlegget. Formannskapet bad administrasjonen om avklaring på om fjorårets budsjettvedtak om utvida opningstid i symjehallen er følgt opp.

Framlegg frå Framstegspartiet om gratis skulemat
Odd Arne Haga (Frp) trekte framlegget. I staden vart det sett fram følgjande fellesframlegg, som vart samrøystes vedteke:
"Administrasjonen sjekkar opp i moglege prosjektmidlar med tanke på gratis mat til skuleborna."

Framlegg frå Framstegspartiet om ny veg Hagabotnane
Dette framlegget vart drøfta saman med Bygdalista sitt framlegg om utbetring av veg opp Hagabakkane. Odd Arne Haga (Frp) orienterte innleiingsvis om prosessen med å rekna ut kostnadsramma for ny veg til Hagabotnane.

Olaug Øystese (A) bad om at gildskapen til Odd Arne Haga vart vurdert. Haga gjekk frå før formannskapet starta handsaminga av spørsmålet om gildskapen hans. Olaug Øystese (A) bad om gruppemøte. Etter gruppemøtet trekte Olaug Øystese ønsket om å få gildskapen til Odd Arne Haga vurdert. Odd Arne Haga tok etter dette plass igjen i møtet.

Odd Arne Haga trekte framlegget. I staden vart det sett fram følgjande fellesframlegg, som vart samrøystes vedteke:
"Reguleringsplan for ny veg til Hagabotnane skal lagast i 2018."

Framlegg frå Bygdalista om utbetring av veg opp Hagabakkane
Dette framlegget vart drøfta saman med Framstegspartiet sitt framlegg om ny veg til Hagabotnane. Knut Harald Frøland (Bl) trekte framlegget. Det vedtekne fellesframlegget om at reguleringsplan for ny veg til Hagabotnane skal lagast i 2018, vil også gjelda for dette punktet.

Framlegg frå Framstegspartiet om reduksjon av eigedomsskatt
Økonomisjef Nina Erdal orienterte innleiingsvis om at satsen for eigedomsskatt ikkje kan vera lågare enn 2 promille. Odd Arne Haga (Frp) trekte framlegget. I staden vart det sett fram følgjande fellesframlegg, som vart samrøystes vedteke:
"Administrasjonen får i oppdrag å vise eit reknestykke med konsekvensar på nedskjæringar i eigedomsskatt og botnfrådrag. Reknestykket vert lagt fram under handsaminga i desembermøtet til kommunestyret."

Innspel frå Miljøpartiet Dei Grøne om klimabudsjettering
Assisterande rådmann Hilde-Lill Våge orienterte om status for arbeidet med klimaplan/klimabudsjettering. Det vart ikkje røysta over dette innspelet. Miljøpartiet Dei Grøne vil ha moglegheit til å leggja innspelet fram som vedtaksframlegg i kommunestyremøtet 13.12.2017.

Innspel frå Miljøpartiet Dei Grøne om skulehagar
Det vart ikkje røysta over dette innspelet. Miljøpartiet Dei Grøne vil ha moglegheit til å leggja innspelet fram som vedtaksframlegg i kommunestyremøtet 13.12.2017.

Innspel frå Miljøpartiet Dei Grøne om energieffektivisering og energiøkonomisering
Assisterande rådmann Hilde-Lill Våge orienterte om status for arbeid med energieffektivisering og energiøkonomisering. Det vart ikkje røysta over dette innspelet.Miljøpartiet Dei Grøne vil ha moglegheit til å leggja innspelet fram som vedtaksframlegg i kommunestyremøtet 13.12.2017.

Framlegg frå Bygdalista om skiltforvaltningsplan
Knut Harald Frøland (Bl) orienterte om at framlegget vert endra ved at det vert presisert at tiltaket skal finansierast av disposisjonsfondet. Med denne endringa vart framlegget samrøystes vedteke.

Budsjett for kontrollutvalet 2018Det vart sett fram følgjande fellesframlegg, som vart samrøystes vedteke:
"Budsjettet til kontrollutvalet for 2018 vert auka med 80.000,- for å kunna utføra prosjekt innan forvaltningsrevisjon og selskapskontroll. Midlane vert henta frå konsesjonskraft."

Andre framlegg:

Tal folkevalde i Samnanger kommune:
Monica Tjønna (Sp) sette fram følgande framlegg:
"Alle formuleringar om nedskjæring i antall folkevalde vert tatt ut av økonomiplanen. Dei folkevalde si rolle i eit lokaldemokrati skal ikkje skjæras ned. Samnanger kommune vil behalde det politiske nivået slik det er pr idag. Det er viktig med ei brei samansetning av både parti og antal folkevalde for å sikra lokaldemokratiet på ein tilfredsstillande måte, det vert ikkje ivaretatt om me kuttar i antalet folkevalde.Administrasjonen dekkar inn tilsvarande sum i innsparingar (vel ca 74.000,-) frå disposisjonsfondet."

Arild Røen (H) sette fram følgjande framlegg:
"Sak om antal medlemmer i ulike politiske organ kjem opp som eiga sak tidleg i 2018."

Olaug Øystese (Ap) sette fram følgjande tilleggsframlegg til Arild Røen sitt framlegg:
"Tilsvarande sum vert redusert på avsetning til disposisjonsfondet."

Framlegget til Monica Tjønna fekk fem røyster og framlegget til Arild Røen/Olaug Øystese fekk fire røyster.

Følgjande medlemmer røysta for Monica Tjønna sitt framlegg:

• Monica Tjønna (Sp)

• Øyvind Røen (Sp)

• Gunn Totland Moss (Krf)

• Odd Arne Haga (Frp)

• Lena Tveit (Bl)

Følgjande medlemmer røysta for Arild Røen/Olaug Øystese sitt framlegg:

• Arild Røen (H)

• Olaug Øystese (A)

• Nils Aadland (A)

• Knut Harald Frøland (Bl)

IKT-investeringar:
Nils Aadland (A) sette fram følgjande framlegg:
"Alle større IKT investeringar vert sette på hald inntil ny IKT strategi er på plass basert på ny forskrift GDPR."
Framlegget vart samrøystes vedteke.

Nils Aadland (A) tok opp at han synst stykkprisen på PC'ar som er oppgitt i rådmannen sitt budsjettframlegg (5.000 kroner) verkar høg. Han bad administrasjonen undersøkja om kommunen kan få lågare innkjøpspris på PC'ar, for eksempel ved å knytta seg til fylkeskommunen sin innkjøpsavtale.

Røysting over heile budsjett-/økonomiplanframlegget
Formannskapet røysta til slutt over heile budsjett-/økonomiplanframlegget frå rådmannen med vedtekne endringar. Samrøystes vedteke.