Utval: | Kommunestyret |
---|---|
Dato: | 14.06.2018 09:00 - 16:05 |
Møtestad: | Kommunehuset |
Status: | Møteprotokoll er ferdig |
Sakskart: | |
Møteprotokoll: |
Møteinnkallinga og saklista vert godkjent.
Delegerte vedtak/referatsaker vert tekne til orientering.
Gode historiar
Røde Kors si besøksteneste
Ordførar Knut Harald Frøland (Bl) orienterte om Røde Kors si besøksteneste i Samnanger, som består av i alt 15 personar. Dei har drive med besøksteneste i 33 år, og besøkjer mellom anna flyktningar, beburarar på sjukeheimen og eldre personar som bur heime. I tillegg er dei assistentar på dagsenterert tre dagar i veka. Ordføraren framheva dette som eit veldig godt eksempel på frivilligheitsarbeid.
Godkjenning av innkalling og sakliste
Det var ingen merknader til innkallinga eller saklista.
Ordførar Knut Harald Frøland (Bl) foreslo at interpellasjonen som var kome inn til møtet vart handsama som eiga sak etter sak 018/18 Faste saker. Kommunestyret slutta seg til dette.
Eventuelle merknader til protokoll frå førre møte
Det var ingen merknader til protokollen frå førre møte.
Orienteringssaker
Status bygging av nytt bufellesskap på Skottabakken
Sektorleiar Grete Lill Hjartnes orienterte. Anbodsopning for totalenteprisen er 20.06.2018. Planleggjar Roald Aandahl orienterte om status for handsaming av søknad om dispensasjonar på Skottabakken.
Prestebustaden
Rådmann Charlotte Hageberg orienterte. Prestebustaden vil bli ledig ca. 01.09.2018, og vil mest sannsynleg bli lagt ut for sal. Kommunen fekk tidlegare i år ein takst på 4,75 mill kroner.
Sal av konsesjonskraft
Rådmann Charlotte Hageberg orienterte. Prisen for 2018 og 2019 vart låst for eit par veker sidan, då kraftprisane var svært høge. Kommunen er sikra minst 5 millionar kroner i årleg inntekt i 2018 og 2019. Budsjettert årleg inntekt var 3,1 millionar kroner.
Handtering av barnevernsaker
Rådmann Charlotte Hageberg orienterte. Ho arbeider no med å finna ut kven som kan hjelpa med å gå inn og sjå på dei aktuelle barnevernsakene. Det vil truleg vera nødvendig å gjennomføra anbodskonkurranse for dette oppdraget. Rådmannen har vore i kontakt med Bergen kommune for å få informasjon om korleis dei arbeider med denne typen saker. Rådmannen håpar at me i løpet av hausten bør ha på plass dei som skal sjå om det skal gjerast noko med dei aktuelle sakene.
Krekavegen
Rådmann Charlotte Hageberg orienterte. Det er no gjort berekning av trykk, leidningstjukkleik etc, som viser at vassleidninga er alt for liten. Det er sendt ut brev til Jan Ove Haga med informasjon om dette.
Status breibandsutbygging Bjelkarvikvegen og Ådland
Rådgjevar Jan Erik Boge orienterte. Administrasjonen har hatt dialog med Bergen Fiber etter at kommunestyret 26.04.2018 vedtok å gje tilskot på om lag 50.000 kroner til breibandsutbygging i Bjelkarvikvegen og på Ådland. Bergen Fiber har gitt tilbakemelding om at med dette tilskotet dei vil kunne byggja ut fiber i desse to områda dersom dei får nok bestillingar (minimum cal 60 prosent av husstandane i området). Salet vil no starta opp.
Konsesjonsvilkår Fitjavatnet
Ordførar Knut Harald Frøland (Bl) viste til at det i formannskapet 31.05.2018 vart bedt om ei orientering i kommunestyret 14.06.2018 om konsesjonsvilkåra for Fitjavatnet. Han orienterte vidare om at administrasjonen enno ikkje har hatt høve til å sjå på saka, og at det derfor i staden vil bli gitt svar på neste møte i formannskapet.
Status parkområdet på Bjørkheim Assisterande rådmann Hilde-Lill Våge orienterte om at det er lagt ut for sal ei hytte i parkområdet/friområdet på Bjørkheim. Kommunen ønskjer å koma i dialog med eigar med tanke på eventuelt kjøp av eigedomen.
Facebook-avstemming
Rådmannn Charlotte Hageberg orienterte om at kommunen har vunne ei Facebook-avstemming, og gjennom dette vunne midlar til robåt, kajakkar og redningsvestar. Dette vil vera utstyr som frivilligsentralen kan ha til gratis utlån i utstyrsbanken sin. Denne orienteringa vart halden etter handsaminga av sak 031/18.
Grunngjeve spørsmål
Grunngjeve spørsmål frå Frp v/Odd Arne Haga og Karl Kollbotn
Gunnar Bruvik (Frp) las opp det grunngjevne spørsmålet. Assisterande rådmann Hilde-Lill Våge las opp administrasjonen sitt svar. Svaret ligg som vedlegg til møteprotokollen.
Utvalet sitt kvarter
Informasjon om Samnangerveka i Kystkulturavisa
Arild Røen (H) viste til vedlegg til Bergens Tidende ("Kystkulturavisa 2018"), og spurde om Samnangerveko burde vore med i dette vedlegget. Ordførar Knut Harald Frøland (Bl) orienterte om at han allereie har vore i kontakt med leiaren for Kystsogeveka vedrørande dette. Kystsogeveka har gjort eit styrevedtak om at dei vil sjå på ei utviding, og at det då vil passa godt at Samnanger vert med.
Planar om nye fiskeoppdrettsanlegg i Samnangerfjorden
Arild Røen (H) viste til at det truleg skal etablerast ein god del fiske-merdar ute i Samnangerfjorden, og spurde om Samnanger kommune er involvert/har gitt uttale i samband med dette. Ordførar Knut Harald Frøland (Bl) svara. Kommunen har allereie fått saka "på bordet" og vil følgja den opp. Ordføraren har òg vore i kontakt med fylkesmannen om saka.
Hallnemnda
Svein Verner Røseth (Frp) stilte spørsmål om eit møte 23.05.2018 i hallnemnda, der den som hadde kalla inn til møtet ikkje møtte. Ordførar Knut Harald Frøland (Bl) orienterte kort om saka. Han er leiar i hallnemnda.
Samrøystes vedtak.
Det vert gjort fylgjande budsjettjusteringar:
Lena Tveit (Bl) hadde ein merknad til ei setning på sida 8 i møteinnkallinga, om krevjande pasientar som krev auka bemanning, som ho meiner kan vera stigmatiserande.
Rådmann Charlotte Hageberg, sektorleiar RIta Ludvigsen og økonomisjef Nina Erdal svara på spørsmål frå kommunestyret.
Formannskapet si tilråding vart samrøystes vedteke.
Finansrapportering for 1.tertial 2018 vert tatt til etterretning.
Formannskapet si tilråding vart samrøystes vedteken.
Årsmelding for Samnanger kommune for 2017 vert teken til orientering
Rådmann Charlotte Hageberg svara på spørsmål frå Sture Tveit (H) om sjukefråværet i kommunen. Sjukefråværet blir no målt månad for månad, og førebels ser det ut til at sjukefråværet har gått markert ned i 2018 i forhold til 2017. Rådmannen viste òg statistikk som viser dette.
Etter spørsmål frå Sture Tveit (H) gjekk økonomisjef Nina Erdal gjennom dei punkta som revisor har påpeika i sin revisjonsrapport for 2017 (sjå side 251 og 252 i møteinnkallinga).
Gunnar Bruvik (Frp) stilte eit spørsmål til ei setning på side 51 i møteinnkallinga, der det står at det er vedteke å utarbeide reguleringsplan for ny trase opp i Hagabotnane innan 2018. Han spurde "kvifor set administrasjonen kommunestyret sitt vedtak til side utan å informera?".Assisterande rådmann Hilde-Lill Våge svara, og beklaga dersom denne setninga kunne lesast slik at administrasjonen set kommunestyret sitt vedtak til side.
Brigt Olav Gåsdal (Ap) viste til at det er brukt mørk bakgrunnsfarge i ein del tekstfelt i årsmeldinga, og at dette kan vera vanskeleg å lesa. Han viste også til at det ser ut til at namnet "Høgspent'n" i liten grad vert brukt når det vert skrive om biblioteket, og oppmoda om at kommunen brukar namnet "Høgspent'n".
Formannskapet si tilråding vart samrøystes vedteke.
Rekneskapen for 2017 vert godkjent slik han ligg føre. Mindreforbruk/overskot for 2017 på 8921,55 vert sett over til disposisjonsfondet.
Brigt Olav Gåsdal viste til at det i siste setning i framlegget til vedtak står "mindreforbruk/overskot frå 2016". Han spurde om rett årstal her skal vera 2017. Rådmann Charlotte Hageberg stadfesta at rett årstal skal vera 2017.
Sture Tveit (H) spurde om det er nokon tidsfrist for når rekneskapen skal behandlast av kommunestyret. Økonomisjef Nina Erdal orienterte om at fristen er 30. juni.
Formannskapet sitt framlegg til vedtak vart samrøystes vedteke, med følgjande endring:
Årstalet i den siste setninga i vedtaket skal vera 2017, ikkje 2016.
Rådmannen sitt framlegg til høyringsuttale til utkast til prehospital plan for Helse Bergen HF vert vedteke.
Formannskapet si tilråding vart samrøystes vedteke.
Rådmannen får fullmakt til å utvida stillingsramma ved sørvissenteret med ei 100% stilling for ein periode på inntil 1 år, med verknad frå sommaren 2018. Det vert gitt tilleggsløyving på inntil 300.000 kroner frå disposisjonsfondet til finansiering av lønsutgiftene i 2018. Lønsutgiftene i 2019 må leggjast inn i rådmannen sitt budsjettframlegg.
Rådmannen får i denne saka fullmakt til å nytta heimelen til mellombels tilsetjing i arbeidsmiljølova § 14-9 bokstav f. Dette betyr at kommunestyret i denne saka set til sides administrasjonsutvalet sitt vedtak i sak 004/15 om at Samnanger kommune ikkje skal nytta denne heimelen.
Rådmann Charlotte Hageberg orienterte om at 2019 ser ut til å bli eit tøft år økonomisk og at det gjeld å setja "bremsane" på tidleg nok . Rådmannen orienterte om at ho på bakgrunn av dette ønskjer eit anna vedtak enn formannskapet si tilråding. Ho ønskjer at det skal opprettast ei 1-årig mellombels stilling ved sørvissenteret, i staden for ei fast stilling. Heimel for mellombels tilsetjing vil vera arbeidsmiljølova § 14-9 bokstav f.
Ordførar Knut Harald Frøland (Bl) sette fram følgjande framlegg til vedtak:
"Rådmannen får fullmakt til å utvida stillingsramma ved sørvissenteret med ei 100% stilling for ein periode på inntil 1 år, med verknad frå sommaren 2018. Det vert gitt tilleggsløyving på inntil 300.000 kroner frå disposisjonsfondet til finansiering av lønsutgiftene i 2018. Lønsutgiftene i 2019 må leggjast inn i rådmannen sitt budsjettframlegg.
Rådmannen får i denne saka fullmakt til å nytta heimelen til mellombels tilsetjing i arbeidsmiljølova § 14-9 bokstav f. Dette betyr at kommunestyret i denne saka set til sides administrasjonsutvalet sitt vedtak i sak 004/15 om at Samnanger kommune ikkje skal nytta denne heimelen."
Olaug Øystese (A) bad om gruppemøte.
Etter gruppemøtet vart det gjennomført røysting, der formannskapet si tilråding sett opp mot ordføraren sitt framlegg. Ordføraren sitt framlegg vart samrøystes vedteke.
Samnanger kommune ønskjer å gå inn i det interkommunale samarbeidet IKT Nordhordland (IKTNH).
Under føresetnad av at Samnanger får gå inn i IKTNH, bør arbeidet med å overføra kommunen si IKT-drift til IKTNH starta allereie hausten 2018.
Overføringa av kommunen si IKT-drift til IKTNH skal så langt som mogleg gjennomførast innanfor ei økonomisk ramme på maksimalt 1,25 millionar kroner. Utgifter til eventuelt skifte av økonomi- og lønssystem i 2019 eller 2020 vil koma i tillegg, og skal så langt som mogleg gjennomførast innanfor ei økonomisk ramme på maksimalt 1,4 millionar kroner.
Det vert løyvd inntil 1,25 millionar kroner til dekking av utgifter i 2018 knytt til overføring av kommunen si IKT-drift til IKTNH. Dette skal finansierast med auka inntekter på konsesjonskraft. Eventuelle utgifter frå og med 2019 må innarbeidast i budsjett/økonomiplan.
Rådmannen har ansvar for å halda kommunestyret orientert om framdrifta i saka.
Det er viktig at kommunen sine IKT-tilsette blir godt ivartekne i prosessen, og at rettane dei har etter lov- og avtaleverket vert følgt opp.
Øyvind Røen (Sp) bad om å få gildskapen sin vurdert. Han er onkel til den eine av dei to IKT-tilsette i kommunen. Han gjekk frå medan kommunestyret vurderte gildskapen hans. 14 medlemmer røysta for at Øyvind Røen er ugild i saka og 6 røysta for at han er gild. Øyvind Røen deltok derfor ikkje i handsaminga av saka.
Ugild | Gild |
Gunn Østvik Petersen (A) | Arild Røen (H) |
Olaug Øystese (A) | Sture Tveit (H) |
Roger G. Urås (A) | Øyvind Strømmen (Mdg) |
Inge Aasgaard (Krf) | Nils Aadland (A) |
Gunn Totland Moss (Krf) | Brigt Olav Gåsdal (A) |
Svein Verner Røseth (Frp) | Jon Magne Bogevik (Uavhengig) |
Gunnar Bruvik (Frp) | |
Ingvild R. Bogevik (Frp) | |
Knut Harald Frøland (Bl) | |
Lena Tveit (Bl) | |
Anja Elisabeth G. Markhus (Bl) | |
Martin Haugen (Bl) | |
Solveig Vassenden (Bl) | |
Monica Tjønna (Sp) |
Brigt Olav Gåsdal (A) foreslo at Monica Tjønna (Sp) gjekk inn som setje-varaordførar i handsaminga av denne saka. Kommunestyret slutta seg til dette, og Monica Tjønna gjekk inn som setje-varaordførar.
Monica Tjønna (Sp) bad om gruppemøte.
Etter gruppemøtet sette Nils Aadland (A) fram framlegg om å utsetja saka. Etter vidare debatt i møtet trekte Nils Aadland utsetjingsframlegget.
Rådmannen sitt framlegg til vedtak vart samrøystes vedteke.
Samnanger kommune søkjer om å få delta i prøveprosjekt åleine eller saman med kommunar nær oss med tannlege i kommunal regi.
Formannskapet si tilråding vart samrøystes vedteken.
Samnanger kommune innfører med verknad frå 2018 eit gebyr på kr. 449,- inkl. mva pr. år pr. fritidsbustad for feie- og tilsynstenester. Det nye gebyret vert teke inn kommunen sitt avgiftshefte.
Formannskapet si tilråding vart samrøystes vedteken.
Kommuneplanen sin arealdel for Samnanger 2017-2027 med planskildring, føresegner og plankart revidert 06.06.2017, vert vedteke med heimel i plan- og bygningsloven § 11-15.
Planleggjar Roald Aandahl orienterte om at kommunestyret i denne saka må gjera eit anna vedtak enn naturutvalet. Naturutvalet sitt vedtak vil likevel framleis gjelda, og var heilt nødvendig å gjera i saka. Roald Aandahl las opp rådmannen sitt framlegg til vedtak i kommunestyret:
"Kommuneplanen sin arealdel for Samnanger 2017-2027 med planskildring, føresegner og plankart revidert 06.06.2017, vert vedteke med heimel i plan- og bygningsloven § 11-15.
Rådmannen sitt framlegg vart samrøystes vedteke.
Samnanger kommune roser ei prioritert og rask utbygging av ny veg og togbane mellom Arna og Voss. Samnanger kommune roser og den regionale effekt prosjektet spesielt vil gje for kommunane Vaksdal og Voss.
Samnanger kommune meiner at viktigheten av å bygge ny veg og bane mellom Arna og Voss forsvarer ei løysing kor ein ikkje gjennomfører kommuneplan, men går direkte frå KVU til statleg reguleringsplan. Samnanger kommune meiner samstundes at dette ikkje må redusere moglegheit for at ressursbruk kan gje størst mogeleg regional effekt.
I lys av eit prioritert nasjonalt ønske om nullvekst i bilbruk stiller Samnanger kommune spørsmålsteikn til om dei regionale konsekvensane er tilstrekkeleg utgreidde. Samnanger kommune meiner at mindre vesentlege endringar av «K5-korridorløysing» vil kunne gje betydeleg reduksjon av bilbruk inn mot Arna/ Bergen og samtidig gje stor auke i bruk av kollektivtransport. Dette gjeldt for dei mange reisande frå kommunane Samnanger, Kvam, Fusa og bygda Trengreid.
Samnanger kommune ber om at følgjande blir vurdert i planprogrammet:
Ny togstasjon på Trengreid med hensiktsmessig løysing for overgang buss – tog og med tilstrekkeleg plass for innfartsparkering.
God løysing av eventuell framtidig tunell frå ny E16 mot Samnanger og Kvam.
At prosjektet blir sett i lys av kommande kommunedelplan for sikring av Tokagjelet, kor eit av alternativa er tunell under Kvamskogen og Eikedalen.
At prosjektet blir sett i lys av stamveg aust-vest, E-134.
At Hisdal i Samnanger blir vurdert som alternativ til Trengreid som trafikknutepunkt.
At prosjektet vurderer regionale effektar for responstider til utrykkingskjøretøy.
Bruk av steinmasser i Samnanger kommune på 1 million m3 eller meir.
Det må gjerast varige tiltak på FV 7 som vil fungera som avlastingsveg i anleggsperioden.
Uavhengig av framtidig planløysing, må det verta ein monaleg auke i parkeringsplassar i Arna.
Samnanger kommune ber om å få vere representert i styringsgruppe for vidare prosess.
Ordførar Knut Harald Frøland (Bl) gjorde merksam på at det er ein feil i rådmannen sitt framlegg til vedtak. I punkt 5 skal det stå "1.000.000m3 anbrakte massar", ikkje "1.000.000m2 anbrakte massar".
Ordførar Knut Harald Frøland sette fram følgjande framlegg til vedtak:
"Samnanger kommune roser ei prioritert og rask utbygging av ny veg og togbane mellom Arna og Voss. Samnanger kommune roser og den regionale effekt prosjektet spesielt vil gje for kommunane Vaksdal og Voss.
Samnanger kommune meiner at viktigheten av å bygge ny veg og bane mellom Arna og Voss forsvarer ei løysing kor ein ikkje gjennomfører kommuneplan, men går direkte frå KVU til statleg reguleringsplan. Samnanger kommune meiner samstundes at dette ikkje må redusere moglegheit for at ressursbruk kan gje størst mogeleg regional effekt.
I lys av eit prioritert nasjonalt ønske om nullvekst i bilbruk stiller Samnanger kommune spørsmålsteikn til om dei regionale konsekvensane er tilstrekkeleg utgreidde. Samnanger kommune meiner at mindre vesentlege endringar av «K5-korridorløysing» vil kunne gje betydeleg reduksjon av bilbruk inn mot Arna/ Bergen og samtidig gje stor auke i bruk av kollektivtransport. Dette gjeldt for dei mange reisande frå kommunane Samnanger, Kvam, Fusa og bygda Trengreid.
Samnanger kommune ber om at følgjande blir vurdert i planprogrammet:
Ny togstasjon på Trengreid med hensiktsmessig løysing for overgang buss – tog og med tilstrekkeleg plass for innfartsparkering.
God løysing av eventuell framtidig tunell frå ny E16 mot Samnanger og Kvam.
At prosjektet blir sett i lys av kommande kommunedelplan for sikring av Tokagjelet, kor eit av alternativa er tunell under Kvamskogen og Eikedalen.
At prosjektet blir sett i lys av stamveg aust-vest, E-134.
At Hisdal i Samnanger blir vurdert som alternativ til Trengreid som trafikknutepunkt.
At prosjektet vurderer regionale effektar for responstider til utrykkingskjøretøy.
Bruk av steinmasser i Samnanger kommune på 1 million m3 eller meir.
Samnanger kommune ber om å få vere representert i styringsgruppe for vidare prosess."
Arild Røen (H) bad om gruppemøte.
Etter gruppemøtet sette Arild Røen fram følgjande framlegg til vedtak:
"Samnanger kommune roser ei prioritert og rask utbygging av ny veg og togbane mellom Arna og Voss. Samnanger kommune roser og den regionale effekt prosjektet spesielt vil gje for kommunane Vaksdal og Voss.
Samnanger kommune meiner at viktigheten av å bygge ny veg og bane mellom Arna og Voss forsvarer ei løysing kor ein ikkje gjennomfører kommuneplan, men går direkte frå KVU til statleg reguleringsplan. Samnanger kommune meiner samstundes at dette ikkje må redusere moglegheit for at ressursbruk kan gje størst mogeleg regional effekt.
I lys av eit prioritert nasjonalt ønske om nullvekst i bilbruk stiller Samnanger kommune spørsmålsteikn til om dei regionale konsekvensane er tilstrekkeleg utgreidde. Samnanger kommune meiner at mindre vesentlege endringar av «K5-korridorløysing» vil kunne gje betydeleg reduksjon av bilbruk inn mot Arna/ Bergen og samtidig gje stor auke i bruk av kollektivtransport. Dette gjeldt for dei mange reisande frå kommunane Samnanger, Kvam, Fusa og bygda Trengreid.
Samnanger kommune ber om at følgjande blir vurdert i planprogrammet:
Ny togstasjon på Trengreid med hensiktsmessig løysing for overgang buss – tog og med tilstrekkeleg plass for innfartsparkering.
Auka innfartsparkering i Arna må vurderast på nytt
Det må gjerast tiltak for å gjera Fv7 som avlastningsvei i anleggsperiode E16."
Ordførar Knut Harald Frøland bad om gruppemøte.
Etter gruppemøtet sette ordførar Knut Harald Frøland fram følgjande reviderte framlegg til vedtak:
"Samnanger kommune roser ei prioritert og rask utbygging av ny veg og togbane mellom Arna og Voss. Samnanger kommune roser og den regionale effekt prosjektet spesielt vil gje for kommunane Vaksdal og Voss.
Samnanger kommune meiner at viktigheten av å bygge ny veg og bane mellom Arna og Voss forsvarer ei løysing kor ein ikkje gjennomfører kommuneplan, men går direkte frå KVU til statleg reguleringsplan. Samnanger kommune meiner samstundes at dette ikkje må redusere moglegheit for at ressursbruk kan gje størst mogeleg regional effekt.
I lys av eit prioritert nasjonalt ønske om nullvekst i bilbruk stiller Samnanger kommune spørsmålsteikn til om dei regionale konsekvensane er tilstrekkeleg utgreidde. Samnanger kommune meiner at mindre vesentlege endringar av «K5-korridorløysing» vil kunne gje betydeleg reduksjon av bilbruk inn mot Arna/ Bergen og samtidig gje stor auke i bruk av kollektivtransport. Dette gjeldt for dei mange reisande frå kommunane Samnanger, Kvam, Fusa og bygda Trengreid.
Samnanger kommune ber om at følgjande blir vurdert i planprogrammet:
Ny togstasjon på Trengreid med hensiktsmessig løysing for overgang buss – tog og med tilstrekkeleg plass for innfartsparkering.
God løysing av eventuell framtidig tunell frå ny E16 mot Samnanger og Kvam.
At prosjektet blir sett i lys av kommande kommunedelplan for sikring av Tokagjelet, kor eit av alternativa er tunell under Kvamskogen og Eikedalen.
At prosjektet blir sett i lys av stamveg aust-vest, E-134.
At Hisdal i Samnanger blir vurdert som alternativ til Trengreid som trafikknutepunkt.
At prosjektet vurderer regionale effektar for responstider til utrykkingskjøretøy.
Bruk av steinmasser i Samnanger kommune på 1 million m3 eller meir.
Det må gjerast varige tiltak på FV 7 som vil fungera som avlastingsveg i anleggsperioden.
Uavhengig av framtidig planløysing, må det verta ein monaleg auke i parkeringsplassar i Arna.
Samnanger kommune ber om å få vere representert i styringsgruppe for vidare prosess."
Prøverøysting:
Det vart først gjennomført prøverøysting, der framlegga til ordførar Knut Harald Frøland og Arild Røen vart sett opp mot kvarandre. Dei tre første avsnitta og første setning i fjerde avsnitt i desse to framlegga er identiske og vart samrøystes vedtekne. Det vart så røysta punktivs over kvart punkt i det fjerde avsnittet i framlegget til ordførar Knut Harald Frøland. Ordlyden i to av dei tre punkta i fjerde avsnitt i framlegget til Arild Røen er ikkje heilt identisk med tilsvarande punkt i ordførar Knut Harald Frøland sitt framlegg, men innhaldet er så likt at det berre vart røysta over punkta i ordførar Knut Harald Frøland sitt framlegg.
Punkt 1: Ny togstasjon på Trengreid med hensiktsmessig løysing for overgang buss – tog og med tilstrekkeleg plass for innfartsparkering. Dette punktet vart samrøystes vedteke.
Punkt 2: God løysing av eventuell framtidig tunell frå ny E16 mot Samnanger og Kvam. Dette punktet vart samrøystes vedteke.
Punkt 3: At prosjektet blir sett i lys av kommande kommunedelplan for sikring av Tokagjelet, kor eit av alternativa er tunell under Kvamskogen og Eikedalen. 10 røysta for og 10 røysta imot dette punktet. På grunn av at ordføraren røysta for, vart punktet vedteke.
Punkt 4: At prosjektet blir sett i lys av stamveg aust-vest, E-134. 10 røysta for og 10 røysta imot dette punktet. På grunn av at ordføraren røysta for, vart punktet vedteke.
Punkt 5: At Hisdal i Samnanger blir vurdert som alternativ til Trengreid som trafikknutepunkt. 10 røysta for og 10 røysta imot dette punktet. På grunn av at ordføraren røysta for, vart punktet vedteke.
Punkt 6: At prosjektet vurderer regionale effektar for responstider til utrykkingskjøretøy. 18 røysta for og 2 røysta imot dette punktet.
Punkt 7: Bruk av steinmasser i Samnanger kommune på 1 million m3 eller meir. Samrøystes vedteke.
Punkt 8: Det må gjerast varige tiltak på FV 7 som vil fungera som avlastingsveg i anleggsperioden. Samrøystes vedteke.
Punkt 9: Uavhengig av framtidig planløysing, må det verta ein monaleg auke i parkeringsplassar i Arna. Samrøystes vedteke.
Det vart til slutt i prøverøystinga røysta over det siste avsnittet i ordførar Knut Harald Frøland sitt framlegg: Samnanger kommune ber om å få vere representert i styringsgruppe for vidare prosess. Samrøystes vedteke.
Endeleg røysting:
I den endelege røystinga vart det først røysta over rådmannen sitt framlegg til vedtak. Dette framlegget fekk ingen røyster.
Det vart så gjennomført blokkvis røysting der framlegget til ordførar Knut Harald Frøland vart sett opp mot framlegget til Arild Røen. Ordlyden i to av dei tre punkta i fjerde avsnitt i framlegget til Arild Røen er ikkje heilt identisk med tilsvarande punkt i ordførar Knut Harald Frøland sitt framlegg, men innhaldet er så likt at det berre vart røysta over punkta i ordførar Knut Harald Frøland sitt framlegg.
Det vart først røysta over dei tre første avsnitta og første setning i fjerde avsnitt i framlegga, punkt 1, 2, 7, 8, 9 i fjerde avsnitt i ordførar Knut Harald Frøland sitt framlegg, samt siste avsnitt i ordførar Knut Harald Frøland sitt framlegg. Samrøystes vedteke.
Det vart så røysta over kulepunkt 3, 4 og 5 i fjerde avsnitt i ordførar Knut Harald Frøland sitt framlegg. 10 røysta for og 10 imot desse punkta. På grunn av at ordføraren røysta for, vart desse punkta vedtekne.
For | Imot |
Knut Harald Frøland (Bl) | Arild Røen (H) |
Lena Tveit (Bl) | Sture Tveit (H) |
Anja Elisabeth G. Markhus (Bl) | Øyvind Strømmen (Mdg) |
Martin Haugen (Bl) | Nils Aadland (A) |
Solveig Vassenden (Bl) | Brigt Olav Gåsdal (A) |
Svein Verner Røseth (Frp) | Gunn Østvik Petersen (A) |
Gunnar Bruvik (Frp) | Olaug Øystese (A) |
Ingvild R. Bogevik (Frp) | Roger G. Urås (A) |
Øyvind Røen (Sp) | Inge Aasgaard (Krf) |
Monica Tjønna (Sp) | Gunn Totland Moss (Krf) |
Det vart til slutt røysta over punkt 6 i fjerde avsnitt i ordførar Knut Harald Frøland sitt framlegg. Samrøystes vedteke.
Politikar | Parti | Medlemstype | Mobil | E-Post |
---|---|---|---|---|
Knut Harald Frøland | Bygdalista | Leiar | frolandkh@gmail.com | |
Øyvind Røen | Senterpartiet | Nestleiar | oyv.roen@gmail.com | |
Nils Aadland | Arbeidarpartiet | Medlem | nils.aadland@folkevald.samnanger.no | |
Olaug Karin Øystese | Arbeidarpartiet | Medlem | olaug.karin.oystese@folkevald.samnanger.no | |
Brigt Olav Gåsdal | Arbeidarpartiet | Medlem | ||
Lena Tveit | Bygdalista | Medlem | tveitlena@yahoo.no | |
Martin Haugen | Bygdalista | Medlem | martin-haugen@hotmail.com | |
Anja Elisabeth Gjerde Markhus | Bygdalista | Medlem | anja.gjerde@hotmail.com | |
Solveig Vassenden | Bygdalista | Medlem | sol.vassenden@kvamnet.no | |
Gunnar J. Bruvik | Framstegspartiet | Medlem | gunnar.bruvik@safa.no | |
Arild Røen | Høgre | Medlem | ariroeen@online.no | |
Sture Tveit | Høgre | Medlem | sture.tveit@folkevald.samnanger.no | |
Inge Aasgaard | Kristeleg Folkeparti | Medlem | inge.aasgaard@samnanger.kommune.no | |
Gunn Totland Moss | Kristeleg Folkeparti | Medlem | gunn.totland.moss@gmail.com | |
Øyvind Strømmen | Miljøpartiet Dei Grøne | Medlem | oyvindstrommen@gmail.com | |
Monica Tjønna | Senterpartiet | Medlem | monica.tjonna@kvamnet.no | |
Jon Magne Bogevik | Uavhengig representant | Medlem | jon.magne.bogevik@kvamnet.no | |
Gunn Østvik Petersen | Arbeidarpartiet | 1. vararepr. | gunn.o.petersen@kvamnet.no | |
Ingvild Raftevoll Bogevik | Framstegspartiet | 1. vararepr. | ingvild.bogevik@kvamnet.no | |
Urås, Roger Gjerde | Arbeidarpartiet | 2. vararepr. | ||
Svein Verner Røseth | Framstegspartiet | 4. vararepr. | sveinv44@gmail.com | |
Tveiterås, Vidar (Ikke møtt) | Arbeidarpartiet | Medlem | ||
Harald Boge (Ikke møtt) | Arbeidarpartiet | Medlem | harald.boge@samnanger.kommune.no | |
Karl Bård Kollbotn (Ikke møtt) | Framstegspartiet | Medlem | karl.kollbotn@samnanger.kommune.no | |
Odd Arne Haga (Ikke møtt) | Framstegspartiet | Medlem | odd.arne.haga@outlook.com |