Møte i Naturutvalet den 04.12.2018

Vedtak

• Møteinnkallinga og saklista vert godkjent med tilleggssak 22/18.

• Delegerte vedtak/referatsaker vert tekne til orientering.

Behandling

Utvalet fekk spørsmål om å handsame tilleggssak 22/18- Stadfesting av planprogram for Børdalen. Sture Tveit (H) synast det var seint å få saka direkte til handsaming i møtet. Utvalet slutta seg likevel til å sette sak 22/18 saklista.

Orienteringar:

Orientering om Børdalen vert gjeven under handsaming av sak 22/18

Planleggar R.Aandal orienterte og delte ut utkast til rapport vedk muligheitsstudie for veg til Hagabotnane i møtet. Endeleg rapport kjem opp til handsaming i naturutvalet sitt møte over nyttår. Kommunestyret skal då ta stilling til vidare handsaming med ev val at trase og reguleringsplan for denne.

Ass.rådmann orienterte om at eigar av Løe i Hagabakkane er tilskreve og beden om å gje tilbakemelding på kva utbetringstiltak som vil verte sett i verk.

Utvalet sitt kvarter:

Jon Magne Bogevik (Uah) stilte spørsmål om kva tankar kommune har vidare med anleggskaia i Rolvsvåg. Ass.rådmann bad om å få komme tilbake med svar til neste møte.

Sture Tveit (H) bad om å få status for rettsaka kommunen har med Rolvsvåg Industrihamn v/Øystein Hansen. Ass.rådmann orienterte om at dette vil verte gjeve i kommunestyret den 13. desember.

Anja Elisabeth Gjerde Markhus (Bl) stilte spørsmål om status for raset som gjekk i Hagabakkane. Ass.rådmann orienterte om at Teknisk drift har sett inn tiltak med ekstra sjekk og grundig grøfterens ved meldt mykje nedbør. Vegen har fått høg prioritet i TD sitt kontinuerlege vedlikehald og det er vurdert tiltak som kan gje betre permanente løysingar for å hindre nye ras.

Vedtak

Samnanger kommune gjev med heimel i pbl. §19-2 dispensasjon frå pbl.§ 29-4 avstandskravet 4 meter frå nabogrense på gnr/bnr 18/11.

Kommunen vurderer konsekvensane for 18/49 til ikkje å vere vesentleg større enn ein må pårekne i eit område for fortetting. Kommunen finn heller ikkje at omsynet til pbl. §29-4 vert vesentlig sett til side på grunn av at konsekvensane er små. Fordelane knytt til nærskap til viktige målpunkt for brukarar av omsorgbustadene vurderast å vere vesentleg større enn ulempane ved utbygginga.

Dispensasjonen vert gjeve på følgjande vilkår:

-Det skal ikkje byggjast nærere enn 1 meter frå nabogrense til gbnr 18/11, jf. vedlagte planteikning.

Vedtaket kan pålagast til kommunen, jf. Lov om offentleg forvaltning.

Klagefristen er 3 veker rekna frå den dagen De mottok vedtaket.Det er nok at klagen er postlagt innan fristen går ut. Klagen skal sendast skriftleg til etaten som har gjort vedtaket.

I klagen skal det gå fram kva som vert påklaga (vedtaket) og kva som er endringar De som part ynskjer. Klagen skal grunngjevast.

Behandling

Framlegget vart vedteke med 7 mot 1 røyst.

Karl Kolbotn (Frp) sette fram merknad til protokollen, sjå møtenotater.

Vedtak

Samnanger kommune vedtek handlingsprogrammet for 2019 og prioriterer søknader om spelemidlar til ordinære anlegg i denne rekkefølgja:

1. Kunstgrasbane

2. Friidrettsanlegg

3. Bjørkheim friluftsområde
   

Behandling

Framlegget vart samrøystes vedteke.

Vedtak

Med heimel i §14 i lov om kommunal beredskapsplikt legger Samnanger kommune «Heilskapleg risiko- og sårbaranalyse» ut til offentleg ettersyn.

Samnanger kommune vedtek reviderte akseptkriteriar med tilhøyrande risikomatrisar.

Behandling

Framlegget vart samrøystes vedteke

Vedtak

Samnanger kommune vedtek med heimel i plan- og bygningslova § 4-1 og § 12-9 planprogram for «detaljregulering av Høysetervegen 136, Gnr. 35 bnr. 4, Børdalen Næringsområde», revisjonsdato,29-11.2018

Behandling

Framlegget vart samrøystes vedteke.

Ordførar, Ø.Røen, bad om at i vedtak til kommunestyret bør det gå fram at det er Samnnager kommune som gjer vedtak. Utvalet slutta seg til korrigeringa.

Utvalet slutta seg og til at det vert lagt inn meir utfyllande vurderingar/oppsummering i saksutgreiinga som går til kommunestyret.