Møte i Kommunestyret den 17.10.2019

Vedtak

• Møteinnkallinga og saklista vert godkjent.

• Delegerte vedtak/referatsaker vert tekne til orientering.

Behandling

Informasjon og referatsaker:

Kommunedelplan fv49 TokagjeletMagna Vangsnes frå Statens vegvesen og Matti Torgersen frå Hordaland Fylkeskommune presenterte prosjektet med tunell under Kvamskogen og dei alternativa som no ligg ute på høyring.

Øyvind Røen (Sp) (fungerande ordførar) orienterte om følgjande:
- Partsavtale med Klimapartner Vestland signert 06.09.2019.

- Skrifteleg førehandssamtykke - Reglane i §7-2 i den nye Kommunelova må det innhentast skriftleg førehandssamtykke frå kandidatar til kommunale utval m.m. - medlemmane i det nye kommunestyret har fått tilsendt skriv om dette datert 17.10.2019. Reglane om skrifteleg val er teke ut av dennye kommunelova. Dette betyr at det ikkje lenger er lov med skrifteleg val av utval.

- Endring av lokale reglement - ny kommunelov gjer at reglement for kommunestyret og utval samt delegeringsreglementet må oppdateast med dei nye heimlane. Dette er stortsett endringar av redaksjonell karakter som administrasjonen kan gjera. Dette slutta kommunestyret seg til. Viser det seg at det er større endringar som må gjerast i reglementa vil dette komma som eigen sak til kommmunestyret.

- TV-aksjonen 2019 - Samnanger kommune har gjeve eit bidrag på
kr. 3000,- til innsamlinga for CARE Norge; "Ved samarbeid med kvinner arbeider CARE for å få til bærekraftig endring. Vi gir dem kunnskap, styrke og muligheter til å klare seg selv."

Rådmannen sitt framlegg til vedtak vart samrøystes vedteke.

Utvale sitt kvarter:

Teieplikt for folkevalde i lukka møte:
Sture Tveit (H) undra på kva teieplikt dei folkevalde hadde etter handsaming av ei sak i eit lukka politisk møte.
Rådmannen svara og viste til departementet sitt rundskriv og veiledar H-2142 punkt 4.2.
Der står det:
”Når en sak behandles for lukkede dører etter kommuneloven § 31, plikter de folkevalgte å bevare taushet om opplysninger som etter lov er underlagt taushetsplikt.

Det presiseres i merknadene til bestemmelsen at de folkevalgte kun har taushetsplikt om opplysninger som er taushetsbelagte i lov eller i medhold av lov. Det er ikke anledning til å pålegge folkevalgte en generell taushetsplikt om opplysninger selv om disse er unntatt offentlighet etter offentlighetsloven. Det er heller ikke slik at opplysninger blir taushetsbelagte kun fordi de er unntatt offentlighet eller gjelder saker som behandles i lukkede møter."

Forureining/ forsøpling:
Øyvind Strømmen (MDG) lurer på korleis tilstanden i det gamle deponiet i Gruvo (ved Utskot) er. Rådmannen varer på spørsmålet. Spørsmål og svar ligg som vedlegg til denne protokollen.

Vidare spør han om kommunen er kjend med at det er dumpa plastavfall nær idrettsanlegget i Hagabotnane? Rådmannen svarar på spørsmålet. Spørsmål og svar ligg som vedlegg til denne møteprotokollen.

Psykologtenesta:
Øyvind Strømmen (MDG) spør kva kommunen gjer no når psykologen har sagt opp stillinga si. Rådmannen kan fortelja at stillinga er lyst ut og at kommunen har inngått avtale om psykologtenester i mellomtida fram til det er tilsett ny psykolog.

PP-tenesta:
Odd Arne Haga (Frp) kunne komma med positive tilbakemeldingar frå foreldre som har born med ulike behov i skule og barnehage. Han lurte på korleis PPT samarbeidar med barnehagane. Rådmannen informerte om at PPT samarbeider tett både med skulane og barnehagane. Slik kan dei kartleggja og setja inn tiltak for dei ulike behova på eit tidleg tidspunkt. Dette er noko både PPT, barnehagane og skulen ser effekten av.

Behandling

Brigt Olav Gåsdal (A) stilte spørsmål om summering av tala i tabellane i saksframlegget til økonomirapporteringa.
Økonomisjef Nina Erdal har følgjande forklaring på dette:
"Desse tabellane har ein del fleire kolonnar enn det som er tatt med i økonomirapporteringssaka. Plassmangel er årsaka til at ikkje heile tabellen er limt inn.   Eg brukte overskrifta «justert avvik» for å illustrere at tala er justert, men burde nok ha tatt med litt meir forklaring.   Det tala er justert for er periodisering, dvs. når utgifter/ inntekter kjem tidlegare eller seinare enn det som er vanleg/ lagt til grunn i budsjettet. Nokre av tala er og korrigert for anna informasjon, for eks så har kommunen mottatt estimat på forventa rekneskapsresultat frå Bergen kommune (barnevern) som vil gje innsparing."Forklaring til økonomisjefen vart også sendt ut til alle som var på kommunestyremøtet 17.10.2019 i etterkant.

Formannskapet sitt framlegg til vedtak vart samrøystes vedteke.

Behandling

Fomannskapet sitt framlegg til vedtak vart samrøystes vedteke.

Vedtak

• Det skal i 2020-budsjettet vera ei avsetjing på 3,9 millionar kroner til disposisjonsfondet, i tillegg til eit netto resultatkrav på 1,75%.

• Det blir sett av 100.000 til vedlikehald for kyrkjestyret. Dette skal vera ein fast årleg sum som er øyremerkt til vedlikehald av bygningsmasse/eigedom.

• I budsjettarbeidet for 2020 skal ein leggja til grunn kostnadsnivå for 2019, og berre indeksjustera for auka lønskostnader. Dette gjeld også for kyrkja og kontrollutvalet/revisjonen.

• Det skal utarbeidast ein konkret plan på kva klimatiltak Samnanger kommune skal bruka pengar på i 2020. Midlar skal hentast frå klimafondet, kr 150.000,-

• Det må utgreiast ein heilheitleg plan på oppvekstsektoren, der 1-10 skule, sammanslåing av barnehagane og fleirbrukshall/idrettshall skal sjåast på under eitt. Dette vert finansiert av dispensasjonsfondet.

• Det må gjerast ein mogelegheitsstudie for Bjørkheimsområdet. Her skal ein vurdera ny næringsverksemd og forskjønning av området. Midlar skal hentast frå disposisjonsfondet, inntil kr 250.000.

Behandling

Rådmannen orienterte kommunestyret om status i organisasjonen.
Etter nyttår vil den administrative organisasjonen sjå slik ut:

Vidare fortalte ho om korleis administrasjonen arbeidar med å få på plass budsjettet for 2020. Dei aller fleste einingane har levert på ramma si, men nokre utfordringar gjenstår før rådmannen kan levera budsjettforslaget til kommunestyret.

Solveig Vassenden (Bl) , som også er leiar i eldrerådet, fortalte om korleis eldrerådet saman med Pensjonistforbundet og Samnangerheimen arbeider for velferdsteknologi.

Brigt Olav Gåsdal (A), som også er leiar i kontrollutvalet, fortalte om kontrollutvalet sitt arbeid og planar for i 2020. Han understrekte også at det er viktig at medlemmane får skikkeleg opplæring i starten av ein kommunestyreperiode.

Han sette fram framlegg til vedtak om at kulepunkt 5 i kommunestyrevedtak frå 03.06.2019 i sak 035/19 skal finansierast av dispensasjonsfondet.
Kulepunktet vert då som følgjande:

• Det må utgreiast ein heilheitleg plan på oppvekstsektoren, der 1-10 skule, sammanslåing av barnehagane og fleirbrukshall/idrettshall skal sjåast på under eitt. Dette vert finansiert av dispensasjonfondet.

Brigt Olav Gåsdal (A) sitt framlegg om endring i kulepunkt 5 i kommunestyrevedtak frå 03.06.2019 i sak 035/19 vart samrøystes vedteke.

Vedtak

Vedtaket vert gjort med heimel i «Forskrift om tildeling av tilskudd til private barnehagar». Tilskotet vert berekna med utgangspunkt i kommunen sine driftsutgifter til ordinær barnehagedrift i 2018 og på bakgrunn av tal born i dei kommunale barnehagane i 2018.

Tilskotssatsane er pr heiltidsplass pr år.

Detaljert berekning ligg i vedlagt rekneark. I grunnlag for utrekning av tilskotssatsar er det brukt eit anslag på kommunal deflator for 2020 på 2,8 % og eit anslag på makspris for full barnehageplass på kr 3 125 pr md. Dersom statsbudsjettet legg til grunn ein annan deflator og eller makspris, får rådmannen delegert mynde til å korrigera.

Dei statlege satsane kan bli endra dersom forskrifta vert revidert.

Behandling

Brigt Olav Gåsdal (A) stilte spørsmålet om saka om kommunalt tilskot til private barnehagar i framtida burde handsamast som ei delegert sak. Dette bør ein sjå på vidare og i samanheng med at kommunestyret i ny kommunestyreperiode skal vedta nytt delegeringsreglement.

Formannskapet sitt framlegg til vedtak vart samrøystes vedteke.

Vedtak

Med heimel i plan- og bygningslova § 12-12 vert detaljreguleringsplan for Gnr. 35 bnr. 4 m.fl. Børdalen næringsområde endeleg vedteken. PlanID er 1242201801, og planmaterialet består av følgjande juridisk bindande dokument, jf. pbl § 12-1 første ledd:

• Plankart, datert 11.09.19

• Føresegner, datert 11.09.19

Grunnlagsmaterialet er som følgjer:

• Planskildring, datert 11.09.19

• Merknadsskjema, datert 11.09.19

• Perspektiv av dagens situasjon og plangrepet, datert 03.06.19

• ROS-analyse, datert 11.09.19

• Trafikkanalyse, datert 03.06.19

• Presentasjon av Alt. 1 og Alt. 2 i konsekvensutgreiinga, datert 03.06.19
  Landskapsanalyse, datert 03.06.19

• Konsekvensutredning for naturmangfold, datert 30.04.19

• Flom- og skredfarevurdering, datert 25.10.18

• Vurdering av mulige sikringsløsninger, datert 11.01.19

Behandling

Knut Harald Frøland (Bl) stilte spørsmål om sin gildskap i saka, då svigerinna hans er gift med ein av eigarane i Regn Datacenters AS som er tiltakshavar til detaljreguleringsplan for Gnr. 35 bnr. 4 m.fl. - Børdalen næringsområde.
Frøland gjekk ifrå medan kommunestyret vurderte gildskapen hans.
Eit samrøystes kommunestyre fann Knut Harald Frøland (Bl) ugild i saka jf. forvaltningsloven §6 bokstav b.
Bjarte Linga (Bl) var vara for Frøland i handsaminga av saka. Han fungerte då også som varaordførar.

Sture Tveit (H) stilte spørsmål om sin gildskap i saka, då han er onkel til kommunestyrerepresentanten Knut Harald Frøland (Bl).
Tveit gjekk ifrå medan gildskapen hans vart vurdert. Eit samrøystes kommunestyre vedtok representanten Sture Tveit (H) gild, og han deltok i sakshandsaminga.

Framlegget frå naturutvalet vart samrøystes vedteke.

Vedtak

Samnanger kommune gjev ikkje tilskot til vedlikehald/oppgradering av privat veg etter søknad frå Bente Getz for veg på Tveit og Ottar Haugen for veg i Hisdalen. Kommunen har ikkje økonomi eller vedteke eigen tilskotsordning til private vegar.

Kommunestyret

Behandling

Martin Haugen (Bl) stilte spørsmål om sin gildskap i saka, då Haugavegen, ein av dei omsøkte vegane, går til eigedommen hans. Han har også vore med på å finansiera utbetringa av denne vegen.
Representanten gjekk ifrå medan kommunestyret vurderte gildskapen hans.
Martin Haugen (Bl) vart funnen ugild jf. forvaltningsloven §6 2.ledd med 19 røyster mot ei røyst frå Knut Harald Frøland (Bl).
Bjarte Linga (Bl) tok plassen som vara for Haugen under handsaminga av saka.

Sture Tveit (H) bad om å få vurdert gildskapen sin då han nyttar same veg til eigedomen sin som til Osteriet på Tveit. Dette er ein av dei omsøkte vegane i saka.
Representanten gjekk ifrå medan kommunestyret vurderte gildskapen hans. Sture Tveit (H) vart funnen ugild med 16 mot 4 røyster jf. forvaltningsloven §6. 2.ledd og deltok ikkje i handsaminga av saka. Representantane som stemte for at Tveit skulle vera gild i handsaminga av saka var: Arild Røen (H), Lena Tveit (Bl), Solveig Vassenden (Bl) og Knut Harald Frøland (Bl).

Øyvind Strømmen (MDG) presiserte at dersom vedtaket frå formannskapet vart vedteke måtte ordlyden i andre avsnitt endrast frå "Formannskapet oppmodar.." til "Kommunestyret oppmodar..". Kommunestyret slutta seg til dette, og administrasjonen fekk i oppgåve å endre teksten slik at ordlyden i vedtaket vart rett.

Monica Tjønna (Sp) ytra ønskje om at kommunestyret i framtida får handsame ei prinsippiel sak om tilskot til private vegar.

Formannskapet sitt framlegg til vedtak vart samrøystes vedteke med dei redaksjonelle endringane som Strømmen påpeika.

Vedtak

Gnr./bnr. 45/13 får fritak frå eigedomsskatt med medhald i eigedomsskattelova § 7b. Det er ein føremon at huset vert brukt som fritidsbustad, og ikkje til utleige. Fritaket gjeld f.o.m. 2018.

Vedtak om fritak vil gjelda i 1 år (kalenderår/skatteår). Satsane for eigedomsskatt i 2019 (7 promille og 2,4 promille) er dei same som i 2018. 

Behandling

Formannskapet sitt framlegg til vedtak vart samrøystes vedteke.

Behandling

Formannskapet sitt framlegg til vedtak vart samrøystes vedteke.

Behandling

Formannskapet sitt framlegg til vedtak vart samrøystes vedteke.

Vedtak

Kjøpet vert kanselert. Området vert vurdert i revisjon av områdereguleringsplanen for Bjørkheim.

Behandling

Assisterande rådmann/ sektorleiar samfunn og utvikling Hilde-Lill Våge fortalte at etter at saka var handsama i formannskapet hadde grunneigar ombestemt seg og kanselert kjøpet. Ho orienterte om at dette området truleg ville komma med i områdereguleingsplanen for Bjørkheim som skal reviderast.

På bakgrunn av det Hilde Lill Våge fortalte, vart eit samrøystes kommunestyret einige om vedtaket.

Vedtak

Rådmannen sitt framlegg til vedtak:

Samnanger kommune ønskjer å få opparbeidd innfartspareringa på Bjørkheim, område PP2 i områdeplanen.

Finansieringen på 2,4 millionar vert gjort gjennom ei deling på 50/50 mellom Hordaland Fylkeskommune/Statens Vegvesen og Samnanger kommune. Tiltaket vert finansiert med lånemidlar frå ubunde investeringsfond.

Tiltaket må avstemmast ifht arbeid med å få til betre kryssløysing(ar) på Bjørkheim.

Behandling

Knut Harlald Frøland (Bl) sette fram følgjande framlegg til vedtak som eit tilleggspunkt til rådmannen sitt framlegg:

• Tiltaket må avstemmast ifht arbeid med å få til betre kryssløysing(ar) på Bjørkheim

Rådmannen sitt framlegg til vedtak med tilleggspunktet frå Frøland vart samrøystes vedteke.

Behandling

Fungerande ordførar Øyvind Røen (Sp) orienterte om at kommunestyret i Osterøy alt hadde fatta vedtak om å vera med på ei utgreiing om interkommunalt legevaktsamarbeid i Arna.

Formannskapet sitt framlegg til vedtak vart samrøystes vedteke.

Vedtak

Rådmannen sitt framlegg til vedtak:

1. Samnanger kommune vedtek å delta i stiftinga av Vannvest AS. Ordførarfår fullmakt til å representera kommunen på stiftingsmøtet.

2. Kommunestyret vedtek å yta eit ansvarleg lån til Vannvest AS tilsvarande kr. 5 pr. innbyggjar. Lånet vert finansiert av disposisjonsfondet.

3. Samnanger kommune vedtek å tre ut av Driftsassistansen i Hordaland - Vann og avløp IKS med verknad frå 01.09.20. Dersom stifting av nytt Vannvest AS skjer etter 01.11.19 vert tidspunkt for å tre ut av IKS’et tilsvarande forskyve.
   
   

Behandling

Rådmannen sitt framlegg til vedtak vart vedteke med 20 røyster mot ei røyst frå Jon Magne Bogevik (politisk uavhengig)

Behandling

Rådmannen sitt framlegg til vedtak vart samrøystes vedteke.

Vedtak

• Grunna auka belastning på vegen i Samnanger i forbindelse med tunnel gjennom Tåkagjelet, så ynskjer vi utbetring og trafikksikringstiltak som avbøtende tiltak.

• Samnanger kommune støtter ikkje alternativet med utløp på Jarland.

Behandling

Nils Aadland (A) meinte at det kom for lite fram kva ulemper dette prosjektet vil få for Samanger.

Monica Tjønna (Sp) bad om eit gruppemøte.

Etter gruppemøte sette Tjønna fram følgjande framlegg til vedtak:

• Grunna auka belastning på vegen i Samnanger i forbindelse med tunnel gjennom Tåkagjelet, så ynskjer vi utbetring og trafikksikringstiltak som avbøtende tiltak.

• Samnanger kommune støtter ikkje alternativet med utløp på Jarland.

Det vart røysta over framlegget til Monica Tjønna (Sp) punktvis.

Punkt 1 vart samrøystes vedteke.
Punkt 2 vart vedteke med 11 mot 10 røyster