Utval: | Formannskapet |
---|---|
Dato: | 03.10.2019 15:00 - 17:55 |
Møtestad: | Kommunehuset |
Status: | Vedtak er påført møtet |
Sakskart: | |
Møteprotokoll: |
Møteinnkallinga og saklista vert godkjent. Delegerte vedtak/referatsaker vert tekne til orientering.
Godkjenning av møteinnkalling og sakliste:
Godkjent utan merknader.
Eventuelle merknader frå førre møte:
Ingen merknader.
Orienteringssaker:
Spørsmål om ureining
Øyvind Strømmen (MDG) har sendt inn spørsmål til neste kommunestyremøte. Spørsmåla gjeld ureining i det gamle deponiet i Gruvo (ved Utskot) og dumping av avfall nær idrettsanlegget i Hagabotnane.
TV-aksjonen 2019
Samnanger kommune skal òg i år ta del i TV-aksjonen, som vert gjennomført søndag 20.10.2019. Notat om dette låg ved møteinnkallinga.
Statusrapport Fosse bratte
Knut Harald Frøland (Bl) orienterte om status.
Resultat skulevalet 2019
Resultatet frå skulevalet ved Samnanger ungdomsskule låg ved møteinnkallinga. Monica Tjønna (Sp) spurde om ungdomsskulen før neste val kan oppmodast om å invitera politikarane i kommunen til debattmøte i forkant av skulevalet.
Klimapartner
Øyvind Røen (Sp) orienterte om Samnanger kommnue sin medlemskap i denne organisasjonen.
Sjukefråværssstatistikk
Rådmann Charlotte Hageberg presenterte sjukefråværsstatistikk for 1. halvår 2019 og for august 2019.
Prosess i samband med vegvedlikehald på Nyutløtrævegen
Rådmann Charlotte Hageberg orienterte om saka og las opp eit notat ho har sendt til ordføraren og varaordføraren. Kopi av dette notatet ("Prosess ifm naudsynt vegvedlikehald på Nyutløtærvegen") og kopi av eit notat frå assisterande rådmann til rådmannen ("Kommunestyret sitt vedtak i interpellasjon frå Frp den 3. juni 2019") ligg som vedlegg til møteprotokollen.
Utvalet sitt kvarter:
Bjørnefjorden landbrukskontor
Odd Arne Haga (FRP) viste til at han hadde fått informasjon om at det er lang sakshandsamingstid hos landbrukskontoret på grunn av sjukemelding. Han bad i samband med dette om informasjon om kva avtale kommunen har med landbrukskontoret. Rådmann Charlotte Hageberg orienterte kort om status ved landbrukskontoret.
Opningstider/økonomisk situasjon i dei kommunale barnehagane
Arild Røen (H) viste til brev frå FAU og SU i barnehagane som er sendt til folkevalde i kommunen. Fungerande ordførar Øyvind Røen (SP) foreslo at spørsmål om dette vart teke opp under handsaminga av sak 026/2019. Formannskapet slutta seg til dette.
Uttale til kraftskatteutvalet sin rapport
Monica Tjønna (SP) viste til kraftskatteutvalet sin rapport som vart lagt fram 30.09.2019, og forslo at kommunestyret gir uttale til denne. Øyvind Strømmen (MDG) orienterte om at Hordaland fylkesting 01.10.2019 vedtok ein uttale til rapporten. Regjeringa har sendt saka (NOU 2019:16) ut på høyring, med høyringsfrist 01.01.2020.
Status for reguleringsplan Eikedalen
Inge Aasgaard (KRF) spurde om status for reguleringsplan for VA og gang- og sykkelsti i Eikedalen. Administrasjonen kunne ikkje svara å dette i møtet. Inge Aasgaard kan eventuelt senda dette inn som grunngjeve spørsmål til kommunestyret.
Rådmannen sitt framlegg vart samrøystes vedteke.
Økonomirapportering pr 2. tertial vert tatt til etterretning og det vert gjennomført fylgjande budsjettjusteringar:
Rådmannen sitt framlegg vart samrøystes vedteke.
Finansrapportering for 2.tertial 2019 vert tatt til etterretning.
Rådmannen sitt framlegg vart samrøystes vedteke.
Saka vert utsett og vert sendt til ny handsaming i kommunestyret utan tilråding frå formannskapet. Administrasjonen må før kommunestyret si handsaming 17.10.2019 sjå nærmare på kulepunkt 5 i kommunestyret sitt vedtak frå 03.06.2019.
I den innleiande debatten viste Arild Røen (H) til brev frå FAU og SU i dei kommunale barnehagane, der det vert uttrykt bekymring for ressurssituasjonen i barnehagane. Rådmann Charlotte Hageberg orienterte om at det ikkje er aktuelt å stenga barnehagane mellom kl. 07.00 og 07.30.
Fungerande ordførar Øyvind Røen (SP) sette fram framlegg om at saka vert utsett og sendt til kommunestyret utan ny tilråding, og om at administrasjonen må sjå nærmare på kulepunkt 5 i kommunestyret sitt vedtak frå 03.06.2019.
Utsetjingsframlegget frå Øyvind Røen vart samrøystes vedteke.
Vedtaket inneber at administrasjonen må prøva å få avklart om nokon av tiltaka i kulepunkt 5 kan finansierast av tilskotet som fylkeskommunen har gitt til idrettshall.
Vedtaket vert gjort med heimel i «Forskrift om tildeling av tilskudd til private barnehagar». Tilskotet vert berekna med utgangspunkt i kommunen sine driftsutgifter til ordinær barnehagedrift i 2018 og på bakgrunn av tal born i dei kommunale barnehagane i 2018.
Tilskotssatsane er pr heiltidsplass pr år.
Kommunal sats | Beløp |
Born frå 0 til 2 år | Kr 197 877 |
Born frå 3 til 6 år | Kr 93 141 |
Detaljert berekning ligg i vedlagt rekneark. I grunnlag for utrekning av tilskotssatsar er det brukt eit anslag på kommunal deflator for 2020 på 2,8 % og eit anslag på makspris for full barnehageplass på kr 3 125 pr md. Dersom statsbudsjettet legg til grunn ein annan deflator og eller makspris, får rådmannen delegert mynde til å korrigera.
Statleg sats jf. forskrift | Tilskot til ped.bemanning jf. § 5a | Kapitaltilskot jf. § 6 |
Born frå 0 til 2 år | Kr 2 276 | Kr 9 500 |
Born frå 3 til 6 år | Kr 1 264 | Kr 9 500 |
Dei statlege satsane kan bli endra dersom forskrifta vert revidert.
Rådmannen sitt framlegg vart samrøystes vedteke.
Samnanger Jeger og Fiskerlag får avslag på klage om fordeling av kulturmidlar 2019.
Samnanger kommune oppmodar Samnanger Jeger og Fiskerlag til å søkja Vilt- og Fiskefondet om midlar til sine aktivitetar.
Knut Harald Frøland (BL) bad om å få gildskapen sin vurdert. Årsaka er at han er ein god kamerat av leiaren i Samnanger Jeger og Fiskerlag. Knut Harald Frøland informerte etter spørsmål frå formannskapet om at han ikkje vurderer seg sjølv som ugild. Han gjekk frå medan formannskapet handsama gildskapen hans. Knut Harald Frøland vart samrøystes funnen gild, og deltok derfor i den vidare handsaminga av saka.
Avdelingsleiar kultur Meline Heimdal Haugland orienterte om ordningane med kulturmidlar og midlar frå vilt- og fiskefondet.
Rådmanen sitt framlegg til vedtak vart samrøystes vedteke.
Gnr./bnr. 45/13 får fritak frå eigedomsskatt med medhald i eigedomsskattelova § 7b. Det er ein føremon at huset vert brukt som fritidsbustad, og ikkje til utleige. Fritaket gjeld f.o.m. 2018.
Vedtak om fritak vil gjelda i 1 år (kalenderår/skatteår). Satsane for eigedomsskatt i 2019 (7 promille og 2,4 promille) er dei same som i 2018.
Rådmannen sitt framlegg vart samrøystes vedteke.
Samnanger kommune gjev ikkje tilskot til vedlikehald/oppgradering av privat veg etter søknad frå Bente Getz for veg på Tveit og Ottar Haugen for veg i Hisdalen. Kommunen har ikkje økonomi eller vedteke eigen tilskotsordning til private vegar.
Formannskapet oppmodar Osteriet i Samnanger til å søkja næringsfondet om støtte, og peiker i den samanheng på at det då også er naudsynt å diskutera støtte til veg frå næringsfondet på eit prinsipielt grunnlag.
Øyvind Strømmen (MDG) sette fram følgjande framlegg til tilleggspunkt i forhold til rådmannen sitt framlegg:
Formannskapet oppmodar Osteriet i Samnanger til å søkja næringsfondet om støtte, og peiker i den samanheng på at det då også er naudsynt å diskutera støtte til veg frå næringsfondet på eit prinsipielt grunnlag.
Øyvind Strømmen sitt framlegg vart samrøystes vedteke.
Formannskapet tek utkastet til «Språkplan for Samnanger kommune» til orientering. Språkplanen vert send til høyring i einingane i kommunen slik rådmannen finn det føremålstenleg. Høyringsfristen vert sett til 1. november, med tanke på vidare handsaming i formannskapet 14. november og endeleg vedtak i kommunestyret 5.desember.
Ordførar sitt framlegg vart samrøystes vedteke.
Samnanger kommune vert medlem av Visit Bjørnefjorden, og løyver inntil kr 25.000 for 2019 og inntil kr 50.000,- frå 2020 til foreininga Visit Bjørnefjord. Medlemskapet vert dekt frå det kommunale næringsfondet kto. 1400.3251.
Rådmannen sitt framlegg vart samrøystes vedteke.
Samnanger kommune gjev si tilslutning til at kommunane Fjell, Sund, Øygarden, Meland, Radøy,
Lindås, Os og Fusa går ut av Bergen og Omland friluftsråd med grunngjeving ikommunesamanslåingar. Samstundes gjevSamnanger kommune si tilslutning til at dei nye kommunane Nye Øygarden, Alver og Bjørnafjorden blir nye deltakarkommunar iBergen og Omland Friluftsråd og overtar rettar og plikter frå sine respektive samanslåtte kommunar.
Rådmannen sitt framlegg vart samrøystes vedteke.
Samnanger kommune inngår kjøpekontrakt med Ragnar Brigtsen om kjøp av parsell på 602 m2 på gnr./bnr. 18/163. Prisen vert 508,42 kroner pr. m2. Totalt vil det utgjere ein pris på 306.068,84 kroner.
Kjøpet vert finansiert med sal av bustadtomter.
Rådmannen sitt framlegg vart samrøystes vedteke.
Samnanger kommune gir tilslutning til vedtaket i Bergen byråd i sak 1241/19 om å iverksetja ei utgreiing om interkommunalt legevaktsamarbeid i Arna.
Rådmannen sitt framlegg vart samrøystes vedteke.
Samnanger kommune løyver 20.000 kroner til prosjektet – «utvikling av Kvamskogen som reiselivsprodukt og næringsveg». Tilskotet vert utbetalt til Hardanger næringshage. Tilskotet vert finansiert frå næringsfondet kto. 1400.3251.
Rådmannen sitt framlegg vart samrøystes vedteke.
Politikar | Parti | Medlemstype | Mobil | E-Post |
---|---|---|---|---|
Knut Harald Frøland | Bygdalista | Leiar | frolandkh@gmail.com | |
Øyvind Røen | Senterpartiet | Nestleiar | oyv.roen@gmail.com | |
Lena Tveit | Bygdalista | Medlem | tveitlena@yahoo.no | |
Odd Arne Haga | Framstegspartiet | Medlem | odd.arne.haga@outlook.com | |
Arild Røen | Høgre | Medlem | ariroeen@online.no | |
Inge Aasgaard | Kristeleg Folkeparti | Medlem | inge.aasgaard@samnanger.kommune.no | |
Monica Tjønna | Senterpartiet | Medlem | monica.tjonna@kvamnet.no | |
Øyvind Strømmen | Miljøpartiet Dei Grøne | 1. vararepr. DNA og MDG | oyvindstrommen@gmail.com | |
Harald Boge | Arbeidarpartiet | 2. vararepr. DNA og MDG | harald.boge@samnanger.kommune.no | |
Nils Aadland (Ikke møtt) | Arbeidarpartiet | Medlem | nils.aadland@folkevald.samnanger.no | |
Olaug Karin Øystese (Ikke møtt) | Arbeidarpartiet | Medlem | olaug.karin.oystese@folkevald.samnanger.no |