Møte i Kommunestyret den 22.08.2019

Vedtak

Møteinnkallinga og saklista vert godkjent.

Behandling

Godkjenning av møteinnkalling og sakliste
Godkjent utan merknader.

Eventuelle merknader til protokollen frå førre møte
Ingen merknader.

Grunngjeve spørsmål:
Sture Tveit (H) hadde før møtet meldt inn spørsmål om vegarbeid som nyleg er gjort på Nytløtrævegen og om kva konsekvensar dette vil ha for det planlagte asfalteringsarbeidet på Tveit. Etter at Sture Tveit hadde lagt fram spørsmålet i kommunestyret, las Charlotte Hageberg opp rådmannen sitt svar:

Det er vedteke 2 mill. inkl mva. til vegvedlikehald i 2019 budsjettet, og opprusting av Tveitaflaten var sett som 1.prioritet.

Då kommunen i juni fekk tilbake vedlikehaldsansvaret for Nyutløtrævegen, vart teknisk drift nødt til å omprioritera på sitt budsjett.

For å gjera Nyutløtrævegen klar til vintersesongen måtte noko av desse midlane nyttast til nødvendig rassikring og ny mur/rekkverk i nedre del av vegen. Arbeidet pågår og det er berre dei mest nødvendige tiltaka som vert gjennomført, slik at vintervedlikehald av vegen kan verte lagt ut på anbod. Kostnaden med utbetringa er på ca 1,3 mill.

Dei restande midlane i budsjettet for 2019 vil teknisk drift prioritera på Indre del av Tveitaflaten, der eit parti ved bekk held på å rasa ut. Det må løyvast nye midlar i 2020 for vidare opprusting av denne vegen.

Samrøystes vedtak.

Vedtak

Samnanger kommunestyre gjorde 21.02.2019 følgjande vedtak i sak 10/2019: "Kommunestyret ber om at det vert iverksett ei ekstern gransking av dei tre barnevernsakene i Samnanger kommune som rådmannen har motteke bekymringsmelding om. Det skal i granskinga sjåast på om kommunen si handtering/framgangsmåte i sakene har vore i samsvar med gjeldande reglar, normer og verdiar. Ein skal sjå på prosessane fram mot vedtak/beslutningar og vurdera metodane som er brukte [ ]".

To av sakene er no ferdig granska, bortsett frå tilhøva for eitt barn i kvar av desse sakene. Rapporten som er lagd fram, synleggjer alvorlege brot på barnevernlov og god forvaltningsskikk. Samnanger kommune vil som kommunalt barnevernsstyre svært tydeleg ta sin del av ansvaret for at dette har skjedd. Samnanger kommune vil difor be familane som er råka, om ei orsaking for den uretten og dei grunnlause skuldingane dei har vore utsette for. Kommunen gjev òg ei oppreisning på 150.000 kroner til barnet S, som er omtala i sak 1 i rapporten, - og samleis 150.000 kroner til kvart av borna A og S som sak 2 handlar om. Kommunen gjev i tillegg eit oppreisning på 100.000 kroner til kvar av fedrane i sak 1 og 2.

Det vert løyvd inntil 350.000 kroner til å fullføra granskinga i samsvar med vedtaket frå 21.02, slik at alle borna i dei tre sakene vert vurderte. Rapporten frå denne siste delen av granskinga skal vera klar for politisk handsaming innan slutten av oktober 2019. Rapportane frå alle tre sakene skal samlast og presenterast i eit felles dokument.

Behandling

Øyvind Røen (Sp), Knut Harald Frøland (Bl), Karl B. Kollbotn (Frp) og Gunn Totland Moss (Krf) sette fram følgjande framlegg til vedtak:
Samnanger kommunestyre gjorde 21.02.2019 følgjande vedtak i sak 10/2019: "Kommunestyret ber om at det vert iverksett ei ekstern gransking av dei tre barnevernsakene i Samnanger kommune som rådmannen har motteke bekymringsmelding om. Det skal i granskinga sjåast på om kommunen si handtering/framgangsmåte i sakene har vore i samsvar med gjeldande reglar, normer og verdiar. Ein skal sjå på prosessane fram mot vedtak/beslutningar og vurdera metodane som er brukte [ ]".

To av sakene er no ferdig granska, bortsett frå tilhøa for eitt av borna i sak 2 i rapporten som er lagt fram. Rapporten synleggjer alvorlege brot på barnevernlov og god forvaltningsskikk. Samnanger kommune vil som kommunalt barnevernsstyre svært tydeleg ta sin del av ansvaret for at dette har skjedd. Samnanger kommune vil difor be familane som er råka, om ei orsaking for den uretten og dei grunnlause skuldingane dei har vore utsette for. Kommunen gjev òg ei oppreisning på 150.000 kroner til barnet S, som er omtala i sak 1 i rapporten, - og samleis 150.000 kroner til kvart av borna A og S som sak 2 handlar om. Kommunen gjev i tillegg eit oppreisning på 100.000 kroner til kvar av fedrane i sak 1 og 2.

Det vert løyvd 250.000 kroner til å fullføra granskinga i samsvar med vedtaket frå 21.02. Rapporten frå denne siste delen av granskinga skal vera klar for politisk handsaming innan slutten av oktober 2019. Rapportane frå alle tre sakene skal samlast og presenterast i eit felles dokument.

Inge Aasgaard (Krf) sette fram følgjande framlegg til vedtak:
Samnanger kommunestyre vedtek å løyva kr.250.000,- til gransking av sak nr.3. Alle spørsmål om oppreising vert handsama når også rapporten frå sak 3 ligg føre.

Etter den innleiande debatten bad fungerande ordførar Øyvind Røen om gruppemøte.

Etter gruppemøtet orienterte Geir Kjell Andersland frå Barneadvokatene DA om arbeidet med granskinga, og om forskjellane mellom granskinga som no er gjort og granskinga som Advokatfirmaet Kyrre gjorde i 2013.

Inge Aasgaard trekte det første framlegget sitt, og sette i staden fram følgjande framlegg:
Samnanger kommunestyre vedtek å løyva inntil kr.500.000,- til å ferdigstilla granskinga. Då skal alle involverte barn vera med i granskinga, og sak 3 ferdigstillast. Alle spørsmål om oppreising vert handsama når endeleg rapport er ferdigstilt.

Etter debatt om framlegget til Inge Aasgaard var det nytt gruppemøte.

Etter gruppemøtet orienterte Øyvind Røen på vegner av seg sjølv, Knut Harald Frøland, Karl B. Kollbotn og Gunn Totland Moss om at dei trekte det første framlegget sitt, og at dei i staden sette fram følgjande reviderte framlegg:
Samnanger kommunestyre gjorde 21.02.2019 følgjande vedtak i sak 10/2019: "Kommunestyret ber om at det vert iverksett ei ekstern gransking av dei tre barnevernsakene i Samnanger kommune som rådmannen har motteke bekymringsmelding om. Det skal i granskinga sjåast på om kommunen si handtering/framgangsmåte i sakene har vore i samsvar med gjeldande reglar, normer og verdiar. Ein skal sjå på prosessane fram mot vedtak/beslutningar og vurdera metodane som er brukte [ ]". To av sakene er no ferdig granska, bortsett frå tilhøva for eitt barn i kvar av desse sakene. Rapporten som er lagd fram, synleggjer alvorlege brot på barnevernlov og god forvaltningsskikk. Samnanger kommune vil som kommunalt barnevernsstyre svært tydeleg ta sin del av ansvaret for at dette har skjedd. Samnanger kommune vil difor be familane som er råka, om ei orsaking for den uretten og dei grunnlause skuldingane dei har vore utsette for. Kommunen gjev òg ei oppreisning på 150.000 kroner til barnet S, som er omtala i sak 1 i rapporten, - og samleis 150.000 kroner til kvart av borna A og S som sak 2 handlar om. Kommunen gjev i tillegg eit oppreisning på 100.000 kroner til kvar av fedrane i sak 1 og 2. Det vert løyvd inntil 350.000 kroner til å fullføra granskinga i samsvar med vedtaket frå 21.02, slik at alle borna i dei tre sakene vert vurderte. Rapporten frå denne siste delen av granskinga skal vera klar for politisk handsaming innan slutten av oktober 2019. Rapportane frå alle tre sakene skal samlast og presenterast i eit felles dokument.

Løvingane i saka vert henta frå disposisjonsfondet.

Inge Aasgaard trekte framlegget sitt.

I røystinga vart rådmannen sitt framlegg sett opp mot framlegget til Øyvind Røen, Knut Harald Frøland, Karl B. Kollbotn og Gunn Totland Moss. Framlegget til