Møte i Formannskapet den 14.11.2019

Vedtak

Møteinnkallinga og saklista vert godkjent.Delegerte vedtak/referatsaker vert tekne til orientering.

Behandling

Godkjenning av møteinnkalling og sakliste:
Jon Magne Bogevik (Ap) tok opp at vedlegga i rådmannen sitt framlegg til økonomiplan kunne vore merka betre.

Det var ingen andre merknader til møteinnkallinga eller saklista.

Orienteringssaker:
Ingen saker

Utvalet sitt kvarter:

Varetransport på Bjørkheim
Lena Tveit (Bl) tok opp at det foregår varetransport med store køyretøy på parkeringsplassen framfor butikkane på Bjørkheim (mellom butikkane og fylkesvegen), og at dette er svært trafikkfarleg. Assisterande rådmann Hilde-Lill Våge orienterte om skiltplan for Bjørkheim og om at store køyretøy ikkje har lov til å køyra/levera varer på den nemnde parkeringsplassen.

Støy på Skottabakken
Martin Haugen (Bl) tok opp at han har fått informasjon om problem med støy på Skottabakken. Han spurde om det er sett vilkår for kor seint på kvelden byggarbeida på Skottabakken kan pågå. Rådmann Charlotte Hageberg orienterte om dette.

Informasjon til folkevalde
Jon Magne Bogevik etterlyste informasjon til medlemmene i formannskapet og kommunestyret om pågåande prosessar. Som eksempel på dette nemnde han informasjon om saker knytt til prosesskriv som står på kommunen si postliste. Fungerande ordførar Øyvind Røen (Sp) bad administrasjonen om at dette vert teke opp som tema i folkevaldopplæringa.


Samrøystes vedtak.

Vedtak

Rådmannen får mandat til å gå i dialog med grunneigarane og BKK om Ingeniørhytta si framtid.

Formannskapet vert styringsgruppe for prosjektet.

I forprosjektet vert det viktig å få avklara;

• Er hytta eit reiselivsmål og kva potensiale har den ?

• Nødvendige tiltak for hytta ?

• Investeringsbehov og finansiering ?

• Framtidig eigarskap ?

• Bruk av vegen og finansieringsløysingar for ålmenta sin bruk ?

• Samarbeid med Kvam og «raude hytta» ?

Behandling

Rådmannen sitt framlegg vart vedteke med åtte mot ei røyst. Jon Magne Bogevik (Ap) røysta imot.

Vedtak

Samnanger kommune startar opp eit forprosjekt om Fossen bratte, for å vidareutvikla «Bruresløret» som eit internasjonalt turistsymbol.

Formannskapet er styringsgruppe for prosjektet. Rådmannen rapporterer til styringsgruppa. Forprosjektet har eit budsjett på 400.000 kroner, der 50% vert dekt gjennom tilskot. Kommunen sin eigenandel vert finansiert med midlar - inntil 200.000 kroner - frå næringsfondet1400.3251.

Behandling

Øyvind Røen (Sp) orienterte om at rett skrivemåte skal vera Fossen bratte (ikkje Fossen Bratte) og Bruresløret (ikkje Brudesløret).

Jon Magne Bogevik (Ap) etterlyste informasjon om statuttane for næringsfondet. Han bad om at formannskapet får tilsendt desse statuttane.

Rådmannen sitt framlegg vart vedteke med åtte mot ei røyst. Jon Magne Bogevik (Ap) røysta imot.

Vedtak

Administrasjonen legg fram ei eiga sak om brannstasjon i første halvår 2020. Større rehabilitering av ungdomsskulen vert sett på vent til ein moglegheitstudie for 1–10-skule, barnehage m.m. er gjennomført, jf. vedtak i kommunestyresakene 035 og 041/2019. Denne moglegheitsstudien skal innehalda utgreiingar om følgjande tiltak:

1. 1–10-skule på Gjerde, dvs. flytting av ungdomsskulen frå Tysse til Gjerde. I dette ligg det at bygningane til Dropeslottet barnehage skal nyttast til skule.

2. Plassering av fleirbrukshall ved skulen på Gjerde.

3. Større gymnastikksal eller «skulehall» på Gjerde som alternativ til fleirbrukshall.

4. Samanslåing av barnehagane, lokalisert til Vassloppa barnehage i Nordbygda.

5. Opningstider for barnehagen i feriane og betalingssatsar, som er meir tilpassa ønske frå foreldra.

6. Billegare eller gratis SFO.

7. Mogeleg etterbruk av bygningane til Samnanger ungdomsskule på Tysse

8. Etterbruk av kommunehuset på Tysse dersom det vert aktuelt å flytta sentraladministrasjonen.

For alle tiltaka som er nemnde ovanfor, skal lagast eit oversyn over alle mogelege investeringskostnader, t.d. også utgiftene til reguleringsplanar. Det skal utarbeidast ein plan for lån og tilbakebetaling.Det må lagast ein tidsplan for dei ulike tiltaka. Det er også viktig å presentera ein kalkyle for framtidige driftsutgifter dersom dei ulike tiltaka vert realiserte, og det må koma klart fram kva endringar ein kan venta i høve til dagens driftsutgifter. Her må det lagast eit oversyn (bemanningsplan) over behovet for tilsette etter at tiltaka er gjennomførte. Studien skal peika på gode klima- og miljøløysingar, bl.a. effektive enøk-tiltak. Målet er reduserte CO2-utslepp og lågare utgifter for kommunen.
Presiseringar og vilkår for nokre av tiltaka ovanfor:

1–10-skule på Gjerde med fleirbrukshall eller stor gymsalStudien må greia ut korleis ein samla skule kan gje god undervisning og skapa eit trygt skulemiljø for alle elevane.Skulen skal ha dei fasilitetane som krevst av ein moderne ungdomsskule, men bassenget på Tysse skal framleis kunna brukast, iallfall fram til det treng større rehabilitering. Drift av bassenget og skyss av elevar til bassenget må difor leggjast inn i kalkylen for framtidige driftsutgifter. Det må likevel vurderast om det er mogeleg å byggja basseng på Gjerde seinare.I studien må det vurderast ulike alternativ for elevtalsutviklinga, og ein må sjå på om det er mogleg med seinare utviding/påbygging av skulebygningane.Studien må seia noko om korleis fleirbrukshallen/gymsalen kan brukast av både av skulen og andre, på dag- og kveldstid.Det må lagast ein plan for parkering ved skulen for dei to alternativa, fleirbrukshall og stor gymsal.Det er eit mål å spara dyrka mark ved ei utbygging på Gjerde.Samla barnehage i Nordbygda (Vassloppa)Studien må vurdera ulike framskrivingar av behovet for barnehageplassar.
Studien skal sjå kva som må gjerast for å redusera eventuelle ulemper med å samla fleire born i éin barnehage, slik at barnehagen kan gje eit fullgodt pedagogisk tilbod. Standarden på vegen fram til barnehagen og trongen for parkeringsplassar må vurderast.
Billegare eller gratis SFO. Her skal det reknast på ulike alternativ.Ungdomsskulen på Tysse. Her skal det særleg undersøkjast om det råd å flytta både personalet på kommunehuset (sentraladministrasjonen) og eininga for teknisk drift til ungdomsskulen. Kommunen vil då ikkje lenger leiga lokale på Frøland. Viss denne løysinga vert vald, må arealbehovet vurderast nøye. Det kan vera aktuelt å tenkja alternativ bruk for ein del av arealet. * * *Formannskapet skal fungera som styringsgruppe for moglegheitsstudien. Rådmannen må sørgja for at relevante interessepartar vert inviterte til å delta i møte i styringsgruppa og prosessar, t.d. i arbeidsgrupper, mellom møta. Dette gjeld m.a. verneombod og tillitsvalde.Første møtet i styringsgruppa skal vera i januar 2020. Til dette møtet skal det inviterast representantar frå andre kommunar/organisasjonar til å fortelja om sine røynsler frå tilsvarande prosjekt med 1–10-skule og barnehage med nokolunde same storleiken som ein samanslegen barnehage i Samnanger vil ha.Rådmannen skal, saman med kvalifisert ekstern rådgjevar, førebu møte, føra referat og følgja opp bestillingar frå møta.Studien skal vera utført innan 1. juni 2020, og rapport skal presenterast for kommunestyret i siste møtet før sommaren 2020.Det vert løyvd 250.000 kr til gjennomføring av moglegheitsstudien.

Behandling

Øyvind Røen (Sp) sette fram følgjande framlegg til vedtak:

"Administrasjonen legg fram ei eiga sak om brannstasjon i første halvår 2020. Rehabilitering av ungdomsskulen vert sett på vent til ein moglegheitstudie for 1–10-skule, barnehage m.m. er gjennomført, jf. vedtak i kommunestyresakene 035 og 041/2019. Denne moglegheitsstudien skal innehalda utgreiingar om følgjande tiltak:

1. 1–10-skule på Gjerde, dvs. flytting av ungdomsskulen frå Tysse til Gjerde. I dette ligg det at bygningane til Dropeslottet barnehage skal nyttast til skule.

2. Plassering av fleirbrukshall ved skulen på Gjerde.

3. Større gymnastikksal eller «skulehall» på Gjerde som alternativ til fleirbrukshall.

4. Samanslåing av barnehagane, lokalisert til Vassloppa barnehage i Nordbygda.

5. Opningstider for barnehagen i feriane og betalingssatsar, som er meir tilpassa ønske frå foreldra.

6. Billegare eller gratis SFO.

7. Mogeleg etterbruk av bygningane til Samnanger ungdomsskule på Tysse

8. Etterbruk av kommunehuset på Tysse dersom det vert aktuelt å flytta sentraladministrasjonen.

For alle tiltaka som er nemnde ovanfor, skal lagast eit oversyn over alle mogelege investeringskostnader, t.d. også utgiftene til reguleringsplanar. Det skal utarbeidast ein plan for lån og tilbakebetaling.

Det må lagast ein tidsplan for dei ulike tiltaka.

Det er også viktig å presentera ein kalkyle for framtidige driftsutgifter dersom dei ulike tiltaka vert realiserte, og det må koma klart fram kva endringar ein kan venta i høve til dagens driftsutgifter. Her må det lagast eit oversyn (bemanningsplan) over behovet for tilsette etter at tiltaka er gjennomførte.

Studien skal peika på gode klima- og miljøløysingar, bl.a. effektive enøk-tiltak. Målet er reduserte CO2
Presiseringar og vilkår for nokre av tiltaka ovanfor:

1–10-skule på Gjerde med fleirbrukshall eller stor gymsalStudien må greia ut korleis ein samla skule kan gje god undervisning og skapa eit trygt skulemiljø for alle elevane.

Skulen skal ha dei fasilitetane som krevst av ein moderne ungdomsskule, men bassenget på Tysse skal framleis kunna brukast, iallfall fram til det treng større rehabilitering. Drift av bassenget og skyss av elevar til bassenget må difor leggjast inn i kalkylen for framtidige driftsutgifter. Det må likevel vurderast om det er mogeleg å byggja basseng på Gjerde seinare.

I studien må det vurderast ulike alternativ for elevtalsutviklinga, og ein må sjå på om det er mogleg med seinare utviding/påbygging av skulebygningane.

Studien må seia noko om korleis fleirbrukshallen/gymsalen kan brukast av både av skulen og andre, på dag- og kveldstid.

Det må lagast ein plan for parkering ved skulen for dei to alternativa, fleirbrukshall og stor gymsal.

Det er eit mål å spara dyrka mark ved ei utbygging på Gjerde.

Samla barnehage i Nordbygda (Vassloppa)
Studien skal sjå kva som må gjerast for å redusera eventuelle ulemper med å samla fleire born i éin barnehage, slik at barnehagen kan gje eit fullgodt pedagogisk tilbod.

Standarden på vegen fram til barnehagen og trongen for parkeringsplassar må vurderast.

Billegare eller gratis SFO.
Her skal det reknast på ulike alternativ.

Ungdomsskulen på Tysse. Her skal det særleg undersøkjast om det råd å flytta både personalet på kommunehuset (sentraladministrasjonen) og eininga for teknisk drift til ungdomsskulen. Kommunen vil då ikkje lenger leiga lokale på Frøland. Viss denne løysinga vert vald, må arealbehovet vurderast nøye. Det kan vera aktuelt å tenkja alternativ bruk for ein del av arealet.

* * *

Formannskapet skal fungera som styringsgruppe for moglegheitsstudien. Rådmannen må sørgja for at relevante interessepartar vert inviterte til å delta i møte i styringsgruppa og prosessar, t.d. i arbeidsgrupper, mellom møta. Dette gjeld m.a. verneombod og tillitsvalde.

Første møtet i styringsgruppa skal vera i januar 2020. Til dette møtet skal det inviterast representantar frå andre kommunar/organisasjonar til å fortelja om sine røynsler frå tilsvarande prosjekt med 1–10-skule og barnehage med nokolunde same storleiken som ein samanslegen barnehage i Samnanger vil ha.

Rådmannen skal, saman med kvalifisert ekstern rådgjevar, førebu møte, føra referat og følgja opp bestillingar frå møta.

Studien skal vera utført innan 1. juni 2020, og rapport skal presenterast for kommunestyret i siste møtet før sommaren 2020.

Det vert løyvd 250.000 kr til gjennomføring av moglegheitsstudien."


Shirin Kvernes Khadoor (Ap) bad om gruppemøte.

Etter gruppemøtet gjorde Øyvind Røen ei lita endring i framlegget sitt. Endringa var at ordet "større" vert lagt til i den andre setninga i framlegget. Starten av denne setninga vert då "Større rehabilitering av ungdomsskulen" i staden for "Rehabilitering av ungdomsskulen".

I røystinga vart rådmannen sitt framlegg sett opp mot Øyvind Røen sitt framlegg. Øyvind Røen sitt framlegg vart samrøystes vedteke.

Vedtak

Samnanger kommune løyver inntil 20.000 kroner i tilskot til Samnanger næringsforum til oppgradering av heimesida si, og digitalisering av tur- og aktivitetskartet. Tilskotet vert utbetalt frå næringsfondet knt 1400.3251 når utgifter kan dokumentarast. Tilskotet vert oppheva dersom det ikkje er utbetalt 2 år frå den dato vedtaket er gjort.

Samnanger næringsforum og Samnanger kommune legg opp til eit tett samarbeid framover om både digitalisering og aktivitetar som kan fremja næringslivet i Samnanger.

Behandling

Rådmannen sitt framlegg vart samrøystes vedteke.

Vedtak

Samnanger kommune gjev 15.000,- i tilskot til løypepreparering til Kvamskogen, med spesielt fokus på løyper frå Eikedalen og austover. Tilskotet vert årleg frå 2020 inntil kommunestyret i Samnanger kommune vedteke å avslutte ordninga. Frå 2020 vert tilskot utbetalt til Kvamskogen næringslag/Kvamskogen vel. Samnanger kommune deltek årleg i næringslaget sitt løypemøte i lag med dei andre tilskotytarane.

Tilskotet vert finansiert med fondet for fisk og friluftsføremål knt 251.20.476.

Behandling

Øyvind Strømmen (MDG) sette fram følgjande endringsframlegg i forhold til den siste setninga i rådmannen sitt framlegg:

"Tilskotet vert finansiert med fondet for fisk og friluftsføremål knt 251.20.476".

I røystinga vart framlegget til rådmannen sett opp mot framlegget til Øyvind Strømmen. Øyvind Strømmen sitt framlegg fekk fem røyster og vart vedteke. Rådmannen sitt framlegg fekk fire røyster.

Følgjande medlemmer røysta for Øyvind Strømmen sitt framlegg:

• Øyvind Strømmen (MDG)

• Shirin Kvernes Khadoor (Ap)

• Martin Haugen (Bl)

• Lena Tveit (Bl)

• Gunn Totland Moss (KrF)

Følgjande medlemmer røysta for rådmannen sitt framlegg:

• Øyvind Røen (Sp)

• Knut Harald Frøland (Bl)

• Odd Arne Haga (Frp)

• Jon Magne Bogevik (Ap)

Vedtak

Forslaget til språkplan for Samnanger kommune vert vedteke. Språkplanen gjeld med verknad frå 01.01.2020 og erstattar då målbruksplanen som vart vedteken av kommunestyret 29.01.1998.

Behandling

Rådmannen sitt framlegg vart samrøystes vedteke.

Vedtak

Framlegget til møteplan for 2020 vert vedteke, med følgjande endringar:

• Formannnskapet sitt møte i januar vert flytta frå fredag 17.01.2020 til torsdag 16.01.2020. Dette møtet skal vera heildagsmøte.

• Naturutvalet sitt møte i mai vert flytta frå tysdag 19.05.2020 til tysdag 12.05.2020.

• Administrasjonsutvalet sitt møte i mars vert flytta frå onsdag 11.03.2020 til torsdag 12.03.2020.

• Formannskapet sitt møte i mai vert flytta frå onsdag 20.06.2020 til torsdag 28.05.2020.

• Kommunestyret sitt møte i juni vert flytta frå 04.06.2020 til torsdag 11.06.2020.

Vedtaket er gjort med heimel i § 11-2 i kommunelova.

Behandling

Rådgjevar Jan Erik Boge orienterte om at administrasjonen foreslo følgjande endringar i forhold til det utsende framlegget til møteplan:

• Formannnskapet sitt møte i januar vert flytta frå fredag 17.01.2020 til torsdag 16.01.2020.

• Naturutvalet sitt møte i mai vert flytta frå tysdag 19.05.2020 til tysdag 12.05.2020.

• Administrasjonsutvalet sitt møte i mars vert flytta frå onsdag 11.03.2020 til torsdag 12.03.2020.

Det var òg semje i formanskapet om å gjera følgjande endringar og presisering:

• Formannskapsmøtet i mai vert flytta frå onsdag 20.06.2020 til torsdag 28.05.2020.

• Kommunestyremøtet i juni vert flytta frå torsdag 04.06.2020 til torsdag 11.06.2020.

• Formannskapet sitt møte i januar skal vera heildagsmøte.

Formannskapet vedtok samrøystes rådmannen sitt framlegg til møteplan, justert for dei endringane/presiseringane som er lista opp ovanfor.

Vedtak

Som følgje av endringar i den administrative organiseringa skal Samnanger kommune med verknad frå 01.01.2020 ikkje lenger ha stilling som assisterande rådmann. Noverande assisterande rådmann vert tilsett i anna stilling i kommunen, etter avtale med rådmannen.

Rådmannen får mynde til å fastsetja lønn for assisterande rådmann i 2019.

Behandling

Rådmannen sitt framlegg vart samrøystes vedteke.

Vedtak

Rådmannen får lønnsauke på 60 000 kroner med verknad frå 01.05.2019.

Behandling

Formannskapet vedtok samrøystes å lukka handsaminga av saka, med heimel i kommunelova 11-5, andre ledd.

Formannskapet vart samde om å røysta over følgjande to alternativ til vedtak:

1. Rådmannen får lønnsauke på 50 000 kroner med verknad frå 01.05.2019.

2. Rådmannen får lønnsauke på 60 000 kroner med verknad frå 01.05.2019.

Seks medlemmer røysta for lønnsauke på 60 000 kroner og tre røysta for lønnsauke på 50 000 kroner.

Følgjande medlemmer røysta for lønnsauke på 60 000 kroner:

• Gunn Totland Moss (KrF)

• Knut Harald Frøland (Bl)

• Martin Haugen (Bl)

• Lena Tveit (Bl)

• Shrin Kvernes Khadoor (Ap)

• Odd Arne Haga (Frp)

Følgjande medlemer røysta for lønnsauke på 50 000 kroner:

• Øyvind Røen (Sp)

• Jon Magne Bogevik (Ap)

• Øyvind Strømmen (MDG)

Vedtak

Samanger kommune ønskjer å halda fram samarbeidet om krisesenterdrift og vedtek Avtale om administrativt vertskommunesamarbeid om Krisesenter for Bergen og omegn.

Behandling

Rådmannen sitt framlegg vart samrøystes vedteke.

Vedtak

Samnanger søkjer ikkje om fornying av status som Fairtrade-kommune.

Ved innkjøp av kaffe, te, sjokolade og frukt skal ein halda fram med å velja Fairtrade-produkt, dersom dette er mogleg.

Behandling

Øyvind Strømmen (MDG) sette fram følgjande tilleggsframlegg til rådmannen sitt framlegg:

"Ved innkjøp av kaffe, te, sjokolade og frukt skal ein halda fram med å velja Fairtrade-produkt, dersom dette er mogleg."

I røystinga vart rådmannen sitt framlegg sett opp mot Øyvind Strømmen sitt framlegg. Øyvind Strømmen sitt framlegg vart samrøystes vedteke.

Vedtak

Samnanger kommune skal med verknad frå 2020 ta i bruk ACOS Møteportal som verktøy for dei folkevalde i kommunen. Dette vert finansiert med inntil 90 000 kroner frå disposisjonsfondet. Kommunen skal frå 2020 gå vekk frå den noverande ordninga med kommunale e-postadresser for folkevalde. Kommunen skal framleis ha ordning med kommunale nettbrett for dei folkevalde som ønskjer dette. Folkevalde som ikkje ønskjer kommunalt nettbrett, kan i staden få utbetalt ei godtgjersle for å halda seg med nettbrett/PC sjølv.

Behandling

Etter den innleiande debatten sette rådmannen fram følgande framlegg til vedtak:

"Samnanger kommune skal med verknad frå 2020 ta i bruk ACOS Møteportal som verktøy for dei folkevalde i kommunen. Dette vert finansiert med inntil 90 000 kroner frå disposisjonsfondet.

Kommunen skal frå 2020 gå vekk frå den noverande ordninga med kommunale e-postadresser for folkevalde.

Kommunen skal framleis ha ordning med kommunale nettbrett for dei folkevalde som ønskjer dette. Folkevalde som ikkje ønskjer kommunalt nettbrett, kan i staden få utbetalt ei godtgjersle for å halda seg med nettbrett/PC sjølv."

Framlegget vart samrøystes vedteke.

Vedtak

Samnanger kommune tek ikkje over kostnaden oppsitjarane på Tveit har med brøyting av privat veg.

Samnanger kommune opprettar ikkje tilskotsordning til vegvedlikehald eller snøbrøyting av private vegar no.

Behandling

Denne saka vart handsama etter sak 046/2019, før sak 047/2019.

Knut Harald Frøland (Bl) bad om å få gildskapen sin vurdert. Han gjekk frå medan formannskapet vurderte gildskapen hans. Solveig Vassenden (Bl) gjekk inn som varamedlem under denne handsaminga. Knut Harald Frøland vart samrøystes funnen ugild. Solveig Vassenden deltok derfor òg i resten av handsaminga av saka.

Øyvind Røen (Sp) sette fram følgjande endringsframlegg i forhold til rådmannen sitt framlegg:

• Ordet "no" vert lagt til i slutten av den andre setninga i framlegget."

I røystinga vart rådmannen sitt framlegg sett opp mot Øyvind Røen sitt framlegg. Øyvind Røen sitt framlegg vart samrøystes vedteke.

Etter at vedtaket vart gjort tok Knut Harald Frøland igjen plass i møtet, og Solveig Vassenden gjekk frå.

Vedtak

First responder tenesta i Samnanger kommune skal vidareførast.

• Kommunen bør reforhandla dei økonomiske vilkåra i samband med akuttberedskapen, og følgja opp helsedirektoratet sin intensjon med ordninga når forholda ligg til rette for dette.

• Løfteoppdrag og direkte oppdrag frå omsorgseininga bør verta unngått med mindre dei er knytte til akuttoppdrag, når det er på plass gode alternative ordningar.

Behandling

Innleiingsvis presenterte Eystein J. Hauge frå Capitatum Health Partner AS rapporten som er utarbeidd om akutthjelparordninga (rapporten og tilleggsnotatet som låg som vedlegg i saka).

Knut Harald Frøland (Bl) sette fram følgjande endringsframlegg i forhold til rådmannen sitt framlegg:

"Den første setninga i det første kulepunktet i rådmannen sitt framlegg vert teke vekk".

Øyvind Strømmen (MDG) påpeika at ordet "ikkje" bør takast vekk frå den siste setninga i rådmannen sitt framlegg, slik at innhaldet i setninga vert eintydig. Formannskapet sluttta seg til dette.

Øyvind Røen (Sp) sette fram følgjande endringsframlegg i forhold til rådmannen sitt framlegg:

"I den siste setninga skal følgjande leggjast til på slutten: når det er på plass gode alternative ordningar."


Det vart først røysta punktvis over endringsframlegga frå Knut Harald Frøland og Øyvind Røen.

Endringsframlegget til Knut Harald Frøland vart vedteke med seks mot tre røyster.

Følgjande medlemmer røysta for Knut Harald Frøland sitt endringsframlegg:

• Gunn Totland Moss (KrF)

• Knut Harald Frøland (Bl)

• Martin Haugen (Bl)

• Lena Tveit (Bl)

• Odd Arne Haga (Frp)

• Øyvind Røen (Sp)

Følgjande medlemmer røysta imot Knut Harald Frøland sitt endringsframlegg:

• Jon Magne Bogevik (Ap)

• Shirin Kvernes Khadoor (Ap)

• Øyvind Strømmen (MDG)

Endringsframlegget til Øyvind Røen vart samrøystes vedteke.

Til slutt vart rådmannen sitt framlegg sett opp mot rådmannen sitt framlegg justert med dei vedtekne endringsframlegga. Rådmannen sitt framlegg justert med dei vedtekne endringsframlegga vart samrøystes vedteke.

Vedtak

Rådmannen sitt framlegg til budsjett 2020 og økonomiplan 2020-2023 vert vedteke slik det ligg føre med vedlegg budsjettskjema 1A, 2A, hovudoversikt drift, hovudoversikt investering, netto driftsutgifter og detaljar investering (desse dokumenta ligg som vedlegg til rådmannen sitt budsjettframlegg), med følgjande endringar:

1. Avsetnad til disposisjonsfondet vert redusert med 100.000 kroner.100.000 kroner vert sett av på berekraftfondet.

2. Spørsmål om innføring av grense på 2 km mellom heim og skule for å få innvilga gratis skuleskyss skal takast inn som ein del av moglegheitsstudien som vart vedteken i formannskapssak 040/2019, jf. vedtak i kommunestyresakene 035 og 041/2019.

3. Eigedomsskatten vert ståande på 2,4 promille. Administrasjonen må til kommunestyremøtet 05.12.2019 vurdera den beste inndekkinga på dette.

Det vert tatt opp eit lån på kr 14,5 millionar i 2020 til finansieringa av vatn og avløp. Lånet skal betalast ned over 40 år og ha eit avdragsfritt år.

Kommunen betaler i dag meir i avdrag på lån enn det som det er krav om. Utrekning viser at betaling av avdrag kan reduserast med 1 000 000 kroner kroner i 2020.

Bestilling av ny brannbil må gjerast i 2020, då det er eitt års leveringstid.

Eigedomskatt

I medhald av eigedomsskattelova (Esktl) §§ 2 og 3 skal fylgjande utskrivingsalternativ nyttast for skatteåret 2020: Det vert skrive ut eigedomsskatt på faste eigedomar i heile kommunen jfr § 3 bokstav a. Den generelle skattesatsen som skal gjelda for dei skattepliktige eigedomane vert sett til 7 promille. I medhald av esktl § 12 bokstav a vert satsane differensiert ved at den satsen som skal gjelda for bustader og fritidseigedomar vert sett til 2,8 promille.

For bustaddelen av eigedomen (gjeld og fritidseigedom) vert det gitt eit botnfrådrag på kr 30 000 av

takstverdi. Botnfrådraget vert gitt for alle sjølvstendige bustaddelar. Botnfrådrag vert ikkje gitt når eigedomen vert nytta til næringsverksemd.

Det vert skrive ut eigedomsskatt på eit særskilt skattegrunnlag som følgje av at produksjonsutstyr og

–installasjonar ikkje skal takast med i takstgrunnlaget når dei tidlegare verk og bruk skal takserast og

reknast som næringseigedom frå og med 2019, jf. overgangsreglane til esktl. §§ 3 og 4 første ledd. Det særskilte skattegrunnlaget skal i 2020 vera lik 5/7 av differansen mellom eigedomsskattegrunnlaget i 2018 og 2019 som er forårsaka av nye verdsettingsreglar og at produkjonssutstyr- og installasjonar ikkje skal reknast med i grunnlaget for verk og bruk som frå og med 2019 vert ansett som næringseigedom. Skattesatsen på det særskilte skattegrunnlaget skal vera 7 promille.

I medhald av esktl. § 7 bokstav a vert det gitt fritak til stiftingar eller institusjonar som

har som formål å gagna kommunen, fylket eller staten. Unnateke er kommersielle stiftingar/

institusjonar. Fritaket vil gjelda forsamlingshus, bedehus, turisthytter og liknande. Fritak kan og

vurderast på grunnlag av søknad.

I medhald av esktl. § 7 bokstav b vert det gitt fritak for bygningar som har historisk

verdi med 100 prosent. Fritak kan og vurderast på grunnlag av søknad. Det er eit krav at bygget har

bevart sin opphavlege arkitektoniske stil, og at det ikkje vert brukt til forretningsverksemd.

I medhald av eigedomsskattelova § 7 bokstav c vert det gitt fritak for nybygde bustadeigedomar

(gjeld ikkje fritidseigedomar) i 1 år, eller til kommunestyret endrar eller opphevar fritaket. Fritaket

gjeld bygg der det vert starta bygging i 2019 eller seinare. Formannskapet får fullmakt til å avgjera

einskildsaker om skattefritak.

Kommunestyret har vedtatt å bruka formuesgrunnlag frå skatteetaten for utskriving av

eigedomsskatt på bustadhus, jf. esktl. § 8C-1. Bustadhus og hytter utan formuesgrunnlag vert takserte. Det same gjeld næringsverksemd, tomtar mm. Ved taksering og utskriving av eigedomsskatt nyttar kommunen dei til ei kvar tid gjeldande skattevedtekter.

Eigedomsskatten skal betalast i 4. terminar.

Behandling

Odd Arne Haga (Frp) sette fram følgjande tre tilleggsframlegg:

"Forslag til ekstern tilstandsrapport av Samnanger Ungdomsskule og Kommunehuset.Det skal gjennomføres en ekstern tilstandsvurdering av ungdomsskolen og Kommunehuset. Kostnadsramme kr 30000,- som finansieres av redusert avdragsinnbetaling."

"Forslag til Gratis skolemat på Tysse Ungdomsskole
Det skal fra 1/1 2020 innføres gratis skolelunch til elevene ved Samnanger Ungdomsskole. Skolelunchen skal finansieres som følger; KIWI leverer gratis matsvinn, dvs mat som er i ferd med å gå ut på dato.Bjørkheim kro, landhandelen på Tysse, Milano og SPAR skal også forespørres. Matlaging og kjøkkenhjelp finansieres med «snu i døra» tilskudd fra NAV, eller tilskudd til arbeid for verna bedrifter for funksjonshemma personer. Organisering utføres av frivillighetssentralen med tilskudd fra Staten. Resten kr 100000,- finansieres av redusert avdragsinnbetaling."

"Skoleskyss
Samnanger kommune har praktisert at det i fra klassetrinn 2 og oppover, skal det være en grense på 4 km mellom hjem og skole – for å få gratis skoleskyss.

I Samnanger kommune er det ikke alle som bor slik til, at denne grensen bør være på 4 km. Det kan være barn som har ubrøytet veg om vinteren, dårlig eller ingen gatebelysning, en farlig vegtrase med bratte skrenter, som etter vår mening skal ha gratis skoleskyss i forhold til ren HMS-tankegang.

Det kan også være barn som gruer seg til å gå på skolen, der det er lang skolevei og en lite opplyst veg og der de må gå store deler av vegen alene. Eller det kan være barn som går langs med en ubrøytet veg og kan i verste fall bli påkjørt av både brøytebiler og elles andre kjøretøy. Selv på kommunale og fylkesveger bruker bilister stor fart og gjerne i kombinasjon med dårlig sikt i regn og tåke. De fleste vegene er også svært smale og uten fortau. Om vinteren er det også i noen tilfeller høye brøytekanter, så det kan være vanskelig å komme seg ut av vegbanen.

Etter vår mening skal ikke foreldre betale for skoleskyss, dersom HMS kriteriene ikke er oppfylt/ivaretatt. Det er svært små kostnader for Samnanger kommune å gi alle barn en trygg skoleveg – i forhold til at et barn kan blir skadet på skolevegen.

Det skal heller ikke være meningen at travle foreldre skal kjøre barna til skolen, fordi vi ikke har lagt til rette for en forsvarlig transport av alle skoleelever. Det er tross alt en stor del av elever som bor utenfor etablerte boligområder i vår kommune.

Derfor vil vi foreslå i budsjettet: Samnanger kommune setter en maksimum grense på 2 km mellom hjem og skole, for å få innvilget gratis skoleskyss.

I enkelte andre forhold, der det kan dokumenteres at HMS ikke er ivaretatt, så setter vi ingen grense for gratis skoleskyss i vår kommune. Den ekstra kostnaden blir dekket ved å redusere avdragsbetalingen."

Rådmann Charlotte Hageberg orienterte om at innsparte utgifter knytt til redusert avdragsbetaling på lån allereie er disponert/brukt i rådmannen sitt budsjettframlegg. Odd Arne Haga valde på bakgrunn av dette å justera to av framlegga sine som følgjer:

• "Ekstern tilstandsrapport av Samnanger Ungdomsskule og kommunehuset vert finansiert av disposisjonsfondet."

• "Ekstra kostnad til skuleskyss vert finansiert av disposisjonsfondet."

Øyvind Strømmen (MDG) sette fram følgjande tilleggsframlegg:

"Avsetnad til disposisjonsfondet vert redusert med 100.000 kroner. 100.000 kroner vert sett av på berekraftfondet." 


Knut Harald Frøland (Bl) sette fram følgjande tilleggsframlegg:

"Det vert innført halv eigedomsskatt på næring dei første fem åra etter etablering."


Øyvind Røen (Sp) bad om gruppemøte.

Etter gruppemøtet orienterte økonomisjef Nina Erdal om at det ikkje er høve til å innføra ei slik ordning for eigedomsskatt på næring som Knut Harald Frøland hadde foreslått. Knut Harald Frøland trekte etter dette framleggget sitt.


Knut Harald Frøland sette fram følgjande tilleggsframlegg:

"Eigedomsskatten vert ståande på 2,4 promille. Administrasjonen må til kommunestyremøtet 05.12.2019 vurdera den beste inndekkinga på dette."

Røysting:

Det vart først røysta over tilleggsframlegga som var sette fram i møtet.

1. Røysting over tilleggsframlegg frå Øyvind Strømmen
Framlegget vart vedteke med åtte mot ei røyst. Odd Arne Haga røysta imot framlegget.

2. Røysting over tilleggsframlegg frå Odd Arne Haga om tilstandsrapport Samnanger Ungdomsskule og Kommunehuset
Framlegget fall med åtte mot ei røyst. Odd Arne Haga røysta for framlegget.

3. Røysting over tilleggsframlegg frå Odd Arne Haga om skuleskyss
Odd Arne Haga trekte framlegget før røystinga. Etter forslag frå Knut Harald Frøland vedtok formannskapet i staden samrøystes at spørsmålet om skuleskyss skal takast inn som ein del av moglegheitsstudien som vart vedteken i formannskapssak 040/2019, jf. vedtak i kommunestyresakene 035 og 041/2019.

4. Røysting over tilleggsframlegg frå Odd Arne Haga om gratis skulemat
Framlegget fall med seks mot tre røyster.

Følgjande medlemmer røysta for framlegget:

• Odd Arne Haga (Frp)

• Jon Magne Bogevik (Ap)

• Gunn Totland Moss (KrF)

Følgjande medlemmer røysta imot framlegget:

• Øyvind Røen (Sp)

• Knut Harald Frøland (Bl)

• Lena Tveit (Bl)

• Martin Haugen (Bl)

• Shirin Kvernes Khadoor (Ap)

• Øyvind Strømmen (MDG)

5. Røysting over endringsframlegg frå Knut Harald Frøland om at eigedomsskatten vert ståande på 2,4 promille
Framlegget vart vedteke med sju mot to røyster.

Følgjande medlemmer røysta for framlegget:

• Knut Harald Frøland (Bl)

• Lena Tveit (Bl)

• Martin Haugen (Bl)

• Øyvind Røen (Sp)

• Odd Arne Haga (Frp)

• Jon Magne Bogevik (Ap)

• Gunn Totland Moss (KrF)

Følgjande medlemmer røysta imot framlegget:

• Shirin Kvernes Khadoor (Ap)

• Øyvind Strømmen (MDG)

Etter dette vart det røysta over heile framlegget til økonomiplan.

1. Røysting over rådmannen sitt framlegg justert med dei vedtekne endringsframlegga
Åtte medlemmer røysta for og ein imot. Odd Arne Haga røysta imot.

2. Røysting over rådmannen sitt framlegg
Rådmannen sitt framlegg fekk ingen røyster.