Møte i Kommunestyret den 03.06.2019

Vedtak

Møteinnkallinga og saklista vert godkjent.Delegerte vedtak/referatsaker vert tekne til orientering.

Behandling

Godkjenning av møteinnkalling og sakliste:
Godkjent utan merknader.

Ordførar Knut Harald Frøland (Bl) foreslo at interpellasjonane frå Frp vart handsama etter sak 035/2019 (den siste saka på saklista). Kommunestyret slutta seg til dette forslaget.

Eventuelle merknader til protokollen frå førre møte:
Ingen merknader.

Orientering om moglegheitsstudie Fossen bratte:
Orientering v/Trond Amland.

Orientering frå BKK om status tiltak for å unngå straumutfall

Grunngjevne spørsmål:

Grunngjevne spørsmål frå Frp
Odd Arne Haga (Frp) las opp dei grunngjevne spørsmåla. Rådmann Charlotte Hageberg las opp svara sine på spørsmåla. Dei grunngjevne spørsmåla inkludert rådmannen sine svar vart òg sendt på e-post til alle medlemmene i kommunestyret, og ligg som vedlegg til møteprotokollen.


Orienteringssaker:
Utvalet sitt kvarter: Tilknytting av private til offentleg vass- og avløpssystem
Opprydding/opprensking i sanitære forhold på Ytre-TysseGransking av barnevernssakerGang- og sykkelveg til Hagabotnane
Integrering av flyktningar
Solveig Vassenden (Bl) orienterte om utfordringar med å integrera flyktningar i kommunen. Ho orienterte også om at det er vanskeleg for flyktningar å få fast jobb/heilårsjobb i Samnanger.

Vedtak

Årsmelding for Samnanger kommune for 2018 vert teken til orientering.

Behandling

Formannskapet sitt framlegg vart samrøystes vedteke.

Vedtak

Finansrapportering for 1.tertial 2019 vert tatt til etterretning. Kommunen slår saman to lån på tilsaman 10 mill kroner i Kommunalbanken med tilnærma lik attverande avdragstid. Det nye lånet vert tatt opp avdragsfritt og avdrag vert betalt årleg i samsvar med Kommunestyret sitt vedtak om evt. minimumsavdrag.

Behandling

Formannskapet sitt framlegg vart samrøystes vedteke.

Vedtak

Rekneskapen for 2018 vert godkjent slik han ligg føre. Mindreforbruk (overskot) for 2018 på

kr 1 260 328,45 vert sett av til disposisjonsfondet.

Behandling

Formannskapet sitt framlegg vart samrøystes vedteke.

Vedtak

Økonomirapportering pr 1.tertial vert tatt til etterretning og det vert gjennomført fylgjande budsjettjustering:

Det vert ikkje kravd inn gebyr for 2.halvår på slam og septiktank for dei som betaler fire gongar pr år. Prisen for dei som betaler ein gong pr år vert redusert tilsvarande. Bruk av fond vert auka tilsvarande inntektsreduksjon.

Behandling

Formannskapet sitt framlegg vart samrøystes vedteke.

Vedtak

Kontrollutvalet får fullmakt til å gjennomføra ny konkurranse for kjøp av revisjonstenester. Tidsramma må leggjast slik at den som vert valt ut frå konkurransen, er revisor fom. 01.07.2020. Fullmakta omfattar gjennomføring av heile prosessen, herunder:
a. Utarbeiding og godkjenning av tilbodsdokument.
b. Knytta til seg naudsynt ekstern hjelp.
c. Vurdera mottekne tilbod og innstila overfor kommunestyret på val av revisor.

Behandling

Kontrollutvalet sitt framlegg vart samrøystes vedteke.

Vedtak

Osteriet i Samnanger (org.nr 990 701 202) v/ Bente Getz får med dette med heimel i Alkoholloven §1-6 løyve til sal av alkoholhaldig drykk til og med gruppa 1 (jf. Alkoholforskriften §1-1) i eige butikklokale på garden (Tveit 31, 5650 Tysse) i Samnanger kommune.

Løyvet gjeld til 30.september 2020.

Osteriet I Samnanger (org.nr: 990 701 202) v/ Bente Getz får med heimel i Alkoholloven § 1-6 løyve til skjenking av alkoholhaldig drykk (gruppe 1 og 2 jf. Alkoholforskriften §1-1) på terrassen på garden i Tveit 31, 5650 Tysse.

Løyvet gjeld skjenking av alkoholhaldig drykk (gr. 1 og 2).

Skjenketid: kl. 12:00 – kl. 24:00.

Løyvet gjeld til 30.september 2020.

Behandling

Formannskapet sitt framlegg vart vedteke med 18 mot 3 røyster.

Vedtak

Med heimel i forskrift om kommunal beredskapsplikt § 2 vert Heilskapleg risiko- og sårbaranalyse for Samnanger kommune fastsett, med følgjande to dokument:

Heilskapleg ROS_Revidert 23_05_19

Appendiks 1_ Revidert 23_05_19

Behandling

Rådmannen sitt fralmegg vart samrøystes vedteke.

Vedtak

1. Samnanger kommune vedtar å gå inn som deltakar i IKT Nordhordland kommunalt oppgåvefellesskap.

2. Samnanger kommune vedtar samarbeidsavtalen for IKT Nordhordland kommunalt oppgåvefellesskap slik den ligg føre.

Behandling

Formannskapet sitt framlegg vart samrøystes vedteke.

Vedtak

Samnanger kommune skal med verknad frå sommaren/hausten 2019 innføra ny velferdsteknologi. Rådmannen har ansvar for dette.

Det vert løyvd 125.000 kroner til leige/kjøp av velferdsteknologi, opplæring av tilsette m.m. i 2019. Løyvinga vert finansiert av disposisjonsfondet.

Det vert oppretta ei mellombels 50 % stilling som prosjektleiar for innføring av velferdsteknologi i Samnanger kommune, i perioden 01.09.2019 – 31.12.2020. Det vert løyvd 130.000 kroner til finansiering av lønsutgiftene for denne stillinga i 2019. Løyvinga vert finansiert av disposisjonsfondet. Lønsmidlar til stillinga i 2020 må leggjast inn i rådmannen sitt budsjettframlegg.

Det skal i 2019 ikkje vera gebyr/brukarbetaling på eLåsar for brukarar i Samnanger.

Behandling

Rådmann Charlotte Hageberg sette fram følgjande tillegg til framlegget til vedtak som står i sakspapira:
"Det skal i 2019 ikkje vera gebyr/brukarbetaling på eLåsar for brukarar i Samnanger."

Med dette tillegget vart rådmannen sitt framlegg samrøystes vedteke.

Vedtak

Arbeidsgruppa sitt framlegg til endringar i delegeringsreglementet vert vedteke.

Endringane vert iverksett som følgjer:

• Dei nye reglane om delegeringar etter plan- og bygningslova gjeld frå og med 04.06.2019.

• Dei nye reglane om tilsetjingsmynde gjeld frå og med 24.10.2019. Fram til dette gjeld dei noverande reglane i delegeringsreglementet.

Heimel for vedtaket om endringar i delegeringsreglementet er kommunelova § 39.

Driftsbudsjettet blir vedtatt på ansvarsnivå (som no).

Behandling

Arbeidsgruppa sitt framlegg vart samrøystes vedteke.

Vedtak

Samnanger kommune vert med verknad frå 01.08.2019 organisert etter følgjande modell:

Vedtaket inneber at kommunen ikkje lenger skal ha sektorleiarstillingar.

Rådmannen har ansvar for å vurdera og bestemma kva endringar i organisering/stillingar som skal gjerast som følgje av vedtaket, jf. mynde i høve personal- og organisasjonssaker som er delegert til rådmannen i kommunen sitt delegeringsreglement.

Behandling

Formannskapet sitt framlegg vart vedteke med 20 mot 1 røyst. Jon Magne Bogevik (Uavh.) røysta imot framlegget.

Vedtak

Folkevalde i Samnanger som har kommunal iPad på utlån i dag, og som ikkje held fram som folkevalde i valperioden 2019 – 2023, får høve til å kjøpa ut iPad’en for 500 kroner når dei sluttar som folkevalde hausten 2019.

Også folkevalde som held fram i valperioden 2019 – 2023, men som ikkje vert vald som fast medlem eller 1. eller 2. varamedlem til kommunestyret eller kontrollutvalet, får høve til å kjøpa ut iPad’en for 500 kroner når den noverande valperioden er slutt i oktober 2019.

Dersom nokon folkevalde i dei to gruppene ovanfor vel å ikkje kjøpa ut iPad’en, må dei levera den tilbake til kommunen når den noverande valperioden er slutt i oktober 2019.

Behandling

Formannskapet sitt framlegg vart samrøystes vedteke.

Vedtak

Forslaget til revidert lønspolitisk plan for Samnanger kommune vert vedteke, med følgjande endringar:

Pkt 5.3Dei føreslegne endringane i reglane om kva tillegg som skal vera pensjonsgjevande vert fjerna. Ekstra vaktgodtgjersle for helge- og høgtidsdagar (helge- og høgtidstillegg etter HTA kapittel 1, § 5.3) skal framleis vera pensjonsgjevane for tilsette som får heimevaktgodtgjersle utbetalt som månadleg tilleggsløn.

Pkt. 7.3.1Setninga som begynner med "I Samnanger..." vert fjerna.

Pkt 7.3.4.1Under generelle merknader (høgre kolonne):

Ikkje noko tak på 35.000 kroner.

Ny tabell:

Den reviderte planen gjeld med verknad frå 04.06.2019.

Behandling

Administrasjonsutvalet sitt framlegg vart samrøystes vedteke.

Vedtak

Statusrapport for eigedomsforvaltninga i Samnanger kommune sitt framtidige vedlikehaldsbehov vert teken til orientering. I det vidare arbeidet får rådmannen mandat til å utarbeida følgjande grunnlag til budsjett/økonomiplan 2020-23:

• auka ramma til vedlikehaldsbudsjettet med 1 million kroner

• utarbeida romprogram for 1-10 skule

• kartleggja og utarbeida behovet for omsorgsbustader, særskilt for eldre, psykiatripasientar og demente, og behovet for sjukeheimsplassar i 95-bygget

• starta planlegging for utviding av kyrkjegarden

• kartleggja romprogram for helsetunet der tenester som går under helse vert samla.​

• utarbeida romprogram for kommunehus, med vurdering av både samla og delt plassering, inkludert bruk av eksisterande bygg

• utarbeida romprogram for brannstasjon.

Behandling

Monica Tjønna (Sp) sette fram følgjande framlegg, på vegner av Sp:
"-Det må utgreiast alternativ til utbetring av eksisterande kommunehus. Eksisterande bygningsmasse i kommunen må prioriterast, framfor nybygg.-Utarbeida romprogram for 1-10 skule og felles barnehage. Dette skal vera grunnlaget for framtidig skule og barnehagestruktur. - Kartleggja behovet for omsorgsbustader, særskilt for eldre, psykiatriklientar og demente. Behovet for sjukeheimsplassar i 95-bygget må og vurderast-Kartleggja romprogram for helsetunet der tenester som går under helse vert samla.     -Starta planlegging for utviding av kyrkjegarden .-Auka ramma til vedlikehaldsbudsjettet med 1 million kroner."
"Statusrapport for eigedomsforvaltninga i Samnanger kommune sitt framtidige vedlikehaldsbehov vert teken til orientering. I det vidare arbeidet får rådmannen mandat til å utarbeide følgjande grunnlag til budsjett/økonomiplan 2020-23:

• auka ramma til vedlikehaldsbudsjettet med 1 million kroner

• romprogram for 1-10 skule

• kartleggja og utarbeida behovet for omsorgsbustader, særskilt for eldre, psykiatripasientar og demente, og behovet for sjukeheimsplassar i 95-bygget

• starta planlegging for utviding av kyrkjegarden

• kartleggja romprogram for helsetunet der tenester som går under helse vert samla.​

• utarbeida romprogram for kommunehus, med vurdering av både samla og delt plassering, inkludert bruk av eksisterande bygg."

Øyvind Røen (Sp) bad om gruppemøte.

Etter gruppemøtet fekk Anja Elisabeth Gjerde Markhus (Bl) permisjon frå møtet. Bjarte Linga (Bl) gjekk inn som varamedlem for ho i resten av møtet.

Øyvind Strømmen sette fram følgjande reviderte framlegg, på vegner av Mdg:
"Statusrapport for eigedomsforvaltninga i Samnanger kommune sitt framtidige vedlikehaldsbehov vert teken til orientering. I det vidare arbeidet får rådmannen mandat til å utarbeida følgjande grunnlag til budsjett/økonomiplan 2020-23:

• auka ramma til vedlikehaldsbudsjettet med 1 million kroner

• utarbeida romprogram for 1-10 skule

• kartleggja og utarbeida behovet for omsorgsbustader, særskilt for eldre, psykiatripasientar og demente, og behovet for sjukeheimsplassar i 95-bygget

• starta planlegging for utviding av kyrkjegarden

• kartleggja romprogram for helsetunet der tenester som går under helse vert samla.​

• utarbeida romprogram for kommunehus, med vurdering av både samla og delt plassering, inkludert bruk av eksisterande bygg

• utarbeida romprogram for brannstasjon"

Øyvind Strømmen orienterte om at han hadde fått signal i gruppemøtet om at også andre parti/lister ønskte å slutta seg til framlegget hans, men at han ikkje hadde oversikt over kven som ville gjera dette. Han orienterte om at han ikkje hadde problem med at dei som ønska å slutta seg til framlegget fekk høve til å gjera dette, og at det vart protokollført at også desse var forslagsstillarar.

Øyvind Røen orienterte om at Sp ønskte å stilla seg bak og vera med som forslagsstillarar på framlegget til Øyvind Strømmen. Han orienterte også om at Sp som følgje av dette trekte framlegget dei hadde sett fram tidlegare under handsaminga av saka.

Knut Harald Frøland (Bl) orienterte om at Bl ønskte å stilla seg bak framlegget til Øyvind Strømmen.

Arild Røen (H) orienterte om at H, A og Krf stilte seg bak framlegget til Øyvind Strømmen.

I røystinga vart framlegget til formannskapet sett opp mot framlegget til Mdg, Sp, H, A og Krf. Framlegget til Mdg, Sp, H, A og Krf vart samrøystes vedteke.

Vedtak

Det vert løyvd kr 700 000 til Samnanger kyrkjestyre til investeringsprosjekt. Prosjekta som skal prioriterast i 2019 er straumstyring i Haga kyrkje, universelt utforma toalett ved Ådland kyrkje og nytt sikringsanlegg m/ straumstyringsanlegg i Ådland kyrkje. Finansiering vert forventa unytta lånemidlar.

Behandling

Formannskapet sitt framlegg vart samrøystes vedteke.

Vedtak

• Det skal i 2020-budsjettet vera ei avsetjing på 3,9 millionar kroner til disposisjonsfondet, i tillegg til eit netto resultatkrav på 1,75%.

• Det blir sett av 100.000 til vedlikehald for kyrkjestyret. Dette skal vera ein fast årleg sum som er øyremerkt til vedlikehald av bygningsmasse/eigedom.

• I budsjettarbeidet for 2020 skal ein leggja til grunn kostnadsnivå for 2019, og berre indeksjustera for auka lønskostnader. Dette gjeld også for kyrkja og kontrollutvalet/revisjonen.

• Det skal utarbeidast ein konkret plan på kva klimatiltak Samnanger kommune skal bruka pengar på i 2020. Midlar skal hentast frå klimafondet, kr 150.000,-

• Det må utgreiast ein heilheitleg plan på oppvekstsektoren, der 1-10 skule, sammanslåing av barnehagane og fleirbrukshall/idrettshall skal sjåast på under eitt. Dette vert finansiert av midlar som allereie er gitt frå fylkeskommunen, kr 500.000,-

• Det må gjerast ein mogelegheitsstudie for Bjørkheimsområdet. Her skal ein vurdera ny næringsverksemd og forskjønning av området. Midlar skal hentast frå disposisjonsfondet, inntil kr 250.000.

Behandling

Øyvind Strømmen (Mdg) sette fram følgjande endringsframlegg (på kulepunkt 4):

«Budsjettet og økonomiplanen skal styra mot eit mål om klimanøytralitet innan 2030. Det skal utarbeidast ein konkret plan på kva klimatiltak Samnanger kommune skal prioritera i 2020, med finansiering frå klimafondet. Det skal også sjåast på klimatiltak utover dette, eventuelt ny avsetjing til klimafondet».​

Gunn Østvik Petersen (A) fekk permisjon frå møtet frå kl. 16.20. Ho deltok derfor ikkje under siste del av handsaminga og røystinga i saka.
Det var eitt gruppemøte under handsaminga av saka.

Etter gruppemøtet sette Monica Tjønna (Sp) fram følgjande framlegg til nytt kulepunkt 6, på vegner av Sp og Bl:
"-Det må gjerast ein mogelegheitsstudie for Bjørkheimsområdet. Her skal ein vurdera ny næringsverksemd og forskjønning av området. Midlar skal hentast frå disposisjonsfondet, inntil kr 250.000.

- siste punkt strykas grunna tidligare vedtak."

Harald Boge (A) sette fram følgjande framlegg til nytt kulepunkt 5:
"Det vert sett i gang ein mulighetsstudie i oppvekstsektoren angående 1-10 skule, fleirbrukshall/ idrettshall og løysing angåande symjehall. Dette vert finansiert av midlar som allereie er gitt frå fylkeskommunen, kr 500.000."

Odd Arne Haga (Frp) sette fram følgjande framlegg:
"Saken blir utsatt til oppgradering av kommunehus og ungdomsskule er utredet."

Det vart først røysta over utsetjingsframlegget frå Odd Arne Haga. 5 røysta for og 15 røysta imot dette framlegget.

Det vart etter dette røysta punktvis i saka.

1. Røysting om det første kulepunktet i formannskapet si framlegg.

Framlegget vart vedteke med 13 mot 7 røyster.

2. Røysting om det andre kulepunktet i formannskapet sitt framlegg.

Framlegget vart samrøystes vedteke.


3. Røysting om det tredje kulepunktet i formannskapet sitt framlegg.

Framlegget vart vedteke med 19 mot 1 røyst. Brigt Olav Gåsdal (A) røysta imot framlegget.


4. Det fjerde kulepunktet i formannskapet sitt framlegg vart sett opp mot framlegget frå Øyvind Strømmen.

Formannskapet sitt framlegg fekk 12 røyster og vart vedteke. Øyvind Strømmen sitt framlegg fekk 8 røyster.

Protokollmerknad:
Odd Arne Haga bad om å få ein protokollmerknad om at det ikkje var høve til å røysta imot begge framlegga.


5. Det femte kulepunktet i formannskapet sitt framlegg vart sett opp mot framlegget frå Harald Boge.

Begge framlegga fekk 10 røyster. På grunn av at ordføraren røysta for formannskapet sitt framlegg, vart dette framlegget vedteke (med ordføraren si "dobbelrøyst").

Protokollmerknad:
Odd Arne Haga bad om å få ein protokollmerknad om at det ikkje var høve til å røysta imot begge framlegga.

6. Det sjette kulepunktet i formannskapet sitt framlegg vart sett opp mot framlegget frå Sp og Bl.

Framlegget frå Sp og Bl fekk 15 røyster og vart vedteke. Formannskapet sitt framlegg fekk 5 røyster.

7. Det sjuande kulepunktet i formannskapet sitt framlegg vart sett opp mot framlegget frå Sp og Bl om å stryka dette punktet.
Framlegget frå Sp og Bl fekk 19 røyster og vart vedteke. Formannskapet sitt framlegg fekk 1 røyst. Arild Røen (H) røysta for formannskapet sitt framlegg.