Møte i Formannskapet den 08.05.2018

Vedtak

Møteinnkallinga og saklista vert godkjent.

Orienteringssaker vert tekne til orientering.

Behandling

Godkjenning av møteinnkalling og sakliste
Ingen merknader.

Godkjenning av protokoll frå førre møte
Ingen merknader.

Orienteringssaker

Ny takst for prestebustaden
Ordførar Knut Harald Frøland (Bl) orienterte om at kommunen har fått ny takst for prestebustaden på Haga. Den nye taksten er 4,75 millionar kroner. Dette er ein høgare takst enn kommunen har fått tidlegare.

Status arealplan/datasenter i Børdalen
Ordførar Knut Harald Frøland (Bl) orienterte om brev frå Fylkesmannen i Hordaland, der han trekker motsegnene sine til arealplanen i Børdalen. Arelplanen kjem opp til endeleg handsaming i kommunestyret 14.06.2018.

Spørsmål om vigsel
Ordførar Knut Harald Frøland (Bl) orienterte om at han har fått førespurnad om å gjennomføra ein vigsel utanfor kommunen. Han bad om råd frå formannskapet om korleis han skal stilla seg til denne førespurnaden. Det kom ikkje fram sterke synspunkt på dette frå nokon i formannskapet, d.v.s. at det blir opp til ordføraren å ta stilling til førespurnaden.

Utvalet sitt kvarter
Ingen saker.

Vedtak

Det vart ikkje gjort vedtak i saka.

Behandling

Ordførar Knut Harald Frøland (Bl) bad om at det vart teke stilling til om handsaminga av saka skulle gå for lukka dører. Møtet vart lukka medan formannskapet drøfta dette spørsmålet. Møtet vart opna igjen før formannskapet røysta over om saka skulle gå for lukka dører. Formannskapet vedtok samrøystes at handsaminga av saka skulle gå for lukka dører, med heimel i kommunelova § 31.5, jf. offentleglova § 23, første avsnitt. Møtet var etter dette lukka under resten av handsaminga av saka.

Under den lukka delen av møtet orienterte rådmann Charlotte Hageberg om økonomiske forhold knytt til prosjektet med bygging av nytt bufellesskap på Skottabakken. Vidare gjekk representantar frå administrasjonen gjennom dei utdelte dokumenta med svar på spørsmål som var komne inn til møtet. Formannskapet drøfta ulike forhold knytt til prosjektet og stilte òg ein del spørsmål til representantane frå administasjonen som var til stades i møtet.

Ordførar Knut Harald Frøland (Bl) bad om at når saka om Skottabakken skal opp i formannskapet 31.05.2018, må formannskapet få ein statusrapport om uavklarte plansaker/spørsmål vedrørande Skottabakken.

Det vart ikkje gjort vedtak i saka.