Utval: | Naturutvalet |
---|---|
Dato: | 17.04.2018 15:00 - 17:30 |
Møtestad: | Kommunehuset |
Status: | Vedtak er påført møtet |
Sakskart: | |
Møteprotokoll: |
Innkalling og sakliste vart godkjent.
Protokoll frå førre møte vart godkjent.
Delegerte vedtak/referatsaker vert tekne til orientering.
Innkalling og sakliste vart samrøystes godkjent.
Orientering frå ass.rådmann, Våge:
Planstrategi for 2018-21 kjem opp som sak i kommunestyret den 26 april. Planstrategien er eit viktig styringsdokument for denne valperioden, som burde ha vore handsama av dei nye kommunestyrerepresentantane i første del av perioden. Formannskapet vedtok å sende oppstart av arbeidet til kommunestyret for handsaming.
Reguleringsplan for ny veg til Hagabotnane vert sendt ut på anbod til 3 tilbydarar. Teknisk forvaltning har ikkje kapasitet til å gjennomføra dette arbeidet i løpet av hausten 2018.
Kommunen har motteke varsel om søksmål i saka som gjeld overføring av driftsansvaret for Nyutløtrævegen og eigarskap for vassleidning i Krekavegen. Begge desse to saken gjeld privatrettslege spørsmål og er unntatt offentleg innsyn §§ 14 og 18.
Kommunen har motteke søksmål for overprøving av dom i forliksrådet frå Rolvsvåg industrihavn. Denne er under vurdering i retten.
Orientering frå Teknisk sjef, Opheim:
Forvaltninga arbeider med å få lagt fram parkeringsplan for offentleg parkering og regulering av desse. Planen kjem opp til førstegongs handsaming i neste naturutvalsmøte den 29 mai.
Det er særskilt utfordring med ei forsøplingssak og oppfølging av denne. Vedkomande har fått fleire varsel og det har vore rydda, men forsøplinga har teke seg oppatt. Kommunen ser ikkje anna råd enn å sette iverk dagsbøter med heimel i PBL og forureiningslova. Anmelding vert og vurdert.
Planleggar Aandal gjekk igjennom og orienterte om ekspropriasjon etter PBL § 16.
Utvalet sitt kvarter:
Sture Tveit (H) bad om ei orientering om Børdalen.
Planleggar Aandal orienterte om at mottsegna mot Børdalen framleis ligg hos Fylkesmannen. Kommunen har purra på saka for å få den handsama og sendt ut med saklista til kommunestyret den 26 april, ev få det i tide til å legge det fram direkte i møtet. Både Statnett, BKK, NVE og landbruksmyndigheitene har uttalt at eit ev Datasenter ikkje kjem i konflikt med deira planar.
Anja Marken (MPD) orienterte utvalet om at dette var hennar siste utvalsmøte. Ho har fått traineestilling som arealplanleggar i Aurland kommune og kjem til å melde flytting. Me ønskjer henne lukke til.
Følgjande endringar må innarbeidast før planen kan leggjast ut til offentleg ettersyn etter plan- og bygningsloven §12-11.
Teiknforklaring:
Sett inn nordpil og uttaksdato for basiskart.
Plankart:
Ta ut regulert senterlinje.
Skift SOSI-kode på vegen til 2010.
Føresegner:
Sett inn heimel under alle føresegner. Restriksjonar som ikkje kan heimlast, takast ut av føresegnene.
Sett inn vassmerke «planforslag».
Føresegn 1.1- Teksten: «Etter at denne reguleringsplanen er stadfesta, kan det ikkje inngåast privatrettslege avtaler som er i strid med planen og føresegnene.» Takast ut av føresegnene.
Føresegn 2, Rekkefølgjekrav - Sett inn utbyggingsrekkjefølgje for delområder.
Det må liggje føre godkjent renovasjonsteknisk plan for heile planområdet.
Det må utarbeidast VA-rammeplan for heile planområdet.
Føresegn 2.1 - Gang og sykkelsti. Legg til skal opparbeidast med fast dekke i tråd med gjeldande vegnormal.
Føresegn 3.1 – Takast ut.
Føresegn 3.2 - Ta ut alt etter 1. punktum.
Føresegn 3.6 – Alt etter 2. punktum er eit rekkjefølgjekrav. Flytt til rekkjefølgjekrav
Føresegn 3.7 – Ta ut alt som er heimla i SAK.
Føresegn 4.1.1, første ledd - Takast ut, erstattast med: For frittliggjande hytter er det lov å byggje utegolv, terrasse og veranda eller balkong inntil 14m2. Det kan i tillegg byggjast utegolv, maks 0,5 meter over bakken, maksimum 3 meter bredt langs hyttevegg.
Føresegn 4.1.1, andre ledd, 2. punktum takast ut.
Føresegn 4.1.1, tredje ledd. Erstattast med: Taket skal ha ikkje reflekterande taktekking. Det er lov med solcellepanel/ solfangarar på tak eller vegg. Hyttene skal ha ytterkledning av tre og/ eller naturstein og skal tilpassast terrenget.
Føresegn 4.1.2, 2. ledd. Takast ut.
Føresegn 4.1.2 og 4.1.3 – Parkering. Det må lagast rekkjefølgjekrav knytt til parkeringa.
Føresegn 4.1.2, 2. ledd. Takast ut.
Føresegn 4.2.1 1. ledd. o_SKV 1 er ikkje kommunal veg, men privat veg. Endr namn til f_SKV1
Føresegn 4.2.1 2. ledd – Ta ut :Vegene kan brøytast og skal haldast ved like heile året.
Føresegn 4.2.1 – Legg til: Der vegen kryssar bekk, er føremålsgrense for anna vegareal, byggjegrense mot vassdrag.
Føresegn 4.2.1 4. ledd - Ta ut 4.2.1, fjerde ledd.
Føresegn 4.3.1, 3.ledd – Turveg. Må vere spesifikk på kva som skal vere utbygd og når.
Føresegn 4.3.1 – Sett inn føresegn om at turvegen ikkje kan nyttast til køyring til eigedomane.
Ta ut: Skråningutslag frå vegar kan leggjast inn i områda.
Føresegn 4.5.1 - Erstatt med: Føremålet gjeld bekkar i planområdet.
Føresegn 4.5.1 – Legg til føresegn. Det er ikkje tillate med tiltak i vasstrengen som endrar bekken sitt naturlege løp.
Sett inn rekkjefølgjekrav om el- bil parkering/ ladestasjon.
Planskildring - Vurder dei byggjeområda som ikkje ligg i hytteområde i kommuneplanen sin arealdel for konsekvens, eller ta dei ut av planen.
Planskildring s.26 – Rett opp med riktig føresegn etter gjeldande kommuneplan.
Planskildring s. 30 Vatn og avlaup. Det er etablert offentleg VA løysing fram til planområdet. Oppdater planskildring
Planskildring s. 32-34. Under omtale av planforslaget, ligg det inne bustadområde. Det gjør det ikkje i plankartet. Oppdater arealtabell, illustrasjon og tekst.
Planskildring s. 34 - Ta ut teksten ei bueining.
Planskildring s. 35 – Oppdater skildring av krav til parkering etter gjeldande kommuneplan.
Planleggar Aandal gjekk igjennom føresegnene og orienterte om endringane som må verte innarbeidd før planen kan laggast fram til godkjenning.
Utvalet røysta samrøystes for rådmannen sitt framlegg.
Med heimel i pbl. §19-2 gis det dispensasjon frå plankravet, og rekkjefølgjekravet om ny vegtilkomst i kommuneplanen sin arealdel 2017-2027 for oppføring av hytte på gnrbnr. 30/43. Dette er ein frådelt tomt som ligg i utkanten av planområdet. Tiltaket vil ikkje vere til hinder for framtidig regulering av området, og det vurderast at planstatusen vil vere lik etter ein eventuell framtidig regulering.
Dispensasjonen er gitt på følgjande vilkår.
Eigedom 30/43 skal vere part i framtidig utbyggingsavtale om utbetring av vegtilkomst.
Utvalet røysta over rådmannen sitt framlegg som vart samrøystes vedteke.
Samnanger kommune gjev Erik Nagel og Cecile K. Nagel konsesjon for kjøp av landbrukseigedomen på GBNR 8/2 Hisdal Ytre i Samnanger.
Vedtaket har heimel i konsesjonslova §§1 og 9.
Utvalet røysta over framlegget til rådmannen som vart samrøystes vedteke.
Politikar | Parti | Medlemstype | Mobil | E-Post |
---|---|---|---|---|
Karl Bård Kollbotn | Framstegspartiet | Leiar | karl.kollbotn@samnanger.kommune.no | |
Jon Magne Bogevik | Uavhengig representant | Nestleiar | jon.magne.bogevik@kvamnet.no | |
Tveiterås, Vidar | Arbeidarpartiet | Medlem | ||
Marken, Anja | Bygdalista, Miljøpartiet Dei Grøne | Medlem | anja.marken@folkevald.samnanger.no | |
Anja Elisabeth Gjerde Markhus | Bygdalista | Medlem | anja.gjerde@hotmail.com | |
Martin Haugen | Bygdalista | Medlem | martin-haugen@hotmail.com | |
Sture Tveit | Høgre | Medlem | sture.tveit@folkevald.samnanger.no | |
Gunn Totland Moss | Kristeleg Folkeparti | Medlem | gunn.totland.moss@gmail.com | |
Ingvild Raftevoll Bogevik (Ikke møtt) | Framstegspartiet | Medlem | ingvild.bogevik@kvamnet.no | |
Gunn Østvik Petersen (Ikke møtt) | Medlem | gunn.o.petersen@kvamnet.no |