Møte i Kommunestyret den 26.04.2018

Vedtak

Møteinnkallinga og saklista vert godkjent.

Delegerte vedtak/referatsaker vert tekne til orientering.

Behandling

Godkjenning av innkalling og sakliste:
Ordførar Knut Harald Frøland (Bl) foreslo å ta dei to interpellasjonane som hadde kome inn til møtet etter dei faste sakene. Kommunestyret slutta seg til dette.

Eventuelle merknader til protokoll frå førre møte:
Ingen merknader.

Orienteringssaker:

Til minne om tidlegare ordførar Knut Langeland
Ordførar Knut Harald Frøland (Bl) las opp minneord frå tidlegare ordførar Knut Langeland si gravferd 17.04.2018. Etter dette var det eitt minutt stillheit, før kommunestyret song Tveitasongen, som er skriven av Knut Langeland.

Markering av jubilantar i kommunen
Ordførar Knut Harald Frøland (Bl) orienterte om at han 25.04 2018 deltok på ei markering for jubilantar blant dei tilsette i kommunen (tilsette som i 2017 hadde tenestetid på 25 år, 30 år og ein med 37 år). Han las deretter opp namna på dei tilsette som markeringa gjaldt: Anette Hyttel, Gunnveig K. Loe, Tone Kari Kristiansen, Aud Lygre Solvang, Liv S.H. Nordvik, Marit S. Trengereid, Marit Osa Tveiterås, Heidi Gjerde og Hans Tysse.

Presentasjon av Lyntogforum Vestlandsbanen
Orientering ved Thor Bjørlo, som er sekretær i forumet.

Datasenter i Børdalen
Ordførar Knut Harald Frøland (Bl) orienterte om status i saka. Det har kome positive signal frå fylkesmannen, men kommunen har enno ikkje fått skriftleg tilbakemelding frå fylkesmannen.

Sjukefråvær 1. kvartal 2018
Rådmann Charlotte Hageberg orienterte. Samla sjukefråvær i kommunen første kvartal 2018 var 8,94%. Ho orienterte om at kommunen har fått midlar frå KLP (200.000 kroner) for å jobba med nærværsarbeid.

Økonomirapport pr. 31.03.2018
Rådmann Charlotte Hageberg orienterte om økonomirapporten som låg ved møteinnkallinga. Dette er eit forslag til nytt oppsett for økonomirapport i forhold til tidlegare. Planen er at kommunestyremedlemmene heretter skal få tilsendt slik rapport kvar månad.

Grunngjevne spørsmål:

Grunngjeve spørsmål frå Frp om Skottabakken Odd Arne Haga (Frp) las opp grunngjevne spørsmål om nytt bufellesskap på Skottabakken (spørsmåla ligg som vedlegg til møteinnkallinga). Assisterande rådmann Hilde-Lill Våge las opp rådmannen sitt svar. Svaret ligg som vedlegg til møteprotokollen. Saka vil koma opp i formannskapet 31.05.2018.

Utvalet sitt kvarter:

Reguleringsplan for ny veg til Hagabakkane
Odd Arne Haga (Frp) viste til at kommunestyret i desember vedtok at det skal utarbeidast reguleringsplan for ny veg til Hagabakkane. Han viste til informasjon om at arbeidet er forseinka, og bad rådmannen sørga for at kommunestyret sitt vedtak vert følgt opp.

Klimagassutslepp i Samnanger kommune
Anja Marken (Mdg) spurde om kommunen har vurdert å setja opp ladestasjonar for el-bilar på den nye parkeringsplassen på Bjørkheim, samt om kommunen har vore i kontakt med NSB om ladestasjonar på parkeringsplassen ved Arna jernbanestasjon. Assisterande rådmann Hilde-Lill Våge svara. Ho orienterte om at det vil bli tilrettelagt for parkering til 49 bilar på den nye parkeringsplassen på Bjørkheim, og at det er lagt opp til at det skal vera tre ladepunkt der (det er krav om ladepunkt for minst 6% av parkeringsplassane). Det kan også bli meir enn tre ladepunkt og kommunen søkjer om tilkot til dette. Hilde-Lill Våge orienterte vidare om at kommunen har kontakt med fylkeskommunen om at me ønskjer fleire parkeringsplassar med ladepunkt ved jernbanestasjonane både i Arna og på Trengereid. Ordførar Knut Harald Frøland (Bl) orienterte om at han har hatt kontakt med representant frå Tesla i Noreg om moglegheit for Tesla-ladestasjon i Samnanger.

Vedtak

Det skal løyvast ein øyremerka fast årleg sum til kyrkja til vedlikehald, eventuelt med årleg indeksjustering. Storleiken på summen må avklarast i formannskapet sitt mai-møte. Det må òg sjåast på om kyrkja sjølv bør ta opp lån for å få gjennomført investeringar som ikkje kan finansierast gjennom det ordinære budsjettet. Kommunen må i så fall garantera for slikt lån.

Kontrollutvalet skal gjennomføra minst ein forvaltningskontroll pr. år. Det skal løyvast ein fast årleg sum til kontroll og tilsyn, eventuelt med årleg indeksjustering. Storleiken på summen må avklarast i formannskapet sitt mai-møte, mellom anna på grunnlag av innspel frå kontrollutvalet.

Økonomiske behov i Totræna vinterpark bør utgreiast og vurderast innarbeidd i budsjett/økonomiplan.

Det bør vera eit mål i 2019-budsjettet å få ei avsetjing på 6 millionar kroner til disposisjonsfondet, i tillegg til eit resultatkrav på 2%.

Det er fleire udekka behov innanfor IKT / prosessforbedringar i Samnanger kommune. Desse behova må kartleggjast og økonomiske konsekvensar må innarbeidast i budsjett 2019 og økonomiplan. 

Administrasjonen får i oppgåve å finna løysingar, moglegheiter for økonomisk støtte gjennom prosjekt e.l. og pris på utgifter for at kommunen kan levera og sortera plast på lik linje med private. Me må visa ansvar og vilje til å vera med på å løysa dagens problematikk med plast som ein stor miljøsyndar.

Det skal sjåast på moglegheitane for å inngå samarbeide med butikkar i nærmiljøet med tanke på å innføra prosjekt med gratis skulemat for ungane på skulen. Slike prosjekt finnes i andre kommunar, me har storkjøken på sjukeheimen, så moglegheitane er tilstades.

Behandling

Arild Røen (H) sette fram følgjande framlegg:

Tillegg:

• Det er fleire udekka behov innanfor IKT / prosessforbedringar i Samnanger kommune.  Desse behova må kartleggjast og økonomiske konsekvensar må innarbeidast i budsjett 2019 og økonomiplan 

• Økonomiske behov i Totræna vinterpark bør utgreiast og vurderast innarbeidd i budsjett / økonomiplan

Monica Tjønna (Sp) bad om gruppemøte.

Etter gruppemøtet sette Monica Tjønna fram følgjande tilleggsframlegg til formannskapet si tilråding i saka:

1) Administrasjonen får i oppgåve å finna løysingar, moglegheiter for økonomisk støtte gjennom prosjekt e.l. og pris på utgifter for at kommunen kan levera og sortera plast på lik linje med private. Me må visa ansvar og vilje til å vera med på å løysa dagens problematikk med plast som ein stor miljøsyndar.

2) Det skal sjåast på moglegheitane for å inngå samarbeide med butikkar i nærmiljøet med tanke på å innføra prosjekt med gratis skulemat for ungane på skulen. Slike prosjekt finnes i andre kommunar, me har storkjøken på sjukeheimen, så moglegheitane er tilstades.

Inge Aasgaard (Krf) sette fram følgjande framlegg til vedtak:

Framlegg til endring:

Det bør vera eit mål i 2019-budsjettet å få ei avsetjing på 6 millionar kroner til disposisjonsfondet, i tillegg til eit resultatkrav på 2%.

Det vart først gjennomført røysting over framlegga til Arild Røen, Monica Tjønna og Inge Aasgaard. Alle desse framlegga vart samrøystes vedtekne.

Det vart til slutt røysta over formannskapet si tilråding, inkludert dei vedtekne framlegga/tillegga ovanfor. Samrøystes vedteke.

Vedtak

Formannskapsmøta i Samnanger vert «streama» i ein prøveperiode ut 2018.

Behandling

Rådgjevar Jan Erik Boge orienterte innleiingsvis om at møta i formannskapet vil kunne streamast utan at det må brukast talarstol i møta.

Øyvind Røen (Sp) sette fram følgjande framlegg til vedtak:

Formannskapsmøta i Samnanger vert «streama» i ein prøveperiode ut 2018.

Det vart røysta over framlegget, som vart vedteke med 15 mot 6 røyster.

Vedtak

Samnanger kommune startar opp arbeidet med kommunal planstrategi for 2018 – 2021. Formannskapet vert styringsgruppe og leiarforum vert arbeidsgruppe. Planleggjar vert ansvarleg for planarbeidet.

Endeleg planstrategi skal handsamast av kommunestyret i november 2018.

Behandling

Formannskapet si tilråding vart samrøystes vedteke.

Vedtak

Kommunestyret tek rapporten om breibandsdekning til orientering. Det skal mellom anna på grunnlag av rapporten utarbeidast målsetjingar for breibandstilbodet i kommunen. Dette arbeidet kan gjerast som ein del av arbeidet med samfunnsdelen av kommuneplanen. På grunnlag av målsetjingane som vert vedtekne må det utarbeidast strategi/plan for vidare utbygging av breiband i kommunen.

Samnanger kommune må søkja om tilskotsmidlar til breibandsutbygging i NKOM sin søknadsrunde i 2018. Ved behov kan det leigast inn ekstern konsulent for å få utarbeidd søknadsgrunnlag i område det ikkje vart søkt om tilskot til i 2017. Eventuell innleige av ekstern konsulent vert finansiert med omdisponering av inntil 50.000 kroner av midlane som er avsett til tilskot til breibandsutbygging i området Rolvsvåg – Saga.

Resten av midlane avsett til utbygging av breiband i området Rolvsvåg - Sagen (omlag kr 50000,-) vert løyvd som tilskot til to konkrete prosjekt. Det eine er området med adresser til Bjelkarvikvegen og det andre er den delen av Ådland som ligg vest for Lindane - Ådland kai.

Administrasjonen får fullmakt til å forhandla med interessentane og fordela summen mellom dei to prosjekta mtp å få redusera tilkoplingsprisen ned mot standard sats på omlag kr 5000,- pr abonnent.

Behandling

Brigt Olav Gåsdal (A) sette på vegner av Arbeiderpartiet fram følgjande framlegg til tillegg til formannskapet si tilråding:

Tillegg til tilrådinga:

Resten av midlane avsett til utbygging av breiband i området Rolvsvåg - Sagen (omlag kr 50000,-) vert løyvd som tilskot til to konkrete prosjekt. Det eine er området med adresser til Bjelkarvikvegen og det andre er den delen av Ådland som ligg vest for Lindane - Ådland kai.

Administrasjonen får fullmakt til å forhandla med interessentane og fordela summen mellom dei to prosjekta mtp å få redusera tilkoplingsprisen ned mot standard sats på omlag kr 5000,- pr abonnent.

Olaug Øystese (A), Harald Boge (A) og Gunnar Bruvik (Frp) bad om å få gildskapen sin vurdert. Alle tre gjekk frå medan kommunestyret vurderte gildskapen deira. Alle tre vart med 16 mot 2 røyster funne gilde, og deltok derfor under handsaminga av saka. Knut Harald Frøland (Bl) og Øyvind Røen (Sp) røysta for at Olaug Øystese, Harald Boge og Gunnar Bruvik var ugilde i saka.

Formannskapet si tilråding inkludert tilleggsframlegget frå Arbeiderpartiet vart samrøystes vedteke.

Vedtak

Samnanger kommune gir Fjordtønna kompensasjon for meirutgifter dei er påført som economusee med kr 400.000.- Beløpet hentast frå disposisjonsfondet.

Behandling

Arild Røen (H) sette fram følgjande framlegg til vedtak:

Samnanger kommune gir Fjordtønna kompensasjon for meirutgifter dei er påført som economusee med kr 500.000.-  Beløpet hentast frå disposisjonsfondet. 

Knut Harald Frøland (Bl) bad om gruppemøte.

Etter gruppemøtet sette Monica Tjønna (Sp) fram følgjande framlegg til vedtak:

Etter ekstern rapport frå advokat hos KS vert det fastslått at Samnanger kommune ikkje har juridisk plikt til å betra vegtilkomsten hos Economuseé Fjordtønna.

Kommunen vil likevel gje ein kompensasjon på kr. 350.000,- til Fjordtønna.

Pengane vert teke frå næringsfondet.

Olaug Øystese (A) bad om gruppemøte.

Etter gruppemøtet sette Arild Røen fram følgjande endra framlegg til vedtak:

Samnanger kommune gir Fjordtønna kompensasjon for meirutgifter dei er påført som economusee med kr 400.000.- Beløpet hentast frå disposisjonsfondet.

Det vart først gjennomført prøverøysting over dei tre framlegga. Der fekk Arild Røen sitt framlegg 12 røyster, Monica Tjønna sitt framlegg 8 røyster og formannskapet sitt framlegg null røyster.

Knut Harald Frøland (Bl) bad om gruppemøte.

Etter gruppemøtet vart det gjennomført endeleg røysting, der framlegget til Arild Røen vart sett opp mot framlegget til Monica Tjønna. Arild Røen sitt framlegg fekkk 13 røyster og vart vedteke. Monica Tjønna sitt framlegg fekk 7 røyster.

Vedtak

Anja Marken (MDG) får fritak for dei politiske verva sine i Samnanger kommune frå og med mai 2018 og ut valperioden 2015 – 2019, som følgje av utflytting til annan kommune. Dette gjeld verva som medlem i naturutvalet og første varamedlem i kommunestyret.

Første varamedlem Gunn Østvik Petersen (A) går inn som medlem i naturutvalet i den perioden Anja Marken har fritak. Dei andre varamedlemmene til naturutvalet frå A og MDG rykkjer opp ein plass på vara-lista i den perioden Anja Marken har fritak.

MDG sine øvrige varamedlemmer til kommunestyret rykkjer opp ein plass på partiet si vara-liste i den perioden Anja Marken har fritak.

Vedtaket er gjort med heimel i reglane i §§ 15 og 16 i kommunelova.

Behandling

Anja Marken (Mdg) bad om å få gildskapen sin vurdert. Ho gjekk frå medan kommunestyret vurderte gildskapen hennar. Ho vart framleis funnen gild og deltok derfor under handsaminga av saka.

Rådmannen sitt framlegg til vedtak vart samrøystes vedteke.

Vedtak

Samnanger kommune ber om at desse punkta vert arbeidde inn i planen:

SauedriftI dag er produksjonen av kjøt frå sau og lam for lite berekraftig og må leggjast om.

1. Avlsarbeidet må endrast slik at det vert mindre vanleg for ei for ei søye å få meir enn to lam.. Dette er viktig både for dyrevelferda og for å unngå overproduksjon. Då vil ein òg redusera bruken av tilleggsfòr (mjølkeerstatning og kraftfôr) til lamma for å få dei slaktemogne.

2. Klassifiseringa av slakt (EUROP) bør endrast, slik at ikkje kravet til kjøtfylde er så strengt. I dag stimulerer denne klassifiseringa til intensiv bruk av kraftfôr før slakting.

3. Produksjonstilskotet frå staten bør leggjast om, slik at det vert mindre attraktivt med mange lam pr. søye.

Tilskot til driftsbygningar

Det er viktig for landbruket i Hordaland å ta vare på dei mindre bruka. Det er difor avgjerande at sauehald med færre enn 100 vinterfora dyr og får tilskot til fornying/nybygg av driftsbygningar.

Skogsvegar

Mykje av skogen i Hordaland står unytta. Det trengst tilskot til enkle skogsvegar for å henta ut meir av denne skogen.

Behandling

Landbrukssjef Øystein Svalheim orienterte innleiingsvis om temaplanen og om Bjørnefjorden landbrukskontor sine synspunkt på noko av innhaldet i planen.

Øyvind Røen (Sp) og Arild Røen (H) sette fram følgjande framlegg til vedtak:

Samnanger kommune ber om at desse punkta vert arbeidde inn i planen:

Sauedrift

1. Avlsarbeidet må endrast slik at det vert mindre vanleg for ei for ei søye å få meir enn to lam.. Dette er viktig både for dyrevelferda og for å unngå overproduksjon. Då vil ein òg redusera bruken av tilleggsfòr (mjølkeerstatning og kraftfôr) til lamma for å få dei slaktemogne.

2. Klassifiseringa av slakt (EUROP) bør endrast, slik at ikkje kravet til kjøtfylde er så strengt. I dag stimulerer denne klassifiseringa til intensiv bruk av kraftfôr før slakting.

3. Produksjonstilskotet frå staten bør leggjast om, slik at det vert mindre attraktivt med mange lam pr. søye.

Tilskot til driftsbygningar

Det er viktig for landbruket i Hordaland å ta vare på dei mindre bruka. Det er difor avgjerande at sauehald med færre enn 100 vinterfora dyr og får tilskot til fornying/nybygg av driftsbygningar.

Skogsvegar

Mykje av skogen i Hordaland står unytta. Det trengst tilskot til enkle skogsvegar for å henta ut meir av denne skogen.

Framlegget vart samrøystes vedteke.