Møte i Naturutvalet den 06.12.2017

Vedtak

• Møteinnkallinga og saklista vert godkjent.

• Delegerte vedtak/referatsaker vert tekne til orientering.

Behandling

Møteinnkalling og saklista vart samrøsytes godtkjent der sak 35/17 vart handsama før sak 33/17.

Referatsaker/orientering

Ass.rådmann orienterte om status for BIR-prosjektet. Dei fleste rydder forsøplinga på sin grunn og forholder seg til dei avtaler og fristar som vert gjort. Me har nokon utfordrande saker men der får kommunen bistand frå fylkesmannen. Båtvrak eller hensette fritidsbåtar under 15 for kan kommunen rydde og søkje om tilskot på kr 1000 pr båt.

Vidar Tveiterås (Ap) stiltespørsmål om kva kommunen gjer med søppelbål. Ass.rådmann orienterte om at dette er ei oppgåve for både teknisk og brann å følgje opp.

Sture Tveit (H) stilte spørmål om kva som skjer med bilvrak på Tveit. Dei vert flytta men no er det nye tilbake. Ass.rådmann orienterte om av teknisk og BIR er klar over dette og følgjer opp saka.

Jon Magne Bogevik (uavh) orienterte om at no er skuret til Os skog fjerna frå kaianlegget ute i Rolvsvågindustrihamn.

Drøftingnotat - parkeringplan for offentlege plassar i Samnanger: Byggesakshandsamar Nina Fredriksen orienterte om planen. Utvalet gav innspel og tilbakemeldingar som vidare grunnlag til planarbeidet. Planen kjem opp som eiga sak i utvalet i første møte til våren.

Protokollmerknad frå Jon Magne Boge (uavh): Informasjon om Børdalen vert gjeve under handsaming av kommuneplanen i sak 36/17.

Utvalet sitt kvarter:

Vidar Tveiterås (Ap) stilte sprøsmål om status for tilsetting av Teknisk driftssjef. Ass.rådmann orienterte om at stillinga vil verte lyst ut på nytt.

Vedtak

Samnanger kommune vedtek handlingsprogrammet for 2018 og prioriterer søknader om spelemidlar til ordinære anlegg i denne rekkefølgja:

1. Kunstgrasbane

2. Friidrettsanlegg

3. Skytebaneanlegget i Gaupholmsmarka

Behandling

Leiar kultur Meline Haugland orienterte om saka.

Framlegget frå frå rådmannen vart samrøystes vedteke.

Vedtak

Samnanger kommune ber Kvam herad bygge ut offentleg anlegg for vassforsyning og avlaup fram til Fossen bratte.

Administrasjonen gir uttale til kommunedelplan for vassforsyning, og kommunedelplan for avlaup for å sikre utbygging i perioden.

Behandling

Planleggar Roald Aandal orienterte om saka.

Framlegget frå rådmannen vart samrøsytes vedteke.

Vedtak

Med heimel i plan og bygningslova §19-2 og §11-9 vert det løyvd dispensasjon frå

byggegrensa mot sjø og bustadføremål i kystsoneplanen.
Dispensasjonen gis til frådeling, og bygging av naust på gnrbnr: 27/43 med følgjande vilkår:

• Byggjegrense mot sjø vert sett til 2,5 meter.

• Naustet skal ikkje vere større enn 25m2.

• Rett til parkering skal tinglysast.

• Det skal ikkje etablerast vegtilkomst til naustet.

Behandling

Gunn Totland Moss (Krf) er søkjer og er ugild i saka, jf FVL § 6. Ho gjekk i frå og Kristian Jørgensen (Krf) dektok for henne under handsaminga.