Møte i Kommunestyret den 13.12.2018

Vedtak

Møteinnkallinga og saklista vert godkjent. Delegerte vedtak/referatsaker vert tekne til orientering.

Behandling

Godkjenning av innkalling og sakliste
Ingen merknader.

Eventuelle merknader til protokoll frå førre møte
Ingen merknader.

Orientering frå politiet
Lensmann Terje Sperrevik og politikontakt Anders Opsal orienterte mellom anna om politiet sitt arbeid i Samnanger. Dei svara òg på spørsmål frå kommunestyret.


Orienteringssaker

Avtale om tenestetilbod mellom Samnanger kommune og Kvam, Samnanger, Fusa og Tysnes lensmannsdistrikt
Ordførar Knut Harald Frøland (Bl) viste til avtaledokumentet som låg ved møteinnkallinga.

Julegåve til born i Samnanger med utfordrande livssituasjon
Ordførar Knut Harald Frøland (Bl) viste til forslag om at kommunestyremedlemmene gir 400 kroner av møtegodtgjersla frå kommunestyremøtet 13.12.2018 til julegåver til born med ein utfordrande livssituasjon. Kommunestyret slutta seg til dette forslaget, på dei vilkåra som går fram av e-post sendt til kommunestyret 30.11.2018.

Tannlegekontoret på Tysse
Ordførar Knut Harald Frøland (Bl) orienterte. Han viste til e-post med informasjon om tannlegekontoret. Han orienterte òg om status for pilotprosjektet med kommunale tannlegekontor.

Orientering om rettssak Rolvsvåg Industrihavn AS
Ordførar Knut Harald Frøland (Bl) orienterte og viste til informasjonen som er sendt ut til kommunestyret.

Budsjettuttalar frå ungdomsrådet, eldrerådet, arbeidsmiljøutvalet, rådet for personar med nedsett funksjonsevne og kyrkjestyret?
Ordførar Knut Harald Frøland (Bl) orienterte om dei innkomne uttalane, som gjeld kommunestyresak 061/2018 (Budsjett 2019 og Økonomiplan 2019-2022).

Kostnadsauke ordførargodtgjersle og godtgjersle for folkevalde
Ordførar Knut Harald Frøland (Bl) viste til notatet som låg ved møteinnkallinga.

Kostnadsauke godtgjersle for ungdomsrådet
Ordførar Knut Harald Frøland (Bl) viste til notatet som låg ved møteinnkallinga.


Grunngjeve spørsmål frå Frp
Svein Werner Røseth (Frp) las opp det grunngjevne spørsmålet. Charlotte Hageberg las opp rådmannen sitt svar. Det grunngjevne spørsmålet og rådmannen sitt svar ligg som vedlegg til møteprotokollen.


Utvalet sitt kvarter

Skilting av kommunale bygg
Solveig Vassenden (Bl) etterlyste betre skilting av mellom anna helsetunet og Samnangerheimen. Ordføraren nemnde i same samanhengen òg manglande skilting på kommunehuset.

Passkontor
Øyvind Strømmen (Mdg) spurde om det er gjort noko frå ordføraren si side knytt til nedlegginga av passkontoret i Norheimsund. Ordførar Knut Harald Frøland (Bl) svara.

Handsaming av interpellasjon
Kommunestyret slutta seg til ønske frå ordføraren om at interpellasjonen frå Øyvind Røen (Sp) om vindturbinar i Samnanger vart handsama etter sak 049/2018.


Rådmannen sitt framlegg vart samrøstes vedteke.

Vedtak

Rådmannen sitt framlegg til møteplan for 2019 vert vedteke med følgjande endringar:

1. Heildagsmøte for kommunestyret vert flytta frå 12. desember til 5. desember. Konsekvensen av dette vert at formannskapsmøtet i forkant må flyttast frå 21. november til 14.november (dette p.g.a. høyringsfristen på 3 veker).

2. Budsjettmøte i kommunestyre skal ikkje vera seinare enn 1. veka i desember.

3. Møta som er sett opp 2. desember i arbeidsmiljøtvalet, eldrerådet og rådet frå personar med nedsett funksjonsevne vert flytta til 25. november.

4. Kommunestyret sitt junimøte vert flytta til 6. juni.

5. Naturutvalet sitt "reservemøte" vert flytta frå 4. juni til 28. mai.

Vedtaket er gjort med heimel i § 32 i kommunelova.

Behandling

Olaug Øystese (A) sette fram følgjande framlegg til endring i forhold til rådmannen sitt framlegg:

1. Heildagsmøte for kommunestyre vert flytta frå 12. desember til 5. desember. Konsekvensen av dette vert at formannskapsmøte i forkant må flyttast frå 21. nov. til 14.nov. (Dette p.g.a. høyringsfristen på 3 veker.)

2. Budsjettmøte i kommunestyre skal ikkje vera seinare enn 1. veka i desember.

Øyvind Strømmen (Mdg) sette fram framlegg om å flytta kommunestyremøtet i juni frå 13. juni til enten 6. juni eller 20. juni.

Brigt Olav Gåsdal (A) orienterte om at første møte i kontrollutvalet i 2019 vert den 4. februar. Resten av møteplanen for kontrollutvalet for 2019 vert vedteken av kontrollutvalet seinare.

Restenaka (sak 050/2018), å ha gått gjennom framlegga frå Olaug Øystese og Øyvind Strømmen, foreslo følgjande tillegg/presiseringar til desse framlegga:

• Møta som er sett opp 2. desember i arbeidsmiljøtvalet, eldrerådet og rådet frå personar med nedsett funksjonsevne vert flytta til 25. november.

• Kommunestyret sitt junimøte vert flytta til 6. juni.

• Naturutvalet sitt "reservemøte" vert flytta frå 4. juni til 28. mai.

Rådmannen sitt framlegg, justert med endringsframlegga og presieringane frå adminstrasjonen som vart lagt fram i møtet, vart samrøystes vedteke.

Vedtak

Samnanger kommune melder seg inn i Stiftinga Kystsogevekene. Kontingenten på kr 10 000 vert dekka av midlar som i budsjettet for 2019 er sett av til marknadsføring knt 11402.1400.3251.

Behandling

Formannskapet si tilråding vart vedteke med 18 mot 2 røyster.

Vedtak

Med heimel i plan- og bygningslova § 4-1 og § 12-9 vert planprogram for «detaljregulering av Høysetevegen 136, Gnr. 35 bnr. 4, Børdalen Næringsområde», revisjonsdato 29.11.2018, fastsett av Samnanger kommunestyre.

Behandling

Naturutvalet si tilråding vart samrøystes vedteke.

Vedtak

Med heimel i §14 i lov om kommunal beredskapsplikt legger Samnanger kommune «Heilskapleg risiko- og sårbaranalyse» ut til offentleg ettersyn.

Samnanger kommune vedtek reviderte akseptkriteriar med tilhøyrande risikomatrisar.

Behandling

Det vart innleiingsvis under handsaminga delt ut eit tilleggsdokument ("H17 - Uønska hending - Bortfall av all telefoni i kommunen"). Dette tilleggsdokumentet vert lagt inn i saka. Med dette tillegget vart naturutvalet si tilråding samrøystes vedteke.

Vedtak

Budsjettjustering vert gjort i samvar med vedlagt tabell.

Fungerande ordførar og fungerande varaordførar får utbetalt godtgjering for dei to vekene ordførarer er ute i omsorgspermisjon. Finansiering er innsparing på møtegodtgjering.

Behandling

Sture Tveit (H) bad om punktvis avrøysting om kvart avsnitt i rådmannen sitt framlegg.

Første avsnitt i rådmannen sitt framlegg vart samrøystes vedteke.

Andre avsnitt i rådmannen sitt framlegg vart ikkje vedteke. 8 representantar røysta for og 12 røysta imot.

Tredje avsnitt i rådmannen sitt framlegg vart samrøystes vedteke.

Vedtak

Kommunestyret ber om meir utfyllande informasjon for å få betre grunnlag for å vurdera om saka skal opnast.

Behandling

Etter den innleiande debatten bad Olaug Øystese (A) om gruppemøte.

Etter gruppemøtet sette Brigt Olav Gåsdal (A) fram følgande utsetningsframlegg:

• Kommunestyret ber om meir utfyllande informasjon for å få betre grunnlag for å vurdera om saka skal opnast.

Ordførar Knut Harald Frøland (Bl) bad om gruppemøte.

Etter gruppemøtet vart det røysta over utsetjingsframlegget til Brigt Olav Gåsdal, som vart vedteke med 12 mot 8 røyster.

Vedtak

Rådmannen får fullmakt til å kreva inn årleg tillsynsavgift jf. forskrift om registrering og tilsyn med tobakksvarer § 24.
Sats: 4500,- pr år for faste salsplassar og 1200,- pr. år for mellombelse salsplassar.

Behandling

Formannskapet si tilråding vart samrøystes vedteke.

Vedtak

1. Samnanger kommune vedtek at BIR Privat AS delegerast mynde til fakturering og innkrevjing av avfallsgebyr på vegne av Samnanger kommune, jmfr § 12 i forskrift om handtering av avfall frå hushaldning. Avfallsgebyret tilhøyrer Samnanger kommune.
2. Prisen på renovasjonstenesten for 2019 setjast ned med 0,5 %, med unntak av eigenandelene for levering til gjenvinningsstasjonane og einskilde tenester utanfor standard renovasjon. Desse vert holdt uendra.

Behandling

Formannskapet si tilråding vart samrøystes vedteke.

Vedtak

Med verknad frå 01.01.2019 vert punkt 4.1 om møtegodtgjersle i Samnanger kommune sitt reglement for godtgjersle til folkevalde endra til:

1. Høg sats - Møtegodtgjersle på 0,2% av ordførargodtgjersla vert utbetalt til møtande medlemmer og varamedlemmer i kommunestyret, formannskapet, naturutvalet, kontrollutvalet, administrasjonsutvalet, arbeidsmiljøutvalet, eldrerådet, røystestyra, sakkunnig nemnd for eigedomsskatt og klagenemnda for eigedomsskatt.

2. Låg sats - Møtegodtgjersle på 0,1% av ordførargodtgjersla vert utbetalt til møtande medlemmer og varamedlemmer i andre råd, styre, utval, komitear og nemnder som er oppretta av kommunestyret med heimel i kommunelova eller særlov. Det vert berre utbetalt møtegodtgjersle til folkevalde, ikkje til medlemmer som representerer andre enn Samnanger kommune.

3. Kommunestyret kan bestemma at høg sats skal utbetalast òg til andre råd, styre, utval, komitear og nemnder enn dei som er lista opp i punkt a. Dette bør berre gjerast dersom det er grunn til å tru at arbeidsbelastninga for medlemmene vil vera stor. Kommunestyret kan òg bestemma at det skal utbetalast møtegodtgjersle til andre medlemmer enn folkevalde.

4. For ungdomsrådet fastset kommunestyret eigen sats for møtegodtgjersle.

For møte i hallnemnda i 2018 vert det utbetalt møtegodtgjersle i samsvar med noverande punkt 4.1 i reglementet, det vil seie 0,2% av ordførargodtgjersla. Det vert utbetalt møtegodtgjersle til alle medlemmene i hallnemnda for møte i 2018.

For møte i hallnemnda i 2019 vert det utbetalt møtegodtgjerlse i samsvar med den nye ordlyden i punkt 4.1 i reglementet, det vil seie 0,1% av ordførargodtgjersla. Det vert berre utbetalt møtegodtgjersle til dei folkevalde medlemmene i hallnemda for møte i 2019.

Behandling

Øyvind Strømmen (Mdg) viste til at administrasjonsutvalet ikkje er med i punkt a (høg sats) i rådmannen sitt framlegg til vedtak, og spurde om dette betyr at administrasjonsutvalet ligg i punkt b (låg sats). Rådgjevar Jan Erik Boge orienterte om at det er ei forgløyming frå administrasjonen si side at administrasjontuvalet ikkje er med i punkt a (høg sats) i rådmannen sitt framlegg.


Rådmannen sitt framlegg vart samrøystes vedteke, men med følgjande endring:

• Administrasjonsutvalet vert lagt inn i punkt a (høg sats).

Vedtak

Møtegodtgjersle for ungdomsrådet sine medlemmar vert sett til kr. 400,- pr. møte.

Behandling

Formannskapet si tilråding vart samrøystes vedteke.

Vedtak

Samnanger kommune innfører følgjande betalingssatsar for kommunale vigslar. Satsane gjeld med verknad frå 01.01.2019. Vedtaket vert gjort med heimel i forskrift om kommunale vigsler.

Behandling

Rådmannen sitt framlegg vart samrøystes vedteke.

Vedtak

Formannskapet sitt framlegg til budsjett 2019 og økonomiplan 2019 - 2022 vert vedteke slik det ligg føre med vedlegg budsjettskjema 1A, 2A, hovudoversikt drift, hovudoversikt investering, netto driftsutgifter og detaljar investering, med følgjande endringar vedtekne av kommunestyret:

1. Innsparinga på First Responder frå andre kvartal 2019 vert reversert, finansiert gjennom å redusera avsetjing til disposisjonfond med kr. 567.600.
   

2. Inntil vidare skal First Responder fungera uendra. Det skal i 2019, seinast til kommunestyret sitt junimøte, gjerast ei brei og god evaluering av First Responder i Samnanger kommune. Det skal her også sjåast på andre reelle tiltak som kan tryggja våre innbyggjarar, og ein skal søkja å finna ei løysing med Helse Bergen, der Samnanger kommune igjen får eigen stasjonert sjukebil.
   

3. Det vert i budsjettet 2019 sett av 300.000 kroner til eit berekraftutviklingsfond, som skal nyttast til berekraftutviklingstiltak i 2019, eller seinare - som eit resultat av berekraftutviklingsplanarbeidet. Dette vert gjort for å sikra berkraftutviklingsarbeidet midlar, også i ein evt. krevjande økonomisk situasjon i åra som kjem. Avsetting til disposisjonsfond vert redusert tilsvarande. 
   
   Samnanger kommune skal også vurdere å søkje støtte til klimasatsing i kommunane – ref. miljokommune.no. Frist for å søkje er 15.02.19. Formannskapet får ei orientering 07.02.19 om administrasjonen anbefaler å søkje.
   

4. Det vert løyva 100.000 kroner til plastopprydding i kommunen, som ein søkbar pott for organisasjonar og lag. Dette grepet vert teke for å kombinera innsats for plastopprydding med ei moglegheit for organisasjonar og lag til å få eit ekstra tilskot knytt til dugnadsarbeid. Avsetting til disposisjonfond vert redusert tilsvarande.
   

5. Som følgje av kommunestyret sitt vedtak om å auka ordførargodtgjersla frå 80% til 85% frå og med 2019, vert det gjort følgjande endringar i forhold til formannskapet sitt budsjettframlegg:

   • Budsjettsummen til ordførargodtgjersle vert auka med 47 800 kroner pluss avgifter.

   • Budsjettsummen til varaordførargodtgjersle vert auka med 2 800 kroner pluss avgifter.

   • Budsjettsummen til møtegodtgjersle og utvalsleiargodtgjersle på funksjon 1000 (kommunestyret/politiske organ) vert auka med 27 000 kroner pluss avgifter.

   • Budsjettsummen til møtegodtgjersle og utvalsleiargodtgjersle på funksjon 1002 (stortingsval/kommuneval) vert auka med 4 000 kroner pluss avgifter.

   • Budsjettsummen til møtegodtgjersle og utvalsleiargodtgjersle på funksjon 1101 (kontrollutval) vert auka med 4 000 kroner pluss avgifter.

   • Kostnadsauken blir finansiert ved redusert avsetjing til disposisjonfondet.

6. Som følgje av kommunestyret sitt vedtak om å auka møtegodtgjersla til ungdomsrådet frå 100 til 400 kroner, vert det gjort følgjande endring i forhold til formannskapet sitt budsjettframlegg:

   • Budsjettsummen til møtegodtgjersle for ungdomsrådet vert auka med 12 000 kroner.

   • Kostnaden vert finansiert ved redusert avsetjing til disposisjonsfondet.

7. Det vert skrive ut eigedomsskatt på eit særskilt skattegrunnlag som følgje av at produksjonsutstyr og –installasjonar ikkje skal takast med i takstgrunnlaget når dei tidlegare verk og bruk skal takseras og reknas som næringseigedom frå 2019. Det særskilte skattegrunnlaget er differansen mellom ny takst for objekta frå 2019 og skattegrunnlaget i 2018. Grunnlaget skal i 2019 være redusert med ein sjuandedel (jf. overgangsregel til §§ 3 og 4 første punktum). Skattesatsen på det særskilte skattegrunnlaget skal være 7 promille.
   
   I medhald av eigedomsskattelova §§ 2 og 3  skal fylgjande utskrivingsalternativ nyttast for skatteåret 2019: Det vert skrive ut eigedomsskatt på faste eigedomar i heile kommunen jfr § 3 bokstav a.

8. Samnanger kommune skal i 2019 gjennomføre kvalitetsdialog om ny vegmodell for Samnanger kommune. Ei målsetting med kvalitetsdialogen skal vere at kommunen har berekraftige drifts- og vedlikehaldsutgifter og at ein søkjer løysingar med størst mogeleg grad av rettferdighet.  
   Forslag til ny vegmodell skal sjåast i lys av Fylkeskommunen sin vurdering av om-klassifisering av fylkesvegar, ref. Handlingsprogram 2018 – 2021. 
   
   Til gjennomføring av kvalitetsdialog om ny vegmodell for Samnanger kommune blir det satt ned ei nemnd beståande av følgjande personar: 
   1. Ordførar – Bl - leiar av nemnd 
   2. Vidar Tveiterås – Ap 
   3. Øyvind Røen – Sp 
   4. Sture Tveit – H
   5. Odd Arne Haga – Frp 
   6. Gunn Totland Moss – Krf
   7. Øyvind Strømmen - Mdg
   8. Leiar drift Teknisk eining (skrivar)
   
   Nemnda konstituerer seg sjølv og rapporterer til formannskapet. 
   Det er ei målsetting at eventuelle anbefalte løysingar skal vere klar vår 2019. 
   

9. Budsjettframlegget for 2019 inneber store nedskjeringar på dei fleste tenesteområde. For å ha ei god oppfølgning med vedtaket, skal formannskapet fortløpande haldast orientert om utviklinga innanfor einingane.

Det vert tatt opp eit lån på kr 22 millionar i 2019 til finansieringa av Skottabakken. Lånet skal betalast ned over 50 år og ha to avdragsfrie år. Me vil i tillegg ta opp eit byggelån på 10.486.000 kroner som vil bli tilbakebetalt så snart Husbanken betalar ut sitt tilskot.

Kommunen betaler i dag meir i avdrag på lån enn det som det er krav om. Utrekning viser at betaling av avdrag kan reduserast med 700 000 kroner kroner i 2019. Dette er lagt til grunn i økonomiplanframlegget og kommunen må søkja Kommunalbanken om forlenga løpetid på lån i samsvar med dette.

I medhald av eigedomsskattelova §§ 2 og 3 skal fylgjande utskrivingsalternativ nyttast for skatteåret 2019: Det vert skrive ut eigedomsskatt på faste eigedomar i heile kommunen jfr § 3 bokstav a.

Den generelle skattesatsen som skal gjelda for dei skattepliktige eigedomane vert sett til 7 promille. I medhald av eigedomsskattelova §12 bokstav a vert satsane differensiert ved at den satsen som skal gjelda for bustader og fritidseigedomar vert sett til 2,4 promille.

For bustaddelen av eigedomen (gjeld og fritidseigedom) vert det gitt eit botnfrådrag på kr 100 000 av takstverdi. Botnfrådraget vert gitt for alle sjølvstendige bustaddelar. Botnfrådrag vert ikkje gitt når eigedomen vert nytta til næringsverksemd.

Det vert skrive ut eigedomsskatt på eit særskilt skattegrunnlag som følgje av at produksjonsutstyr og –installasjonar ikkje skal takast med i takstgrunnlaget når dei tidlegare verk og bruk skal takseras og reknas som næringseigedom frå 2019. Det særskilte skattegrunnlaget er differansen mellom ny takst for objekta frå 2019 og skattegrunnlaget i 2018. Grunnlaget skal i 2019 være redusert med ein sjuandedel (jf. overgangsregel til §§ 3 og 4 første punktum). Skattesatsen på det særskilte skattegrunnlaget skal være 7 promille.

I medhald av eigedomsskattelova § 7 bokstav a vert det gitt fritak til stiftingar eller institusjonar som har som formål å gagna kommunen, fylke eller staten. Unnateke er kommersielle stiftingar/ institusjonar. Fritaket vil gjelda forsamlingshus, bedehus, turisthytter og liknande. Fritak kan og vurderast på grunnlag av søknad.

I medhald av eigedomsskattelova § 7 bokstav b vert det gitt fritak for bygningar som har historisk verdi med 100 prosent. Fritak kan og vurderast på grunnlag av søknad. Det er eit krav at bygget har bevart sin opphavlege arkitektoniske stil og at det ikkje vert brukt til forretningsverksemd.

I medhald av eigedomsskattelova § 7 bokstav c vert det gitt fritak for nybygde bustadeigedomar (gjeld ikkje fritidseigedomar) i 1 år, eller til kommunestyret endrar eller opphevar fritaket. Fritaket gjeld bygg der det vert starta bygging i 2018 eller seinare. Formannskapet får fullmakt til å avgjera einskildsaker om skattefritak.

Kommunestyret har vedtatt å bruka formuesgrunnlag frå skatteetaten for utskriving av eigedomsskatt på bustadhus. Bustadhus og hytter utan formuesgrunnlag vert takserte. Det same gjeld næringsverksemd, tomtar mm. Ved taksering og utskriving av eigedomsskatt nyttar kommunen dei til ei kvar tid gjeldande skattevedtekter.

Eigedomsskatten skal betalast i 4. terminar.

Bustadområde

Administrasjonen tek initiativ til dialog  med utbyggarar om moglegheit for utbygging på Erikajorda.

Administrasjonen tek og initiativ til dialog med grunneigar og utbyggarar om potensielle utbyggingsområde for bustadbygging og næringsområde i arealplanen.

Behandling

Jon Magne Bogevik (Uavh) bad om at rapporten om kommunen si drift som Fjornes Holding AS har utarbeidd, vert sendt ut til alle medlemmene i kommunestyret. Ordføraren slutta seg til dette ønsket. Administrasjonen sende etter dette ut rapporten på e-post til kommunestyret.

Øyvind Strømmen (Mdg) sette fram følgjande framlegg:
Dette er budsjettframlegget eg vil leggja fram. Eg set det i utgangspunktet fram som eit samla budsjettframlegg, men er open for å finna løysingar i samarbeid med andre parti. 
Budsjettet vert vedteke i tråd med innstillinga, med følgjande endringar:
- Innsparinga på First Responder frå andre kvartal 2019 vert reversert, finansiert gjennom å redusera avsetjing til disposisjonfond med kr. 567.600. 
- Evaluering av First Responder vert likevel gjennomført. 
- Det vert i budsjettet 2019 sett av 300.000 kroner til eit klimafond, som skal nyttast til klimatiltak i 2019, eller seinare - som eit resultat av klimaplanarbeidet. Dette vert gjort for å sikra klimaarbeidet midlar, også i ein evt. krevjande økonomisk situasjon i åra som kjem. Avsetting til disposisjonsfond vert redusert tilsvarande. 
- Det vert løyva 100.000 kroner til plastopprydding i kommunen, som ein søkbar pott for organisasjonar og lag. Dette grepet vert teke for å kombinera innsats for plastopprydding med ei moglegheit for organisasjonar og lag til å få eit ekstra tilskot knytt til dugnadsarbeid. Avsetting til disposisjonfond vert redusert tilsvarande.
Brigt Olav Gåsdal (A) Budsjettframlegget for 2019 inneber store nedskjeringar på dei fleste tenesteområde. For å ha ei god oppfølgning med vedtaket, skal formannskapet fortløpande haldast orientert om utviklinginga innafor einingane.

Monica Tjønna (Sp) sette fram følgjande framlegg, på vegner av seg sjølv og Øyvind Røen (Sp):
Det skal i 2019, seinast til kommunestyret sitt junimøte, gjeras ei brei og god evaluering av First Responder i Samnanger kommune. Her skal og sjåast på andre reelle tiltak som kan tryggja våre innbyggjare på. Administrasjon skal samtidig jobba parallelt med å prøva å få til løysing med fylket/helse Bergen, der Samnanger kommune igjen får eigen stasjonert sjukebil.


Monica Tjønna (Sp) sette fram følgjande reviderte framlegg, på vegner av seg sjølv, Øyvind Røen (Sp) og Vidar Tveiterås (A). Dette framlegget erstatta det førre framlegget som Monica Tjønna sette fram:
First responder-tenesta skal inntil vidare fungere uendra, det skal i 2019, seinast til kommunestyret sitt junimøte, gjeras ei brei og god evaluering av First Responder i Samnanger kommune. Her skal og sjåast på andre reelle tiltak som kan tryggja våre innbyggjare på. 
Administrasjon skal samtidig jobba parallelt med å prøva å få til løysing med fylket/helse Bergen, der Samnanger kommune igjen får eigen stasjonert sjukebil.


Ordførar Knut Harald Frøland (Bl) sette fram følgjande framlegg:

Tilleggspunkt
Som følgje av kommunestyret sitt vedtak om å auka ordførargodtgjersla frå 80% til 85% frå og med 2019, vert det gjort følgjande endringar i forhold til formannskapet sitt budsjettframlegg:

• Budsjettsummen til ordførargodtgjersle vert auka med 47 800 kroner pluss avgifter.

• Budsjettsummen til varaordførargodtgjersle vert auka med 2 800 kroner pluss avgifter.

• Budsjettsummen til møtegodtgjersle og utvalsleiargodtgjersle på funksjon 1000 (kommunestyret/politiske organ) vert auka med 27 000 kroner pluss avgifter.

• Budsjettsummen til møtegodtgjersle og utvalsleiargodtgjersle på funksjon 1002 (stortingsval/kommuneval) vert auka med 4 000 kroner pluss avgifter.

• Budsjettsummen til møtegodtgjersle og utvalsleiargodtgjersle på funksjon 1101 (kontrollutval) vert auka med 4 000 kroner pluss avgifter.

Kostnadsauken blir finansiert ved redusert avsetjing til disposisjonfondet.

Tilleggspunkt
Som følgje av kommunestyret sitt vedtak om å auka møtegodtgjersla til ungdomsrådet frå 100 til 400 kroner, vert det gjort følgjande endring i forhold til formannskapet sitt budsjettframlegg:

• Budsjettsummen til møtegodtgjersle for ungdomsrådet vert auka med 12 000 kroner.

Kostnadsauken vert finansiert ved redusert avsetjing til disposisjonsfondet.

Tilleggspunkt
Det vert skrive ut eigedomsskatt på eit særskilt skattegrunnlag som følgje av at produksjonsutstyr og –installasjonar ikkje skal takast med i takstgrunnlaget når dei tidlegare verk og bruk skal takseras og reknas som næringseigedom frå 2019. Det særskilte skattegrunnlaget er differansen mellom ny takst for objekta frå 2019 og skattegrunnlaget i 2018. Grunnlaget skal i 2019 være redusert med ein sjuandedel (jf. overgangsregel til §§ 3 og 4 første punktum). Skattesatsen på det særskilte skattegrunnlaget skal være 7 promille.

I medhald av eigedomsskattelova §§ 2 og 3  skal fylgjande utskrivingsalternativ nyttast for skatteåret 2019: Det vert skrive ut eigedomsskatt på faste eigedomar i heile kommunen jfr § 3 bokstav a.


Tilleggspunkt - Kvalitetsdialog om modell for bærekraftige drifts- og vedlikehaldsutgifter
Samnanger kommune skal i 2019 gjennomføre kvalitetsdialog om ny vegmodell for Samnanger kommune. Ei målsetting med kvalitetsdialogen skal vere at kommunen har bærekraftige drifts- og vedlikehaldsutgifter og at ein søkjer løysingar med størst mogeleg grad av rettferdighet.

Fortslag til ny vegmodell skal sjåast i lys av Fylkeskommunen sin vurdering av om-klassifisering av fylkesvegar, ref. Handlingsprogram 2018 – 2021.

Til gjennomføring av kvalitetsdialog om ny vegmodell for Samnanger kommune blir det satt ned ei nemnd beståande av følgjande personar:

1. Ordførar – Bl - leiar av nemnd

2. Vidar Tveiterås – Ap

3. Øyvind Røen – Sp

4. Sture Tveit – H

5. Odd Arne Haga – Frp

6. Gunn Toland Moss - Krf

7. Øyvind Strømmen - Mdg

8. Leiar drift Teknisk eining (skrivar)

Nemnda konstituerer seg sjølv og rapporterer til formannskapet.

Det er ei målsetting at eventuelle anbefalte løysingar skal vere klar vår 2019.

Tilleggspunkt
Samnanger kommune skal vurdere å søkje støtte til klimasatsing i kommunane – ref. miljokommune.no. Frist for å søkje er 15.02.19. Formannskapet får ei orientering 07.02.19 om administrasjonen anbefaler å søkje.

Øyvind Strømmen (Mdg) trekte det første framlegget sitt, og sette fram følgjande nye framlegg der han hadde bakt inn og samanfatta dei andre framlegga som var sett fram i møtet:
Eg trekkjer mitt tidlegare framlegg, og set fram dette framlegget, der eg har bakt inn punkta andre har føreslått:

Budsjettet vert vedteke i tråd med innstillinga, men med følgjande endringar:

1. Innsparinga på First Responder frå andre kvartal 2019 vert reversert, finansiert gjennom å redusera avsetjing til disposisjonfond med kr. 567.600.

2. Inntil vidare skal First Responder fungera uendra. Det skal i 2019, seinast til kommunestyret sitt junimøte, gjerast ei brei og god evaluering av First Responder i Samnanger kommune. Det skal her også sjåast på andre reelle tiltak som kan tryggja våre innbyggjarar, og ein skal søkja å finna ei løysing med Helse Bergen, der Samnanger kommune igjen får eigen stasjonert sjukebil.

3. Det vert i budsjettet 2019 sett av 300.000 kroner til eit klimafond, som skal nyttast til klimatiltak i 2019, eller seinare - som eit resultat av klimaplanarbeidet. Dette vert gjort for å sikra klimaarbeidet midlar, også i ein evt. krevjande økonomisk situasjon i åra som kjem. Avsetting til disposisjonsfond vert redusert tilsvarande. 

Samnanger kommune skal også vurdere å søkje støtte til klimasatsing i kommunane – ref. miljokommune.no. Frist for å søkje er 15.02.19. Formannskapet får ei orientering 07.02.19 om administrasjonen anbefaler å søkje.

4. Det vert løyva 100.000 kroner til plastopprydding i kommunen, som ein søkbar pott for organisasjonar og lag. Dette grepet vert teke for å kombinera innsats for plastopprydding med ei moglegheit for organisasjonar og lag til å få eit ekstra tilskot knytt til dugnadsarbeid. Avsetting til disposisjonfond vert redusert tilsvarande.

5. Som følgje av kommunestyret sitt vedtak om å auka ordførargodtgjersla frå 80% til 85% frå og med 2019, vert det gjort følgjande endringar i forhold til formannskapet sitt budsjettframlegg:

• Budsjettsummen til ordførargodtgjersle vert auka med 47 800 kroner pluss avgifter.

• Budsjettsummen til varaordførargodtgjersle vert auka med 2 800 kroner pluss avgifter.

• Budsjettsummen til møtegodtgjersle og utvalsleiargodtgjersle på funksjon 1000 (kommunestyret/politiske organ) vert auka med 27 000 kroner pluss avgifter.

• Budsjettsummen til møtegodtgjersle og utvalsleiargodtgjersle på funksjon 1002 (stortingsval/kommuneval) vert auka med 4 000 kroner pluss avgifter.

• Budsjettsummen til møtegodtgjersle og utvalsleiargodtgjersle på funksjon 1101 (kontrollutval) vert auka med 4 000 kroner pluss avgifter.

Kostnadsauken blir finansiert ved redusert avsetjing til disposisjonfondet.

6. Som følgje av kommunestyret sitt vedtak om å auka møtegodtgjersla til ungdomsrådet frå 100 til 400 kroner, vert det gjort følgjande endring i forhold til formannskapet sitt budsjettframlegg:

• Budsjettsummen til møtegodtgjersle for ungdomsrådet vert auka med 12 000 kroner. Kostnadsauken vert finansiert ved redusert avsetjing til disposisjonsfondet.

7. Det vert skrive ut eigedomsskatt på eit særskilt skattegrunnlag som følgje av at produksjonsutstyr og –installasjonar ikkje skal takast med i takstgrunnlaget når dei tidlegare verk og bruk skal takseras og reknas som næringseigedom frå 2019. Det særskilte skattegrunnlaget er differansen mellom ny takst for objekta frå 2019 og skattegrunnlaget i 2018. Grunnlaget skal i 2019 være redusert med ein sjuandedel (jf. overgangsregel til §§ 3 og 4 første punktum). Skattesatsen på det særskilte skattegrunnlaget skal være 7 promille.

I medhald av eigedomsskattelova §§ 2 og 3  skal fylgjande utskrivingsalternativ nyttast for skatteåret 2019: Det vert skrive ut eigedomsskatt på faste eigedomar i heile kommunen jfr § 3 bokstav a.

8. Samnanger kommune skal i 2019 gjennomføre kvalitetsdialog om ny vegmodell for Samnanger kommune. Ei målsetting med kvalitetsdialogen skal vere at kommunen har bærekraftige drifts- og vedlikehaldsutgifter og at ein søkjer løysingar med størst mogeleg grad av rettferdighet.  

Fortslag til ny vegmodell skal sjåast i lys av Fylkeskommunen sin vurdering av om-klassifisering av fylkesvegar, ref. Handlingsprogram 2018 – 2021. 

Til gjennomføring av kvalitetsdialog om ny vegmodell for Samnanger kommune blir det satt ned ei nemnd beståande av følgjande personar: 

1. Ordførar – Bl - leiar av nemnd 

2. Vidar Tveiterås – Ap 

3. Øyvind Røen – Sp 

4. Sture Tveit – H

5. Odd Arne Haga – Frp 

6. Gunn Totland Moss – Krf

7. Øyvind Strømmen - Mdg

8. Leiar drift Teknisk eining (skrivar)

Nemnda konstituerer seg sjølv og rapporterer til formannskapet. 

Det er ei målsetting at eventuelle anbefalte løysingar skal vere klar vår 2019. 

9. Budsjettframlegget for 2019 inneber store nedskjeringar på dei fleste tenesteområde. For å ha ei god oppfølgning med vedtaket, skal formannskapet fortløpande haldast orientert om utviklinga innanfor einingane.

Etter at Øyvind Strømmen hadde sett fram dette framlegget var det gruppemøte.


Nils Aadland (A) sette fram følgjande endringsframlegg i forhold til Øyvind Strømmen sitt siste framlegg:

Jeg vil foreslå at fond nevnt under pkt. 3 endre navn fra klimafond til bærekraftsutviklings fond. Dette da det treffer flere tiltak i utvikling også miljø og klima.

Monica Tjønna (Sp) trekte framlegget sitt.

Øyvind Strømmen (Mdg) viste til endringsframlegget til Nils Aadland, og sette fram følgjande presiering:

Dette er ei justering av framlegget som eg ikkje har nokon innvendingar mot, og difor justerer eg det i tråd med dette.

Ordførar Knut Harald Frøland (Bl) trekte framlegget sitt. Han informerte samstundes om at han oppfatta Øyvind Strømmen sitt nye framlegg som eit fellesframlegg for kommunestyret.

Brigt Olav Gåsdal (A) trekte framlegget sitt.

Det vart røysta punktvis over fellesframlegget som Øyvind Strømmen hadde sett fram:

Punkt 1 vart samrøystes vedteke.

Punkt 2 vart samrøystes vedteke.

Punkt 3 vart vedteke med 18 mot 2 røyster. Øyvind Røen (Sp) og Monica Tjønna (Sp) røysta imot. Dei andre medlemmene røysta for.

Punkt 4 vart samrøystes vedteke.

Punkt 5 vart samrøystes vedteke.

Punkt 6 vart samrøystes vedteke.

Punkt 7 vart samrøystes vedteke.

Punkt 8 vart vedteke med 16 mot 4 røyster. Brigt Olav Gåsdal (A), Nils Aadland (A), Olaug Øystese (A) og Jon Magne Bogevik (Uavh) røysta imot. Dei andre medlemmene røysta for.

Punkt 9 vart samrøystes vedteke, med følgjande presisering: Det første ordet i punktet skal vera "Budsjettet", ikkje "Budsjettframlegget".

Det vart til slutt røysta over heile budsjett-/økonomiplanframlegget frå formannskapet med vedtekne endringar. Samrøystes vedteke.