Utval: | Kommunestyret |
---|---|
Dato: | 22.02.2018 16:00 - 17:45 |
Møtestad: | Kommunehuset |
Status: | Vedtak er påført møtet |
Sakskart: | |
Møteprotokoll: |
Møteinnkallinga og saklista vert godkjent.
Delegerte vedtak/referatsaker vert tekne til orientering.
Det var ingen merknader til innkalling, sakliste eller protokoll frå førre møte.
Orienteringssaker:
Orientering frå ordførar Knut Harald Frøland (Bl) om status for saka "Tilleggsvedtak Børdalen - Kommuneplanen sin arealdel 2017-2027". Han orienterte om bakgrunnen for at saka ikkje kom opp i kommunestyret 22.02.2018, slik det vart varsla om i møteinnkallinga. Denne orienteringa vart halden etter handsaminga av sak 008/2018.
Utvalet sitt kvarter:
Sonestruktur i Hordaland
Øyvind Strømmen (Mdg) orienterte om møte i fylkesutvalet 22.02.2018, der sonestruktur for Hordaland vart vedteke. Samnanger er som venta plassert i sone 6, saman med mellom anna Kvam og Vaksdal.
Status bygging av nytt bufellesskap på Skottebakken
Spørsmål frå Arild Røen (H) om status for bygging av nytt bufellesskap på Skottabakken. Rådmann Charlotte Hageberg orienterte om at søknad til Husbanken vart sendt 22.02.2018.
Helse Orange Vest
Monica Tjønna (Sp) stilte spørsmål om Samnanger brukar Helse Orange Vest eller andre tilsvarande firma. Administrasjonen kunne ikkje svara på dette i møtet, men vil undersøkja spørsmålet og koma tilbake til dette.
Notat frå kontrollutvalet om vegtilkomst til Fjordtønna
Brigt Olav Gåsdal (A) orienterte om notatet (som var vedlagt møteinnkallinga til kommunestyret 22.02.2018) og om kontrollutvalet si grunngjeving for det som er skrive i notatet.
Rådmannen sitt framlegg til vedtak vart samrøystes vedteke.
Framlegget til møteplan for 2018 vert vedteke. Det enkelte organ (formannskap, utval, råd) får fullmakt til å gjera justeringar i møteplanen sin i løpet av 2018 dersom det er behov for dette.
Frå og med 2018 skal det i kommunestyret sitt desembermøte leggjast fram sak om møteplan for kommunestyret, formannskapet, naturutvalet, administrasjonsutvalet, arbeidsmiljøutvalet, eldrerådet, ungdomsrådet og rådet for personar med nedsett funksjonsevne. Kommunestyret skal der vedta møteplanen for desse organa for det komande året. Det enkelte organet skal ha fullmakt til å gjera justeringar i møteplanen sin i løpet av året dersom det er behov for dette. Kontrollutvalet, som har eige sekretariat som ikkje har tilknytning til kommuneadministrasjonen, fastset møteplanen sin sjølv.
Som følgje av vedtaket vert punkt 21 i Samnanger kommune sitt reglement for kommunestyret m.fl. endra, ved at første setning i punktet vert teken vekk og erstatta med innhaldet i teksten i avsnittet ovanfor.
Øyvind Strømmen (Mdg) spurde om det er mogleg å flytta kommunestyret sitt juni-møte ei veke (framover eller bakover), på grunn av kollisjon med andre møte han skal vera med på. Kommunestyret diskuterte dette, men det vart ikkje sett fram framlegg om endringar i møteplanen.
Formannskapet sitt framlegg til vedtak vart samrøystes vedteke.
Kommunestyret godkjenner årsmelding for kontrollutvalet for 2017.
Leiar i kontrollutvalet, Brigt Olav Gåsdal (A), orienterte innleiingsvis kort om årsmeldinga og om planlagt kurs i forebygging av korrupsjon.
Kontrollutvalet sitt framlegg til vedtak vart samrøystes vedteke.
Rådmannen sitt framlegg til reglar/rutinar for vurdering av gildskap ved handsaming av politiske saker vert vedteke, og vert vedlegg til Reglement for kommunestyret, formannskapet, naturutvalet og kontrollutvalet.
Formannskapet sitt framlegg til vedtak vart samrøystes vedteke.
Kommunestyret godkjenner prosjektrekneskap for idressanlegget i Hagabotnane.
Monica Tjønna (Sp) sa at ho i samband med opninga av idrettsanlegget hadde fått opplyst at kostnaden var om lag 9 millionar kroner, men at kostnaden i byggerekneskapen er 11 millionar. Ho spurde om kva denne differansen skuldast. Administrasjonen kunne ikkje svara på dette spørsmålet i møtet.
Jon Magne Bogevik (politisk uavhengig) stilte spørsmål om det som står om bruk av "unytta lånemidlar" på side 33 i sakspapira/møteinnkallinga. Han spurde kva unytta lånemidlar dette er. Administrasjonen kunne ikkje svara på dette i møtet. Leiar i kontrollutvalet, Brigt Olav Gåsdal (A), orienterte om at gjennomgangen av byggerekneskapen viser at prosjektet er gjennomført i samsvar med vedteke budsjett/vedtekne rammer.
Kontrollutvalet sitt framlegg til vedtak vart samrøystes vedteke.
Kommunestyret godkjenner prosjektrekneskapen for ny veg til Totræna.
Arild Røen (H) orienterte om at det er i ferd med å bli oppretta veglag. Han orienterte òg om at skianlegget i Totræna er svært mykje brukt og at det til tider er utfordringar med parkering både på den nye parkeringsplassen i Totræna og ved vassrenseanlegget i Myra.
Kontrollutvalet sitt framlegg til vedtak vart samrøystes vedteke.
Kommunestyret godkjenner prosjektrekneskapen for nytt bibliotek på Bjørkheim.
Kontrollutvalet sitt framlegg til vedtak vart samrøystes vedteke.
Mogelegheitsstudie for bygging av fleirbrukshall/idrettshall og oppretting av hallnemnd
Det vert etablert ei hallnemnd, samansett av følgjande representantar:
– Éin representant frå SIL
– Éin representant frå FAU
– Teknisk forvaltningssjef (sekretær)
– Ordførar (leiar)
– Éin representant frå Ungdomsrådet
– Éin representant frå kvar av partia som er representert i kommunestyret – utanom Bygdalista – som ønskjer å vera med i nemnda. Partia melder til ordførar (som her representerer BL) innan 27. mars om dei vil vera representerte i nemnda og ev. kven denne representanten er.
Hallnemnda skal inngå avtale med konsulentselskap/rådgjevar for utforming av ein moglegheitsstudie. I denne studien må det òg vera med ei vurdering av driftsmåte og -kostnader.
Hallnemnda rapporterer til formannskapet.
Økonomisk er satt med øvre ramme på kr. 1.000.000,-
Monica Tjønna (Sp) sette fram følgjande framlegg:
"Mogelegheitsstudie for bygging av fleirbrukshall og oppretting av hallnemnd
Det vert etablert ei hallnemnd, samansett av følgjande representantar:
Éin representant frå SIL
Éin representant frå FAU
Teknisk forvaltningssjef (sekretær)
Ordførar (leiar)
Éin representant frå kvar av dei kommunestyregruppene – utanom Bygdalista – som ønskjer å vera med i nemnda. Gruppene melder til ordførar innan 27. mars om dei vil vera representerte i nemnda og ev. kven denne representanten er.
Hallnemnda skal inngå avtale med konsulentselskap/rådgjevar for utforming av ein moglegheitsstudie. I denne studien må det òg vera med ei vurdering av driftsmåte og -kostnader.
Hallnemnda rapporterer til formannskapet."
Brigt Olav Gåsdal (A) sette fram følgjande tilleggsframlegg til Monica Tjønna sitt framlegg:
"Som framlegget frå Monica Tjønna med slikt tillegg: Ein representant frå ungdomsrådet."
Monica Tjønna sette fram følgjande tilleggsframlegg til sitt eige framlegg, inkl. Brigt Olav Gåsdal sitt tilleggsframlegg:
"Økonomisk ramme for arbeidet er 1 millionar kroner".
Inge Aasgaard (Krf) sette fram følgjande framlegg:
"Som framlegget frå rådmannen, med følgjande tillegg; Økonomisk ramme er sett til 1.000.000 kr.".
Ordførar Knut Harald Frøland (Bl) bad om gruppemøte.
Etter gruppemøtet sette Monica Tjønna (Sp) fram følgjande reviderte framlegg, på vegner av seg sjølv, Øyvind Røen (Sp), Brigt Olav Gåsdal (A) og Inge Aasgaard (Krf):
"Mogelegheitsstudie for bygging av fleirbrukshall/idrettshall og oppretting av hallnemnd
Det vert etablert ei hallnemnd, samansett av følgjande representantar:
– Éin representant frå SIL
– Éin representant frå FAU
– Teknisk forvaltningssjef (sekretær)
– Ordførar (leiar)
- Éin representant frå Ungdomsrådet
– Éin representant frå kvar av partia som er representert i kommunestyret – utanom Bygdalista – som ønskjer å vera med i nemnda. Partia melder til ordførar (som her representerer BL) innan 27. mars om dei vil vera representerte i nemnda og ev. kven denne representanten er.
Hallnemnda skal inngå avtale med konsulentselskap/rådgjevar for utforming av ein moglegheitsstudie. I denne studien må det òg vera med ei vurdering av driftsmåte og -kostnader.
Hallnemnda rapporterer til formannskapet.
Økonomisk er satt med øvre ramme på kr. 1.000.000,-"
Inge Aasgaard og Brigt Olav Gåsdal trekte samstundes tilleggsframlegga som dei hadde sett fram før gruppmøtet.
I røystinga fekk rådmannen sitt framlegg sett opp mot det reviderte framlegget frå Monica Tjønna, Øyvind Røen, Brigt Olav Gåsdal og Inge Aasgaard. Det sistnemnde framlegget vart samrøystes vedteke.
Politikar | Parti | Medlemstype | Mobil | E-Post |
---|---|---|---|---|
Knut Harald Frøland | Bygdalista | Leiar | frolandkh@gmail.com | |
Øyvind Røen | Senterpartiet | Nestleiar | oyv.roen@gmail.com | |
Nils Aadland | Arbeidarpartiet | Medlem | nils.aadland@folkevald.samnanger.no | |
Harald Boge | Arbeidarpartiet | Medlem | harald.boge@samnanger.kommune.no | |
Olaug Karin Øystese | Arbeidarpartiet | Medlem | olaug.karin.oystese@folkevald.samnanger.no | |
Brigt Olav Gåsdal | Arbeidarpartiet | Medlem | ||
Tveiterås, Vidar | Arbeidarpartiet | Medlem | ||
Lena Tveit | Bygdalista | Medlem | tveitlena@yahoo.no | |
Martin Haugen | Bygdalista | Medlem | martin-haugen@hotmail.com | |
Anja Elisabeth Gjerde Markhus | Bygdalista | Medlem | anja.gjerde@hotmail.com | |
Solveig Vassenden | Bygdalista | Medlem | sol.vassenden@kvamnet.no | |
Karl Bård Kollbotn | Framstegspartiet | Medlem | karl.kollbotn@samnanger.kommune.no | |
Gunnar J. Bruvik | Framstegspartiet | Medlem | gunnar.bruvik@safa.no | |
Odd Arne Haga | Framstegspartiet | Medlem | odd.arne.haga@outlook.com | |
Arild Røen | Høgre | Medlem | ariroeen@online.no | |
Sture Tveit | Høgre | Medlem | sture.tveit@folkevald.samnanger.no | |
Inge Aasgaard | Kristeleg Folkeparti | Medlem | inge.aasgaard@samnanger.kommune.no | |
Øyvind Strømmen | Miljøpartiet Dei Grøne | Medlem | oyvindstrommen@gmail.com | |
Monica Tjønna | Senterpartiet | Medlem | monica.tjonna@kvamnet.no | |
Jon Magne Bogevik | Uavhengig representant | Medlem | jon.magne.bogevik@kvamnet.no | |
Kristian Jørgensen | Kristeleg Folkeparti | 1. vararepr. | kristianjorgensen@samnanger.kommune.no | |
Gunn Totland Moss (Ikke møtt) | Kristeleg Folkeparti | Medlem | gunn.totland.moss@gmail.com |