Møte i Formannskapet den 23.05.2019

Vedtak

Møteinnkallinga og saklista vert godkjent.

Delegerte vedtak/referatsaker vert tekne til orientering.

Behandling

Godkjenning av møteinnkalling og sakliste:
Ordførar Knut Harald Frøland foreslo at handsaminga av sak 013/2019 vart flytta, og at denne saka vart handsama rett før sak 022/2019. Formannskapet slutta seg til dette forslaget.

Det var elles ingen merknader til møteinnkallinga eller saklista.

Eventuelle merknader til protokoll frå førre møte:
Ingen merknader.


Orienteringssaker:

Presentasjon kommunedelplan Tokagjelet
Ordførar Knut Harald Frøland (Bl) orienterte om at det vert møte 28.05.2019 kl.14.00 - 16.00 ved Furedalen alpin.

Offentleg badestrand Teigavika
Ordførar Knut Harald Frøland (Bl) orienterte om framdrifta for arbeidet. Tilrettelegginga av Teigavika vert truleg ikkje ferdig til sommaren 2019.

Kvalitetsdialog vegmodell, vidare prosess
Ordførar Knut Harald Frøland (Bl) orienterte om arbeidet i vegnemnda. Han viste også til e-post frå Frp med forslag til løysing/vedtak. Odd Arne Haga (Frp) forklarte at Frp ønskjer å få forslaget opp til handsaming i kommunestyret. Som følgje av at sak om kommunale vegar ikkje står på saklista til kommunestyremøtet 03.06.2019, må Frp senda forslaget inn som interpellasjon dersom dei ønskjer å få det handsama i kommunestyret.

Ingeniørhytta
Ordførar Knut Harald Frøland (Bl) orienterte om møte om ingeniørhytta 21.05.2019, og om arbeidet for å få sett hytta i stand og bestemma kva den skal brukast til i framtida.

Status Skottabakken
Rådmann Charlotte Hageberg orienterte. Framdrifta for arbeidet er litt bak opprinneleg plan, og overleveringsdato er no planlagt til 06.03.2020. Samla sett (inkludert løyvde midlar til flaumsikring) ser det ut til den løyvde budssjettramma vil vera tilstrekkeleg.

Lovbrot relatert til barnevernstenesta
Rådmann Charlotte Hageberg orienterte. Forholda som fylkesmannen har påpeika, gjeld oppfølging av barn som bur i fosterheim. Svar vart sendt til fylkesmannen 20.05.2019.

Avvikshandtering
Rådmann Charlotte Hageberg oienterte om at kommunen sitt elektroniske avviksssystem har vore mellombels ute av drift etter flyttinga av kommunen si IKT-drift til IKT Nordhordland. Avviksrapportering har derfor måtte gjerast på papir dei siste par månadane. Det elektroniske avvikssyystemet kjem truleg i drift igjen i løpet av juni. Rådmannen orienterte også kort om innkomne avvik, og peika i samband med dette på at det er stor underrapportering av avvik i kommunen.

Sjukefråvær
Rådmann Charlotte Hageberg presenterte sjukefråværsstatistikk for 1. kvartal 2019. Det er ein liten auke i det samla sjukefråværet i forhold til 1. kvartal 2018. Rådmannen uttrykte bekymring over at korttidsfråværet har auka i nokre einingar (barnehage, sjukeheim og helse).

Kontrakt gransking barnevern
Rådmann Charlotte Hageberg orienterte om at det er inngått kontrakt med Barneadvokatene, og at det vert oppstartmøte med dei måndag 27.05.2019.

VA-reguleringsplan Eikedalen
Ordførar Knut Harald Frøland (Bl) orienterte.

Stevning vassleidning Krekavegen, stevning leige av bu Rolvsvåg industrihavn, rettssak Nyutløtræ
Ordførar Knut Harald Frøland (Bl) orienterte kort om desse tre pågåande sakene.



Utvalet sitt kvarter:

Stad/lokale for møte i formannskapet
Odd Arne Haga (Frp) sa at det har kome reaksjonar på at formannskapsmøtet ikkje vert halde på kommunehuset. Monica Tjønaa (Sp) og Arild Røen (H) peika på at krav om universell utforming tilseier at formannskapsmøta bør haldast på biblioteket på Bjørkheim.

Tannlegeteneste på Tysse
Odd Arne Haga (Frp) orienterte om at han har teke opp spørsmål om privat tannlegekontor på Tysse i Frp, og der fått opplyst at det er moglegheit for at ein privatpraktiserande tannlege i Samnanger vil kunne få fylkeskommunal støtte. På bakgrunn av informasjonen kommunen tidlegare har fått frå fylkestannlegen, meinte fleire av representantane i formannskapet opp at desse opplysningane ikkje kan vera korrekte. Rådmann Charlotte Hageberg orienterte om at det ser ut til at det kan vera moglegheit for å få etablert eit privat tannlegekontor på Tysse to dagar pr. veke. Ho orienterte også om at det offentlege tannlegekontoret på Tysse vert lagt ned i sommar.

Opningstider telefonsentralen på kommunehuset
Arild Røen (H) orienterte om at han har fått reaksjonar på at opningstidene på telefonsentralen på kommunehuset har vorte redusert. Rådmann Charlotte Hageberg orienterte om at bakgrunnen for dei reduserte opningstidene er svært høgt arbeidspress ved sørvissenteret.

Informasjon til folkevalde
Arild Røen (H) viste til at han tidlegare har teke opp at han saknar meir informasjon til folkevalde om kva som "rører seg" i kommunen, mellom anna informasjon frå ordføraren utanom dei politiske møta. Formannskapet hadde så ein diskusjon om informasjon/informasjonsflyt.

Samrøystes vedtak.

Vedtak

Rekneskapen for 2018 vert godkjent slik han ligg føre. Mindreforbruk (overskot) for 2018 på kr 1 260 328,45 vert sett av til disposisjonsfondet.

Behandling

Rådmannen sitt framlegg vart samrøystes vedteke.

Vedtak

Årsmelding for Samnanger kommune for 2018 vert teken til orientering.

Behandling

Rådmannen sitt framlegg vart samrøystes vedteke.

Vedtak

Finansrapportering for 1.tertial 2019 vert tatt til etterretning. Kommunen slår saman to lån på tilsaman 10 mill kroner i Kommunalbanken med tilnærma lik attverande avdragstid. Det nye lånet vert tatt opp avdragsfritt og avdrag vert betalt årleg i samsvar med Kommunestyret sitt vedtak om evt. minimumsavdrag.

Behandling

Rådmannen sitt framlegg vart samrøystes vedteke.

Vedtak

Økonomirapportering pr 1.tertial vert tatt til etterretning og det vert gjennomført fylgjande budsjettjustering:

Det vert ikkje kravd inn gebyr for 2.halvår på slam og septiktank for dei som betaler fire gongar pr år. Prisen for dei som betaler ein gong pr år vert redusert tilsvarande. Bruk av fond vert auka tilsvarande inntektsreduksjon.

Behandling

Inge Aasgaard (Krf) bad om å få gildskapen sin vurdert, på bakgrunn av at han er fungerande einingsleiar (rektor) ved Samnanger barneskule. Han gjekk frå medan formannskapet vurderte gildskapen hans. Inge Aasgaard vart samrøystes funnen gild og deltok derfor under den vidare handsaminga av saka.

Rådmannen sitt framlegg vart samrøystes vedteke.

Vedtak

Det vert løyvd kr 700 000 til Samnanger kyrkjestyre til investeringsprosjekt. Prosjekta som skal prioriterast i 2019 er straumstyring i Haga kyrkje, universelt utforma toalett ved Ådland kyrkje og nytt sikringsanlegg m/ straumstyringsanlegg i Ådland kyrkje. Finansiering vert forventa unytta lånemidlar.

Behandling

(Denne saka vart handsama mellom sak 021/2019 og 022/2019).

Rådmannen sitt framlegg vart samrøystes vedteke.

Vedtak

1. Samnanger kommune vedtar å gå inn som deltakar i IKT Nordhordland kommunalt oppgåvefellesskap.

2. Samnanger kommune vedtar samarbeidsavtalen for IKT Nordhordland kommunalt oppgåvefellesskap slik den ligg føre.

Behandling

Rådmannen sitt framlegg vart samrøystes vedteke.

Vedtak

Therese Moe får kr. 15.000 i tilskot til oppstart av Samnanger catering. Ho har fullført kurs i regi av etablerarsenteret. Tilskotet vert utbetalt når utgifter til utstyr kan dokumentarast. Tilskotet vert oppheva dersom det ikkje er utbetalt 2 år frå den dato vedtaket er gjort. Tilskotet vert finansiert av næringsfondet.

Behandling

Rådmannen sitt framlegg vart samrøystes vedteke.

Vedtak

Einar Dalseid og Vigleik Tysseland deler kulturprisen 2019.

Behandling

Ordførar Knut Harald Frøland (Bl) bad om å få gildskapen sin vurdert, på bakgrunn av at ein av dei føreslegne kandidatane er "filleonkelen" hans (ingifta onkel). Han gjekk frå medan formannskapet vurderte gildskapen hans. Varaordførar Øyvind Røen (Sp) overtok som ordstyrar under under denne handsaminga. Knut Harald Frøland vart samrøystes funnen gild, og gjekk tilbake som ordstyrar og deltok i resten av handsaminga av saka.

Arild Røen (H), Øyvind Røen (Sp) og Monica Tjønna (Sp) sette fram framlegg om at Einar Dalseid og Vigleik Tysseland deler kulturprisen 2019.

Lena Tveit (Bl) sette fram framlegg om at Aadland gards- og friluftsbarnehage vert tildelt kulturprisen 2019.

Inge Aasgaard (Krf) sette fram framlegg om at Samnanger Skulemusikklag vert tildelt kulturprisen 2019.

Før røystinga drøfta formannskapet om retningslinene for Samanger kommune sin kulturpris opnar for at to personar kan dela kulturprisen. Konklusjonen vart at det vil vera opp til formannskapet å avgjera korleis retningslinene skal forståast med omsyn til dette.

Ved røystinga i saka vart dei tre framlegga sett opp mot kvarandre. Resultatet vart som følgjer:

Vedtak

Osteriet i Samnanger (org.nr 990 701 202) v/ Bente Getz får med dette med heimel i Alkoholloven §1-6 løyve til sal av alkoholhaldig drykk til og med gruppa 1 (jf. Alkoholforskriften §1-1) i eige butikklokale på garden (Tveit 31, 5650 Tysse) i Samnanger kommune.

Løyvet gjeld til 30.september 2020.

Osteriet I Samnanger (org.nr: 990 701 202) v/ Bente Getz får med heimel i Alkoholloven § 1-6 løyve til skjenking av alkoholhaldig drykk (gruppe 1 og 2 jf. Alkoholforskriften §1-1) på terrassen på garden i Tveit 31, 5650 Tysse.
Løyvet gjeld skjenking av alkoholhaldig drykk (gr. 1 og 2).
Skjenketid: kl. 12:00 – kl. 24:00.
Løyvet gjeld til 30.september 2020.

Behandling

Rådmannen sitt framlegg vart vedteke med 7 mot 2 røyster.

Vedtak

Samnanger kommune vert medlem av Klimapartner. Medlemkontingenten for hausten 2019 utgjer kr.25.000. Årleg kontingent er på inntil kr. 50.000. Utgifta vert dekka frå berekraftutviklingsfond. Tiltak i samband med klimaarbeidet vert lagt inn i budsjettarbeidet for 2020.

Behandling

Rådmannen sitt framlegg vart vedteke med 8 mot 1 røyst.

Vedtak

Statusrapport for eigedomsforvaltninga i Samnanger kommune sitt framtidige vedlikehaldsbehov vert teken til orientering.

I det vidare arbeidet får rådmannen mandat til å utarbeide følgjande grunnlag til budsjett/økonomiplan 2020-23:

• utarbeide romprogram for nytt kommunehus og vurdere dette i samband med tettstadutvikling av Bjørkheim.

• utarbeide romprogram for 1-10 skule og felles barnehage. Dette skal vera grunnlaget for framtidig skule og barnehage struktur.

• kartlegge og utarbeid behovet for omsorgsbustader, særskilt eldre og psykiatriklientar, og behovet for sjukeheimsplassar i 95-bygget.

• kartlegge romprogram for helsetunet der tenester som går under helse vert samla.

• starte planlegging for utviding av kyrkjegarden

• auke ramma til vedlikehaldsbudsjettet med 1 million kroner.

Behandling

Innleiingsvis orienterte einingsleiar teknisk drift Nils Jonny Skar kort om rapporten som er utarbeidd. Han svara også på spørsmål frå formannskapet under debatten.

Rådmann Charlotte Hageberg orienterte om at det står eit feil årstal i rådmannen sitt framlegg til vedtak (2020-24), og at rett årstal skal vera 2020-23.

Under debatten orienterte rådmann Charlotte Hageberg om at det også vil verta sett på alternativ til bygging av nytt kommunehus.

Rådmannen sitt framlegg vart vedteke med 7 mot 2 røyster.

Vedtak

Samnanger kommune vert med verknad frå 01.08.2019 organisert etter følgjande modell:

Vedtaket inneber at kommunen ikkje lenger skal ha sektorleiarstillingar.

Rådmannen har ansvar for å vurdera og bestemma kva endringar i organisering/stillingar som skal gjerast som følgje av vedtaket, jf. mynde i høve personal- og organisasjonssaker som er delegert til rådmannen i kommunen sitt delegeringsreglement.

Behandling

Rådmannen sitt framlegg vart samrøystes vedteke.

Vedtak

Folkevalde i Samnanger som har kommunal iPad på utlån i dag, og som ikkje held fram som folkevalde i valperioden 2019 – 2023, får høve til å kjøpa ut iPad’en for 500 kroner når dei sluttar som folkevalde hausten 2019.

Også folkevalde som held fram i valperioden 2019 – 2023, men som ikkje vert vald som fast medlem eller 1. eller 2. varamedlem til kommunestyret eller kontrollutvalet, får høve til å kjøpa ut iPad’en for 500 kroner når den noverande valperioden er slutt i oktober 2019.

Dersom nokon folkevalde i dei to gruppene ovanfor vel å ikkje kjøpa ut iPad’en, må dei levera den tilbake til kommunen når den noverande valperioden er slutt i oktober 2019.

Behandling

Rådmannen sitt framlegg vart samrøystes vedteke.

Vedtak

• Det skal i 2020-budsjettet vera ei avsetjing på 3,9 millionar kroner til disposisjonsfondet, i tillegg til eit netto resultatkrav på 1,75%.

• Det blir sett av 100.000 til vedlikehald for kyrkjestyret. Dette skal vera ein fast årleg sum som er øyremerkt til vedlikehald av bygningsmasse/eigedom.

• I budsjettarbeidet for 2020 skal ein leggja til grunn kostnadsnivå for 2019, og berre indeksjustera for auka lønskostnader. Dette gjeld også for kyrkja og kontrollutvalet/revisjonen.

• Det skal utarbeidast ein konkret plan på kva klimatiltak Samnanger kommune skal bruka pengar på i 2020. Midlar skal hentast frå klimafondet, kr 150.000,-

• Det må utgreiast ein heilheitleg plan på oppvekstsektoren, der 1-10 skule, sammanslåing av barnehagane og fleirbrukshall/idrettshall skal sjåast på under eitt. Dette vert finansiert av midlar som allereie er gitt frå fylkeskommunen, kr 500.000,-

• Det må utgreiast ein plan for utvikling av Bjørkheimsområdet, som blant anna skal innehalda forslag til ny symjehall, lokale til kommunehus og næringsverksemd. Midlar skal hentast frå disposisjonsfondet, kr 250.000,-

• Rapporten om eigedomsforvaltning og bygg i Samnanger kommune bør gjennomgåast. Her må vurdering av sal av kommunale bygg takast konkret stilling til.

Behandling

Inge Aasgaard (Krf) bad om å få gildskapen sin vurdert, på bakgrunn av at han er fungerande einingsleiar (rektor) ved Samnanger barneskule. Han gjekk frå medan formannskapet vurderte gildskapen hans. Inge Aasgaard vart samrøystes funnen gild og deltok derfor under den vidare handsaminga av saka.

Innleiingsvis orienterte kyrkjevere Britt Haukanes om kyrkjestyret sitt framlegg til premissar for budsjett 2020.

Ordførar Knut Harald Frøland (Bl) orienterte om informasjon han hadde fått på e-post frå leiaren i kontrollutvalet.

Etter den innleiande debatten bad Monica Tjønna (Sp) om gruppemøte.

Etter gruppemøtet sette Monica Tjønna (Sp) fram følgjande endringsframlegg:

• "Det første punktet i rådmannen sitt framlegg vert endra til: Avsetjing på 3,730 millionar. (Administrasjonen får fullmakt til å justera resultatkravet tilsvarande).

• Nytt punkt: 270.000 kroner vert bevilga til kyrkjestyret."

Etter at ordføraren og rådmannen hadde orientert om at redusert avsetjing til disposisjonsfondet ikkje vil ha påverknad på resultatkravet, trekte Monica Tjønna setninga i framlegget sitt om at administrasjonen får fullmakt til å justera resultatkravet tilsvarande.

Knut Harald Frøland bad om gruppemøte.

Etter gruppemøtet sette Knut Harald Frøland fram følgjande endringsframlegg:

• "Det blir sett av 100.000 til vedlikehald for kyrkjestyret. Dette skal vera ein fast årleg sum som er øyremerkt til vedlikehald av bygningsmasse/eigedom.

• Avsetjinga til disposisjonsfondet vert redusert til 3,9 millionar kroner."

Det vart røysta punktvis i saka.

1. Røysting om endringsframlegg/tilleggspunkt frå Monica Tjønna.

4 medlemmer røysta for framlegget og 5 røysta imot.

2. Røysting om første del av framlegget frå Knut Harald Frøland - løying på 100.000 kroner til vedlikehald for kyrkjestyret.

8 medlemmer røysta for framlegget og 1 røysta imot.

3. Røysting om punkt 6 (det siste punktet) i rådmannen sitt framlegg:

• "Rapporten om eigedomsforvaltning og bygg i Samnanger kommune bør gjennomgåast. Her må vurdering av sal av kommunale bygg takast konkret stilling til."

Dette punktet vart samrøystes vedteke.


4. Røysting om punkt 5 (det nest siste) punktet i rådmannen sitt framlegg:

• "Det må utgreiast ein plan for utvikling av Bjørkheimsområdet, som blant anna skal innehalda forslag til ny symjehall, lokale til kommunehus og næringsverksemd. Midlar skal hentast frå disposisjonsfondet, kr 250.000,-"

Dette punktet vart vedteke med 7 mot 2 røyster.

5. Røysting om punkt 4 (det tredje siste punktet) i rådmannen sitt framlegg:

• "Det må utgreiast ein heilheitleg plan på oppvekstsektoren, der 1-10 skule, sammanslåing av barnehagane og fleirbrukshall/idrettshall skal sjåast på under eitt. Dette vert finansiert av midlar som allereie er gitt frå fylkeskommunen, kr 500.000,-"

Dette punktet vart vedteke med 8 mot 1 røyst.

6. Røysting om punkt 3 (det fjerde siste punktet) i rådmannen sitt framlegg:

• "Det skal utarbeidast ein konkret plan på kva klimatiltak Samnanger kommune skal bruka pengar på i 2020. Midlar skal hentast frå klimafondet, kr 150.000,-"

Dette punktet vart vedteke med 8 mot 1 røyst.

7. Røysting om framlegget frå Knut Harald Frøland om å redusera avsetjninga til disposisjonsfondet i 2020 til 3,9 millionar kroner.

Dette framlegget vart samrøystes vedteke.