Møte i Kommunestyret den 08.11.2018

Vedtak

• Møteinnkallinga og saklista vert godkjent.

• Delegerte vedtak/referatsaker vert tekne til orientering.

Behandling

Godkjenning av innkalling og sakliste
Det var ingen merknader til innkallinga eller saklista.

Eventuelle merknader til protokoll frå førre møte
Det var ingen merknader til protokolle frå førre møte.

Kystsogevekene
Presentasjon av "Kystsogevekene" med Kjell Magnus Økland.


Orienteringssaker:

Vindmøller
Ordføraren orienterte om NVE sitt arbeid med ein nasjonal ramme for vindkraft på land. I brev til kommunen datert 08.06.2018 og 05.09.2018 skriv NVE at det i denne omgang er fagleg informasjon av overordna karakter dei ønskjer. Fristen for å gje slik tilbakemeldingar var 20.10.2018.
Ordføraren informerte om at fleire av nabokommunane til Samnanger har gjeve tilbakemelding av ein meir politisk karakter. NVE seier i samtale med ordførar, at desse innspela ikkje vert tekne med i denne omgang. På eit seinare tidspunkt i prosessen, vil vera høve til å komma med politiske innspel og meir generelle synspunkt på den nasjonale ramma. Truleg etter april 2019.

Kvalitetsdialog - Barnefattigdom
Ordføraren fortalte om korleis leiinga og formannskapet arbeidde med dette temaet i kvalitetsdialogen i 2018. Rådmannen fortalte om korleis dei ulike einingane arbeider førebyggjande og aktivt for å få ned talet på fattige born i kommunen. Kulturkontoret sine mange gratistilbod for born er eit eksempel på dette. Nav-kontoret skal også starta opp eit prosjekt der det vert fokuset på førebygging.

Botnahytta
Ordføraren fortalte at han hadde hatt eit møte med fylkeskonservatoren om Botnahytta. Grunneigaren var også invitert ,men møtte ikkje på dette møtet. Utfallet av møtet var at fylkeskonservatoren ville mellombels freda hytta. Prosessen med å finna ei god løysing vil halda fram.


Utvalet sitt kvarter:

Kostnadar - Nytt bufellesskap for funksjonshemma på Stottebakken
Karl Bård Kollbotn (Frp) viste til kommunestyrevedtak (KS 039/18) der administrasjonen og byggjekomiteen fekk i oppdrag å sjå på innsparingar undervegs i prosjektet. Han ser det som positivt at administrasjonen har fått laga ein rapport med forslag til innsparingstiltak i prosjektet.
Han stilte følgjande spørsmål:
1) Kvifor vart ikkje denne studien gjennomført før kommunestyret fatta vedtak om bygging?
2) Vart det ikkje stilt spørsmål til kostnadane i prosjektet av administrasjonen?
3) Er det for seint å få gjennomført nokon av innsparingstiltaka?
4) Vil administrasjonen gjera liknande studier i framtidige prosjekt?
5) Har administrasjonen nok kompetanse til å vurdera kostnadnadane i slike prosjekt?

Rådmannen svara på spørsmåla:
1) Studien vart ikkje gjennomført før vedtaket i KS, fordi planen var at kommunen skulle bruka ein intern prosjektledar som var tilsett i Samnanger kommune. Det var sett av 30% stilling til dette.
2) Administrasjonen stilte spørsmål om kostnadane, men ein ser i ettertid at det brude vore sett av meir tid på dette.
3) Det er ikkje for seint å få gjennomført innsparingstiltak. Kommunen har ein dialog med Abo om dette. Det er mogleg å spara på standarden uten at det går utover kvaliteten som på f.eks rekkverk, glasstak og naturstein. Størrelsen på bygget vert som planlagt. 01.01.2020 vert det innført krav om dagsenter får funksjonshemma. Med dette bygget vil me då alt ha rom til denne typen aktivitet.
4 og 5) Administrasjonen vil gjera liknande studier i framtidige prosjekt. Det vil verta kjøpt inn kompetanse der ein ser dette trengs. Ein lite organisasjon som Samnanger kommmune kan ikkje har kompetanse på alt.

Trafikkurs for eldre
Leiar i eldrerådet Solveig Vassenden (Bl) har vore på fylkeskommunen sin to dagars eldrerådskonferranse i Bergen. Der fekk ho inspirasjon til å arrangera traffikalt påbyggingskurs for eldre over 65 år. Dette håpar ho på at eldrerådet i Samnanger skal få til å gjennomføra.

Julegåver - barnefattigdom
Monica Tjønna (Sp) oppfordra kommunestyremedlemmane til å ta med kvar si julegåve på julemøte i kommunestyret 13.desember. NAV får i oppdrag å kan dela ut gåvene til barnefamiliar med låg inntekt.
Det er eit ønskje om at kommunestyret får opplysningar om kva aldersgruppe desse borna er i.
Heile kommunestyret slutta seg til denne oppfordringa.

Bygningsmassen i Samnanger
Odd Arne Haga (Frp) viser til kommunestyret sitt vedtak om å opptimalisera bygningsmassen i kommunen. Han spør om kva administrasjonen har gjort med dette til no.
Rådmannen fortel at dette vert teke med i eigedomsplanen som skal utarbeidast, og ligg som ein del budsjettet. Saka skal handsamast politisk i juni 2019.

Hendelse på legekontoret
Odd Arne Haga (Frp) undrar seg over ei hending der ein skada, eldre pasient vart avvist på legekontoret då legen er i ferd med å gå for dagen.
Rådmannen undersøkja saka.


Interpellajonar:

Matsvinn
Øyvind Strømmen (MDG) las opp interpellasjonen.
Rådmannen las opp svaret frå administrasjonen.
Svaret ligg som vedlegg til denne møteprotokollen.

Klimatiltak
Øyvind Røen (Sp) las opp interpellasjonen med følgjande fremlegg til vedtak:
Rådmannen legg i første kvartal 2019 fram ei sak for kommunestyret om korleis Samnanger kommune kan arbeida vidare med å auka innsatsen mot menneskeskapte klimaendringar. I denne saka skal det vurderast om det skal lagast ein ny klimaplan eller om det er andre tiltak som er meir føremålstenlege.

Rådmannen las opp svaret frå administrasjonen.
Svaret ligg som vedlegg til denne møteprotokollen.

Framlegget frå Øyvind Røen (Sp) vart samrøystes vedteke.

Ordførarløn
Arild Røen (H) las opp interpellasjonen med følgjande framlegg til vedtak:
Ordførar i Samnanger si løn skal aukast til 85% av stortingsrepresentantane si løn. Forslaget vil sjølvsagt påverke godtgjersla til alle andre folkevalde. Saka vert utgreidd slik at dette vert innarbeidd i budsjett for 2019.

Rådmannen las opp svaret frå administrasjonen.
Svaret ligg som vedlegg til denne møteprotokollen.

Framlegget frå Arild Røen (H) vart vedteke med 17 mot 4 røyster.
Dei som røysta imot forslaget var: Øyvind Strømmen (MDG), Knut Harald Frøland (Bl), Øyvind Røen (Sp) og Monica Tjønna (Sp).

Vedtak

Prosjektet Samningakraft vert gitt garanti på inntil kr 200 000 til dagsfestival på Bjørkheim 01.06.18 med følgjande forbehold:

• Garantien gjelder utgifter til honorar for artistar.

• Inntekter ved billettsal er miminum kr 500 000 innan 25.03.18.

• Innan 01.04.18 avgjer administrasjonen om garantien trer i kraft. Saman med dokumentasjon på billettinntekter skal det óg leggjast ved oppdatert plan for gjennomføring som innheldt punkta: infrastruktur, skilting, sikkerhet, støy, reihald og hygiene, servering, sjenkebevilling, bruk av frivillige, sponsorar, stadfesting av artistar samt tillatelse frå grunneigarar og politiet og melding til brannvesenet og mattilsynet.

• Utbetaling av underskotsgaranti skjer ved framvising av sluttrekneskap.

• Garantien vert lagt inn i budsjettet for 2019. Midlane vert løyvd frå disposisjonsfondet.

Behandling

Ordførar orienterte innleiingsvis om at det står feil årstal i saksframlegget og i framlegg til vedtak. Administrasjonen retter opp i dette.

Brigt Olav Gåsdal (A) bad om eit gruppemøte.

Etter gruppemøte sette Øyvind Strømmen (MDG) fram utsettingsforslag på vegne av Arbeidarpartiet, Høgre, Kristeleg folkeparti, Miljøpartiet Dei Grøne og Jon Magne Bogevik (uavhengig).

Rådmannen og leiar for kulturkontoret orienterte om kva krav kommunen ville stilla i ein eventuell avtale med arrangøren.

Ordførar Knut Harald Frøland (Bl) bad om gruppemøte.

Etter gruppemøtet trekte Øyvind Strømmen (MDG) utsettjingsforslaget og sette fram følgjande framlegg til vedtak på vegne av Ap, Høgre, KrF, MDG + uavhengig (Bogevik):

Tillegg til formannskapet sitt framlegg:- Arrangøren må ha eit registrert organisasjonsnummer- Arrangøren må leggja fram eit fullstendig budsjett- Administrasjonen må syta for at det er tilbakestillingsgaranti i utleigekontrakt
Det vart røysta i to runder i denne saka. Først vart det røysta om tillegga (lagt fram av Strømmen) skulle leggjast til formannskapet sitt framlegg eller ikkje.
Det vart samrøystes vedtek at desse tillegga skulle takast med i andre røysterunde i saka.

Deretter vart det røysta over formannskapet sitt framlegg til vedtak inkludert tillegga frå A, H, KrF, MDG og Jon Magne Bogevik (uavh.).

Resultatet av røystinga vert som følgjer:


Framlegget frå formannskapet inkl. tillegga frå A, H, KrF, MDG og Jon MagneBogevik (uavh.) vart vedteke med 16 mot 5 røyster.

Vedtak

Kommunestyret vedtok 14.06.2018 (sak 024/2018) at Samnanger ønskjer å gå inn i det interkommunale samarbeidet IKT Nordhordland. I påvente av avgjerd om kommunen får gå inn i IKT Nordhordland, får rådmannen fullmakt til å inngå avtale på opptil 6 månader med IKT Nordhordland om kjøp av IKT-driftstenester. Avtalen må inngåast i samsvar med lov- og regelverket som gjeld for offentlege innkjøp. Oppstart av avtalen må vera seinast 01.01.2019.

I avtaleperioden skal kommunen tilsluttast IKT Nordhordland sitt nettverk og kommunen sine programvareløysingar skal overflyttast til IKT Nordhordland. Dette skal gjerast innanfor den økonomiske ramma som kommunestyret vedtok i sak 024/2018, maksimalt 1,25 millionar kroner.

Kommunestyret understrekar at det er viktig at kommunen sine IKT-tilsette vert godt ivaretekne i prosessen, og at rettane dei har etter lov- og avtaleverket vert følgt opp. Begge IKT-konsulentane skal vera sikra fast 100% stilling enten i Samnanger kommune eller ved IKT Nordhordland etter avtaleperioden.

Behandling

Øyvind Røen (Sp) bad om å få gildskapen sin vurdert. Han er onkel til den eine av dei to IKT-tilsette i kommunen. Han gjekk frå medan kommunestyret vurderte gildskapen hans.

14 medlemmer røysta for at Øyvind Røen er ugild i saka, og 6 røysta for at han er gild.
Øyvind Røen deltok derfor ikkje i handsaminga av saka.

Det vart røysta over rådmannen sitt framlegg til vedtak. Dette vart samrøystes vedteke.

Vedtak

Samnanger kommunestyre er orientert om samarbeid mellom Austevoll, Os, Fusa, Tysnes, Vaksdal og Samnanger som gjeld rutinar for tilsyn med barnehagar i regionen. Den einskilde kommune har ansvar for å sikre barnehagetilbod av høg kvalitet og bidra til å sikre barn likeverdige og gode oppvekstvilkår. Representantar frå kommunane deltek på tvers av kommunegrensene ved gjennomføring av tilsyn med barnehagar. Dette sikrar kompetanse og personellressursar ved tilsyn. Det er den einskilde kommune som aleine treff vedtak i tilsynssakene.

Behandling

Framlegget frå formannskapet vart samrøystes vedteke.

Vedtak

Kommunestyret opprettheld vedtaket sitt av 13.09.2018 i sak 039/2018.
Det innkomne kravet om lovleghetskontroll vert vidaresendt til fylkesmannen for handsaming.

Behandling

Ordførar Knut Harald Frøland (Bl) sette fram følgjande framlegg til vedtak:
Kommunestyret opprettheld vedtaket sitt av 13.09.2018 i sak 039/2018.
Det innkomne kravet om lovleghetskontroll vert vidaresendt til fylkesmannen for handsaming.

Det vart røysta over dette framlegget frå ordføraren. Framlegget vart vedteke med 18 mot 3 røyster. Dei som røysta imot var dei tre representantane frå Frp (Karl B. Kollbotn, Odd Arne Haga og Gunnar Bruvik).

Vedtak

Eigedomsskattevedtekter vert vedtatt slik dei ligg føre og vil gjelde frå 01.01.2019.

Dei nye vedtektene erstattar eigedomsskattevedtektene som vart vedtekne 26.11.2015.

Behandling

Formannskapet si tilråding vart samrøystes vedteke.

Vedtak

Vedtaket er gjort med heimel i ” Forskrift om tildeling av tilskudd til private barnehager ”. Tilskotet vert berekna med utgangspunkt i kommunen sine driftsutgifter til ordinær barnehagedrift i 2017 og med utgangspunkt i tal born i dei kommunale barnehagane i 2017.

Tilskotssatsane vert som fylgjer:

Detaljar for berekning av tilskotssatsar ligg i vedlagt rekneark.

Grunnlaget for utrekning av tilskotssatsar er indeksjustert med kommunal deflator for 2018 og framlegg i statsbudsjettet til deflator for 2019.

Dei endelege satsane kan bli justert på bakgrunn av eventuelle endringar når statsbudsjettet er vedtatt.

Behandling

Ordføraren stilte spørsmål om sak om tilskot til private barnehagar måtte til politisk handsaming kvart år, eller om dette kan unngåast.
Administrasjonen undersøkjer reglane rundt dette.

Formannskapet sitt framlegg til vedtak vart samrøystes vedteke.

Vedtak

Rådmannen sitt framlegg til nytt innkjøpsreglement vert vedteke. Reglementet gjeld med verknad frå 09.11.2018.

Punkt 5.1 i økonomireglementet vert med verknad frå 09.11.2018 endra til:

Rådmannen skal leggja fram framlegg til investeringar ved handsaming av økonomiplan og årsbudsjettet. Budsjettvedtaket i kommunestyret er klarsignal for - og pålegg om - at investeringsprosjekt skal detaljplanleggjast og gjennomførast.

Sjølv om eit investeringsprosjekt er vedteke i årsbudsjettet, kan det ikkje setjast i gang før det er gjort vedtak om dette av kompetent mynde. Følgjande reglar gjeld i slike tilfelle:

• Rådmannen har fullmakt til å gjera vedtak om å setja i gang investeringsprosjekt med kostnadsramme på opptil 10 millionar kroner, dersom ikkje kommunestyret bestemmer noko anna.

• Vedtak om å setja i gang investeringsprosjekt med kostnadsramme på over 10 millionar kroner må gjerast av kommunestyret, dersom ikkje kommunestyret bestemmer noko anna.
  
  Rådmannen har fullmakt til å ta opp lån som kommunestyret har gjort vedtak om i finansieringsplanen for eit investeringsprosjekt. Investeringsprosjekt kan ikkje setjast i gang før endeleg finansiering er i orden.
  
  Fullmakt til å velja leverandør/leverandørar i investeringsprosjekt er delegert til rådmannen, dersom ikkje kommunestyret bestemmer noko anna.
  
  Avvik mellom kostnadsoverslag og prosjektrekneskap skal snarast mogleg rapporterast til formannskapet og kommunestyret.

Punkt 5.3 i økonomireglementet vert sett ut av kraft med verknad frå 09.11.2018, og erstattes med fylgjande:

Samnanger kommune stiller fylgjande krav for å forhindra sosial dumping og å leggja til rette for seriøse aktørar.

1. Arbeidet skal utføras av tilbyder og dennes tilsette i tenesteforhold, eller av på førehand avtalte underentreprenørar og deira tilsette.Tilbyder skal til eikvar tid kunne framlegga dokumentasjon på tilsettingsforholdet.

2. Ved bruk av innleigd arbeidskraft skal det vera avtalt med byggherren.Innleige skal gjeras i samsvar med arbeidsmiljølova (AML), og det skal dokumenteras at innleigd arbeidskraft har orda løns- og arbeidsvilkår.Innleigde skal være fast tilsett med løn mellom oppdrag i utleigebedrifta.

3. Norsk er hovudspråk på byggeplassen, både skriftleg og muntleg.Personar som har leiande funksjoner på byggeplassen, skal beherska norsk.

4. Alle arbeidstakare på byggeplassen skal ha kjennskap om og forstå sikkerheitsopplæring, sikkerheitsinstruksar, bruksanvisningar, varselskilt m.v. Dersom det er arbeidstakare på byggeplassen som ikkje forstår norsk, er det tilbyders ansvar at desse får sikkerheitsinstruksjonar på eit språk dei forstår.

5. Tilbyder og underentreprenørar som skal engasjeras i prosjektet, skal vera godkjende og aktive lærlingbedriftar. Lærling(ar) skal delta i arbeidet med utførelse av den aktuelle kontrakten. Evt. unntak skal særskilt begrunnas.

6. Avtale om underentreprise med enkeltpersonforetak skal avtalas med byggherren.

7. Byggherren tillater ikkje meir enn to ledd i kontraktskjeda. Byggherren kan godkjenna tre ledd når det foreligg ein god begrunnelse. Det skal aldri vera meir enn tre ledd i kontraktskjeda. Hovedentreprenøren regnes som første ledd. Bemanningsforetak etter AML`s § 14.2 reknas som eit ledd i kontraktskjeda.

8. Byggherren kan krevja dagmulkt dersom tilbyder sjølv eller noken av hans kontraktsmedhjelpare anvender ulovleg eller ikkje kontraktsmessig arbeidskraft og forhaldet ikkje er blitt retta innen ein frist gitt ved skriftleg varsel frå kommunen. Mulkten løper frå fristens utløp til forhaldets opphør.

9. Tilsette skal ikkje ha dårlegare løns- og arbeidsvilkår enn vilkåra som er fastsatt i tariffavtale for tilsvarende arbeidare innafor den aktuelle bransje. Dette gjeld og innleigd arbeidskraft. Ved konstatert brot på ovannevnte bestemmelse, og tilbyder ikkje har rettet feilen innan fristens utløp, kan byggherren heva kontrakten. Evt. andre sanksjonsmoglegheitar kan avtalas i kontrakt.

10. Tilbyder skal på oppfordring legga fram dokumentasjon om løns– og arbeidsvilkåra til dei tilsette. Alle avtalar tilbyder inngår, og som inneber utføring av arbeid under gjeldande kontrakt, skal innehalde tilsvarande dokumentasjon.

11. Løn og anna godtgjersle for samtlege arbeidstakare skal utbetales til konto i bank. Byggherren skal i tillegg til dei vanlege dokumentasjonskrava kunne følgje pengestrømmen ut til dei tilsette.

12. Tilbyder skal dokumentera at majoriteten av dei tilsette (også evt.innleigde) er faglærde innafor sitt fagområde. Med faglærde forstås fagbrev/mesterbrev eller tilsvarande formell utdanning.

13. Alle firma i kontraktskjeda skal gje byggherren fullmakt til å innhenta relevante skatteopplysningar (SKAV-skjema) fra Skatteetaten, både før kontraktsinngåing og i heile kontraktsperioden.

14. Det skal vera elektronisk adgangskontroll på byggeplassen.

15. Tilbyder pliktar å sørgje for at likelydande bestemmelsar (pkt. 1-14) inntas i kontraktar med underentreprenørar.

Samnanger kommune krev at tilbydare forheld seg til intensjonar i dette vedtaket som er å fremmje eit seriøst arbeidsliv med bruk av faste tilsette.

Omgåing og tilpasningar vil ikkje verta akseptert, og kan føra til at byggherren opphevar kontrakt.

Behandling

Monica Tjønna (Sp) sette fram følgjande framlegg til vedtak som eit tillegg til rådmannen sitt framlegg:

Punkt 5.3 i økonomireglementet vert sett ut av kraft med verknad frå 09.11.2018, og erstattes med fylgjande:

Samnanger kommune stiller fylgjande krav for å forhindra sosial dumping og å leggja til rette for seriøse aktørar.

1. Arbeidet skal utføras av tilbyder og dennes tilsette i tenesteforhold, eller av på førehand avtalte underentreprenørar og deira tilsette. Tilbyder skal til eikvar tid kunne framlegga dokumentasjon på tilsettingsforholdet.

2. Ved bruk av innleigd arbeidskraft skal det vera avtalt med byggherren. Innleige skal gjeras i samsvar med arbeidsmiljølova (AML), og det skal dokumenteras at innleigd arbeidskraft har orda løns- og arbeidsvilkår. Innleigde skal være fast tilsett med løn mellom oppdrag i utleigebedrifta.

3. Norsk er hovudspråk på byggeplassen, både skriftleg og muntleg. Personar som har leiande funksjoner på byggeplassen, skal beherska norsk.

4. Alle arbeidstakare på byggeplassen skal ha kjennskap om og forstå sikkerheitsopplæring, sikkerheitsinstruksar, bruksanvisningar, varselskilt m.v. Dersom det er arbeidstakare på byggeplassen som ikkje forstår norsk, er det tilbyders ansvar at desse får sikkerheitsinstruksjonar på eit språk dei forstår.

5. Tilbyder og underentreprenørar som skal engasjeras i prosjektet, skal vera godkjende og aktive lærlingbedriftar. Lærling(ar) skal delta i arbeidet med utførelse av den aktuelle kontrakten. Evt. unntak skal særskilt begrunnas.

6. Avtale om underentreprise med enkeltpersonforetak skal avtalas med byggherren.

7. Byggherren tillater ikkje meir enn to ledd i kontraktskjeda. Byggherren kan godkjenna tre ledd når det foreligg ein god begrunnelse. Det skal aldri vera meir enn tre ledd i kontraktskjeda. Hovedentreprenøren regnes som første ledd. Bemanningsforetak etter AML`s § 14.2 reknas som eit ledd i kontraktskjeda.

8. Byggherren kan krevja dagmulkt dersom tilbyder sjølv eller noken av hans kontraktsmedhjelpare anvender ulovleg eller ikkje kontraktsmessig arbeidskraft og forhaldet ikkje er blitt retta innen ein frist gitt ved skriftleg varsel frå kommunen. Mulkten løper frå fristens utløp til forhaldets opphør.

9. Tilsette skal ikkje ha dårlegare løns- og arbeidsvilkår enn vilkåra som er fastsatt i tariffavtale for tilsvarende arbeidare innafor den aktuelle bransje. Dette gjeld og innleigd arbeidskraft. Ved konstatert brot på ovannevnte bestemmelse, og tilbyder ikkje har rettet feilen innan fristens utløp, kan byggherren heva kontrakten. Evt. andre sanksjonsmoglegheitar kan avtalas i kontrakt.

10. Tilbyder skal på oppfordring legga fram dokumentasjon om løns– og arbeidsvilkåra til dei tilsette. Alle avtalar tilbyder inngår, og som inneber utføring av arbeid under gjeldande kontrakt, skal innehalde tilsvarande dokumentasjon.

11. Løn og anna godtgjersle for samtlege arbeidstakare skal utbetales til konto i bank. Byggherren skal i tillegg til dei vanlege dokumentasjonskrava kunne følgje pengestrømmen ut til dei tilsette.

12. Tilbyder skal dokumentera at majoriteten av dei tilsette (også evt. innleigde) er faglærde innafor sitt fagområde. Med faglærde forstås fagbrev/mesterbrev eller tilsvarande formell utdanning.

13. Alle firma i kontraktskjeda skal gje byggherren fullmakt til å innhenta relevante skatteopplysningar (SKAV-skjema) fra Skatteetaten, både før kontraktsinngåing og i heile kontraktsperioden.

14. Det skal vera elektronisk adgangskontroll på byggeplassen.

15. Tilbyder pliktar å sørgje for at likelydande bestemmelsar (pkt. 1-14) inntas i kontraktar med underentreprenørar.

Samnanger kommune krev at tilbydare forheld seg til intensjonar i dette vedtaket som er å fremmje eit seriøst arbeidsliv med bruk av faste tilsette.
Omgåing og tilpasningar vil ikkje verta akseptert, og kan føra til at byggherren opphevar kontrakt.

Det vart røysta i to omgangar i denne saka. Først vart det røysta over om tillegga frå Tjønna skulle takast med eller ikkje.
Det vart samrøystes vedteke at tillegga frå Tjønna skulle takast med.

Deretter vart det røysta over rådmannen sitt framlegg inkludert tillegga frå Tjønna.
Dette vart samrøystes vedtake.

Vedtak

Samnanger kommune vedtek planprogram i medhald av plan- og bygningslova § 11-13, jf § 4-1 for kommunedelplan Fv-7 Tokagjelet - Kvamskogen.

Behandling

Naturutvalet si tilråding vart samrøystes vedteke.
Det vart einigheit om at "Kvamskogen" burde vore med i vedtaket, som i tittelen på saksframlegget.