Møte i Kommunestyret den 05.12.2019

Vedtak

Møteinnkallinga og saklista vert godkjent.

Behandling

Godkjenning av innkalling og sakliste
Godkjent utan merknader.

Eventuelle merknader til protokoll frå førre møte
Ingen merknader.

Orientering om NAV-prosjektet "Snu i døra"
Einingsleiar ved NAV Samnanger, Magne Djuvik, orienterte om prosjektet.

Orienteringssaker:
Ingen saker.

Grunngjevne spørsmål:

Spørsmål om bebuarar på Samnangerheimen og tannhelseteneste
Gunn Totland Moss (KrF) hadde meldt inn eit grunngjeve spørsmål til møtet. Ho las opp spørsmålet. Rådmann Charlotte Hageberg orienterte om at administrasjonen ikkje hadde motteke dette spørsmålet før møtet, men at ho ville prøva å koma tilbake til spørsmålet seinare i møtet. Rådmannen fekk i løpet av møtet informasjon frå einingsleiar pleie og omsorg, slik at ho kunne svara på det grunngjevne spørsmålet. Svaret vart lest opp for kommunestyret etter handsaminga av sak 075/2019.

Utvalet sitt kvarter:

Spørsmål om ansvar for innkalling av varamedlemmer
Brigt Olav Gåsdal (Ap) viste til at han hadde meldt frå til administrasjonen om at det ville vera behov for varamedlem for han frå kl. 16.00 dersom kommunestyremøtet ikkje var ferdig til då. Han sa at han hadde fått tilbakemelding frå administrasjonen om at han måtte ordna med varamedlem sjølv. Ordførar Knut Harald Frøland (Bl) orienterte om at det er administrasjonen som har ansvar for å kalla inn varamedlemmer, ikkje medlemmen sjølv.

Barnevernsgransking
Jon Magne Bogevik (Ap) viste til kommunestyret sitt vedtak 22.08.2019 i saka om gransking av barnevernssaker, og spurde om kvifor rapporten frå den siste delen av granskinga ikkje stod på saklista til kommunestyret 05.12.2019. Rådmann Charlotte Hageberg orienterte om at årsaka til dette er at rapporten enno ikkje er ferdig, men at den truleg vert ferdig til det første ordinære møtet i kommunestyret i 2020.

Vintervedlikehald av kommunale vegar
Håvard Tvedterås (Frp) spurde viste til lokal avtale i kommunen om heimevaktordning for snøbrøyting/vintervedlikehald av kommunale vegar i perioden 15. desember - 25. mars. Han spurde om kvifor heimevaktordninga ikkje startar opp før 15. desember. Han viste i samband med dette til manglande brøyting av kommunale vegar søndag 08.12.2019. Rådmann Charlotte Hageberg orienterte om at kommunen driv vintervedlikehald av kommunale vegar også utanom perioden 15. desember - 25. mars, og så langt som mogleg prøver å setja inn tiltak/ha beredskap når det er meldt snø.


Interpellasjonar:
Det var kome inn to interpellasjonar til møtet. Desse vart handsama etter sak 070/2019.

Vedtak

Samnanger kommune ønskjer å halda fram samarbeidet om krisesenterdrift og vedtek Avtale om administrativt vertskommunesamarbeid om Krisesenter for Bergen og omegn.

Behandling

Formannskapet si tilråding vart samrøystes vedteke.

Vedtak

Forslaget til språkplan for Samnanger kommune vert vedteke. Språkplanen gjeld med verknad frå 01.01.2020 og erstattar då målbruksplanen som vart vedteken av kommunestyret 29.01.1998.

Behandling

Formannskapet si tilråding vart samrøystes vedteke.

Vedtak

Samnanger søkjer ikkje om fornying av status som Fairtrade-kommune.

Ved innkjøp av kaffe, te, sjokolade og frukt skal ein halda fram med å velja Fairtrade-produkt, dersom dette er mogleg.

Behandling

Formannskapet si tilråding vart samrøystes vedteke.

Vedtak

Samnanger kommune tek ikkje over kostnaden oppsitjarane på Tveit har med brøyting av privat veg.

Samnanger kommune opprettar ikkje tilskotsordning til vegvedlikehald eller snøbrøyting av private vegar no.

Behandling

Knut Harald Frøland (Bl) erklærte seg ugild i saka, på grunn av nært slektskap med partar i saka. Han gjekk frå medan kommunestyret handsama gildskapen hans. Dag Nydal (Bl) gjekk inn som varamedlem under denne handsaminga, og varaordførar Øyvind Røen (Sp) gjekk inn som setjeordførar. Knut Harald Frøland vart samrøystes funnen ugild. Dag Nydal deltok som følgje av dette òg under resten av handsaminga av saka.

Formannskapet si tilråding vart vedteken med 20 mot 1 røyst. Arild Røen (H) røysta imot.

Etter at det var gjort vedtak i saka, gjekk Dag Nydal frå og Knut Harald Frøland tok plass igjen i kommuestyret.

Vedtak

Samnanger kommune tek ikkje over driftsansvaret for Totrænavegen opp i skianlegget eller Tyssevegen opp til skytebana.

Behandling

Monica Tjønna (Sp) sette fram følgjande utsetjingsframlegg
"Saka vert utsett i påvente av ei vurdering der Samnanger kommune og Samnanger idrettslag v/skigruppa ser på ei deling og lagar ein avtale der kommunen tek ein del av utgiftene og idrettslaget ein del."

Det vart gjennomført røysting om utsetjingsframlegget til Monica Tjønna. 3 medlemmer røysta for framlegget og 18 røysta imot.

Arild Røen (H) sette fram følgjande framlegg til vedtak:
"Samnanger kommune vurderer kommunalisering av vegen til Totræna og innarbeider dette i budsjett for 2021."

Øyvind Strømmen (MDG) bad om gruppemøte.

Etter gruppemøtet orienterte Arild Røen om at han trekte det første framlegget sitt, og om at han i staden sette fram følgjande framlegg:
"Samnanger kommune vurderer å overta vintervedlikehold av vegen til Totræna vinterpark og innarbeider dette i budsjett for 2021.".

Knut Harald Frøland (Bl) sette fram følgjande framlegg til vedtak:
"Samnanger kommune tek ikkje over driftsansvaret for Totrænavegen opp i skianlegget eller Tyssevegen opp til skytebana."

Det vart først røysta over Arild Røen sitt framlegg til vedtak. 9 medlemmer røysta for og 12 imot dette framlegget.

Det vart så røysta over Knut Harald Frøland sitt framlegg. 13 røysta for og 8 imot dette framlegget.

Det vart til slutt røysta over rådmannen sitt framlegg. Ingen røysta for dette framlegget.

Resultatet av røystinga vart dermed at framlegget til Knut Harald Frøland vart vedteke.

Vedtak

Samnanger kommune vedtek handlingsporgrammet for 2019 og prioriterer søknader om spelemidlar til ordinære anlegg i denne rekkefølgja:

1. Friidrettsbane

2. Bjørkheim friluftsområde

Behandling

Rådmannen sitt framlegg vart samrøystes vedteke.

Vedtak

Kapittel 4 i personalvedtektene (tilsetjingsvedtekter) vert oppheva med verknad frå 01.01.2020, og vert då erstatta med eit tilsettingsreglement som vert vedteke av rådmannen.

Behandling

Administrasjonsutvalet si tilråding vart vedteke med 20 mot 1 røyst. Jon Magne Bogevik (Ap) røysta imot.

Vedtak

Arbeidstidsordninga for tilsette i Samnanger kommune som tilhøyrer gruppa kontoradministrasjon, vert med verknad frå 01.01.2020 endra til:

• Arbeidstida pr. veke er 37 timar og 55 minutt, inkludert matpause. Denne arbeidstida gjeld heile året.

  • Normalarbeidstida skal vera kl. 07.30-15.05.

Vedtaket er gjort med heimel i hovudtariffavtalen, kapittel 1, § 4.2.1.

Behandling

Administrasjonsutvalet si tilråding vart vedteke med 19 mot 2 røyster.

Vedtak

Milano Pizzeria får skjenkeløyve som ei prøveordning fram til september 2020. Klasse 1 og 2 frå kl 12.00 -01.00 kvar dag.

Behandling

Det vart innleiingsvis gjennomført debatt om møtet skulle vera lukka under handsaminga av saka. Møtet vart lukka under denne debatten. Møtet vart opna igjen før kommunestyret røysta over spørsmålet om lukking av møtet. Det vart samrøystes vedteke å lukka møtet under handsaminga, med heimel i kommunelova § 11-5, andre ledd. Resten av handsaminga gjekk derfor for lukka dører.

Gunn Østvik Petersen (Ap) bad om gruppemøte.

Etter gruppemøtet sette Lena Tveit (Bl) fram følgjande framlegg til vedtak:
"Milano Pizzeria får skjenkeløyve som ei prøveordning fram til september 2020. Klasse 1 og 2 frå kl 12.00 - 01.00 kvar dag."

11 medlemmer røysta for framlegget til Lena Tveit og 10 røysta for framlegget til rådmannen.

Vedtak

Formannskapet si tilråding til møteplan for 2020 vert vert vedteken, med følgjande endringar:

• Kommunestyremøtet i januar vert flytta frå 30. til 16. januar. Dette møtet vert eit heildagsmøte med folkevaldopplæring i første del og deretter temamøte om 1-10 skule.

• Formannskapsmøtet 16. januar går ut.

• Kommunestyremøtet 5. mars vert folkevaldopplæring frå kl 12 og så kommunestyremøte frå kl 16.

• Kommunestyremøtet 11. juni vert folkevaldopplæring frå kl 12 og så kommunestyremøte frå kl 16.

• Første møte i administrasjonsutvalet vert flytta frå 11. mars til 13. februar.

• Kommunestyremøtet 17. september vert flytta til 16. september.

• Kommunestyremøtet 29. oktober vert flytta til 28. oktober.

• Det vert eit ekstra kommunestyremøte 30. april og eit ekstra formannskapsmøte 16. april. Desse møta vert finansiert med kr. 70 000 frå disposisjonsfondet.

Behandling

Ordførar Knut Harald Frøland (Bl) sette fram følgjande framlegg til endringar i forhold til formannskapet si tilråding:"Forslag om endringar i møteplan 2020 i forhold til formannskapet si tilråding:

• Kommunestyremøtet i januar vert flytta frå 30. til 16. januar. Dette møtet vert eit heildagsmøte med folkevaldopplæring i første del og deretter temamøte om 1-10 skule.

• Formannskapsmøtet 16. januar går ut.

• Kommunestyremøtet 5. mars vert folkevaldopplæring frå kl 12 og så kommunestyremøte frå kl 16.

• Kommunestyremøtet 11. juni vert folkevaldopplæring frå kl 12 og så kommunestyremøte frå kl 16.

• Første møte i administrasjonsutvalet vert flytta frå 11. mars til 13. februar."

Linda Haug Kollbon (Frp) sette på vegner av Karl Kollbotn (Frp) fram ønske om følgjande endringar i møtedatoar for kommunestyret i 2020:

• Flytta møtet 05.03.2020 til 12.03.2020.

• Flytta møtet 17.09.2020 til 16.09.2020.

• Flytta møtet 29.10.2020 til 28.10.2020.
  

Knut Harald Frøland bad om gruppemøte.

Etter gruppemøtet sette Arild Røen (H) fram framlegg om eit ekstra kommunestyremøte 30.04.2020 og eit ekstra formannskapsmøte 16.04.2020, og at det vert løyvd kr. 70 000 frå disposisjonsfondet til finansiering av desse møta.

Odd Arne Haga foreslo at det vert sett opp eit ekstraordinært kommunestyremøte i 2020 dersom det vert behov for dette.

Det vart til slutt i debatten bestemt at det skulle røystast over framlegga til Knut Harald Frøland og Arild Røen, samt over Linda Haug Kollbotn sitt framlegg om å flytta kommunestyremøta 17.09.2020 og 29.10.2020.

Arild Røen sitt framlegg vart vedteke med 18 mot 3 røyster.

Linda Haug Kollbotn sitt framlegg om å flytting av kommunestyremøte frå 17.09.2020 til 16.09.2020 og frå 29.10.2020 til 28.10.2020 vart samrøystes vedteke.

Knut Harald Frøland sitt framlegg vart samrøystes vedteke.

Det vart til slutt røysta over formannskapet si tilråding, med vedtekne endringar. Med desse endringane vart formannskapet si tilråding samrøystes vedteken.

Vedtak

Samnanger kommune gjev 15.000,- i tilskot til løypepreparering til Kvamskogen, med spesielt fokus på løyper frå Eikedalen og austover. Tilskotet vert årleg frå 2020 inntil kommunestyret i Samnanger kommune vedteke å avslutte ordninga. Frå 2020 vert tilskot utbetalt til Kvamskogen næringslag/Kvamskogen vel. Samnanger kommune deltek årleg i næringslaget sitt løypemøte i lag med dei andre tilskotytarane.

Tilskotet vert finansiert med fondet for fisk og friluftsføremål knt 251.20.476.

Behandling

Formannskapet si tilråding vart samrøystes vedteke.

Vedtak

Rådmannen får mandat til å gå i dialog med grunneigarane og BKK om Ingeniørhytta si framtid.

Formannskapet vert styringsgruppe for prosjektet.

I forprosjektet vert det viktig å få avklara;

• Er hytta eit reiselivsmål og kva potensiale har den ?

• Nødvendige tiltak for hytta ?

• Investeringsbehov og finansiering ?

• Framtidig eigarskap ?

• Bruk av vegen og finansieringsløysingar for ålmenta sin bruk ?

• Samarbeid med Kvam og «raude hytta» ?

Behandling

Formannskapet si tilråding vart vedteke med 20 mot 1 røyst. Jon Magne Bogevik (Ap) røysta imot.

Vedtak

Samnanger kommune startar opp eit forprosjekt om Fossen bratte, for å vidareutvikle «Bruresløret» som eit internasjonalt reiselivsmål.

Formannskapet og ein representant frå Samnanger næringsforum er styringsgruppe for prosjektet. Rådmannen rapporterer til styringsgruppa. Forprosjektet har eit budsjett på 400000 kroner, der 50% vert dekka gjennom tilskot. Kommunen sin eigenandel vert finansiert med midlar inntil 200000 kroner frå næringsfondet 1400.3251.

Behandling

Brigt Olav Gåsdal (Ap) sette fram følgjande endringsframlegg:
"Styringsgruppa blir utvida med ein rep. frå Samnanger næringsforum.

Endring av ordlyden i første avsnitt i tilrådinga:

Samnanger kommune startar eit forprosjekt om Fossen bratte for å vidareutvikla området ved fossen til eit internasjonalt reiselivsprodukt."

I røystinga i saka vart Brigt Olav Gåsdal sitt endringsframlegg sett opp mot formannskpet si tilråding. Brigt Olav Gåsdal sitt framlegg vart samrøystes vedteke.

Vedtak

• Samnanger kommune er positiv til Hordaland fylkeskommune sitt prosjekt om etablering av dagsturhytte på turmål i alle kommunane i heile fylket

• Etablering av dagsturhytte vert innarbeidd som tiltak i handlingsprogrammet for kommunedelplan for idrett, fysisk aktivitet og friluftsliv i 2020-2023, og kommunen søkjer tilskot frå spelemidlar i 2020.

Behandling

Rådmannen sitt framlegg vart samrøystes vedteke.

Vedtak

First responder (FR) tenesta i Samnanger kommune skal vidareførast.

Til formannskapsmøtet 20.02.20 skal det i saksframstillinga kostnadsutgreiast følgjande 3 alt. løysingar:

1. Dagens løysing.

2. Ei FR-løysing som i dag, men der ein vurderer innsparingar i beredskapsbetaling og innsparingar ved at omsorgseiininga tek i bruk fullgode alt. løysingar til løfteoppdrag.

3. Ei FR-løysing der ein brukar personell frå ordinær brannberedskap, der personell blir gitt naudsynt opplæring.

Det skal i tillegg spesifiserast korleis alt. løysingar for løfteoppdrag blir handsama.

Det skal i framlegget til vedtak konkluderast på val av løysing.

Behandling

Knut Harald Frøland (Bl) sette fram følgjande framlegg til vedtak:
"First responder (FR) tenesta i Samnanger kommune skal videreførast.

Til formannskapsmøte 20.02.20 skal det i saksframstillinga kostnadsutgreiast følgjande 3 alt løsninger:

1. Dagens løsning.

2. Ei FR løsning som i dag, men der ein vurderer innsparingar i beredskapsbetaling og innsparingar ved at omsorgseiininga tek i bruk fullgode alt løysningar til løfteoppdrag.

3. Ei FR løysing der ein bruker personell frå ordinær brannberedskap, der personell blir gitt naudsynt opplæring.

Det skal i tillegg spesifiseres korleis alt løysningar for løfteoppdrag blir handsama.

Det skal i framlegget til vedtak konkluderes på val av løysning."


I røstinga i saka vart framlegget til Knut Harald Frøland sett opp mot formannskapet si tilråding. Framlegget til Knut Harald Frøland vart samrøystes vedteke.

Vedtak

Økonomirapportering vert tatt til etteretning og det vert gjennomført fylgjande budsjettjusteringar:

Behandling

Rådmannen sitt framlegg vart samrøystes vedteke.

Vedtak

Samnanger kommune skal med verknad frå 2020 ta i bruk ACOS Møteportal som verktøy for dei folkevalde i kommunen. Dette vert finansiert med inntil 90 000 kroner frå disposisjonsfondet.

Kommunen skal frå 2020 gå vekk frå den noverande ordninga med kommunale e-postadresser for folkevalde.

Behandling

Formannskapet si tilråding vart samrøystes vedteke.

Vedtak

Eldreråd 2019-2023

Behandling

Marianne Soleng (avdelingsleiar ved sørvissenteret) orienterte om at Bjørg Solvang har meldt frå om at ho ikkje ønskjer å stilla til val til eldrerådet, og at det som følgje av dette var behov for å finna ein erstattar for ho.

Solveig Vassenden (Bl) sette fram følgjande endringsframlegg:

• "Karin Børdal Tveit vert fast medlem i staden for Eva Hellevang. Eva Hellevang vert varamedlem.

• Anne-Mari Steinsland vert varamedlem i staden for Bjørg Solvang."

Endringsframlegget til Solveig Vassenden vart samøystes vedteke.

Vedtak

Råd for personar med nedsett funksjonsevne 2019-2023

Behandling

Marianne Soleng (avdelingsleiar ved sørvissenteret) orienterte om at det i arbeidsutvalet sitt framlegg ikkje er foreslått personlege varamedlemer.

Arbeidsutvalet sitt framlegg vart samrøystes vedteke.

Vedtak

Sakkunnig nemnd for eigedomsskatt 2019-2023

Klagenemnd for eigedomsskatt 2019-2023

Behandling

Marianne Soleng (avdelingsleiar sørvissenteret) orienterte om at Hjørdis Thieme Klyve har meldt frå om at ho ikkje ønskjer stilla til val. Ho orienterte vidare om at det som følgje av dette vart det foreslått at Jorunn Mo Nilsen går inn som fast medlem i sakkunnig nemnd for eigedomsskatt og at det vert valt ein annan kvinneleg varamedlem.

Marianne Soleng orienterte òg og om at Frode Odland har meldt frå om at ha ikkje ønskjer å stilla til val, og at Asbjørn Moss vert foreslått som varamedlem i klagenemnda for eigedomsskatt i staden for Frode Odland.

Monica Tjønna (Sp) foreslo seg sjølv som ny kvinneleg varamedlem i sakkunnig nemnd for eigedomsskatt (som erstattar for Jorunn Mo Nilsen).

Med dei endringane som går fram ovanfor vart arbeidsutvalet sitt framlegg samrøystes vedteke. Arbeidsutvalet sitt opprinnelege framlegg fekk ingen røyster.

Vedtak

Klagenemnd/ klageutval på politiske vedtak og takstutval for jordbruk-, skogbruks- og andre eigedomar vert lagt frå og med 01.01.2020.

Som følgje av at klagenemnda/klageutvalet vert lagt ned, vert formannskapet ny klageinstans for enkeltvedtak etter forvaltningslova § 28, andre avsnitt, første setning.

Desse endringane må innarbeidast i kommunen sitt delegeringsreglement. Rådmannen får fullmakt til å gjera dette.  

Behandling

Arbeidsutvalet sitt framlegg vart samrøystes vedteke.

Vedtak

Oppgjeret for valet av kontrollutval 2019-2023 (kommunestyresak 061/2019) vert justert som følgjer:

• Den noverande femte varamedlemmen til grupperinga Bygdalista, Framstegspartiet, Senterpartiet og Kristeleg folkeparti, Dag Nydal (Bl) går ut. Den noverande sjette varamedlemmen, Helene Mjelde Foss (Bl), rykkjer opp til femte varamedlem.

Vedtaket er gjort med heimel i reglane om kjønnsbalanse/kjønnsrepresentasjon i § 7-6 i kommunelova.

Behandling

Rådmannen sitt framlegg vart samrøystes vedteke.

Vedtak

Arbeidsutvalet sitt framlegg vert vedteke, med følgjande endringar:

• Karl B. Kollbotn (leiar i naturutvalet) vert fast medlem og Øyvind Røen vert medlem i Ole Hildersmark og søskens legat.

• Linda Haug Kollbotn vert fast medlem i kyrkjeleg fellesråd i staden for Inge Aasgaard.

• Anja Elisabeth Gjerde Markhus vert varamedlem i plassnemnda for sentralidrettsanlegget i Hagabotnane i staden for Karl B. Kollbotn.

Behandling

Brigt Olav Gåsdal (Ap) viste til at ifølgje statuttane til Ole Hildersmark og søskens legat skal ordføraren og leiaren i naturutvalet vera faste medlemmer, og at det som følgje av dette måtte gjerast ei endring i forhold til arbeidsutvalet sitt framlegg. Endringa er at Karl B. Kollbotn (leiar i naturutvalet) får status som fast medlem og at Øyvind Røen får status som medlem.

Øyvind Røen (Sp) sette fram framlegg om at Linda Haug Kollbotn vert medlem i kyrkjeleg fellesråd i staden for Inge Aasgaard.

Brigt Olav Gåsdal viste til arbeidsutvalet sitt framlegg om at varamedlemslista for plassnemnda for idrettsanlegget i Hagabotnane består av tre menn, og spurde om reglane om kjønnsbalanse gjeld for denne nemnda. Martin Haugen (Bl) foreslo at Anja Elisabeth Gjerde Markhus (Bl) vert varamedlem i plassnemnda i staden for Karl B. Kollbotn (Frp).

Etter debatten vart det avklart at Øyvind Røen og Brigt Olav Gåsdal skulle stå som felles forslagsstillarar for endringsframlegga som er nemnde i avsnitta ovanfor. Det felles endringsframlegget deira var som følgjer:
"Som arbeidsutvalet sitt framlegg, men med følgjande endringar:

• Karl B. Kollbotn (leiar i naturutvalet) vert fast medlem og Øyvind Røen vert medlem i Ole Hildersmark og søskens legat.

• Linda Haug Kollbotn vert medlem i kyrkjeleg fellesråd i staden for Inge Aasgaard.

• Anja Elisabeth Gjerde Markhus vert varamedlem i plassnemnda for sentralidrettsanlegget i Hagabotnane i staden for Karl B. Kollbotn. "

Framlegget til Øyvind Røen og Brigt Olav Gåsdal vart samrøystes vedteke. Arbeidsutvalet sitt framlegg fekk ingen røyster.

Vedtak

1. Samnanger kommune vedtek at BIR AS får delegert fullmakt til fakturering og innkrevjing av avfallsgebyret på vegner av Samnanger kommune, jfr § 12 i forskrift om handtering av avfall frå hushaldning. Avfallsgebyret tilhøyrer Samnanger kommune.

2. Prisen på renovasjonstenesta for 2020 vert sett opp med 1 %, med unntak av eigenandelen for levering til gjenvinningstasjonane og einskilde tenester utanfor standard renovasjon. Desse vert haldne uendra.

Samnanger kommune vedtek avfallsgebyr i samsvar med fylgjande vedlegg:

1. Pristabell renovasjonsgebyr Samnanger kommune 2020.

Behandling

Rådmannen sitt framlegg vart samrøystes vedteke.

Vedtak

Administrasjonen legg fram ei eiga sak om brannstasjon i første halvår 2020. Større rehabilitering av ungdomsskulen vert sett på vent til ein moglegheitstudie for 1–10-skule, barnehage m.m. er gjennomført, jf. vedtak i kommunestyresakene 035 og 041/2019. Denne moglegheitsstudien skal innehalda utgreiingar om følgjande tiltak:

1. 1–10-skule på Gjerde, dvs. flytting av ungdomsskulen frå Tysse til Gjerde. I dette ligg det at bygningane til Dropeslottet barnehage skal nyttast til skule.

2. Plassering av fleirbrukshall ved skulen på Gjerde.

3. Større gymnastikksal eller «skulehall» på Gjerde som alternativ til fleirbrukshall.

4. Samanslåing av barnehagane, lokalisert til Vassloppa barnehage i Nordbygda.

5. Opningstider for barnehagen i feriane og betalingssatsar, som er meir tilpassa ønske frå foreldra.

6. Billegare eller gratis SFO.

7. Mogeleg etterbruk av bygningane til Samnanger ungdomsskule på Tysse

8. Etterbruk av kommunehuset på Tysse dersom det vert aktuelt å flytta sentraladministrasjonen.

9. Innføring av grense på 2 km mellom heim og skule for å få innvilga gratis skuleskyss.

For alle tiltaka som er nemnde ovanfor, skal lagast eit oversyn over alle mogelege investeringskostnader, t.d. også utgiftene til reguleringsplanar. Det skal utarbeidast ein plan for lån og tilbakebetaling.

Det må lagast ein tidsplan for dei ulike tiltaka.

Det er også viktig å presentera ein kalkyle for framtidige driftsutgifter dersom dei ulike tiltaka vert realiserte, og det må koma klart fram kva endringar ein kan venta i høve til dagens driftsutgifter. Her må det lagast eit oversyn (bemanningsplan) over behovet for tilsette etter at tiltaka er gjennomførte.

Studien skal peika på gode klima- og miljøløysingar, bl.a. effektive enøk-tiltak. Målet er reduserte CO2-utslepp og lågare utgifter for kommunen.

Presiseringar og vilkår for nokre av tiltaka ovanfor:

1–10-skule på Gjerde med fleirbrukshall eller stor gymsal
Studien må greia ut korleis ein samla skule kan gje god undervisning og skapa eit trygt skulemiljø for alle elevane.

Skulen skal ha dei fasilitetane som krevst av ein moderne ungdomsskule, men bassenget på Tysse skal framleis kunna brukast, iallfall fram til det treng større rehabilitering. Drift av bassenget og skyss av elevar til bassenget må difor leggjast inn i kalkylen for framtidige driftsutgifter. Det må likevel vurderast om det er mogeleg å byggja basseng på Gjerde seinare.

I studien må det vurderast ulike alternativ for elevtalsutviklinga, og ein må sjå på om det er mogleg med seinare utviding/påbygging av skulebygningane.

Studien må seia noko om korleis fleirbrukshallen/gymsalen kan brukast av både av skulen og andre, på dag- og kveldstid.

Det må lagast ein plan for parkering ved skulen for dei to alternativa, fleirbrukshall og stor gymsal.

Det er eit mål å spara dyrka mark ved ei utbygging på Gjerde.

Samla barnehage i Nordbygda (Vassloppa)
Studien må vurdera ulike framskrivingar av behovet for barnehageplassar.

Studien skal sjå kva som må gjerast for å redusera eventuelle ulemper med å samla fleire born i éin barnehage, slik at barnehagen kan gje eit fullgodt pedagogisk tilbod.

Standarden på vegen fram til barnehagen og trongen for parkeringsplassar må vurderast.

Billegare eller gratis SFO.
Her skal det reknast på ulike alternativ.

Ungdomsskulen på Tysse.
Her skal det særleg undersøkjast om det råd å flytta både personalet på kommunehuset (sentraladministrasjonen) og eininga for teknisk drift til ungdomsskulen. Kommunen vil då ikkje lenger leiga lokale på Frøland. Viss denne løysinga vert vald, må arealbehovet vurderast nøye. Det kan vera aktuelt å tenkja alternativ bruk for ein del av arealet.

* * *

Formannskapet skal fungera som styringsgruppe for moglegheitsstudien. Rådmannen må sørgja for at relevante interessepartar vert inviterte til å delta i møte i styringsgruppa og prosessar, t.d. i arbeidsgrupper, mellom møta. Dette gjeld m.a. verneombod og tillitsvalde.

Første møtet i styringsgruppa skal vera i januar 2020. Til dette møtet skal det inviterast representantar frå andre kommunar/organisasjonar til å fortelja om sine røynsler frå tilsvarande prosjekt med 1–10-skule og barnehage med nokolunde same storleiken som ein samanslegen barnehage i Samnanger vil ha.

Rådmannen skal, saman med kvalifisert ekstern rådgjevar, førebu møte, føra referat og følgja opp bestillingar frå møta.

Studien skal vera utført innan 1. juni 2020, og rapport skal presenterast for kommunestyret i siste møtet før sommaren 2020.

Det vert løyvd 250.000 kr til gjennomføring av moglegheitsstudien.

Behandling

Odd Arne Haga (Frp) sette fram følgjande endringsframlegg i forhold til formannskapet si tilråding:
"Punkt 2 i formannskapet si tilråding til kommunestyret i sak 096/2019 (Budsjett- og økonomiplan 2020-2023) vert lagt til i lista over kva moglegheitsstudien skal innehalda utgreiingar om. Punkt 2 i formannskapet si tilråding gjeld spørsmål om innføring av innføring av grense på 2 km mellom heim og skule for å få innvilga gratis skuleskyss".

I røystinga vart formannskapet si tilråding sett opp mot Odd Arne Haga sitt endringsframlegg. Framlegget til Odd Arne Haga vart samrøystes vedteke.

Vedtak

Formannskapet sitt framlegg til budsjett 2020 og økonomiplan 2020-2023 vert vedteke slik det liggføre med vedlegg Bevilgningsoversikt drift og investering (tidlegare budsjettskjema 1A, 2A) , hovudoversikt drift, hovudoversikt investering, netto driftsutgifter og detaljar investering, med følgjande endringar vedtekne av kommunestyret:

1. Kommunestyret vedtek å setja i gong ei utgreiing av høve til å oppretta faste vikarstillingar i dei kommunale einingane for barnehage, skule og pleie og omsorg.

2. Eigedomsskatten for bustader og fritidseigedomar vert sett til 2,8 promille, i tråd med rådmannen sitt opprinnelege framlegg. Botnfrådraget vert sett til 30 000 kroner.

3. Samnanger kommunestyre er glade for at kommunen no er medlem av Klimapartner, og at det gjennom dette medlemskapet også vil vera mogleg å leggja fram ein klimarekneskap frå 2020 av. Kommunestyret understrekar at klimarekneskapen også må følgjast opp med klimabudsjett i samband med budsjetthandsaminga av budsjett for 2021.

4. Administrasjonen legg fram sak om gratis skulemat på Samnanger ungdomsskule i første ordinære kommunestyremøte i 2020. Kostnadsramma for tiltaket er 100 000 kroner.

5. Uavhengig av framtidig løysing for plassering av kommuneadministrasjonen, vil kommunehuset på Tysse enno i lang tid fungera som eit offentleg bygg. Huset oppfyller ikkje krav til universell utforming, og administrasjonen blir difor pålagt å fremja ei sak i første halvår 2020 med framlegg til montering av heis eller tilsvarande slik at krav i lov om universell utforming blir stetta.

6. Me vil få ei redusert inntekt på ca 500 000 kroner knytta til Statnett 2 dommen. I forbindelse med digitaliseringsarbeidet saman med IKTNH vil me få auka kostnad på ca. 600 000 kroner. Det vert finansiert med følgjande innsparingar:

   • Barnehagen 100 000 kroner.

   • Skulane 300 000 kroner.

   • Pleie og omsorg 400 000 kroner.

   • Helse 100 000 kroner.

   • Samfunnsutvikling 200 000 kroner.

7. Nøkkeltal i økonomiplanperioden:

   • Korrigerte nettodriftsresultat i % av driftsinntekter, mål 1,75 %.

   • Lånegjeld skal ikkje overstige 240 000 000 kroner.

   • Disposisjonsfondet skal ligge på ca 15 000 000 kroner.

8. Det skal gjennomførast ei ekstern tilstandsvurdering av ungdomsskulen og kommunehuset. Kostnadsramme 30 000 kroner som skal finansierast av disposisjonsfondet.

Oversikt over endring som vart gjort av formannskapet 14.11.2019 (i formannskapssak 052/2019) i forhold til rådmannen sitt framlegg, og som ligg til grunn òg for kommunestyret sitt vedtak:

• Avsetnad til disposisjonsfondet vert redusert med 100 000 kroner.100 000 kroner vert sett av på berekraftfondet.

Det vert tatt opp eit lån på kr 14,5 millionar i 2020 til finansieringa av vatn og avløp. Lånet skal betalast ned over 40 år og ha eit avdragsfritt år.

Kommunen betaler i dag meir i avdrag på lån enn det som det er krav om. Utrekning viser at betaling av avdrag kan reduserast med 1 000 000 kroner kroner i 2020.

Bestilling av ny brannbil må gjerast i 2020, då det er eitt års leveringstid.

Eigedomskatt
I medhald av eigedomsskattelova (Esktl) §§ 2 og 3 skal fylgjande utskrivingsalternativ nyttast for skatteåret 2020: Det vert skrive ut eigedomsskatt på faste eigedomar i heile kommunen jf. § 3 bokstav a. Den generelle skattesatsen som skal gjelda for dei skattepliktige eigedomane vert sett til 7 promille. I medhald av esktl § 12 bokstav a vert satsane differensiert ved at den satsen som skal gjelda for bustader og fritidseigedomar vert sett til 2,8 promille.

For bustaddelen av eigedomen (gjeld og fritidseigedom) vert det gitt eit botnfrådrag på kr 30 000 av takstverdi. Botnfrådraget vert gitt for alle sjølvstendige bustaddelar. Botnfrådrag vert ikkje gitt når eigedomen vert nytta til næringsverksemd.

Det vert skrive ut eigedomsskatt på eit særskilt skattegrunnlag som følgje av at produksjonsutstyr og–installasjonar ikkje skal takast med i takstgrunnlaget når dei tidlegare verk og bruk skal takserast ogreknast som næringseigedom frå og med 2019, jf. overgangsreglane til esktl. §§ 3 og 4 første ledd. Det særskilte skattegrunnlaget skal i 2020 vere lik 5/7 av differansen mellom eigedomsskattegrunnlaget i 2018 og 2019 som er forårsaka av nye verdsettingsreglar og at produkjonssutstyr- og installasjonar ikkje skal reknast med i grunnlaget for verk og bruk som frå og med 2019 vert ansett som næringseigedom. Skattesatsen på det særskilte skattegrunnlaget skal være 7 promille.

I medhald av esktl. § 7 bokstav a vert det gitt fritak til stiftingar eller institusjonar somhar som formål å gagna kommunen, fylket eller staten. Unnateke er kommersielle stiftingar/institusjonar. Fritaket vil gjelda forsamlingshus, bedehus, turisthytter og liknande. Fritak kan ogvurderast på grunnlag av søknad.

I medhald av esktl. § 7 bokstav b vert det gitt fritak for bygningar som har historiskverdi med 100 prosent. Fritak kan og vurderast på grunnlag av søknad. Det er eit krav at bygget harbevart sin opphavlege arkitektoniske stil og at det ikkje vert brukt til forretningsverksemd.

I medhald av eigedomsskattelova § 7 bokstav c vert det gitt fritak for nybygde bustadeigedomar(gjeld ikkje fritidseigedomar) i 1 år, eller til kommunestyret endrar eller opphevar fritaket. Fritaketgjeld bygg der det vert starta bygging i 2019 eller seinare. Formannskapet får fullmakt til å avgjeraeinskildsaker om skattefritak.

Kommunestyret har vedtatt å bruka formuesgrunnlag frå skatteetaten for utskriving aveigedomsskatt på bustadhus, jf esktl. § 8C-1. Bustadhus og hytter utan formuesgrunnlag vert takserte. Det same gjeld næringsverksemd, tomtar mm. Ved taksering og utskriving av eigedomsskatt nyttar kommunen dei til ei kvar tid gjeldande skattevedtekter.

Eigedomsskatten skal betalast i 4. terminar.

Behandling

Innleiingsvis orienterte rådmann Charlotte Hageberg om framlegget til budsjett og økonomiplan.

Økonomisjef Nina Erdal orienterte om endringar i reglane for eigedomsskatt.

Shirin Kvernes Khadoor (Ap) sette fram følgjande framlegg:
"Kommunestyret vedtek å setja i gong ei utgreiing av høve til å oppretta faste vikarstillingar i dei kommunale einingane for barnehage, skule og pleie og omsorg."

Øyvind Strømmen (MDG) sette fram følgjande framlegg:
"Endringsframlegg:

• Eigedomsskatten for bustader og fritidseigedomar vert sett til 2,8 promille, i tråd med rådmannen sitt opprinnelege framlegg. Botnfrådraget vert sett til 30.000.

• Det vert sett av 200.000 til berekraftfondet, ei auke på 100.000 samanlikna med formannsskapet sitt vedtak. Avsetning til disposisjonsfondet vert redusert tilsvarande.

Tilleggspunkt i form av verbalpunkt:

1. Samnanger kommunestyre er glade for at kommunen no er medlem av Klimapartner, og at det gjennom dette medlemskapet også vil vera mogleg å leggja fram ein klimarekneskap frå 2020 av. Kommunestyret understrekar at klimarekneskapen også må følgjast opp med klimabudsjett i samband med budsjetthandsaminga av budsjett for 2021.

2. Samnanger kommunestyre ber om at kostnader og praktiske sider ved innføring av ei skulematordning vert utgreia, inkludert alternativ der ei slik ordning berre vert innført på nokre trinn (til dømes på ungdomsskulen) eller berre enkelte dagar.

Kommunestyret ser i denne samanheng på det som naturleg å gå i dialog med daglegvarehandelen i Samnanger, med tanke på levering av mat som er i ferd med å gå ut på dato, og at dette både kan redusera kostnadene i ei skulematordning, og bidra til eit redusert matsvinn.Kommunestyret ber om at dette seinast vert gjort i samband med handsaminga av budsjettet for 2021."

Brigt Olav Gåsdal (Ap) sette fram følgjande framlegg:
"Uavhengig av framtidig løysing for plassering av kommuneadministrasjonen, vil kommunehuset på Tysse enno i lang tid fungera som eit off bygg.

Huset oppfyller ikkje krav til universell utforming, og administrasjonen blir difor pålagt å fremja ei sak i første halvår 2020 med framlegg til montering av heis eller tilsvarande slik at krav i lov om universell utforming blir stetta."

Brigt Olav Gåsdal fekk permisjon frå kl. 16.00, og Harald Boge (Ap) gjekk inn som varamedlem for han under resten av handsaminga av saka.

Øyvind Røen (Sp) bad om gruppemøte.

Etter gruppemøtet sette Knut Harald Frøland fram følgjande framlegg:

"Finansiering auka utgifter/reduserte inntekter:
Me vil få ei redusert inntekt på ca 500 000,- knytta til Statnett 2 dommen. I forbindelse med digitaliseringsarbeidet saman med IKTNH vil me få auka kostnad på ca 600 000,-. Det vert finansiert med følgjande innsparingar:

• Barnehagen 100 000,-

• Skulane 300 000,-

• Pleie og omsorg 400 000,-

• Helse 100 000,-

• Samfunnsutvikling 200 000,-

Nøkkeltal i økonomiplanperioden:
Korrigerte nettodriftsresultat i % av driftsinntekter, mål 1,75 %
Lånegjeld skal ikkje overstige 240 000 000,-
Disposisjonsfondet skal ligge på ca 15 000 000,-"

Øyvind Røen (Sp) sette fram følgjande framlegg:
"Administrasjonen legg fram sak om gratis skulemat på Samnanger ungdomsskule i første ordinære kommunestyremøte i 2020. Kostnadsramma for tiltaket er 100.000 kroner."

Odd Arne Haga (Frp) sette fram følgjande framlegg:
"Det skal gjennomføres en ekstern tilstandsvurdering av ungdomsskolen og Kommunehuset. Kostnadsramme kr 30 000,- som finansieres av disposisjonsfondet."


Røysting:
Det vart først røysta over framlegga som var sett fram i møtet:

1. Røysting over framlegg få Shirin Kvernes Khadoor om faste vikarstillingar
Framlegget vart samrøystes vedteke.

2. Røysting over framlegg frå Øyvind Strømmen om eigedomsskatt
Framlegget vart vedteke med 20 mot 1 røyst. Jon Magne Bogevik (Ap) røysta imot.

3. Røysting over framlegg frå Øyvind Strømmen om auka avsetting til berekraftfondet
7 medlemmer røysta for framlegget og 14 røysta imot.

4. Røysting over framlegg frå Øyvind Strømmen om verbalpunkt om Klimapartner
Framlegget vart samrøystes vedteke.

5. Røysting over framlegg om gratis skulemat
Framlegget til Øyvind Strømmen vart sett opp mot framlegget til Øyvind Røen. Framlegget til Øyvind Røen fekk 14 røyster og vart vedteke. Framlegget til Øyvind Strømmen fekk 7 røyster.

6. Røysting over framlegg frå Brigt Olav Gåsdal om sak om heis eller tilsvarande på kommunehuset
Framlegget vart vedteke med 13 mot 8 røyster.

7. Røysting over framlegg frå Knut Harald Frøland om finansiering auka utgifter/reduserte inntekterFramlegget vart vedteke med 20 mot 1 røyst. Jon Magne Bogevik røysta imot.
Framlegget vart samrøystes vedteke.
9. Røysting over framlegg frå Odd Arne Haga om tilstandsvurdering ungdomsskulen og kommunehuset
Framlegget vart vedteke med 13 mot 8 røyster.

Det vart til slutt røysta over heile budsjett-/økonomiplanframlegget frå formannskapet, med tilleggspunkta som var vedtekne av kommunestyret. Dette vart vedteke med 20 mot 1 røyst. Jon Magne Bogevik røysta imot.

(Merknad til vedtaksteksten i sak 096/2019: I det første avsnittet i vedtaksteksten er det gjort ei endring i forhold til teksten i formannskapet si tilråding. I formannskapet si tilråding vart omgrepet "budsjettskjema 1A, 2A" brukt. Som følgje av reglar i forskrift til den nye kommunelova m.fl. (Forskrift om økonomiplan, årsbudsjett m.m - FOR-2019-06-07-714) skal omgrepet "bevilgningsoversikt drift og investering" brukast frå og med budsjettåret 2020 (jf. §§ 5-4 og 5-5 i forskrifta), i staden for "budsjettskjema 1A, 2A". Omgrepet "budsjettskjema 1A, 2A" er brukt i den gamle forskrifta som gjeld til og med budsjettåret 2019.)