Utval: | Formannskapet |
---|---|
Dato: | 31.05.2018 15:00 - 18:10 |
Møtestad: | Kommunehuset |
Status: | Vedtak er påført møtet |
Sakskart: | |
Møteprotokoll: |
Møteinnkallinga og saklista vert godkjent.
Delegerte vedtak/referatsaker vert tekne til orientering. Det vert gjort eige vedtak vedr. handtering av bekymringsmeldingar i barnevernssaker.
Vedtak vedr. handtering av bekymringsmeldingar i barnevernssaker:
Formannskapet er i dag blitt orientert av administrasjonen vedr saker knyttet til barnevern. Formannskapet tar administrasjonen si orientering til etterretning, og gir rådmannen fullmakt til bruk av eksterne ressursar til å undersøka sakene.
Godkjenning av møtennkalling og sakliste
Det var ingen merknader til møteinnkallinga eller saklista.
Ordførar Knut Harald Frøland (Bl) foreslo at dei tre siste orienteringane som var meldt inn til møtet, vart haldne heilt til slutt i møtet. Formannskapet slutta seg til dette forslaget.
Eventuelle merknader til protokoll frå førre møte
Ordførar Knut Harald Frøland (Bl) orienterte om e-post frå Odd Arne Haga (Frp), der han har meldt inn følgjande merknad til møteprotokollen for formannskapet 08.05.2018:
Eg godkjenner ikkje referat frå forrige formanns møte.
Denne merknaden blir teken inn i protokollen for formannskapet 31.05.2018. Ordføraren orienterte om at bakgrunnen for merknaden er at Odd Arne Haga meiner at det i møteprotokollen for formannskapet 08.05.2018 ikkje er gitt korrekt informasjon om kva dokument som vart delt ut i møtet. Rådmann Charlotte Hageberg orienterte i møtet 31.05.2018 om at administrasjonen har sjekka at det som står i protokollen er korrekt.
Ordføraren orienterte også om at Odd Arne Haga i same e-posten har meldt ein merknad til formannskapssak 024/2018 om årsmelding for 2017 for Samnanger kommune. Det var semje i formannskapet om at denne merknaden ikkje blir teken inn i møteprotokollen for formannskapet 31.05.2018.
Orienteringar
Påstand om feil ordbruk av varaordførar
Knut Harald Frøland (Bl) viste til at leiar i kontrollutvalet, Brigt Olav Gåsdal, i e-post til ordføraren har opplyst at han har fått informasjon om at varaordførar Øyvind Røen (Sp) i eit formannskapsmøte brukte formuleringa "tullearbeid" om kontrollutvalet sitt arbeid. Øyvind Røen orienterte om at han med ein gong ordføraren hadde vidaresende han denne e-posten, hadde informert om at han ikkje hugsa at han hadde brukt dette uttrykket spesielt, men at han beklaga ordbruken dersom han hadde brukt eit slik ord. Ordføraren oppmoda formannskapet om at dersom det vert brukt ord som ikkje høver seg, så må ordføraren få beskjed om dette med ein gong.
Spørsmål frå Fjordtønna om skatteplikt på tilskot
Rådmann Charlotte Hageberg orienterte om at eigar av Fjordtønna har stilt spørsmål til administrasjonen om tilskotet på 400.000 kroner som kommunestyret løyvde i sak 014/2018, vil vera skattepliktig.
Teigavika
Ordførar Knut Harald Frøland (Bl) orienterte om at Bergen og Omland Friluftsråd (BOF) i samarbeid med kommunen har laga ei skisse til korleis området i Teigavika kan tilretteleggast best mogleg. Kostnaden er estimert til 2 - 2,5 millionar kroner, og kommunen reknar med å få tilskot til delar av kostnaden. Det er ei målsetting at prosjektet skal vera fullført til sommaren 2019.
Vurdering av mogleg samarbeid med IKT Nordhorhordland
Charlotte Hageberg orienterte om status i saka. Saka vil bli lagt fram for kommunestyret 14.06.2018.
Forvaltningsavtale med Kinnect Energy om konsesjonskraft
Rådmann Charlotte Hageberg orienterte. Det er inngått avtale med Kinnect Energy (tidlegare Bergen Energi) som gjeld og med 2019, med prissikring på minst 5 millionar kroner for sal av kommunen si konsesjonskraft i 2019. Rådmannen orienterte vidare om at inntekta sal av konsesjonskrafta i 2018 vil bli nesten 5,5 millionar kroner. Dette er om lag 2,4 millionar kroner meir enn opprinneleg budsjettert i 2018.
Innspel planprogram K5 og Tokagjelet
Ordførar Knut Harald Frøland orienterte. Sak om desse planprogramma vil bli lagt fram for kommunestyret.
Premiss for økonomiplan 2019-2022 og årsbudsjett 2019
Ordførar Knut Harald Frøland orienterte. Det går fram av kommunestyret sitt premissvedtak 26.04.2018 (sak 010/2018) at det skal løyvast ein fast årleg sum til kyrkja til vedlikehald, samt at det skal løyvast ein fast årleg sum til kontroll og tilsyn (kontrollutvalet). Administrasjonen har ikkje hatt kapasitet til å utgreia/leggja fram desse to sakene til formannskapsmøtet 31.05.2018. Rådmann Charlotte Hageberg orienterte om at ho i møte med kyrkja 31.05.2018 foreslo at kyrkja tek opp eit lån på totalt om lag 4 millionar kroner til nødvendige vedlikehaldsprosjekt. Kommunen vil måtte garantera for eit slikt lån. Sak om premiss økonomiplan vil koma opp i formannskapsmøtet i 30.08.2018.
Salssum bustad i Arna
Ordførar Knut Harald Frøland (Bl) orienterte om at bustadeigedomen i Arna som kommunen (Samnangerheimen) nyleg arva no er selt for 3,27 millionar kroner. Kommunen sit igjen med nettoinntekt på ca. 3 millionar kroner. Desse midlane kan berre brukast til investeringar på Samnangerheimen. Det er førebels ikkje bestemt konkret kva midlane skal brukast til.
Sjukefråværsstatistikk
Rådmann Charlotte Hageberg orienterte om sjukefråværet i april 2018, samanlikna med sjukefråværet i april 2017. Sjukefråværet var markert lågare i april 2018 enn det var i april 2017. Dette gjeld både korttids- og langtidsfråværet. Sjukefråværsstatistikk fordelt pr. månad (og samanlikning med førre år) vil heretter bli ein del av den faste økonomirapporteringa til politisk nivå i kommunen. Rådmannen orienterte også om sjukefråværs-/nærværsprosjektet og leiarutviklingsprosjektet som for tida pågår.
Vegparsell Øvre Rolvsvåg næringsområde
Rådmann Charlotte Hageberg orienterte om status. Det er nyleg selt ein tomt i denne delen av næringsområdet til ca. 420.000 kroenr. Byggeleiar Nina Fredriksen har rapportert at prosjektet er gjennomført i tråd med finansiering, men unnatak av tillegg på kr. 100.000 til vass-/avløpsledning. Både næringsområdet og kommunen sine bustadtomtar vert no lagt ut på Finn.no for sal via meklar.
Svar frå fylkesmannen på ønske om utsatt frist på lukking av avvik etter tilsyn på samfunnstryggleik og beredskapsarbeidet.
Ordførar Knut Harald Frøland (Bl) orienterte om at fylkesmannen har gitt kommunen utsett fristen på lukking av avvik etter tilsyn på samfunnstryggleik og beredskapsarbeid. Fristen er no 31.12.2018.
Utvalet sitt kvarter:
Konsesjonsvilkår Fitjavatnet
Arild Røen (H) spurde om det ligg inne i konsesjonen for Fitjavatnet at vatnet kan regulerast. Han bad om å få ei utgreiing av/avklaring på dette i kommunestyret.
Orienteringar som vart gjevne til slutt i møtet (etter handsaminga av sak 033/18):
Lønsforhandlingar 2018 for rådmann og assisterande rådmann
Ordførar Knut Harald Frøland (Bl) bad om at møtet vart lukka under denne orienteringa, med heimel i kommunelova § 31.3. Formannskapet vedtok samrøystes å lukka møtet under denne orienteringa.
Tvist Rolvsvåg, Krekavegen og Nyuløtræ
Ordførar Knut Harald Frøland (Bl) bad om at møtet vart lukka under denne orienteringa, med heimel i kommunelova § 31.5. Formannskapet vedtok samrøystes å lukka møtet under denne orienteringa.
Rådmann Charlotte Hageberg orienterte om status i desse sakene.
Nils Aadland (A) foreslo at formannskapet tek orienteringa til etteretning. Formannskapet slutta seg samrøystes til dette forslaget.
Handtering av bekymringsmeldingar i barnevernssaker
Ordførar Knut Harald Frøland (Bl) bad om at møtet vart lukka under denne orienteringa, med heimel i kommunelova § 31.4. Formannskapet vedtok samrøystes å lukka møtet under denne orienteringa, med heimel i kommunelova § 31.4.
Inge Aasgaard bad om at gildskapen hans vart vurdert. Han gjekk frå medan formannskapet handsama gildskapen hans. Han vart samrøystes funnen gild, og gjekk så tilbake til møtebordet.
Formannskapet vart samde om følgjande fellesframlegg, som vart samrøystes vedteke:
"Formannskapet er i dag blitt orientert av administrasjonen vedr saker knyttet til barnevern. Formannskapet tar administrasjonen si orientering til etterretning, og gir rådmannen fullmakt til bruk av eksterne ressursar til å undersøka sakene."
Samrøystes vedtak.
Det vert gjort fylgjande budsjettjusteringar:
Rådmannen sitt framlegg til vedtak vart samrøystes vedteke.
Finansrapportering for 1.tertial 2018 vert tatt til etterretning.
Rådmannen sitt framlegg til vedtak vart samrøystes vedteke.
Årsmelding for Samnanger kommune for 2017 vert teken til orientering.
Arild Røen (H) viste til revisjonsrapporten som ligg som vedlegg til formannskapssak 025/18 om årsrekneskap 2017, og spurde om status for dei punkta som er bemerka i rapporten. Økonomisjef Nina Erdal orienterte kort om status for desse punkta.
Rådmannen sitt framlegg vart samrøystes vedteken.
Rekneskapen for 2017 vert godkjent slik han ligg føre. Mindreforbruk/overskot for 2016 på 8921,55 vert sett over til disposisjonsfondet.
Rådmannen sitt framlegg til vedtak vart samrøystes vedteke.
Rådmannen sitt framlegg til høyringsuttale til utkast til prehospital plan for Helse Bergen HF vert vedteke, men med følgjande tillegg:
-det må lagast landingsplass for ambulansehelikopter på Trengereid i samband med planlagt ambulansestasjonering der.-det må kartleggast moglege og trygge (sjekke opp i kraft/telefonledningen på plassar som er aktuelle) landingsplasser for ambulansehelikopter i nærliggjande kommunar. Desse må inn i plan.
Etter den innleiande debatten bad ordførar Knut Harald Frøland (Bl) om gruppemøte.
Etter gruppemøtet sette Monica Tjønna (Sp) fram følgjande fellesframlegg til tillegg til rådmannen sitt framlegg til uttale:
"-det må lagast landingsplass for ambulansehelikopter på Trengereid i samband med planlagt ambulansestasjonering der.-det må kartleggast moglege og trygge (sjekke opp i kraft/telefonledningen på plassar som er aktuelle) landingsplasser for ambulansehelikopter i nærliggjande kommunar. Desse må inn i plan."
Med dette tillegget vart rådmannen sitt framlegg samrøystes vedteke.
Samnanger kommune stemmer ja til det tilrådde forslaget i hovudtariffoppgjeret 2018.
Vedtaket er gjort av formannskapet med heimel i § 2.1 i Samnanger kommune sitt delegeringsreglement.
Rådmannen sitt framlegg til vedtak vart samrøystes vedteke.
Rådmannen får fullmakt til å utvida stillingsramma ved sørvissenteret med ei 100% stilling frå og med juli 2018. Det vert gitt tilleggsløyving på inntil 300.000 kroner frå disposisjonsfondet til finansiering av lønsutgiftene i 2018. Frå og med 2019 må lønsutgiftene leggjast inn i rådmannen sitt budsjettframlegg.
Rådmannen sitt framlegg til vedtak vart samrøystes vedteke.
Arbeidsgruppa sitt framlegg til nytt delegeringsreglement vert vedteke. Reglementet gjeld frå og med 15.06.2018.
Det skal hausten 2018 leggjast fram eiga sak om delegeringar etter plan- og bygningslova. Rådmannen får ansvar for å førebu og leggja fram denne saka.
Delegeringsreglementet skal reviderast ved behov.
Rådgjevar Jan Erik Boge orienterte om at det mest korrekte i denne saka vil vera at det er arbeidsgruppa, ikkje rådmannen, som skal gje tilråding i saka. Det var semje i formannskapet om at teksten i saka derfor skulle endrast frå "Rådmannen sitt framlegg til vedtak" til "Arbeidsgruppa sitt framlegg til vedtak".
Med denne endringa vart framlegget til vedtak samrøystes vedteke.
Ordførar vert leiar av TV-aksjonen. Samnanger kommune ber Samnanger kyrkjelyd om å stilla med 2 medlemmar i komiteen. Rådmannen stiller med sekretær. Komiteen bestemmer sjølv om dei ønskjer å trekke inn andre ressurspersonar.
Rådmannen sitt framlegg til vedtak vart samrøystes vedteke.
Samnanger kommune støttar Safa fabrikker med kr 100 000 til rehabilitering av Safa-pipa. Kr 10 000 vert tatt frå kulturavdelinga sitt budsjett for kulturvern og kr 90 000 frå næringsfondet.
Rådmannen sitt framlegg til vedtak vart samrøystes vedteke.
Samnanger kommune søkjer om å få delta i prøveprosjekt åleine eller saman med kommunar nær oss med tannlege i kommunal regi.
Rådmannen sitt framlegg til vedtak vart samrøystes vedteke.
Samnanger kommune innfører med verknad frå 2018 eit gebyr på kr. 449,- inkl. mva pr. år pr. fritidsbustad for feie- og tilsynstenester. Det nye gebyret vert teke inn kommunen sitt avgiftshefte.
Rådmannen sitt framlegg til vedtak vart samrøystes vedteke.
Politikar | Parti | Medlemstype | Mobil | E-Post |
---|---|---|---|---|
Knut Harald Frøland | Bygdalista | Leiar | frolandkh@gmail.com | |
Øyvind Røen | Senterpartiet | Nestleiar | oyv.roen@gmail.com | |
Nils Aadland | Arbeidarpartiet | Medlem | nils.aadland@folkevald.samnanger.no | |
Olaug Karin Øystese | Arbeidarpartiet | Medlem | olaug.karin.oystese@folkevald.samnanger.no | |
Lena Tveit | Bygdalista | Medlem | tveitlena@yahoo.no | |
Arild Røen | Høgre | Medlem | ariroeen@online.no | |
Inge Aasgaard | Kristeleg Folkeparti | Medlem | inge.aasgaard@samnanger.kommune.no | |
Monica Tjønna | Senterpartiet | Medlem | monica.tjonna@kvamnet.no | |
Odd Arne Haga (Ikke møtt) | Framstegspartiet | Medlem | odd.arne.haga@outlook.com |